寶城美食店

營業中

休息中

哩度嘅收銀及樓面阿姐絕對可以滿足到鍾意玩被虐嘅朋友嘅需要！！！唔係要皇帝級嘅享受，但係連基本禮貌都冇之餘仲要好似爭咗佢好多錢咁受佢氣，就真係令人卻步！！！食物未到已經氣上心頭頂住頂住，叫人仲邊有心情食？至於嗰隻炸脾，唔知點解會稱得上係好食？佢係唔難食，但食得出佢用嚟炸嘅油呢，係未至於「澺」但就用咗好耐好耐咁囉⋯⋯真係好可惜，我係絶對唔會再幫襯哩間野食其他食物！！！算係抵食夾大件嘅，因為贈送埋「貼錢買難受」！

Happy Friday要食得瘋狂d, 依間食炸脾出名的地下餐廳，位於商場地庫，商場地庫向來人流少，但偏偏依間餐廳在食晏時間係排長龍的🤣其實佢都有好多飯款選嘅，價錢經濟的，不過咁耐無食，今次當然要食返炸脾先啦，配黑椒汁😁送埋例湯，都係4x蚊！排排下隊，已經宣佈滷水雞脾售罄啦，真係受歡迎😅今次隻炸脾一如以往，即炸又大隻，睇下相就知😋所以我即使叫了少飯，都好夠飽，好滿足😊會再黎，食其他野，試其他汁😉

隱世平民食店，主打大大隻炸雞髀，位於舊式商場紅磡廣場內，商場格局好懷舊。這家寶城美食店共40多年歷史，門口好懷舊，好有feel 。炸雞髀飯款色選擇很多，有黑椒丶咖哩、蘑菇汁丶蒜蓉丶豉油、粟米丶茄汁及鮮茄汁等等，梗有一款味道適合你。點了 巨型生炸雞髀配薯條丶黑椒炸雞髀飯，雞髀超巨型，外脆內嫩有肉汁，是小時候的港式味道，印象中小時候90年代的港式雞髀也是這麽巨型，此外黑椒汁夠濃味。而薯條也夠脆，味道合格。飲品，沒大問題

香港經營多年的小店日漸息微，好多都經不起時代巨輪。現在更一場疫症橫行，更令我要珍惜這些人情味小店。寶城在紅磡廣場地庫，食客多是附近上班族和街坊。位置不就腳，但其生炸雞脾的功力卻極其深厚。典型港式壞舊快餐台格局，餐牌在門口，有廿幾個碟頭飯任君選擇。其實每樣水平比起一般連鎖快餐都要好，如果早一點更有老火例湯。我的絕對心水當然是炸大脾配西汁意粉，平時會堂食，非常時期惟有外賣自取。一個飯盒已滿滿的意粉，炸脾太而且脆卜卜，會另外入紙袋。炸脾沒有上厚粉漿，但雞皮脆度可與乳豬皮媲美。一啖咬下，一滴滴肉汁沾滿咀角。一手叉意粉，一手拿起雞脾往口裡 拉扯，何其痛快！！其實除了西汁，還有幾款醬汁可選，記得是咖哩汁 栗米汁，黑椒汁……不過老餅如我，西汁就是我童年的味道。

一到下午，勞動力過多，必定諗起寶城的雞脾飯 來補充體力，佢的炸雞脾 同隻碟咁大隻之外 又多汁 又唔會炸到硬晒舦 脆卜卜，正！ 飯仲有多種汁選擇，西汁，咖喱汁，白汁，豉油汁不過佢d飯稍為硬咗啲 唯一一個美中不足 ！另外佢的荷葉飯 都好好食 可以值得一試👍🏻

人家想食時菜沙薑雞髀飯，排到收銀阿姐先話無，仲堅稱早已賣晒，無掛牌出黎架 ﹗阿姐不如您自己行出去望下門口有掛住，就算係收銀機隔離都有掛住，到底我有幻覺定您有幻覺呀？話口未完轉頭後面有兩個阿叔都中蕉，阿姐重語氣回答都話無掛沙薑雞髀個牌出黎咯﹗老闆好野喎，寫老香港文字雞肶唔用雞髀，咁就唔會寫錯脾仔個脾啦 ﹗發現檯面放著到會餐牌，茶記真係好罕見喎。當愛情來的時候，心情及情緒總是忐忑不安，始終有點動盪、失落 ﹗點解人地有我無、點解人地有我無、點解人地有我無！黑椒汁炸雞髀意粉，烚意粉功力不錯，嚥韌彈彈幼條意粉，沒有過腍，沒有變粉口，捲著大量黑椒汁更滑溜更濕潤，大大啖塞得嘴仔脹卜卜，幸福快樂﹗黑椒汁炸雞髀飯，憶起 5 年前的柴皮雞髀，寶城真係進步神速，非常有誠意 ﹗炸得皮香肉嫩，薄薄脆雞皮，不油不膩十分香口，用刀叉將雞髀撕開，索一聲超感悅耳動聽﹗氣味環繞四周，香噴噴極為震撼﹗馳名中外，紅磡脆皮炸巨髀﹗熱騰騰彈牙香滑肉汁滴滴閃令令，醃味清爽醒腦提神，食完渾身是勁無得彈﹗薄脆雞皮咬到索索聲地悲嗚，一咬一扯撕裂的聲音更加悅耳。雞髀皮鬆化香口，白滑雞肉肉嫩爆汁，純鮮雞肉甜味，醃味清爽，可口得宜。肉結實微滑

📺【金宵大廈】播出，#佳爺生炸雞髀🍗 即刻急call小公主要食😋1個月1次Quota ，就俾你食啦🤪#寶城美食店 係Vienn細細個食到大，家陣要傳承 #吃好西文化🤩亦係食勻🥇香港生炸雞髀🍗既 no.1🎉🥇呢間咁邪惡既店，位置於紅磡廣場，仲係小公主學畫畫🎨附近，價錢相宜🍗#生炸大雞髀🍗即叫即炸 $32 另有飯餐（$48）可以配白汁、黑椒汁、蘑菇汁、粟米汁和蕃茄汁‼️下午茶可以配沙津🥗或薯條🌯‼️❤️Vienn最中意就係蘑菇汁🍄 係KFC特濃豪華版😍但怕辣既朋友仔🥵就汽水🥤送飯啦小公主就中意粟米汁🌽，唔係罐頭🥫湯係自家製,夠creme濃郁生炸大雞髀🍗首先唔係千年油炸，日日換炸油，炸到金黃色雞皮炸到 #脆卜卜，唔食就走寶😝唔會炸到乾爭爭，極之Juicy💧🙊呢間隱世美食，仲唔去試下⁉️📍寶城美食店 (紅磡)🔖紅磡馬頭圍道37號紅磡廣場地庫2-3號#TR90達人 #怎吃也不胖 #養成易瘦體質#肥dodo食記 #plattsvienn #foodie #foodporn

久聞這裡的炸雞肶很出色，但很少會來紅磡這地方，所以終於剛放假的起心肝特意來試試😆結果這名物真的沒有令我失望！炸雞脾是大碼的，雞皮很香脆，雞脾肉仍保持外脆內嫰而有肉汁，調味亦好味。大滿足！

好多人都讚，所以來試試，炸比飯，茄汁。炸比係幾好食，但應該係炸定再翻炸上。 汁好似我90年代返中學時期快餐店食個種，好有回憶。汁幾好，，可能係食回憶吧，，飯真係太林太軟，煮得唔好，唔夠一粒粒，，，太多水，有待改善。環境一般，午市多人，比較迫。下次淨食外賣炸比就夠

每當我想食炸雞髀嘅時候，我通常都會諗起喺紅磡廣場地庫嘅寶城茶餐廳！因為呢到嘅炸雞髀真係好出色呀！搞到我成日心思思都想食！今日晏晝我又嚟咗食喇，炸雞髀可以有唔同汁配搭，黑椒、茄汁、咖哩汁、豉油、沙嗲、蒜蓉、粟米，仲有鮮茄汁，不過要加$3！真係應有盡有！我今次揀咗普通茄汁，另外+$3要多條香腸！由於佢係即叫即炸，同埋好多人叫嘅關係，所以真係繁忙時間真係要等耐啲，我今次都笞咗二十分鐘先有得食！講返味道先，首先雞髀炸到皮勁脆，一切落去仲有啲肉汁流出嚟，肉都算鮮嫩，啲肉係有醃過嘅，所以帶啲鹹味，配埋啲酸酸甜甜嘅茄汁，真係送到成碗飯架！生炸雞髀真係唔同啲！望住張圖我又想食多轉喇！

今日我又去左食紅磡出名既巨型炸脾做lunch佢本身都好似幾出名 有上報紙 今次同朋友緊係再試番佢既招牌 炸脾飯 而我怕熱氣就叫左個滷水雞脾其實炸脾佢都可以轉意粉同配唔同醬汁，有茄汁 、黑椒 、鼓油 、咖哩 、粟米 、等等...我食過一次炸脾配茄汁 ，我覺得好好味 ，酸酸甜甜 ，順便一提 佢地個老火湯好好飲所以成日好快賣曬，今次我地就叫唔到啦。不過朋友就叫左個炸脾飯配鼓油汁加條腸，因為佢話試過幾款汁 都係鼓油最好味 佢係滷水鼓汁 重可以自己任加🤭$48佢真係有面咁大 皮炸得好香 肉汁多又夠滑滷水雞脾加旦$48都幾好味 。份量都夠 ，幾入味 ，肉好滑。但唔夠炸脾出色🙈

茄汁炸雞脾飯！多汁唔該！呢個飯由$3x食到而家$44依然係咁好味！每次去紅磡都會幫襯較舊式快餐店都會係即叫即整，隻隻都係大雞脾，炸到雞皮香脆鬆化，鎖住肉汁原汁原味㗎！用叉拮落去咯咯聲脆卜卜，超級$44有湯或汽水，改新鮮蕃茄汁加$3就得提提大家，星期日休息唔開㗎

每次去紅磡，都必定特登走去紅磡廣場地庫寶城食西汁炸雞脾飯！這個店舖比較地道，客人要自行到收銀處落單付錢，再交給廚房。店員會憑數字牌把食物送到你的座位。也是一個不錯的體驗！至於炸雞脾，每次都一定炸得皮脆肉嫩！咬開後裡面仲會冒出煙來，保證熱辣辣。配上酸甜開胃的西汁，令人食指大動！如果你望向其他客人，會發現大部分都食炸雞脾，就知道真的是鎮店之寶！午餐時間幾乎每天都爆場，要撘枱才有位。如果大家經過紅磡必定去試！

寶城美食店座落於紅磡廣場地庫，平時除早午餐時間外，人流都較少。只開星期一至星期六 7 AM - 6PM，星期日和公眾假期休息，如果想試就要夾啱時間了。炸大雞肶即炸需時，點餐後有個號碼牌給你，只要放枱上，有員工會拿餐來的。大約等咗10-15分鐘左右，有專人送到。雞肶有大過一個手掌咁大隻，從外觀是炸得透，沒有血水流出，雞皮脆脆的脹起。雞肉很厚，醃得亦相當入味。雖然有些怕吃太多雞皮，但脆雞皮夾入味雞肉一起吃，令你不能自控的全部吃光。沙律是舊式茶餐室的薯仔、青瓜、紅蘿蔔，薯仔是較硬身的做法。

每日一到lunch time, 食咩都會係一個問號❓但係一提到「炸脾」，大家都會舉手贊成！🙋🏻‍♀️🙋🏻‍♂️呢間嘅「炸脾」喺紅磡真係數一數二👍🏻，每次去到都擔心搵唔倒位，因為真係好多人幫襯架，幸好有時等一陣都會有位👏🏻。不過一到點餐嘅時候就特別緊張，因為你要講得夠快。狠。準。🙈🤣大家會見周邊嘅食客都係叫「炸脾」！因為真係好大隻而且係外脆內嫩😍 真係唔知點解佢地可以將咁大隻雞脾外皮炸到咁酥脆，而入面嘅雞肉咁嫩滑架～ 再配埋冰涼嘅可樂，絕配！😋証明佢地放左幾多心機、時間、經驗喺隻雞脾冰度！👍🏻👍🏻👍🏻不過，大家就要俾少少耐性等一等喇，因為佢地係即叫即炸，絕對「新鮮滾熱辣」架！👍🏻 另外，佢地嘅份量亦唔少架，一定夠男士食！所以細食嘅您，記得喺點餐嘅時候要講「少飯/少意粉」喇～珍惜食材，唔好浪費吖！😊正常份量： 炸脾飯 （咖哩汁）配可樂 $44.00