寶蓮素食

營業中

休息中

本人排隊等候入場進食，有位哥哥仔安排失誤，沒有理會排隊等候果條隊，比沒有排隊果啲人入咗去。 跟著與他講番這件事情況，他沒有歉意、 身為服務性行業比佢哋搞砸晒。 食物差， 供應量不足。真是很失望。

以為$68食一餐。結果埋單要百幾蚊又收加一，菜式都唔值得呢個價錢。如果你話好好食就話啫…又路係….真係唔會再有下次。建議認真改善下，增加多些特色菜單，改善一下餐單，大家會願望為呢個價錢埋單。

晚上去食自助晚餐（6:00至7:30），晚餐是6:00開始到6:03才安排座位遲幾分鐘唔緊要，一入座去取食物發覺除了炸物外；只有一盤麻婆豆腐外，其他食物盤都是吉，到了6:50有一半食物盤都是吉，問A職員佢話師父請假，到問B職員話爐頭壞咗，到7:15分全部食物盤位置才放滿食物，而且只是交行貨煮啲嘢比你食十分難食，最嬲到埋單時問老板點解今晚安排得咁差，呢個女人簡直完全無視你收咗錢無理你，話過以後永遠餓死都唔得再幫襯呢間垃圾齋舖🤬🤬🤬

以前曾經幫襯過老店帶着期望你試一試新店星期六中午12:30左右到店門口已經有好多人 要排隊但係職員態度麻麻 等咗15分鐘之後覺得好對路見到店裏面有好多空位，但係店員一直唔安排入座而門口keep住有人嚟排隊 走去問職員要等幾耐職員表示：佢都唔知你自己決定 然後見到店裏面嘅自助餐盤，大部份都冇嘢食, 感覺佢係特登唔放人入去可能做唔切最後都係決定下次再嚟買咗啲齋鹵味就返屋企失望而回，奉勸大家過咗呢一段事新開張期先好去食可以先食外賣齋鹵味

2月5日初十五去，見排長龍，大家都係等完午市，入下午茶時段。 照排啦，去到頭位，個男職員揸住塊板，又打住電話咁乜都無講，咪照入去，個女職員頓時大叫，未入得，等個男同事安排。Ok，都算啦…入到去坐，6歲小朋友同我講計大人價，我就問“3-6歲唔係有得平$20咩？”，個男職員態度麻麻咁答6歲無優惠😠Ok，$20差價…算啦，出張單寫住14：28，無下午茶價錢🤯我即刻問，個女職員話頭先係門口已經講左好多次齋期無做下午茶時段，已經知道間野係呃人啦。 咁攞野食，自助餐…有6～7成既野一係吉既，一係就好似食淨唔要咁款。 成個過程麻麻地。最後去櫃檯埋單，同個收銀再問“3-6歲唔係有得平$20咩？”，佢竟然答“你唔早啲問既？我又唔知你幾多人，你坐低就問啦”，我就話一早問左啦，你又寫住3-6歲平$20，我小朋友6歲，佢即刻黑面+叫我唔好再講啦😡 途中我後面個女士問佢係咪只收現金，都鬧佢等一陣，唔得閒答你……態度差到好似欠左佢咁……之後睇番張單先發現，其實小朋友根本無平$20，巧妙既計法，令到成件事根本係呃人。總括黎講，間野唔係想像中好食，出面2餸飯都可以好過佢，又少食物選擇，出餐又慢。最嚴重既係成班人都係態

作為一個荃灣人，我當然食過舊鋪嘅齋菜。重開後得知做成自助模式，咁我就俾咗第一次食自助齋菜嘅體驗俾寶蓮… … 但，我覺得不如回到舊時個形式🥲🥲 亦都建議大家短時間內可以唔使考慮入去堂食自助餐。1. 價錢問題唔知點解，冇咗下午茶個時段…佢只係好細張紙貼係隔離話冇。但點解唔係佢個大牌貼張紙？問d員工話人手唔夠🤔🤔 吓，人手唔夠仲要收貴啲？倒不如唔好坐滿客好過 ～ 錢就收足，我唔預會食到d乜好特別嘅嘢…但我真係好想講未試過食到咁唔滿足😤😤😤😤2. 齋菜問題嚟得食齋，大家都會target d 齋鹵味、腐皮卷、豆腐菜式等等….寶蓮提供咗…炒菜心、清炒西蘭花、麻婆豆腐（素）、辣炒椰菜、蕃茄煮蛋、苦瓜炒鮑？片、翠肉瓜炒魷？魚、大豆芽炒火腿、茄子🍆但佢係我坐咗一個鐘內….基本係只出過一次，有啲直情冇人問津…要食呢啲不如我坐係酒樓叫餸食啦！好多盤係我食嘅時候都係咁嘅狀態🙄🙄我好想食嘅嘢又係點呢？長期個位得四盤野….誇張到我剛來時係一盤都冇😓😓 大家想食呢啲，30蚊係門口買盒返屋企慢慢嘆啦！芋頭魚一出，好似以前返大陸食自助餐咁..「搶」。好在，大家都唔會一個人拎一盤…都係夾幾舊…唔係我諗我真係嬲到即走….其

朋友見到網上介紹荃灣「寶蓮素食」新開張推出自助素食，一於約埋成班朋友試新嘢！我哋食過大部份素食自助餐都係新派fusion菜式，反而未試過傳統素食自助餐！早幾日打電話去問只有晚市先可以訂位，其他時段要walk in，暫時未有下午茶時段，話未知幾時會有！我哋食午市自助餐，由於我哋人多，職員好好，特別俾我哋訂位，服務值得一讚！我哋一去到餐廳門口，仍然貼住張收費表寫明有下午茶，所以收費有點混淆，若果暫時未有下午茶就應該刪咗佢！餐廳環境其實都算闊落，放置食物位置很好，方便大家取食物！食物方面：飲品：熱水，熱羅漢果茶，熱普洱陳皮菊花茶（幾特別），沒有凍飲！熟食：鼓油炒腸粉，炒粉麵飯，蕃茄炒蛋，炒茄子，炒南瓜，豆腐，蓮藕，菠蘿咕嚕肉，炒菜，炒四季豆，芽菜，排骨蘿蔔（幾特別），蒸燒賣（有創意）等等..炸物：必食芋頭魚（必食😋），炸蜜瓜奶（必食😋），炸雲吞，炸茄子，炸南瓜等等...齋： 酸齋（好食😋），咖哩齋，齋义燒（好食😋）..有4款前菜：沙律（當中有羽衣甘蘭）醃青瓜，木耳，蓮藕水果：橙**沒有湯，只有粟米粥（好食），紅豆湯，碗仔翅值得一讚，員工有禮貌，服務好好，收拾碗碟快！總結：收費應該要清晰，午市

呃人素食餐廳！!冇服務又要加一，3:30下午茶$68，坐底食緊，就見靜鷄鷄放下張單係收午餐價錢$85仲加一！ 入到去已經好少野食！門口話自助餐可以食90分鐘， 60分鐘就叫人走！ 食到一肚氣， 員工同收銀仲面黑話只收現金⋯⋯一定無下次

新假期的綠續社真集，介绍荃灣重開的寶蓮素食自助餐，由新一代主理，宣傳：吃的是味道上、人情味，特別做傳統齋是不容易，希望為傳統素食館加油。深深被年少老闆對主理傳統素食那份熱誠感動，就相約即將離港移民的朋友到此一敍，大約下午三點半入座，一進門待應就即刻安排座位，並沒有多作介紹及解釋，我們就各自到自助bar 取食物，當開始進食時，待應就遞上收據，係每位$85，共四位，根據門外標明午餐(平日)：$85(11:30-14:15)，下午茶(平日）:$68（14:15-16:30)，是日2/2/2023（四）、農歴正月十二、非公衆假期、非齋期，怎樣計算是平日，詢問下待應說今日是新徵頭(正月十二)，實在不合理，其實收費多虧或定位是由餐廳自行決定，但入座前或門外是否張貼告示通知客人，一間以傳統齋⋯⋯人情味打口號的餐廳，居然在正月十二，這樣濫收客人費用，實在十分失望。此外，到下午三點四十五分，食物有部份已沒有添加，記得我們是三點半入座，只是略加幾味，可能受到不合理的收費影響，坦白說其實食物味道真是得過且過，齌鹵味的味道可以如此點檔，尤其咖喱齋，我有懷疑是否咖喱粉是昂貴的調味料，可以如此淡味，人情味這方面真

上個月途經荃灣沙咀道時，見到這間位於沙咀道寶石樓的寶蓮素食在做新開張儀式。因為是從舊舖搬過來這個位置，見到環境、食物質素不錯，當時就心想找一日來試。今日中午有空就找來喜歡素食的朋友同來嘗試。因為新開所以裝修新淨，而且地方亦比以前舊舖顯得闊落、整齊、清潔。餐廳採用自助餐形式，形形色色的各種食物放在靠牆邊兩大行。素食的種類也應有盡有，我先挾了吃齋一定要試的幾款齋鹵味試一下，味道和質素都保持一貫的水準。再試了他的粥、素翅、炒飯和麵亦都一定的水準。另外還有其他不同種類和口味的齋菜，味道還算可以， 不過個人覺得就是全部都比較清淡不夠鹹。至於其他還有炸物類的，比如天婦羅、 芋頭魚、春卷、饅頭等味道亦不錯，唯獨是外表有些炸得有點過火影響了外觀。還其他的甜點、點心、糕品等亦有供應，但數量種類不多。整體上說今餐的食物品質、種類都算得中上之選，價錢亦是合理。值得一提的是如果要光顧的話早些入座會好些，因為覺得出食品出的次數不會太密和份量亦不會太多，這點希望下次再來的話會有所改善。

見搬了鋪，而且變了自助餐就黎試下鋪內明顯比較光猛，裝修也比較時尚，門口的點心櫃望落好多選擇，幾吸引我兩個人揀了晚上的自助餐，原來分開了六點同七點的時段，可以食90分鐘，我就揀了六點的時段，建議去前book位，準時去到見菜式才慢慢上冷盤有沙律，各樣的涼菜如醃清瓜，蓮藕前菜都有齋滷味，有炸物如蜜瓜奶，炸淮山，炸茄子，春卷，芋頭魚，炸芋角，清了就會上另一款，炸蜜瓜奶好味，其他炸物覺脆漿較厚熟食有飯麵，炒菜，豆腐，蕃茄炒蛋，椰汁南瓜，整體都幾好味，仲有碗仔翅，粟米粥甜品有糕點，水晶餅，紅豆沙，有生果都算幾多選擇，絕對可以食到好飽*暫時只收現金*