尋味來•鮮湯米線

營業中

休息中

豬骨湯底， 鮮味， 食得出無味精， 下午茶都認真處理， 料足， 味好。 元朗米線首選。 凍檸茶茶底清爽， 檸味夠， 甜度剛好。健康之選。 見餐牌的燉湯都好吸引 下次會試下。晚市二人餐都看來不錯。 有誠意小店

幫襯咗好多次，啲燉湯清而不膩，好足料同新鮮，唔駛落鹽都好鮮味，次次都飲晒。不過最近兩次幫襯，無論堂食定外賣，啲燉湯變到都好鹹。睇返啲評價，可能因為有啲人唔太欣賞投訴過無味。現加變到咁鹹，完全唔可以當燉湯咁樣飲。咁搞發同茶記味精湯冇分別，無咗自己特色同定位。記得最初幫襯嗰時，店家仲會額外準備一包細嘅鹽，貼咗張提示建議按個人喜好自行調味，嗰陣時好欣賞店家咁細心。明白生意難做。從來未試過留食評，純粹覺得有啲可惜，所以留兩句，希望店主睇到有個參考。私心希望考慮用返最初嘅recipe，或者提供減鹽選擇。

經過食下午茶，$39 有杯野飲，下午茶份量，如果肚餓建議叫返正餐，價錢差唔多。餐廳位置好坐，環境乾淨。三牛淮山面清湯底，湯底清清地 唔似味精湯底，淮山面都ok, overall 自己幾鐘意。另外有叫三鮮酸辣米線，味道都唔錯，唔算太重化學味，唔似出面既酸辣粉，餸 就魚腐，魚皮餃，魚片頭各一，下午茶都算係可以接受。舖頭主打燉湯，無味精 $5x-$6x 唔貴，寫到明無添加，調味料都自己落，應該係真 無味精，下次經過會試下。

見到其他食評都講得幾好，我同男朋友都好鍾意飲湯，所以就決定試下呢間主打燉湯嘅食店。我叫咗竹笙椰子雞湯米線，男朋友叫咗花膠瑤柱雞湯米線。聽落都幾吸引，尤其是湯底聽講都幾滋補，但一食到就覺得好失望。湯底淡到好似煲清水，加埋啲材料煲一陣就撈起，根本冇味！我第一次食外賣要自己加雞粉，真係好差！你一間主打燉湯嘅食店，但啲湯底咁唔掂，尋味來嘅意思係咪就係叫人自己尋味？我唔知係咪外賣嘅問題，但我同男朋友都覺得再唔會再試佢嘅堂食。其實屋企煮嘅湯都好過佢，起碼有味道，唔使自己加調味料。我地原本都期待可以享受一頓美味嘅湯，但最後卻變成咗一個失望嘅經歷。希望下次可以搵到一間真正好味嘅食店，唔好再中伏啦！！！！！！！

呢間舖頭算係新開張，好似係元朗相對少以燉湯做主打嘅米線，大部份都係以地區特色湯底或者酸辣為主多今日同朋友就嚟咗試吓👅👅竹笙椰子雞湯燉湯黎講$52仲要包埋一份主食其實真係超級抵！👏🏻欣賞佢竹笙份量多，有差唔多六件👍雞件就係燉完湯比較嚡口嘅口感，個湯清得黎有少少油膩，可能因為啲雞皮雞油無去晒我哋加咗兩蚊轉淮山麵，幾爽口，但係份量唔多👅濃郁蕃茄湯米線配潮州蝦卷&雲耳呢個湯一望就有啲失望，完全冇蕃茄粒，睇色水係啲蕃茄膏溝出嚟🫣 味道都係🫣🫣蝦卷雖然彈牙但係有啲雪味🫣雲耳份量足，味道正常佢嘅米線比較似瀨粉，係偏透明同超級彈牙🤔雖然老闆服務非常好，但我哋share食大家食完之後都幾口渴，遲啲可能真係好想飲燉湯補下先會再嚟食😅😅

懶寫食評但呢間真係唔寫唔得！平時喺元朗都會食佢，有時出到嚟諗唔到食咩又會食，因為又好食又唔會口渴，又唔貴佢嘅燉湯足料得嚟唔會有太濃、太假嘅味道，好鮮，飲到食材真實味道👍多數人都會飲花膠雞，好多時都賣晒，不過我都好欣賞佢其他嘅湯，例如竹笙椰子雞，仲有潮汕口味嘅青欖鮑魚湯有時唔想飲咁大碗湯就會嗌米線，啲配料都好好食，雞翼好香好脆，但又唔會好油。特別嘅係有牛扎肉。而且環境、裝修亦都好舒服，個地下絕對唔會油淋淋，食物上碟個樣都好靚，睇得出花咗好多心機😊最近見到附近有啲舖頭都做唔落去，希望呢間小店多啲人幫襯捱得住，因為真係好好食🫣🫣

中午唔想自己煮，就喺KeeTa叫咗外賣男朋友叫咗人蔘蟲草花雞湯米線，佢話個米線好彈牙爽口，掛汁，送到過嚟都完全唔會一pat pat咁～湯底有濃郁嘅雞味，好香嘅蟲草花味，見佢飲晒成碗湯🤣🤣我就要咗竹笙椰子雞湯米線，竹笙好索汁好好食😍淡淡清甜嘅椰子雞湯，有一隻雞髀～啲肉雖然唔係話好滑，但係煮到好腍，好正😍我都係差唔多清晒啲湯咁滯😋最犀利係飲完都唔覺得口渴，睇嚟應該真係冇乜加味精～～見個黑糖豆腐花加$3咁抵又試吓結果真係唔錯！！個豆腐花好好好滑，黑糖好似唔使錢咁，俾咗好多🤣🤣超級超級抵，一定要加！！但係因為太肚餓，食米線嗰陣完全唔記得影相。。。所以淨係影咗個黑糖豆腐花🤣總結係大推！

天氣轉凍好想飲熱湯，見到呢間原盅燉湯米線幾啱食，原本想嗌羊肚菌茶樹菇雞湯賣晒啦，轉左橄欖鮑魚豬骨湯同人蔘蟲草花雞湯，雞湯好濃有雞應該煲咗都有啲時間，鮑魚雞湯味道就清啲，可以揀配米線或者白飯，總體都唔錯，個湯好夠熱，下次再嚟飲湯

原盅羊肚菌茶樹菇雞湯米線(我就要左白飯配滷汁）滷汁有少少微辣送飯好好食。大大盅燉湯超級足料，羊肚菌紅棗蟲草花一大件雞件熱辣辣非常滋味。得閒來一盅食埋午餐/晚餐。岩晒平時少湯水既大忙人。平時叫餐飲我會叫檸茶華田之類但見有得揀甜品當然要試試。有兩款可以揀，黑糖白涼粉$0／黑糖豆花$3）。白涼粉第一次食幾得意喎。下次要試下呢個一次過可以試晒八款口味既米線麻辣肉碎等再凍少少試下先連下午茶都好多款選擇座位坐得舒服

我在「食在元朗」見人講唔錯，就去試吓，果然冇令我失望，味道好，服務好！冷氣足夠！坐得舒服！叫餐後很快就有得食，最愛杯檸檬茶，大大杯真係大滿足。有點失色就係冇咖啡飲，有埋就更好了.小店值得支持！👍🏻👍🏻😋

最近天氣開始轉涼，就好想飲下燉湯，但自己整又大費周章，剛好遇到呢間主打燉湯既小店，就一於去試下😏燉湯有好多款，我地今次揀左「橄欖鮑魚豬骨湯」同埋「人蔘蟲草花雞湯」，兩款湯都非常足料，用上青欖，如果轉天氣飲就最好，可以止咳順氣，鮑魚係用新鮮鮑魚連殼一齊燉，非常鮮味😋😋 另一款人參湯就很香心參味，飲落口有一陣甘香，最重要不會太鹹😋😋 仲有准山麵又滑又爽口，跟湯非常夾👍🏻👍🏻老闆非常友善，笑面迎人，食物有水準而且好服務，一定要繼續支持一下🩷🩷

好耐無寫食評啦😌依間小店值得我破例叫左個青橄欖鮑魚湯淮山麵，外加潮式扎肉、黃花菜同豬肚丸😃用料好充足喔😃個湯好好味，湯料有2個豬骨、青橄欖同一隻鮑魚，個湯飲落好清甜成碗俾我清晒喔🤭你話好唔好食呢，同埋加上本身鍾意食潮州菜，所以值得俾個讚你地呀響經濟低迷嘅時候，香港人更加要支持本地消費，支持多啲依類嘅小店加油呀香港，希望依間鋪頭，繼續保持住食材、用料嘅質素，俾更多嘅人可以認識到你地下次有機會再帶親朋戚友幫襯

星期日既晚上8點左右，見到有間新餐廳開左門口展示既相片都幾吸引🤩唔諗咁多入去試下❤️舖面幾大，好乾淨，有卡位有梳化位，舒服👍🏻👍🏻因為帶住個BB去食，雖然冇用BB車但地方闊落真係好好多，BB車應該都入到❤️雞扒蔥油拌淮山麵$42🔥少辣雞扒唔算好大件，個雞皮煎得都幾脆👍🏻好食好多蔥如果係生蔥可能仲香口啲🤭少辣唔算係好辣，拌麵份量正常👍🏻都夠飽肚呢個麵整齊都唔錯，都明白蔥油嘅話油都係正常，只係食到尾覺得比較油左少少🙇🏻‍♂️但overall都係唔錯嘅😀😀跟餐凍檸茶加$9 ，但係勁大杯🤩👍🏻花膠瑤柱雞湯米線$62❤️❤️❤️成個餐展示得唔錯👍🏻個玻璃量杯裝住曬花膠瑤柱雞髀雞湯幾靚❤️好足料必食推薦🔥🔥🔥呢個真心好好食❗️❗️米線份量都算多😀😀花膠都見到有幾舊👍🏻🤩瑤柱都多冇放晒出嚟仲有啲喺湯入邊🤭🤭仲有一隻小雞腿🤤肉質少少滑唔會諧霎霎👍🏻佢個辣醬都幾特別，臨尾加少少落個麵度試吓，幾好味但都有少少辣👍🏻👍🏻可以一試呢間新開嘅餐廳真係唔錯尤其係原盅燉湯米線真係幾抵食仲要係好食🔥🔥絕對有下次希望大家多啲留港消費支持本地餐廳