影片
以上資料只供參考, 請與餐廳確認詳情
影片
相片
炙燒瀨戶內檸檬芝士蛋糕($22)
+115
新增餐牌
雖然壽司郎個個月有限定， 但今次嘅蟹主題真係幾吸引嘅， 搞到文迪都忍唔住湊熱鬧。最有趣嘅係入到店內蟹味瀰漫， 比起千篇一律的刺身係幾特別嘅。蟹三味(水煮・生、蟹肉拌蟹膏)，蟹三味是最人氣但不便宜， 一次過食曬生熟同拌蟹膏， 啱曬一人前客人， 尚算新鮮過 過口癮之作。蟹肉忌廉可樂餅， 原本怕肥又太熱氣唔敢叫， 不過係有啲驚喜。 蟹肉忌廉好creamy 爆餡， 當然不會食到蟹肉但有蟹味嘅。蟹爪茶碗蒸， 餐牌上標明隨機蟹上臂或者下臂， 好似抽盲盒咁， 抽中下臂都有啲肉食嘅， 本身就鍾意食壽司郎嘅茶碗蒸。丸蟹大爪肉聽人講大爪肉好食過蟹腳，其實就係普通蟹鉗肉嘅大小， 今期款款都蟹腳食蟹鉗會特別啲， 物以罕為貴嘛。蟹味噌拉麵， 第一口個湯好重蟹味， 食食下就覺得味精感都幾重， 又冇之前嗰款味噌咁濃鬱， 壽司郎嘅 拉麵一向就係 日本便利店即食拉麵嘅味道囉，蟹脚都係有肉食咁。不過今次個蟹主題都唔便宜， 就當自己食緊超級平民版嘅蟹道樂吧！#文迪漫遊慢生活
繼續閱讀
話說，打那編藍田店的壽司郎時發現，原來屯門編未打，那就補回XD。上個月，去屯門時，其實沒有想去食的，只是剛好在華都走走停停，入去見無咩人先光顧，個檯位又掛牌說不用等，馬上能安排。其實想找個座位舒服一些的餐廳，而壽司郎的座位都算是好坐。坐下點餐，蜆肉烏冬是要必點的食物，真心抵食，當然不要預好大碗，份量覺得可以接受。點了個水怪的炸雞，有點像南蠻炸雞，就是不太嫰滑，汁水都有，可能又是太油膩感重，食一份差不多。叉燒壽司是用來配烏冬，像拉麵店的那種大小，而且又是吸人體質，一出門口起超多人，你整個自拍成個明星比人圍咁XD。店名：華都壽司郎。地址：屯門附近。費用：中貴，一個人你控制好就中位。如想看更多食評，在個人主頁點擊選，希望有金主課金支持，連優惠券也沒有QQ
繼續閱讀
8：00pm屯門華都商場取飛得叫號9：10pm入座，其間見到5-6組客人埋單離開，都未見1組叫號入座，似乎收拾清潔比較慢。而且晚上last dinner time流轉慢，冇員工主動掃走上一round已經過60分鐘的客人，令門口其他等候客人過久或流失。倒埋茶和豉油，兩個人只落左頭四碟壽司等埋上檯坐唔夠10分鐘後。9：30pm突然cut order！入座前門口reception“”冇“”提醒last order時間！cut 單前又“”‘沒有“”開廣播叫客人盡快點餐！問店長情況，佢還好輕鬆講佢哋9點半冇得落單明顯店長唔想最尾一轉俾客狂加單令大家上下齊心唔想遲收工，而我哋呢啲唔知last order time的客人就浪費一整晚時間+餓住個肚局住埋單離開。
繼續閱讀
今日唔知食乜，留返喺香港，最後揀咗壽司郎，因為留返喺香港只係得返壽司郎一個選擇。壽司郎嘅價錢非常之合理，因為佢哋好似冇再加價。仍然係紅色嘅碟子$12，藍色嘅碟係$17。呢個價錢嚟講喺香港食真係非常之合理。今次都係叫咗嗰幾個壽司，都係吞拿魚壽司，三文魚壽司，同平時一樣咁好食，餐牌魚壽司食性價比最高，呢一款唔係拖羅，只係普通嘅吞拿魚壽司。但係佢哋嘅味道係非常之好食，如果以$12嚟講，性價比真係非常之高。
繼續閱讀
屯門即使有兩間壽司郎, 但依然佈滿人流。假日中午時間大概等待30分鐘。6月期間限定的食物並不是太吸引, 所以都是點了日常的壽司款式。北海道產海螺：質感好爽口天然赤須海老海苔包：蝦鮮甜灸燒帆立貝配智利海膽：帆立貝的味道正常，但海膽不是太新鮮有少少怪味香蔥赤蝦：蔥的份量稍微不足，但仍然是我心目中的第一選擇。赤蝦的鮮甜和香蔥相輔相成，每次都要食2-3件才滿足。炙燒三文魚腩：三文魚的腥味較重醬烤鰈魚鰭邊：燒過後充滿濃郁的魚油香氣和嫩滑的口感小總結❤️❤️❤️📌香蔥赤蝦是推薦之選📌部分菜品的味道需要改進
繼續閱讀