小曼谷泰國美食 (教育路) (已結業)

元朗都真係好多好多餐廳 咩類型既都會有而呢次就揀左食泰菜 有時唔知點解會心掛掛好想食泰菜重點推介一下一人晚餐 性價比都幾高 有主食有野飲 重可以加配小食泰式鮮蝦炒金邊粉呢個真係必點之一 因為我鐘意食甜甜地帶微酸既炒金邊粉 份量都幾大碟 真係一人晚餐嗎(?)唔少得既重有蝦同 豆乾而櫻花蝦提升埋果香氣 好食好食泰式黃咖哩雞排飯泰國菜唔少得咖哩 我地重叫左份泰式原味烤薄餅 牛油味超香濃 再加埋咖哩一齊食 開心喎成件事超飽肚!!! 而雞排係預先會煎過既 外皮金香泰式咸魚炒椰菜苗對上一次去另一間泰菜餐廳食佢話賣晒 搞到我今次一坐低 就即刻qr code落單點左呢個餸 好惹味 而且份量都幾多 爽口鮮嫩 有咸香味加配小食炸蝦餅Total有兩舊 再一開二 配埋甜酸醬 好食飲品方面係套餐包埋點左一杯龍眼冰同熱龍眼茶都好足料 好多龍眼 甜度適中總結我地黎既呢日係平日既6點幾一直食都keep住有食客入黎而元朗咁多餐廳咁大競爭下 佢都係平日坐爆場 可想而知 係好食

👩🏻‍🍳小曼谷🧑🏻‍🍳👣值得科勞指數：🏃🏻‍♂️🏃🏻🏃🏻‍♀️收工落元朗搵朋友，諗唔到食乜，經過嘉城見到對面有間泰國野喔，就試下佢啦～試了幾道泰國特色美食，包括生菜包、泰式生蝦、串燒、泰式臘腸、泰北燒牛肉和芒果沙冰。🍽️生菜包用生菜包裹著豬肉、花生和香菜，搭配醬汁一起食用。整道菜的口感非常清爽，生菜的脆度和豬肉的鮮美相互輝映，醬汁則帶有微辣的味道，非常開胃。🍽️ 泰式生蝦新鮮的生蝦配上泰式醬汁和香草。生蝦肉質鮮嫩，泰式醬汁略帶酸辣的味道能夠帶出海鮮的鮮味，讓人垂涎欲滴。🍽️串燒。豬、牛、雞、雞腎和泰式臘腸串燒的肉質都非常嫩，充滿了炭烤的香氣和味道。尤其是泰式臘腸，口感嚼勁十足，搭配醬汁更是美味無比。🍽️ 泰北燒牛肉老闆話係元朗店限定架，梗係試吓啦。泰北燒牛肉是以特殊的醬汁醃製過的牛肉，經過炭火烤制後，口感鮮美，香氣撲鼻。🍽️ 芒果沙冰：以新鮮芒果為主角，加上冰沙和椰漿，口感清爽，非常適合消暑解渴。📍地點：牛頭角立成大厦#小曼谷 #元朗美食 ＃香港探店 #元朗探店 #香港必食餐廳 #串燒

食物一般，自助落單仲要收加一係咩玩法？唯一好食少少嘅係蒜蓉包，起碼夠哂熱，其餘點左嘅串燒，咖哩蟹同九龍城點相比，係有少少差。建議餐廳考慮取消自助落單。謝謝🙏。

因為真係太難食，今次係第一次留言平時啲餐幾難食都好，都會有一兩分但今次真係1分都比唔落，呢個餐叫「海南雞飯」.睇相見到，啲雞就係咁少，仲要唔滑問咗侍應，餐廳係唔會供應雞背同雞翼，因為佢哋唔想拆骨，所以（原來）只供應雞胸同雞髀.而雞髀係要特別叫及加$10先會有，所以只要你嗌「海南雞飯」就必定是雞胸.但餐牌上冇寫明，如果係咁，呢個餐應該叫「雞胸飯」。.所以，食燒味飯嘅斬雞（$2x)都一定靚過呢間野既「海南雞飯」（$60)

呢間泰國小曼谷已經重刷過好多次🌸因為真係抵食又好味❤️‍🔥泰皇咖喱法包軟殼蟹 $198軟殼蟹熱辣辣上台夠鬆脆 唔會太硬咖喱汁金黃色味道濃郁好creamy 配料有青紅椒🫑🧄洋蔥同埋西芹🧅食落好爽口加埋泰式咖喱🍛夠開胃 唔怕膩🍛🍛醬汁偏甜 岩晒唔食得辣嘅我💖仲有麵包🍞底 麵包好軟熟 點咖喱醬食一流 🍞 小曼谷炒飯 $108好足料蛋包飯 🥰有蟹柳，扎肉，豬頸肉，蝦🦐黃薑炒飯令到飯底更加香🌸d飯炒到粒粒挺身 💖啖啖足料 牛肉沙嗲串燒 $22 豬肉沙嗲串燒 $22串燒表層超級焦脆，肉質鮮嫰多汁 唔會太乾再點埋花生沙嗲醬🥰

今日突然想食泰國菜，諗住試下， 我叫咗個海南雞飯， 我從來未食過咁鞋嘅雞， 我唔知點解佢地仲可以放上枱畀顧客食？ 冇配菜， 完全唔係海南雞飯囉！ 雞得幾件！ 好彩冇試佢地其他串燒呀咖哩姐， 唔係就中曬伏喇！真係好失望囉，仲話係正宗嘅泰國菜! 連最基本嘅海南雞都可以做到咁差嘅

咖哩青口青口好大隻，大啖肉。咖哩一如正宗泰國咖哩，味道濃郁又不油膩，點配蒜蓉包，簡直是絶配。咖哩汁可配搭不同食物，是必點之選。生菜包生菜好靚，沒有缺損，清甜。包肉碎來吃，肉汁鮮嫩，微辣很開胃。最喜歡他的洋蔥絲，爽口甜味，回味無窮。菠蘿炒飯味酸甜開胃，黃薑令炒飯更加香溢，又有益。菠蘿汁嘅甜味很鮮，是用新鮮菠蘿炒的。個人最鐘意他肉鬆夠多。通菜想食好味的野，但又想健康，當然要選炒通菜。味道美味又爽口。炒出來很翠綠，加上小小辣椒，更加惹味。

呢日去左元朗朋友仔屋企聚會幾個朋友去搵餐廳食晚飯 我地揀左呢間人氣泰國餐廳食晚餐餐廳廚房部係泰國人主理 裝修碗碟以黃色為主/🔸 冬蔭公湯 （$138）（2-3人份量）冬蔭公湯份量十足 一煲可以分到大約6碗湯湯料有兩隻原隻大虎蝦 超足料 蝦肉肉質彈牙我哋揀咗少辣 湯嘅香茅味好出飲落有輕微酸辣度 好醒胃😋/🔸 泰式燒羊架（兩件）（$128）羊架入口好juicy又惹味 燒得焦香又脆邊的確有係泰國街頭食串燒既感覺/🔸 泰式鐵板蠔餅 （$128）嘩 用鐵板盛載 熱辣辣炸炸聲咁送上枱 蠔餅超大碟 又勁香 夾有粒粒蠔仔餅底炸到勁酥脆 一夾落去係咯咯聲架蛋味很香濃 入面有蔥花及紅椒粒沾上泰式甜辣醬食 更惹味啊🤤/🔸 風味燒豬頸肉（$118）豬頸肉份量好多 有十塊大塊厚切片 燒得剛剛熟透 唔會太韌或太乾沾上醬汁酸酸甜甜的 食落有點香蒜味 /🔸 小曼谷炒米粉（$108）配料有蝦 雞蛋 菜等 炒米粉好大碟食落有濃濃咖喱香味 米粉炒得乾身又有鑊氣 /🍸 菠蘿沙冰（$42）🍸 芒果沙冰（$42）兩杯飲品都有新鮮水果味 唔會太甜 好味

同朋友👷🏻‍♀️一齊喺元朗，要食午餐，路過呢度，原來呢間泰國🇹🇭餐廳🍽️喺元朗都有分店，咁都唔考慮啦，就決定入去開餐😆我哋諗住 share 嚟食，仲諗住食得豐富啲🤣呢度有多款「午餐」可以選擇，仲有「星級午餐」，應該係較為豐富啲🤩，咁啱晒啦🤣，咁我哋揀咗 $129「泰皇🇹🇭咖喱炒蝦🦐(兩隻）配 飯/蒜蓉包(3件）/薄餅(2塊)」：咖喱汁金黃色，厚身，味道濃郁，仲好似落咗雞蛋一齊煮😋；炒蝦🦐沾滿咖喱汁，又係味道濃郁😆；仲有脆脆哋幾香口嘅薄餅，又係要嚟沾咖喱汁，食得暢快🤩$98「泰式🇹🇭馬拉盞炒椰菜苗🥬」：椰菜苗🥬顏色翠綠，非常爽脆😋；馬拉盞裏邊有好多小蝦米🍤，非常惹味🤩$168「牛油蒜蓉燒蟶子(三隻）」：蟶子新鮮，肉質鮮甜，加埋牛油、蒜蓉、魚乾仔、香蔥、辣椒汁，食到舔舔脷😋「星級午餐」仲包飲品，要咗杯「熱咖啡 ☕️」食得非常暢快嘅一餐🤩

放完長假個人懶懶地🫣唔想係屋企煮🙈就選擇係元朗近近地，食好西---小曼谷😂九龍城既小曼谷之前已經食過👍係好食既，好多朋友約食飯都會提議小曼谷👏咁今次就try try元朗既水準有無九龍城咁正啦😌兩個人，叫左👇🍴泰北燒牛肉   $98聽店鋪與員工介紹，呢個牛肉係元朗店限定新推出既菜式😋所以叫黎try try。食完都無失望👍係幾好食，好稔，好juicy🤤加上個酸辣汁，真係多多都食得曬🤩 🍴泰皇咖喱法包軟殼蟹   $198呢個軟殼蟹係朋友仔order，因爲佢好中意食咖喱😂而我本身對咖喱未去到好喜愛🫣所以唔會抱好大期望。然而結果係我最意想不到既😆😆不！得！了🤩🤩🤩好中意食，我相信下次再去小曼谷，我都會再食呢個👍叫左呢款菜，記得可以唔洗再order飯、麵、粉之類。因爲個包真係超飽😂😂食得曬先好叫，唔好浪費食物嘛👍講返個軟殼蟹先，好脆，唔係食緊粉，係啖啖肉，好正👏加上個麵包開左個大窿，裝左滿滿既黃咖喱醬(甜身)😍絕對足夠🥳我本身唔知食埋個包🤣係朋友講+切開，我先知。麵包偏軟熟，所以好吸醬，好有口感，好中意食，好推薦你地去食呢個👍👍 🍴泰式馬拉盞炒椰菜苗   $98我去親食泰國菜，都必叫既菜🥳呢度比較

好久好久以前，在九龍城已經經常會吃「小曼谷」。一直以來我也覺得他們的串燒是最好吃的！所以作為一個元朗人，元朗的「小曼谷」也已經成為我一個小飯堂今天我又心癢來吃串燒，很貪心地叫了一個拼盤，水準完全沒變⋯！特別喜愛他們的燒雞翼和泰式香腸，惹味得真的讓人上癮！店主同時推介了泰北燒牛肉嫩牛肉以炭火輕輕烤熟， 沾上別具風味的醬汁，看來又會成為一道令我不停回味的菜式。另外還選了泰式鮮蝦炒金邊粉和鐵板豬頸肉啫椰菜苗。這兩味菜少一點火喉也不會好吃，但我們兩個人5分鐘就把他們吃光了實在太讚，一解我暫時未能去泰國的遺憾！

之前堂食都好地地😞味道都正常嘅但係今次買外賣就好失望串燒麻麻地沙爹醬就冇味添😞仲有個炒金邊粉都係冇乜味要自己落醬先得。。。唔知係咪換咗廚師呢？總之就應該唔會再食了😞

❤️雞肉沙嗲串燒$22一串啖啖肉，雞肉燒得好香，加埋沙嗲汁好好食😋❤️青咖喱海鮮（少辣）$118因為都怕太辣，所以叫咗小辣。小辣都真係有少少辣，非常之開胃👍🏽佢嘅青咖喱做得非常之出色，好香👍🏽海鮮都唔少，有兩隻青口，蝦仁、魷魚等等❤️鮮芒海鮮炒飯$108呢個海鮮炒飯都有唔少海鮮，加埋肉鬆非常之夾同好食🤤啲芒果好新鮮好清甜，勁好食😆😆再叫埋兩個椰青就完美😋😋❤️$49@110%服務費

初嘗元朗教育路小曼谷泰國餐廳，這間餐外貌好有泰國風貌，店內的廚師應該是泰國人，所以啲菜式味道與泰國吃的没有分別。今次我叫了的菜式有 📍泰式燒羊架 📍冬蔭公湯 📍小曼谷炒米粉 📍泰式鐡板蠔餅 📍風味燒豬頸肉 📍棷皇沙冰泰式燒羊架羊架的溫度很適中，味道好有羊酥味，點埋秘製醬汁絕配😋冬蔭公湯上枱時已經有火煲滾住，這個湯不會太辣或者太酸很好喝😋小曼谷炒米粉米粉我覺得味道淡了少少，但啲蝦好大隻，份糧都好多😋泰式鐵板蠔餅買相好靚，剛炸好就即刻上枱，啲蠔好大隻，不會太多面粉醬很好吃😋風味豬頸肉肉質好淋，好大塊，有燒味嘅未道很好吃😋椰皇沙冰很有棷汁味，超好飲😋

心癢癢想食泰國菜唔一定要走入九龍城，原來元朗都有*小曼谷*😮。🍢串燒拼盤串燒拼盤有六款串燒。分別有豬肉、牛肉、雞肉、雞腎、雞全翼、泰式臘腸。最愛泰式臘腸，臘腸燒得焦香惹味，口感一流，忍唔住encore咗兩次添😋。🥢菠蘿海鮮炒飯份量十足。海鮮有帶子、蝦肉、魷魚、菠蘿、提子干、肉鬆。炒飯粒粒分明，整體味道不錯👍🏿。🥢泰式鮮蝦炒金邊粉金邊粉炒得夠乾身，酸酸甜甜好岩口味😛。拌勻花生碎更添滋味。