小曼谷泰國美食站

營業中

休息中

🔹$228 明爐蒸烏頭（一般平時嘅烏頭魚係味道鹹鹹酸酸，而呢一款就再多咗少少酸酸甜甜嘅感覺中和個鹹味，食落好開胃唔會太鹹）🔸$188 冬陰功湯（正宗冬陰功湯味道，唔錯！）🔹$128 泰式生蝦刺身（整體蝦肉都係好新鮮，加埋個泰式生蝦醬一齊食😋）🔸$102 鐵板豬頸肉者椰菜苗（椰菜苗配豬頸肉咁吵又幾香口喎，第一次試）🔹$98 泰式鮮蝦炒金邊粉（味道中規中矩，整體味道都幾好）🔸$186 泰式拼盤(份量好多，我食唔晒打包左)🔹$43 椰青（呢個椰青真係好正，佢連啲椰青肉都好鮮甜望落白雪雪就知佢好新鮮！我一個飲完唔夠喉再點多一個🤩)

好耐都無約朋友出街食飯，今晚就決定去銅鑼灣食個泰國菜啤啤。朋友銅鑼灣返工，而我又早啲收工，所以我就約咗呢一間銅鑼灣地鐵站附近嘅餐廳，諗住近佢，又方便我哋食飽返屋企。餐廳裝修企理新淨，我入去坐低之後，同朋友講話餐廳門口有個好大嘅火車頭，佢一嚟到就好快搵到地點👍🏻。成個餐廳嘅裝修都幾有特色，幾舒服幾有泰國嘅relax感覺。兩個男人食飯最緊要啲嘢大碟，而且要夾啤酒🍺。見到隔離枱個咖喱好大碟我哋就跟住叫咗碟泰皇咖喱炒大蜆$168，跟住就叫埋蒜蓉包同原味薄餅黎搭配咖喱，最後再叫多個泰式鮮蝦金邊粉$98。咖喱炒大蜆一送到上海果然冇令我哋失望係非常大碟，咖喱食落非常濃郁，而且裏面有洋蔥三色椒等等，濃得黎又唔會好膩，無論點蒜蓉包定係原味薄餅都好夾。蒜蓉包牛油香氣濃郁，原味薄餅非常酥脆如果你要我兩者揀一個，我都真係揀唔到，不過小朋友才做選擇，大人兩個都要😁，下次再嚟我都係會兩個嗌晒。個金邊粉就相對清淡d，唔係話佢無味，而係佢唔係嗰種好甜好油嘅金邊粉，係比較健康版本，好味得黎幾健康，配搭濃味嘅咖喱一齊order就剛剛好，味道幾balance。而且呢個金邊粉幾乎係三人份量，幾抵食，蝦肉都新鮮爽口

以火車頭為主既泰國餐廳，間中仲有live band，想食thai可以去懲罰下佢地🍽沙嗲串燒 (4.5/5) 💰各24雞牛豬串燒各一串就唔洗心大心細諗食咩好啦整體燒得岩岩好，外脆有少少焦香，但內裡仍然多汁最推薦豬肉，當日燒得最靚仔沙嗲醬好香濃花生味，同串燒好夾🍽明爐香檸汁蒸烏頭 (4.5/5) 💰228魚身已經劏開咗，泰式湯汁完全入味，酸酸辣辣非常惹味魚肉嫩滑juicy，魚骨都唔算多，兩個人食份量都真係有啲啲太多添🍽香芒蟹肉炒飯 (4/5) 💰98香口，有鑊氣，飯粒粒粒分明，炒得幾乾爽肉鬆偏咸配上芒果成個感覺清新唔少，而且啲芒果仲多汁夠甜冇渣添🍽椰青波波 (4.2/5) 💰53其實就係幫你起埋肉既椰青見到label 寫住made in Thai，飲得都放心啲啦100%純椰青，不過香港黎講好似貴咗啲啲咁....

很懷念以往每個月去泰國玩的日子，疫情好像舒緩，泰國有宣布短時間內會開關，希望好快可以舊地重遊。未去到泰國前今日就去銅鑼灣小曼谷泰國美食站食吓泰國菜，她坐落於銅鑼灣Tower 535 B2. 喺呢個商場嘅食物質素都唔差，一入到去真係好有泰國feel，仲有個小舞台應該係俾人live Band玩音樂。講返食物，今日叫了泰國生蝦，生蝦好甜，生赫最緊要講個汁酸辣非常balance好好味，在嗌了燒鱸魚豬頸肉炒椰菜苗泰式拼盤炒金邊粉，當然唔可以少咗冬陰功湯。每樣食物都好有泰國feel，一個字講晒好味。

我好鍾意食海鮮，個餐牌咁多海鮮好想樣樣叫啲，叫左個燒BBQ海鮮，扇貝加聖子，加埋有特價！兩款都有啲蒜蓉粒同脆口嘅乾魚仔放上面，我就鐘意佢脆卜卜，口感豐富。不過覺得扇貝同聖子燒得乾左少少。咖哩蜆真係超大碗！係好大碗。咖哩唔辣，味道少少甜，咖哩味仲都好重，賣相都好吸引，好推介！蜆都大隻，大致上都洗得乾淨，食到停唔到口，如果再多啲蜆就好啦煎薄餅，夾埋咖哩汁食，好夾！個汁唔會太稀或太杰，點哂啲汁一齊食。煎餅就煎得還可以，叫左2碟，一碟冧左少少，一碟煎很有水準。試埋佢個芝士薄餅，都好好食，就咁食都好滿足哎呀食左好多餅好怕肥呀，唔理啦，真係好味呀嘛春卷餡野菜為主，炸得都還可以，如果多啲唔同餡會好啲泰式餐廳梗係叫番個椰青，解喝，唔錯整體好好食，環境同服務態度幾好，值得試下

叫左鮮蝦炒金邊粉，嚟到已經知賴野，冇乜色嘅，心中默默祈求佢只係冇樣希望佢有味啦……結果同個樣一樣係冇味，料偏少，豆腐乾都係得3條，仍然冇味，然後試下隻鮮蝦啦，個樣正常，點知一樣係冇味，冇蝦味冇調味，可以話係我係香港食過最失望嘅炒金邊粉海鮮炒米粉係餐廳推介，就正正常常啦，呢個又少少偏咸沙嗲串燒豬鞋鞋地，串燒雞就正常發揮全餐最好係個椰青！環境又唔係話差嘅，逼啲囉咁嘅價錢，咁嘅野食，有好多同類餐廳選擇好食過佢好多，一句：唔會推薦囉

天氣熱到咁上下 又要去一轉泰國一解相思之苦🇹🇭今日去左一間收收埋埋既泰式食肆🤔雖然佢係旺區 不過都要落到地庫先見到佢既存在😶‍🌫️門口放左一架蒸氣火車既車頭🚂用黎影相都唔錯店內既設計都幾有泰國既感覺 仲有個小小live位唔知係咪假日既時候會有人唱下歌仔咁呢🎤雖然我地當晚就冇live music不過成晚都聽到佢播緊d泰文歌💃🏼🕺🏼係邊度都冇得去既情況下 我覺得已經好安慰🥲-🔸鹹蛋黃金炸雞全翼 一上枱 第一個反應係 洗唔洗咁大份呀😲😲😲睇佢餐牌d野價錢唔算好平 但上枱見到咁大份之後🤔就覺得佢貴少少係合理😂 雞全翼好似都有3大隻 鹹蛋黃鋪滿雞翼🐔鹹蛋黃碎直頭多到可以用黎送飯🍚雞翼脆口 炒左既鹹蛋黃亦都非常香🤤會有種食唔停口既感覺🤭-🔸風味燒豬頸肉 兩大塊燒得好靚好薄身既豬頸肉🐷好淋身 呢個送飯食會好d😆因為本身豬頸肉食得多都會比較”漏”😅個人就唔太喜歡食醬 中意就咁食多d🤔不過亦都試過個醬係酸酸地咁 係可以中和到個膩感😆-🔸黃咖喱雞肉 + 泰式芝士烤酥餅 咖喱我地揀左唔辣既一款 咖喱有香味 唔係得d色🥘椰醬既比例唔會太重而冇左咖喱本身既味道👍🏼配料亦都幾多 雞肉選用左雞件唔係雞柳🐔配上食咖喱一

個商場入口比較特別，比較細，又喺條街盡頭，不過都算好易搵。落到地庫全部都係食肆。商場廁所，香水味好重，冷氣好夠冷，裝修好新淨，幾好！一入到去，侍應殷勤，全部都係電子落單，俾個QR code 你，自己scan，落單方便快捷10分鐘後就上第一道餸。叫咗3 個餸 ➕1飲料。凍泰式奶茶🥤 ： 個杯比較特別，有扭文，冇得走甜。正常泰國奶茶味。青咖喱牛腩： 咖喱BB辣，冇乜什麼驚喜。普通青咖喱味。要自己另外加白飯， ➕$19最有驚喜係：豬頸肉🐷炒通菜： 一上嚟嘅時候咋渣聲，又聞到啲蝦膏醬好香，好有視覺、嗅覺、聽覺享受！隔離枱都忍唔住望過來，睇下係什麼菜。燒牛仔骨$88 得3件： 價錢係偏貴，不過嚟到就試下。牛仔骨咬落去爽甜，有肉汁，冇燒到乾爭爭，配埋秘製醬，錦上添花！

以往嘅夏天，我應該係泰國享受陽光與海灘，疫情都已經兩年了，都唔知幾時先可以穩定可以去旅行，唯有喺香港食返個泰國菜止止癮😎。。黎到銅鑼灣Tower 535既小曼谷，第一眼就俾佢嘅火車頭吸引🤩，非常之有特色，絕對係打卡嘅首選。而入邊嘅裝修亦都好寬敞，好有空間感同華麗。👍🏻。馬拉盞炒通菜味道非常正宗，辣辣地非常開胃，風味十足，不過略嫌有少少咸，如果拎黎送飯岩岩好👍🏻。生菜包炒豬肉今早洋蔥肉碎同埋一啲香葉炒成，用生菜包住食，勁好食😚😚，味道都尚算幾辣，啱晒鍾意食辣嘅我哋😍，分量十足👍🏻。海南雞啲雞好嫩滑，非常肥美，再加上地道風味嘅醬汁，酸酸甜甜辣辣，無論口感定係味道都一流😆。。咖哩牛腩黎到食泰國菜當然要食個咖喱🤣，青咖喱略有一點點辣，再加上入面嘅材料，簡直冇得頂👍🏻，尤其是泰國茄子，咬落非常之軟淋😋。葉牛腩亦都非常之出色，煮得非常之軟嫩，而且份量好足😚。。薄餅叫得咖哩點可以唔叫埋薄餅，咖喱配薄餅，吾洗多講，簡直係完美嘅配搭😎。。小食拼盤有四款小食，有蝦餅、魚餅、春卷同豆腐卜，當中我最鍾意春卷，入面嘅餡料好Fresh👅，就咁食都已經不錯，在點上佢嘅醬汁，味道更想一層樓😝。。泰式鮮蝦炒金邊粉金邊粉

𝐎𝐯𝐞𝐫𝐚𝐥𝐥⁣座位寬敞 playlist很chill 氣氛不錯呢⁣選擇繁多 價錢合理 味道賣相均有中上水準⁣而且食物份量很慷慨 適合聚餐share! (但疫情期間要小心😷)⁣—————————————————⁣⁣🥘黃咖喱豬頸肉$98⁣咖喱夾帶椰香和少許的辣度 很適合不吃辣的朋友⁣但是嗜辣如我會覺得稍欠層次⁣豬頸肉肥瘦適中 非常香口 份量絕不吝嗇⁣⁣🍢珍寶燒帶子$49⁣帶子屬於厚切 有炭烤的香味⁣未算肥美 但鮮甜可口⁣⁣🥬馬拉盞炒通菜$89⁣太菜不敗之選 惹味的馬拉盞配上新鮮通菜⁣加上火候適中 配飯一流⁣⁣🥭芒果糯米飯$88⁣芒果鮮甜 糯米飯溫度與質感亦有中上水準⁣雖然有點過分黏口 但軟糯感不錯 椰汁稍許偏甜⁣⁣🥥椰皇沙冰$37⁣超濃郁的椰香味 沙冰配上椰漿還有粒粒椰子肉 口感層次很豐富！

上星期，帶屋企人食泰菜🥰，記得以前諗起泰菜，就要去九龍城小曼谷食🙈，依家小曼谷銅鑼灣都有得食啦😍，點算啦，好掛住泰國呀，餐廳裝修好特別，門口有架火車，好靚，有好泰國feel。我地叫左青咖哩牛腩，青咖哩味正宗，吾會太辣，而且牛腩好淋，好好味，仲有好多泰式茄子🍆配菜勁鐘意，我地仲叫左招牌薄餅🥰.點咖哩汁食不可缺少呀🙈。叫左生菜包肉碎，辣辣地，多洋蔥，好開胃，配生菜包住食，正呀✅，好好味丫，我地仲叫左小食拼盤，炸得香口又足料，蝦餅仲好彈牙👍🏻，略嫌個汁吾夠辣吾夠酸🙈。海南雞，肉質好滑口，但又係個汁味道可再重口味啲，個馬拉盞通菜，好野味，辣辣地，啲菜好綠好新鮮，最後我哋仲叫咗鮮蝦Pad thai✅，份量好多 好有鑊氣 💖蝦都大大隻🙈，食到好飽🥰。

點樣食推介✨💛五一黃金周懲罰祭💛⭐️良心泰國菜⭐️⭐️銅鑼灣黃店⭐️小曼谷泰國美食站地址: 謝斐道535號Tower 535地庫B02舖🍖泰式炸蝦餅(3件) $82 (7/10)我覺得間間泰國餐廳d蝦餅來貨都係一樣😂全部一樣味一樣樣嘅🤣🍖青咖喱豬頸肉 $98 (7.5/10)裏面有勁多料🤤咖喱微辣，辣度啱啱好，入面d豬頸肉有預先煎過幾香口，送飯一流！🍖豬肉碎生菜包 $92 (8/10)係我最愛嘅生菜包🥰極多豬肉碎，d生菜食完都仲有豬肉碎淨🤣 略嫌味道未夠重口😝酸度就好夠，但如果可以再甜d鹹d香料味重d就好😝😝🍖沙嗲豬串燒 $24 (8/10)熱辣辣脆口嘅豬加埋d沙嗲醬又點會唔好食😝咬落勁爽口，早知嗌多幾串🍖沙嗲雞串燒 $24 (7.5/10)我鍾意食豬嗰串多d🤭 雞本身少d油脂，依點輸左少少話說食完之後，男朋友同我都有少少微瀉😂可能店舖裏面d衛生程度需要改善下，我食九龍城分店係冇依個情況發生架🙈不過依間cwb分店都有九龍城8成好味🙈回頭指數: 🍧🍧🍧 🍧(滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

呢間餐廳好特別～好少見商場既餐廳裡面有live band不過今日early dinner 就未開始海南雞飯～雞做得好滑～汁都好惹味有少少失望就係唔係香茅飯係白飯青咖喱海鮮～～有大蝦🍤青口魷魚咖喱汁好重椰香味最鍾意裡面有泰式茄子仔～豬頸肉馬拉盞炒芥蘭～豬頸肉好香口份量都幾多不過響晒個底勁多蒜同蝦米，好香口芒果沙冰～～好重芒果味～唔係假果d糖精味椰汁冰～本身以為係沙冰，點知黎到先發覺諗錯左不過佢有得簡走甜真係好貼心

呀仔話想睇新📚書, 所以今晚放工後去左樓上書店買書然後到附近晚飯, 揀左呢間評價好好同可以網上訂位既小曼谷泰國美食站。原來Tower 535地庫有幾間餐廳, 當中最受歡迎的是段純貞牛肉麵, 好多人排隊。我地點左泰皇咖喱炒大蜆, 香芒蟹肉炒飯, 泰式蒜茸包同店員推介既椰皇沙冰。泰皇咖喱炒大蜆 - 食親泰國菜必點菜色, 加入左蛋液同椰汁既黃咖喱, 味道香濃順滑, 非常惹味, 最重要就是佢係一款泰國菜少有唔辣既咖喱。上菜既時候真係比佢既SIZE嚇左一跳, 咖喱汁多到好似黎左個咖喱湯咁, 份量多到連我嗰位食咩都要撈汁既老公都食唔曬。不過可惜, 廚師落左不少我唔鍾意既薑絲係個咖喱汁入面, 第一次食咖喱食到咁多薑。泰式蒜茸包 - 推介, 最遲先上枱既蒜茸包, 絕對是即叫即焗, 烤得金黃酥脆, 蒜香味十足, 和泰式咖喱是絕配 。我每食一啖都嘩一聲，真係好好味，老公都話我誇張。香芒蟹肉炒飯 - 唔係好食到蟹肉既味道, 不過芒果非常香甜, 有誠意。椰皇沙冰 - 本來諗住嗌芒果沙冰，最後轉嗌呢個由店員推介話係用新鮮🥥椰子打成既椰皇沙冰，果然無介紹錯，非常清甜足料, 食到椰子肉粒粒。         

第二次造訪，之前fd介紹過來食，今次帶其他fd再來食～😋.入面有架火車裝飾，好有特色～環境優雅，適合同fd聚會。.🌼豬肉碎生菜包 $92泰國美食必食之一～清爽可口的生菜🥬配惹味的肉碎，滋味無窮。.🌼 咖喱豬頸肉 $98好香濃嘅咖喱，豬頸肉條狀好入味。我會放入生菜包度一齊食，味道更加豐富。.🌼泰式馬拉盞通菜 $89蝦醬味濃郁，通菜幼嫩爽口～好有鑊氣好正宗～.🌼椰皇波波 $53成個椰子去完殼 可以篤入去飲曬d椰汁再食椰肉，超好味😋。.🌼雞脾菇 $24多汁美味～.🌼沙嗲雞肉串 $24好香口 雞肉嫩滑。