小印度餐廳

營業中

休息中

我知道佐敦附近有好多間食印度菜嘅餐廳，每一間都有佢特別嘅菜式同埋味道，鍾意食印度菜嘅人都會嚟吳松街附近食印度野，呢次就專登嚟試呢一間啱啱新開冇幾耐，裝修到幾靚嘅印度菜。呢一間叫做小印度餐廳，啱啱裝修，燈火好聰明，比起平時食開嘅印度菜好暗嘅環境好唔同，而嘢食嘅種類都好多，價錢亦都唔貴，所以就入嚟試吓。睇到個Menu就已經好多好好食嘅美食，因為今次來主要想食咖喱，所以就叫咗兩款唔同嘅咖喱試吓，亦都叫咗一啲小食，同埋印度烤餅利息，最後見到個好特別嘅甜品，叫做玫瑰蜜炸奶球，所以都叫埋你試吓。呢一個係餐前贈送的小食嚟，係一個印度脆餅，好似食緊薯片咁，個綠色嘅醬汁辣辣地好好食，配埋個脆餅食好夾。呢一個就係印度嘅素菜咖喱角，咖喱味好濃郁，揸得好趣，香料味好夠，點埋嗰醬食都好夾。跟住就叫咗個印度牛油咖喱雞，呢一個真係好推薦大家食，牛油同咖喱嘅味道好夾，雞肉好嫩滑好好食，同出面一般嘅印度咖喱好唔同，呢幾個甜甜地，不是太辣，好適合小朋友食。跟住就試吓佢嘅羊肉，所以就叫咗個瑪沙拉燴羊肉，呢一個就好似港版嘅咖喱牛肉咁樣，有啲香料味，所以啲羊肉一啲都唔so😃因為唔想食飯，所以就叫咗一個印度薄餅來配咖喱食。呢一個

呢間印度餐廳唔單止價錢親民，大廚親切，食物仲好合胃口，當然要推介下我同朋友叫咗個2人套餐 ($298)，包咗好多野食免費贈送嘅餐前小食，配上清新薄荷醬，做前菜一流👍🏻蒜蓉烤餅嘅蒜蓉牛油味好香，酥脆可口，就咁食或者沾咖喱食，都各有風味，各有千秋😋醃過嘅雞肉惹味香口，配上伴碟嘅洋葱，夾埋一齊食，層次豐富😋 亦可沾看似BBQ醬但其實係帶酸味嘅醬汁，都幾特別🤣 另外，用鐵板奉上保持食物溫度，啱晒我呢啲食嘢咁慢嘅人🤣咖哩角超大隻😱 放係雞肉旁，經對比後，原來仲大過舊雞😂 皆因饀料塞爆曬，一切開，饀料傾盆而出，餡料認真多籮籮😍印度黃飯乾身，粒粒分明，黃姜味唔重，可以配咖喱牛或燜黃扁豆食優格 (Lassi)係將乳酪、水及冰以1:1:1 的比例混合，濃稠，可選鹹或甜，我揀咗甜，甜度適中，朋友就揀咗鹹 Lassi，飲落奶味較重，唔算好鹹，個人鍾意甜Lassi多啲🤣拉斯瑪萊 (Rasmalai)由印度牛奶乳酪於番紅花、豆蔻等香料調味嘅牛奶，簡稱甜奶球，口感似椰絲整體嚟講，食物濃度適中，容易入口，非重口味人士都適合，好啱我口味👍🏻 整體菜式少辣，值得一讚嘅係廚師親切友善，用餐中途見我哋用menu配對緊啲菜式

喺油麻地行街 行行吓行到佐敦朋友又話想食咖哩就搵吓附近嘅印度餐廳試吓🌟印度脆餅配薄荷醬（free）去印度餐廳食飯一定會有嘅薄荷脆餅幾鐘意依度嗰薄荷醬乳酪比例比較多嗰醬唔會太稀😛塊脆餅可以沾多啲醬嗰薄荷醬夠晒fresh做開胃前菜一流👍🏻🌟無骨雞肉咖哩（$75）咖哩用上多種香料 仲好足料有好多洋蔥乾蔥所以聞落去香味撲鼻食落口充滿香料 又fresh又刺激無骨雞煮得入味又唔鞋口🌟印式芝士菠菜咖哩（$75）依個係我每次食印度菜都必嗌嘅咖哩嗰稀稠度同顏色一睇就知用左好多波菜🥬同樣地落左好多洋蔥乾蔥仲有平日好少見一粒粒嘅香料 一問之下先知原來係芫茜籽加左呢個芫茜籽 嗰菠菜咖哩唔膩之餘仲多左份清新嗰芝士仲好有心機煎香晒啲邊先加落咖哩煮煎過嘅芝士更有咬口仲好香口添😆🌟薯仔烤餅（$25）依個薯仔烤餅入面超多薯蓉而且嗰烤餅皮非常軟糯用嚟點咖哩食真係一流🤤啱晒鐘意薯仔+咖哩呢個無敵combination嘅朋友🌟印度芒果乳酪（$35）食印度野都會叫嘅🥭mango lassi唔會太甜 芒果同乳酪比例啱啱好甜甜酸酸嘅芒果味夠開胃🌟印度香蕉乳酪（$35）第1次見🍌香蕉lassi幾得意叫黎試吓飲落去似香蕉奶昔都幾smo

平時好少黎佐敦，今日為左幫公司買野特登走出黎，一場黎到緊係順便食埋好西啦！咁岩就搵到呢間又平又好食既little indian restaurant。前菜烤餅7/10呢到居然有前菜薄餅送，正呀！塊餅好脆，配上醬料酸酸甜甜咁，非常開胃。素菜咖哩角 8/10食印度野必食咖哩角！入面有咖哩薯仔青豆紅蘿蔔，咖哩味好香濃，配埋鬆化酥皮真係無得輸菠菜雞 9/10估唔到係鐵板上，一上菜炸炸聲，勁香！小妹即刻流晒口水，急不及待要試下。因為係鐵板上，隻雞仲係勁之熱辣辣，大家食既時候要小心啲。雞上面啲菠菜汁少少酸甜，幾得意，雞肉嫩滑多汁，仲要大大份，唔錯！咖喱雞 7/10事關小妹極中意食雞，所以又叫多份雞食。咖喱好濃郁，唔辣，幾岩唔食得辣既小妹食，不過個人覺得可以再咸少少。牛油薄餅 6/10呢個餅妹香牛油味，好鬆軟，好好味。不過煎既時候有啲燶位，算係美中不足。今餐食到小妹停唔到口，返去又要瘋狂便返運動減肥啦！

平時食得都算多印度菜，重慶大廈或者之前係尖沙咀其他嘅都有食過，味道普遍偏重而且辣，總之就唔係好食得慣🙈今次係佐敦這間又出奇地好食！！我覺得佢調較咗個味成為普遍香港人都鐘意嘅口味🥳相對係無咁傳統，但係我覺得好食好多🙈叫哂野食，餐廳就為我地送上前菜，薄荷醬薄餅🤣同外面嘅一樣味，好薄荷咁~牛油雞佢個醬好好食，係有小小蕃茄味，但係又帶有印度香草味！而且雞都算多，食極都仲有，用黎點餅一流^_^特式牛炒飯啲米用印度香米，特別有咬口而且大粒好多，佢個味唔重口味，好好食！！！唔算好油，2個人食份量都夠哂！！個米粒真係好好好食！！我地再分別叫咗一個薯仔薄餅同蒜蓉薄餅🤣薯仔入面係咖哩薯仔，其實就咁食都夠哂味道！！蒜蓉薄餅反而相對薯仔比較失色，無咁重味，但係好大塊🤣🤣最後我地叫咗個甜點玫瑰蜜炸奶球Em....真係好少食咁甜嘅野，佢入面係椰絲，但外面嘅糖漿比較甜，唯一一樣我下次未必叫嘅野🤣🤣🤣但overall佢嘅食物質素好得，好啱食！！

今日行廟街買野，見到有間印度餐廳，咁岩又肚餓就入左去試下，點知有驚喜！入面好光猛、乾淨，坐得十分之舒服。menu選擇亦好多，唔止有一般印度餐廳都有既菜色，仲有啲比較特別既野食。叫左野食，好驚喜仲會送份前菜，服務好過唔少港式餐廳！薯仔咖喱角，咖喱味好出，但又唔會好辣，外皮脆卜卜，入面薯仔煮得好淋，做餡一流，完全唔會求其將啲食料放入脆皮入面煮熟就算，成個咖喱角仲內至外都好正！呢個「菠菜雞」算係特色，食過咁多次印度菜都係第一次見。雞肉先唔講煮得好嫩滑，佢上面綠色啲調味先係主角，少少青草味，好清新，但又唔會好怪，酸酸甜甜好match啲雞肉，正！咖喱雞配牛油paratha，呢間餐廳啲咖喱都咖會好辣，岩晒香港人，唔洗食到狂飲水飲到飽。paratha要讚，即叫即整，有啲位仲要卜卜脆，唔似手抓餅咁成塊軟淋淋既蔥油餅咁，好有口感！最後呢個椰青，大大個，無得彈，我地兩個人飲都係岩岩好！

行過佐敦就嚟到呢頭食飯，見新開冇耐又幾光猛嘅little Indian 就入去試吓啦！.點左野食姐姐會先上薄脆餅，有d胡椒香幾開胃😘.Mango lassi即叫即整，甜度適中，飲落酸酸地好中意，重點係佢好解辣🤩🤩.叫左個cheese nann & garlic nann~ 芝士熱辣辣食特別香，芝士唔係濃，所以點番咖哩就夾d. 另外garlic好足料！上面d蒜非常惹味🥳🥳.要左馬莎文羊肉咖哩，都好多件羊肉而且又幾淋夠哂入味👏🏻👏🏻.小食當然叫chicken tikka la!! 雞肉嫩滑又香口，吱上檸檬汁酸酸地味道更豐富😛😛

好耐冇食過印度野，同朋友係佐敦做完野就搵下附近有冇印度野食，搵到e間餐廳去到唔洗等位，可能因為果時都就9點。餐廳唔算大，不過又唔逼坐得幾舒服。前菜叫左芝士薄餅，炭燒雞maindish就叫左羊腩同炒飯，份量都幾大嫁 野飲就叫左芒果乳酪芝士薄餅食落雖然冇原味同蔥味咁香口，但勝在有拉絲的芝士(雖然只有一小條)芝士味香但唔會好膩，所以食兩塊都冇問題炭燒雞雞肉嫰滑少辣，肉質唔韌，擠左d檸檬帶點酸味會再開胃d羊腩第一次食羊，感覺幾好，開頭驚會有羶味，但食落又冇，口感似牛腩，軟身唔韌牛肉炒飯飯乾身粒粒分明，口感唔會好林，有咬口牛肉嫰，唔會咬完d飯個口仲有太多牛肉淨；牛肉入味，唔會過鹹芒果乳酪開頭飲有少少唔慣個味，因為乳酪味好出，但飲落都接受到

今日經過廟街附近，無意開發現呢間新開印度小店，見佢做緊優惠OpenRice book位有85折又幾抵，就試下食做dinner! 由於間小店新開，人流唔算好多，入面只有店員同老闆兩個，都係印度人，佢地態度都好親切，都會主動問下食物岩唔岩口味，由於人手有限，所以都要耐心等候食物。首先會送上前菜，係豌豆做成既脆餅，係印度餐廳好常見。小食我地點左素既雜菜咖喱角，新鮮焗起，外皮好香脆，入面充滿薯仔同青豆，好飽滿既餡料！仲點左香辣雞肉，但其實好岩香港人口味，唔太辣的，雞肉份量多，肉質嫩滑，有啲似咕嚕肉咁，酸酸甜甜，夠開胃！食印度野點少得咖喱同烤餅，點左個瑪沙拉配cottage cheese and butter 加garlic naan ！ naan一上碟熱辣辣，好香蒜味，同牛油味濃郁，麵粉煙un 點上濃濃咖喱配搭一流，內裏又有多塊芝士，岩哂芝士控，夠哂正宗！

咁耐冇出國旅行都要平行吓個心理所以揀咗呢間位於佐敦新開嘅小印度餐廳餐廳裝修乾淨企理，燈火通明坐落亦都唔會覺得太逼夾店員服務亦都非常之殷勤好主動咁上水同菜單俾我哋餐牌設計得好好有好多嘅圖片，令到一啲唔係咁想接觸印度菜嘅人都可以好輕鬆想叫到自己想食嘅嘢餸菜嘅款式好多，價錢亦都十分之平仲要唔使收+1服務費落完order之後店員就會上一個小食係一種嘅脆薄塊加埋個薄荷汁食辣辣地幾開胃今次分別試咗小食，雞肉，咖喱同埋薄餅芒果炸洋蔥味道幾新奇，油味未唔會過重份量亦都幾多下，顏色炸得金黃色非常之好睇板燒蒜蓉雞肉肉質都幾多汁下配埋個蒜蓉汁非常之香馬沙拉牛肉啲牛肉炆得非常之霖，肉質非常之好食另外叫咗個薯仔千層薄餅口感非常之唔錯配搭埋馬沙拉個醬汁，味道非常之正宗最後亦都追加左個蒜香薄餅薄餅上面嘅牛油香令人垂涎三尺三兩口就好快食晒甜品方面亦都叫咗個印度菜好出名嘅甜乳酪酸酸甜甜咁最適合解膩

星期六同朋友一行三人一齊去左食印度菜，”小印度餐廳”位於佐敦，地鐵站出幾分鐘就到，非常就腳。餐廳光猛，晚上時間都有唔少食客，座位闊落，坐得舒服。先有個小食脆餅，脆卜卜，配左個青色嘅醬，醬味道好清，中間有好微好微嘅辣。印度炭燒燒板餐嘅串燒雞，上菜嘅時候燒板D煙係一直咁冒出黎，燒板好夠熱。雞肉大大件,底墊左椰菜，蘿蔔絲，有幾片青瓜，擠埋檸檬汁，味道更加出眾。雞肉好嫩滑，仲好有肉汁，帶香草味，唔算係太濃味嘅菜式。而墊底嘅椰菜，蘿蔔絲吸哂雞肉肉汁，爽口好食。牛肉炒飯好乾爽，唔會好油,飯粒長形幼身，粒粒分明，食落口感十足。配料仲有D芫茜同蘿蔔，牛肉大件，唔係切到細細粒炒。牛肉炒飯同樣偏重香料味，好有特色嘅炒飯。瑪沙拉羊肉，瑪沙拉一直係幾鍾意嘅印度菜，多種香料混合之下，感覺每一間印度餐廳都有說不出嘅不同。今次食瑪沙拉羊肉，瑪沙拉質地結身，香料味重之餘食落有好微嘅香辣,點黎食芝士烤餅一流，完全停唔到口。羊肉煮得好入味，食落一絲絲，但唔鞋，亦冇羶味。芝士烤餅好煙韌，加埋芝士食落更軟綿綿更香。飲品叫左菠蘿香蕉拉昔，食到有D菠蘿碎，好香菠蘿同香蕉味。

平時好少食印度餐廳，覺得口味好濃唔岩自己，而且通常印度餐廳都開係d唔容易接觸嘅位置，難以吸引去食今次揀呢間一嚟係佐敦，交通方面二嚟今日想食薄餅類三、價錢非常合理和便宜好彩餐牌有中英對照，店員不太識聽廣東話/英文，但你指，佢會明白😊亦都有禮落單後2分鐘都上了前食，送的似一個脆米片，香脆，可少少青醬都幾特別😌芒果乳酪🥭真材實料😆好濃味，而且冇好似其他印度菜咁加香料😚貼近港人口味烤菠菜雞🐣賣相幾特別🤣味道都不錯菠菜變成青醬配搭雞塊咬落都十分多汁，都幾嫩滑外皮有少少焦香🤪超級推薦系列🙀原汁咖哩牛腩🐮😌味道港式而且十分濃味喜歡食咖哩的人必定大愛😻💕牛肉都多配搭蒜茸烤餅3大塊都只係$18🤫超平蒜🧄超香

以前在重慶大廈或其他地方食咖喱，感覺都是燈光較暗。今天又想食咖喱暖下胃，見到這裡燈光很明亮，就選擇了這裡。可以寫個人資料入座。餐桌擺設得很整齊乾淨，畢竟咖喱是多醬汁的菜式，能保持環境乾淨很花功夫。每次食咖喱都是例牌會叫一份咖喱肉、印度薄餅Naan和一杯飲品。餐前會送一塊香脆的胡椒餅，薄荷醬汁非常清新。食物和飲品全都即叫即製，熱辣辣送到，分別是牛油薄餅、咖喱雞和鹹味乳酪。薄餅烤得很靚，有牛油的香味。咬落去會有一點香脆的位，裡面則是柔軟煙韌。咬開會發現裡面有三層，用來配咖喱食非常適合。我還發現這樣撈在一起吃不是最好味的方法。最好其實是先咬一口薄餅，再用更不少少咖喱入口，絕對會比先撈起來吃好味。咖喱雞的肉質都很鮮嫩，也很入味。但咖喱汁配薄餅的組合實在太正，以致雞肉都變成了配角。唔記得講個咖喱汁又香又濃，辣味主要都係來自薑，唔會傷喉嚨同腸胃。就算直接食都冇問題。最近減糖，揀左鹹味乳酪，都的確係幾大勇氣的一個嘗試。第一啖飲落口會有少少唔慣，但飲落又會覺得好舒服，平時飲開嘅奶類都有少少鹹味，就當鹹多少少就ok。咖喱汁都清乾淨埋。

好耐冇食過印度嘢, 平時食咖哩都係食茶記或者大家樂的香港咖哩, 今日難得老公接我收工, 我地索性去公司附近的印度小店刺激下消費薄餅係必叫, 我見其他枱有叫蒜茸薄餅, 好香, 所以我地都唔執輸, 叫了一份, 但由於我唔鐘意食herb的關係, 問待應可唔可以走herb, 佢話可以, 由呢點可以證明佢係即叫即整唔係整好晒咖喱就叫左普通的咖喱雞, 雞有好多件, 大約有6-7件, 雞件唔老, 咖喱超好味, 正宗印度咖哩, 我想食左好耐, 唔似香港咖哩表面好多油, 咖哩又香又好味每餐都一定要食菜, 我地就叫左個蒜茸抄菜芯, 印度的煮法同中國真係好唔同, 佢地係切佢細細條炒, 雖然唔似中國菜炒得咁乾身, 但由於細細條的關係, 框又唔硬, 一啖一口, 別有一番風味.仲有, 未嚟主菜前佢會送薄脆, 薄脆好重胡椒香味, 但唔辣, 配上薄荷乳酪醬, 好好味.

今日同媽咪去油麻地. 佐敦一帶睇裙掛, 最後一間試完冠南華後就好肚餓, 就係附近搵好嘢食. 行前2步見到呢間小印度餐廳座满一半人, 環境光猛, 價錢親民就同媽咪食薄餅, 咖喱.由於我同媽咪都好鐘意食薄餅, 所以就叫左2份, 一份蒜茸naan, 另一份係薯仔薄餅, 先講蒜茸薄餅先, 一嚟到就聞到好香好香的蒜茸味, 佢上面仲有好多香草, 乾身, 唔係油淋淋果款, 配上咖喱一流, 相反地, 另一款好唔同, 可能有薯仔做饀, 所以冇咁乾身, 但都好味, 如果大胃的你, 食呢個一定會飽肚.咖喱雞, 好味, 雞都頗多, 唔肥, 好香, 雞入口軟滑. 咖喱汁一d都唔少, 我地點完2份薄餅仲淨左好多汁.仲有我地叫個前菜咖喱角, 如果唔點醬食會有點乾身, 如果配合佢的甜醬食會好味好多.