小店 (已搬遷) 新店位置

每次去九龍城都起左新既單楝豪宅..低層仲有會所..樓下既鋪位租金都會相對貴..平民小店都唔會租得起😣租金都會轉嫁俾消費者我個人唔鐘意大財團同地產霸權..唔鐘意連鎖式飲食店,鐘意幫襯平民小店因為有人情味所以一有機會都會去九龍城食野..好驚遲d 收購哂起哂樓就無得食..不過一定會有咁既一日..自己做到既唯有係把握時間..用舌頭去記低每一份味道九龍城既小店* 生蠔 －唔記得咩品種..開得乾淨..無蠔殼碎..好鮮味..先有海水味 之後就係甜味焗田螺 －好味龍脷魚柳 －好鐘意個汁我全家既最愛＊海鮮墨汁意粉好食到要一人一碟唔捨得share..好多海鮮好多餸一d都唔孤寒食完主菜必定會叫甜品..因為佢既甜品真係好出色有時唔係係度食飯都會黎食甜品出面多數會叫“心太軟”..係小店會叫“朱古力布甸”我鐘意食得好乾淨..絕對唔會俾一滴朱古力流出黎我發覺太夜黎的話..碟上既畫會無咁靚..可能畫得靚果個廚師放左工今日早黎， 所以係靚畫

介紹友人食"小店" 友人問小店係咩名 笑咗每次午餐經過"小店” 先看門口大餐牌 Set Lunch 指定午餐 $45 學生$40日日都有唔同嘅主菜 近排牛扒就指定係今日有牛脷 啱食…幫襯 扒牛脷 洋蔥田螺汁 $45 送：忌廉湯 冷熱飲牛脷煮得剛好 軟滑 唔太淋唔太硬 入口冇腥味洋蔥田螺汁~ 印象中田螺都唔平 真係有田螺㗎開半邊有6粒洋蔥燒汁 麵撈制作 唔係茶記生粉水嗰日肚餓要求多飯多汁 都得唔夠喉 任性買份外賣拎走 … 當下午茶焗鮮茄豬扒意粉~ 新鮮蕃茄茄味鮮 豬扒雖然有啲嚡韌 但有肉香味冇化學嘢嘅味 放心食分量就一般 OL就夠 大食就唔夠食啦送餐湯~多數係忌廉湯 有時椰菜花 有時蘑菇 唔油膩 好香味 份量比較少 半碗送冷熱飲~ 凍飲唔加錢 外賣冇額外收費

一入去，只覺室內環境比較暗。可能多客人，場地有點困聲，有點嘈吵。野菌忌廉湯：不算十分稀，不過濃味，頗鹹肉眼扒配意粉：牛扒很薄，但相當韌。這個價錢，都不能期望有很大塊扒，但也實在太韌了。這跟眾多好評食評所描述的迴然不同。雖然$45有湯有主菜有餐飲，要求不能太高，但質素不夠，不宜再來光顧。

自從機場同九龍城這一個老去的舊街區再沒有半點關連之後，整個地方的確失去了昔日的光輝。不過，在當地商人的努力，早已經令到這一區變成了一個特式的飲食街區。不要說林林森森的潮州菜同泰國菜，當中也有一些新食店在這區碰運氣，也有一些老牌子，老字號，繼續在這一個已清靜但未冷清的街道上繼續服務，而是日我發現的，是一間叫《小店》的西餐廳。 《小店》的英文名字叫《Copacabana》，感覺上有點奇怪。Copacabana，是巴西 Rio de Janeiro 的一個是一個美麗沙灘，《小店》的店主是否因為喜愛此沙灘來為店命名的呢? 相信，真的要親口問問老闆才有答案。坐在餐室內，就知道這絕對不是一間 "小店"，地方有古早味，也有很舒服的空間感，如果在晚上，帶同情人來這一間有古早格調的餐廳來用餐，縱使這只是港式的豉油扒，但已經有足夠的格調。(至少我是這樣應為。) 沒有羅宋湯，我就要了蘑菇忌廉湯。香港 style 的湯，老口味就是要很 creamy 同很滑。《小店》的忌廉湯就是這一種老味道，加點胡椒粉，入口的，就是令人懷念的小時候口感。 牛扒加上燒汁，是港式牛扒的精神。更精神的應該是黑椒汁，不過我一向都不喜歡

九龍城的甜品店選擇好多, 而家甜品店好集中係一兩條街, 好容易令人遺忘小店甜品, 加上"小店"主打西餐+甜品, 裝潢有別一般甜品店~今晚突然醒起小店甜品, 所以同友人晚上10點多來encore, 發現小店對面店既小店甜品已不在了...所以去返主店"小店"...有冇人知係幾時close??甜品供應時間6pm~12pmSouffle with Vanilla $43Waffle with Sesame Ice Cream $40好睇好食好味 水準依舊 依舊有心思圖案 $83...物有所值 不解釋:-) waiter送上兩杯水(連樽bottle water refill) 食完甜品後飲杯水~perfect~~希望更多人來到小店 

今晚又再黎小店，品嚐老闆用心炮製嘅食物。食物水準保持咁高，真係好好食好好食。我地先黎個頭盤：白酒美國青口，青口新鮮肥美，個汁creamy，再黎個法國春雞同乳鴿意大利飯，法國春雞嫩口，連雞胸都好滑，加上用黑松露汁，香味十足，而乳鴿意大利飯嘅乳鴿焗到脆皮，意大利飯吸埋乳鴿嘅味道，冇得彈。之後叫左老闆自家製Home made Salads: Summer Salads，用左自家製嘅乾果，有蘋果、橙、番茄等等、又加左松子，混合沙律菜同柚子醬汁，味道清新。澳洲羊架同酥皮焗青班依然保持水準，羊架7成熟啱啱好，好淋好味，青班好新鮮，唔腥，酥皮上枱仲係好脆，真係即叫即焗。最後仲叫左個意粉，煙肉蘑菇意大利粉香草汁，滿足，晚餐仲有餐湯，我要左南瓜湯和菠菜忌廉湯最後梗唔少得甜品啦，叫左兩客心太軟同一個拿破侖，心太軟唔太甜，甜度啱啱好，拿破侖焗得好脆，正

朋友book 位推介去「小店」食晚飯和甜品。小店環境優雅舒適，氣氛暗暗的，很適合談心，可惜我們帶了小孩子到臨，希望唔會騷擾到別人雅興。最令我們驚喜是甜品, 每一款甜品旁都有甜品師畫的卡通人物，維肖維妙！心太軟不太甜和「流」，一刀切開內層朱古力慢慢流出來，而溫度剛好，暖暖的，入口有種窩心的感覺。

係過左正常食飯時間係好難搵到間未收既西餐廳，好彩小店收得超夜，所以仲可以食好西😋💕來自澳洲的生蠔$33@piece生蠔好新鮮，而且真.乾淨(我個肚超級玻璃少少dirty都唔得，人體乾淨test☑😎)法式薯蓉焗田螺😍田螺彈牙又甜，薯蓉焗得好smooth，唔係粉沖薯蓉。海鮮墨汁麵食個就比較一般，(個人黎講唔太喜歡任何黃椒/青椒味)，但d蝦大大隻，亦都剔哂腸👍👍👍燒法國春雞伴沙律🐤燒春雞皮脆內軟，so juicy，而且可以幫你開４份，方便食又好味😆藍芝士伴鮑魚意粉blue cheese個味唔係人人鍾意，但估唔到可以禁煮，唔止係伴wine & biscuits禁食😮my favorite 💖酥皮焗新鮮青斑x parma ham x 菠菜依個combination全部都係我心水😍仲要有親愛的金黃色酥皮💕 樣樣都好夾，唔會有邊樣搶左味，焗完個魚仍然是滑滑的😜😜😜😜😜朱古力布甸其實現成叮同自己焗係唔同味，依個絕對係自家工場，朱古力香濃，焗既熟度都岩岩好，朱古力布甸同朱古力熔漿比例恰到好處 ，而且依個堅有心思，每次畫既公仔都唔同🎉😮👏

小店雖然叫小店, 但入面都唔細架, 不過環境就有d暗, 唔知係咪特登製造浪漫既氣氛平日既lunch只係$45, 凍飲仲要唔洗加錢!今次試左西冷排配意粉, 塊牛排比預計之中大塊 個汁都唔錯, 但如果撈埋意粉食就唔夠汁, 要自己配埋茄汁, 同行朋友食左薯條, 份量都好多, 炸得鬆脆, 以呢個價錢黎講真係非常不錯餐廳老闆同員工都好friendly 好nice, 食得好開心

去到九龍城，朋友唔食泰國菜，竟然黎食隔離一間小店。門口係條候王道有點隔隔不入，相當易認入到去小店一啲都唔小，容納到好多人。餐牌上既選擇都幾多，乳鴿意大利飯相當吸睛乳鴿要8成熟，侍應姐姐仲會先問一下意大利飯需唔需要煮稔啲，生怕我地食唔慣意大利果種硬度乳鴿既皮唔係脆果種，不過成隻腌得好入味，肉質都剛好，唔太稔，唔韌。仲要係成隻切開上，頭就唔見左，相信外國人食都唔怕飯既味道都好好，有少少咬口，又唔會好膩既感覺。配乳鴿食相當唔錯總括黎講，呢個飯係出面好少有得食，而且味道唔錯，不過價錢略貴（168唔包野飲）份量亦少

今日老公生日，就反反黎回味一下以前係附近住，有咩節日慶祝都黎，搬左之後都小左黎lu白酒忌廉汁青口每次都會開反支嘆下$290煎鵝肝配多士$98主菜可+$39跟湯（南瓜湯，仔仔至愛），一塊包及一杯食品小妹太愛小店香草包所以追加二塊（$15一塊）主菜黎啦仔仔指定ge牛扒$3xx，叫左7成熟，但都好紅，仔仔唔食得多無骨乳鴿意大利飯（飯可因個人喜愛，淋d，硬d）因要同仔仔一齊食所以order左淋d，仔仔都好中意，食左半碟飯甜品：布朗尼配芒果雪芭檸檬撻（可早一日打電話訂枱時講寫生日字句）唔知係咪宜家小店出左名，已經無左一份人情品

誤打誤撞試了這間名字叫小店的小店，吃了鵝肝、南瓜忌廉湯、意大利飯、闊條麵，每一樣的味道都很不錯。海鮮新鮮。可惜都沒有拍照，吃完主菜時，我和朋友都很滿意，決定再點甜品繼續吃和拍照寫食評支持支持。甜品沒有令我們失望，做得很不錯。我們點的是拿破崙。拌碟的圖案非常可愛，餅皮很鬆脆、奶油沒有很甜、水果很新鮮。店主(我猜是)感覺很親切，很有禮貌。完全能夠感受到小店的用心，但晚餐的人沒有很多，下次路過九龍城時，不妨考慮試試。

又是九龍城尋找好西既時候!九龍城美食五花八門,一班朋友BOOK位前都心大心細,有D話要HOTPOT食靚牛, 有D話要試清真寺牛肉 , 有D要食THAI THAI菜... 但最後既決定 當然係俾生日果個話事啦!生日大晒! 主角決定食西餐 ! 生蠔唔算好肥美,海水味較清淡, 但味道好鮮甜,食得出佢既鮮美西班牙辣肉腸/ 芝士+德國咸豬手+法蘭克福腸+莎樂美腸併拉盤,火腿味道甘香, 深色款腸比較鹹多肥肉, 淺色款腸味道普通,芝士唔臭易入口, 咸豬手好食 但併盤份量比較少…香芒烤雞烤雞味道不錯, 可惜肉質較實,  但不鞋,烤雞和香甜微酸芒果一絕配 白汁蝦菠菜飯蝦肉爽口但份量好少, 雜菜就多, D汁同飯好好食, 不過百幾蚊 … 有dd貴雜菌龍蝦汁意大利飯落單時很細心, 問需要久煮或不 ,我們都鍾意食比較有咬口既,煮都出黎, 真係如我所願wor,幾好食, 醬汁濃厚 好好味亦同朋友充滿歡笑的一個晚餐!

其實小店係有晚餐食嘅，但係今次呢我哋只係嚟咗食甜品姐，因為喺附近其他餐廳食完晚餐，又唔係好夠飽，就嚟咗食甜品同埋傾吓計啦。呢度最大特色就係佢個甜品隔離會用朱古力醬畫咗好靚嘅伴碟，而且每次都唔同樣架，睇吓個圖案仲大過個心太軟，就知道廚師冇馬虎去畫啦。個心太軟佢係個頂頭嗰度整左個窿，啲朱古力醬就係上面湧出來，我覺得個畫面幾好睇，食落去個朱古力皮唔太厚，裏面軟心朱古力就仲係流質嘅，完全做到高質心太軟嘅效果，但係個心太軟細咗少少，所以我最後食埋隔離米妮朋友就叫咗個疏乎厘，隔離畫左隻貓仔，但係我覺得我隻米妮畫得靚啲囉，我疏乎厘好綿，不過我覺得甜咗啲，可能我本身就唔係好鍾意食疏乎厘，我覺得同普通出面嘅甜品店冇乜分別。

多得網上媒體，可以聯絡回超過二十五年沒見的舊同事，實在開心，相約一天吃飯。說得出，做得到，這天要找數了，約了舊同事午膳，九龍城是她地頭，任由她帶引，介紹了這家很別緻的餐廳，叫小店。看看餐牌，價錢平民，感激舊同事的厚愛，午餐甚相宜。午市套餐有四款，包餐湯及咖啡或茶。她選了燒汁肉眼扒，我選了菠蘿汁豬扒。餐湯是椰菜花忌廉湯，淡淡的椰菜花味輕輕滲出，忌廉下得不多，正合我意，味道方面，不過不失。菠蘿汁豬扒，選跟意粉，賣相不錯，加了急凍貨雜菜粒一堆，豬扒相當腍，肉味普通，略嫌整體不夠熱。她的肉眼扒選跟薯條，已很久沒有見過這種波浪形薯條，看她切得暢順，肉質也不致於韌，也可以吧！咖啡味道較淡。