寿司部

營業中

休息中

壽司部今晚為了支持香港隊外賣壽司部刺身壽司如三文魚、帶子、魷魚等都很足料，刺身大大舊炸蝦卷有成8件即炸香脆好吃反觀紫菜包的壽司可能焗了一陣就腍了點比較失色，壽司飯醋唔太夠前菜$20兜份量多，埋單$18x，兩個人吃飽！

住左系大角咀廿二年，壽司部都差吾多有十年。食左甘多次，係時候寫返個好評！ d壽司上既魚生真係超厚超大件！勁抵食！老闆又好人，服務好，價錢平，新鮮，乾淨，多選擇，甘好既餐廳仲可以去邊道搵？希望壽司部長做長有！生意興隆！話時話我介紹左勁多朋友去，哈哈！個人推介：炸蝦卷，鹽燒珍寶三文魚壽司，壽司pizza! 壽司pizza佢仲要係為左我即整！吾係道道都有迦！另外最正既甜品一定係佢地既北海道牛奶布甸！廢話無多，即刻去相～！

第一次堂食，叫左十一件壽司上漏左五件等佢上個六件都等左勁耐，仲以為佢分開上食完再等左陣先發現唔對路，過去問阿四眼店員仲要黑口黑面語氣好差咁話唔記得左同我講賣晒然後寫5件佢地睇左做2件哥仔係時候換眼鏡啦壽司感覺更不如爭鮮，又貴又唔抵。。貼錢買難受要受店員氣，一定唔會再幫襯

今日又要等個客等到4點,又無啦啦發燒,又要戒口,雞,鴨,鵝都唔食得,見時間尚早,就在大角咁找下有咩買返屋企食,同休息下,見到呢間細細間有外帶飯買,就買左個海鮮什錦薄餅回家試下,一食估唔到有驚喜,看就好大盒,海鮮好亂下飯唔算多,因為好簿一層,但魚生,海鮮就好豐富,有燒三文魚,帶子,成片魚生,蟹柳等等,加入燒汁同沙律醬,健康又好味,值得推薦

平時黎呢到唔係買壽司就係買刺身，但係最近覺得自己食得太多生冷野啦，要比腸胃休息下。竟然比我係呢到都見到有鰻魚飯食，$32一盒，仲可以幫我整返熱，仲要勁多汁。塊鰻魚又厚身，食落覺得佢既魚肉都好肥美，咁既價錢真係冇得頂呀。

琴晚睇睇下大結局，見到個廣告係賣壽司攪到我好想食呀。係咁同老公講食壽司食壽司，煩左佢一陣佢都頂我唔順落左樓下買壽司比我食。落到去已經9:15，可能因為佢準備收工，所以選擇都唔多。散叫個個display櫃已經冇晒野，而一盒盒個到就得返3盒。最後我都是但買左一盒，$48有3件三文魚壽司，2件花之戀，2件帶子，仲有2粒卷。由於有VIP卡關係仲有個9折，計落都係43蚊。三文魚壽司同花之戀既三文魚都好大塊，而且仲好肥美，飯食落唔會好硬，有小小醋味，暖暖地咁。帶子壽司，個粒帶子好細，而且仲好似放左好耐咁，又唔鮮甜。個2粒卷冇咩特別!總結43蚊都叫抵食既。

其實幫襯過呢間野好多次...因為貪佢d野夠抵食, 又新鮮...通常都係嗌外賣架, 因為佢堂食d鄧, 唔好坐...不過今次趕時間, 就順便堂食...佢d三文魚好新鮮, 雖然唔係話好肥..不過係爽口既...不過可惜當日只有軍艦...所以食左好多飯落肚, 同埋有樣野好衰,就係order壽司, 每款要起碼兩件..所以有好多款想試都試唔到...想讚下個海膽..因為一般平價壽司, 佢地賣既海膽都係唔夠新鮮,同埋有陣腥味, 但係呢間冇wor!水準唔錯呀!!!係鮮味既...同埋佢d蜆肉果d都好大粒呀!!! 又多料...推介呢個抵食之選, 絕對唔係爭鮮貨色...

我同女朋友不時都會來幫襯尼間野，因為貪佢可以用很便宜的價錢食到好特別的壽司，如鵝肝，海膽等等。但竟然在今次令我有相當不愉快的經歷..... 先讚一下，壽司一如以往抵食夾大件，食材新鮮又足料。雖然沒劍魚腩，不過都冇所謂，反正都叫左$200壽司。 之後問題就來了......當我食完油甘魚的時候，發現有多兩舊魚 ，但是我沒落單，而我叫的珍寶帶子壽司欲沒出現!!! 我叫職員過來，說明原因，他竟然告訴這兩舊鯛魚是油甘魚!!! 我才剛吃了油甘魚你是騙誰呀!之後突然澄清說是鯛魚(分明是想暪騙顧客 )。但我們沒叫鯛魚，他對完單確定沒有，說沒所謂免費給我們吃(可是難吃得如水喉水加舊飯 )，但我說叫了的珍寶帶子沒來喎，他說會再整給我。到我們食完了，只見他在清洗餐具和吃壽司沒再做帶子給我! 好，我當你趕收工同埋要開餐，唔得閒整(因為我們是夜晚11點才到步的  )，到俾錢果時，你竟然照收我珍寶帶子錢!!!之後我說你沒來帶子喎，為何沒刪番佢，他說我點齊數是有的呀!....你點齊數但有一對是鯛魚不是他X的帶子呀!白痴!如此黑心的員工下之老闆唔該帶眼請人，唔好請埋D古惑仔。我和女朋友都決定下次再來只會吃鵝肝

估唔到係大角咀都可以搵到一間甘好食價錢又甘平既壽司店鋪面面積吾算好大亦都冇好豪既裝修感覺係平民化既一間日本壽司店壽司款式都OK齊三文魚都有齊晒煙薰,火灸,鹽燒幾款岩晒我呢D吾點食生野既人另外我仲點左帆立貝,蟹棒,腐皮....仲有幾款不能盡錄重點推介::1.吉烈炸蝦卷,一盒$32有8件!!係幾好食既!!2.鵝肝壽司!!十個讚!!上碟之前佢會用火燒一燒等佢D油滲落壽司飯度PREFECT!!每次食鵝肝都有初戀既感覺^^

此乃小女子每月必定外賣幾次的小店~已不知光顧了有多久...最欣賞它用心經營的熱誠....除了有一些包裝好的什錦壽司外,亦有"即叫即做"可供選擇...... 我最喜愛它的"花之戀及"壽司薑"每次必來一客 其實還有甜品的"木糠布丁"~都是我的所愛,可是..由於每次光顧的時間都太夜,所以不是每次都吃到PS: VIP咭忘了是之前惠顧滿多少送的~(收銀旁有註明啊)可是卻不適用於壽司及生蠔~不過都沒關係啦,因為本人間中會買Sake以及其他乾貨 唯有下次光顧後再把其他的照片再放上來~

壽司即叫即制，正！今次外賣....試咗:廣島蠔壽司 - 蠔有蠔味，fresh架！三文魚壽司 - 正常味道海膽魷魚壽司 - ok啦，正常吞拿魚壽司 - fresh, ok！原隻甘海老壽司 - 都係新鮮，正！即製珍寶三文魚壽司(圖右邊) - 三文魚大片好多，正！松葉蟹腳100%蟹肉 - 肉質比較乾咗o的另外: (之前試過)"北海道牛奶布甸""冷麵"....都係好好味諴意推薦

3月21日, 今晚喺大角咀, 當然嚟到呢頭搵食就最精明, 大多數嘅餐廳都笑面無數~ 今次食日本野, 就試一下呢間平價新鮮手握壽司~ 入面座位唔多, 多數人都係嚟買已包裝嘅壽司set, 好似百佳咁~ 當然我地等得嘅就可以叫師傳新鮮製作, 但係都頗需時, 都等咗15分鐘先有得食~::: 三文魚壽司 ::: $5 x 2不少得嘅三文魚先食~ 壽司整體都唔算大件, 同百佳size差唔多~ 不過望上去三文魚都好新鮮咁, 有紋理, 色澤光鮮帶橙~ 食一啖口感都算唔錯, 少少肥美帶點油. 因為出面迴轉壽司嘅三文魚壽司大多數都係咁嘅價錢, 但係會大件d, 所以呢個只係合格之作.:: 原隻甘海老壽司 ::: $7 x 2一條長長嘅蝦訓咗喺舊飯到, 看上去都新鮮~ 食落味道同普通甜蝦差唔多, 都幾彈牙~ 好處係有埋個蝦頭, 都有少少膏, 幾鮮甜啦~:: 珍寶北海道帶子壽司 ::: $10 x 2雖然叫珍寶有dd誇張咗, 不過都比一般嘅大~ 隻帶子都幾厚, 咬落好有質感, 味道十分之鮮! 完全唔似係急凍貨, 一d雪藏味都冇, 但係依然好冰涼~ 推介之作!:: 松葉蟹腳壽司 ::: $7寫明100%蟹肉, 睇

價錢的確便宜.最平4元左右.有一件,最貴10元.我點了8件.合共49元....呢間店壽司師傅服務只係中等,不過呢個價錢食壽司.我接受...8仵壽司.最貴都是10元,刺身尚算新鮮,夾下去都沒有散.可惜因壽司是放在雪櫃夾出來...飯有種過硬的感覺..只是一間極普通的壽司店...不是在本區住的不用特登去食....

次次 Party 聚會，都會為咗食咩而頭痛，今次我又發現多個選擇，就係寿司部！寿司部會為客人送外賣，雖然要加費用，但我寧願揀呢一間，都唔會揀咩元ｘ、板ｘ，因為－－真係好細心！佢地會問明送貨時間，買ｄ急凍食品又會問埋要唔要先解凍，佢地ｄ壽司全部都係手捏，好好味！佢地仲會開埋蠔，但建議叫佢送之前先開，咁就新鮮好多啦！！

很久沒來這裏又改變了不少就是加多了堂食的坐位呀呵呵下午五時來到 店內有點冷清職員有5~6位 都是男生哩﹝個個眉清目秀 不錯﹞我和母親大人點了不少東西食得很滿足材料新鮮 即時制作 就是最美味的基礎而且師傅們都很細心 知道我們冷就把冷氣調低 還給我們熱茶一千個棒!!!!最後吃了木糠布甸和牛奶布甸太幸福了還是那麼的柔軟 細膩 滑嫩這真的是比很多酒店的都好吃是必吃的甜點還出了很多新口味下次再嚐好了天啊~好飽