影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
食家推介
壽司郎以高性價比聞名，吸引不少壽司愛好者。餐廳環境整潔，座位寬敞，適合家庭或朋友聚餐。壽司選擇豐富，三文魚、吞拿魚等刺身新鮮肥美，入口即化，壽司飯粒軟硬適中，醋味恰到好處，與海鮮搭配完美。特色卷物如軟殼蟹卷，口感酥脆，醬汁調配得宜。服務方面，店員態度親切，點餐系統流暢，食物上桌快。不過，繁忙時段需排隊，等候時間可能稍長，建議避開高峰時段。元朗廣場壽司郎提供高質素的日式料理，價格合理 ，如果諗起食高性價比壽司一定係壽司郎！
繼續閱讀
平日11點到，唔駛排隊直入，大把位去壽司郎必食性價比高嘅大拖吞拿魚腩！不過好得意，次次食親都係第一件ok,第二件麻麻。另外一定會食嘅係茶碗蒸，雖然唔算好平，但入面好多料，蛋又夠滑，所以都係我至愛之一。而極大凡立貝雖然一碟只有一件，但次次食都係甜嘅，而且無偷功減料，確實大大件，好厚身，口感一流！甜品卡達拉娜都係我至愛，口感好滑，仲有 雲呢拿籽香味，其實好想試其他甜品，但次次都太飽試唔到，又唔捨得放棄卡達拉娜。之前見到帝皇蟹腳話至到3月，但而家都仲有，可能未去晒貨，職員話都幾大份，係抵食，都心郁郁想試下。
繼續閱讀
今次係為3月份期間限定推出左個 「 大阪燒 」誘惑左去食～焦糖鵝肝壽司就食過好幾次 當然好食 性價比算唔錯❤️所以今次試下 「 大阪風魷魚燒壽司 」～🌸大阪風魷魚燒壽司 Urmmm 雖然只係一片薄薄既大阪燒 再加一大啖飯係底其實好普通 但係又好好食 我第一次食大阪燒係配飯食 味道又幾夾👍🏻🌸 漆黑螢光魷魚軍艦講到依個魷魚軍艦 我沒文化 不懂欣賞 秒吐出來🤮🌸 爆盛三文魚蓉軍艦讚！！ 一啖放入口 凍冰冰 好滿足😌💕🌸 雙色三文魚花盛- 生三文魚 -炙燒三文魚腩 🍣其實就係五片兩種唔同既三文魚放埋一齊我中意食三文魚 當然覺得唔錯 仲擺得幾靚🌷🌸 炸三文魚排配他他醬依個外面脆卜卜薄薄的 裡面有一塊三文魚 配埋他他醬 可以噢～
繼續閱讀
11月限定「赤醋飯祭x冬之味覺」❄️︎❤︎焦糖鵝肝壽司掌聲唔該！佢絕對係本月MVP🏆白砂糖經烈焰炙燒變成金黃焦糖，脆殼下係細膩豐潤嘅鵝肝BB🧡油香濃烈而且一抿就化，本人Encore左兩舊😳❤︎炸蝦排配塔塔醬壽司金黃外衣真係好夠酥脆喎！而且蝦排本人都鮮味彈口🦐加埋酸甜塔塔醬幾唔錯👍🏻 ︎❤︎三文魚半敲燒壽司魚肉外層經過烤製帶明顯焦香，油脂亦被微微烤出，比一般三文魚壽司多左一重風味❤︎炙燒寒鰤魚壽司寒鰤魚塊幾厚切，肉質順口味道樸實 ，較為特別係面層點綴左柚子果凍，突然嘅清新令口腔煥然一新✨❤︎炙烤瀨戶檸檬芝士蛋糕我食個舊頂部焦糖好薄，所以存在度係幾低，檸檬芝士接近慕斯口感，味道酸甜可口，整體中規中矩❤︎百年茶舖抹茶蒙布朗蛋糕抹茶忌廉濃度中等，抹茶控可以自行加埋綠茶粉享用😳中間係甜甜嘅忌廉同蛋糕，叫做有少少層次啦😬
繼續閱讀
見到壽司郎社交平台出左11月新野，即刻去排隊拎飛試下先😍-炸蝦排配他他醬好好食！壽司郎嘅炸物一向都唔錯，呢一個蝦餅佢入邊幾乎全部都係蝦肉，咬落去食到明顯蝦粒，好彈牙😍我嗌咗兩碟，兩碟都好似係剛剛炸起咁，嚟到仲好熱👍👍-灸燒焦糖鵝肝呢個係我見到佢個post最期待嗰一樣嘢，因為見到好多comment都話呢個好好食，但係食落反而我自己覺得個焦糖搶得太多味道，我食到好後面先食到有啲啲鵝肝味，所以係有少少失望嘅。-寒獅魚好食！魚油好多，我呢個唔係腩位，係食咗一舊先記得影相，所以本應一碟係有兩舊，同埋本身佢條魚有啲甘甘地嘅味道，好好食-帶子嗌咗個金碟帶子，上到嚟係真係好大粒，但係略嫌個口感偏腍。-炸魷魚壽司（唔記得個名）一貫作風，炸漿好食，魷魚亦都比起之前食嘅大條返，基本上食一條都好似已經霸咗三份一個胃😂特別一提，11月壽司郎做緊赤醋飯，不過我呢晚食覺得醋好似太多，食咗幾嚿飯之後已經覺得好酸😣
繼續閱讀
您可能會有興趣的...