實惠餐廳 (已結業)

良景商場裡的食肆因領匯重新裝修商場而相繼結業,六月某個週日跟大人到良景吃下午茶時才發現酒樓已經圍上圍板,兩家佔地甚廣的茶餐廳於月內結業,這家實惠餐廳也(已)於16/6結業,今次真的趕上了尾班車。棄祥景選實惠,皆因前者生意興隆吉位不多,而這家卻剛好相反,不喜擠迫的月巴母女當會選她。當打開餐牌時,大人有感而發的說:"難怪隔離咁多人, 呢度真係好少選擇!"果然事必有因的。可能因快將結業關係,很多食材已告售罄,包括大人想吃的沙爹牛肉,看到燒味櫃中的油雞頗為肥美,結果選了兩款燒味粉麵代替。燒鴨湯瀨非常對眼,燒鴨應是剛出爐不久,外皮還是漲卜卜脆脆的,當中油份剛好,不會過多;鴨胸肉很厚肉但都入味,鴨肉還有點肉汁,質素不俗的出爐燒鴨;瀨粉顏色白白,質感滑溜溜又有點彈牙,配著有鴨汁的湯底已是美味。油雞湯米的米粉用上幼身貨色,但又不是新竹米粉般幼細,米粉軟滑中有嚼勁,而且份量不輕;油雞真如架上那隻雞般肥美, 帶豉油甜味的雞皮煮得滑滑又夠肥美, 雞肉相對也算很滑,當然雞味欠奉;蔥油意外的好吃, 鹹度不高蔥粒也沒怪味,要來拌飯更為一流。自己的常餐A=蕃茄湯通粉+炒蛋腸仔雞翼+奶油厚多+凍奶茶而成。凍奶茶以雲石造型來到, 可想而知花奶份量不會太少,茶味普通沒甚茶香味,由於花奶不少所以奶味較重也很滑, 黃昏飲用也不怕晚上睡不著的奶茶水準。面對水吧而坐,看到水吧中的年青小廚師在沖奶茶,見他不斷在用兩個壺在拉紅茶,而且用上厚身有耳茶杯盛熱奶茶,相信會比凍奶茶來的夠勁道。通粉用上坑紋通粉,煮得質感偏軟,失卻QQ彈牙之感,可以再好一點。蕃茄湯底有丁點鮮茄肉在內,加上茄膏煮成的湯底酸甜味和蕃茄味也不夠濃,很普通的蕃茄湯底,反而兩件薯仔卻夠鬆化,粉糯糯的伴著蕃茄湯真的好吃; 腸仔炸得表面有點脆脆,原來是雞肉腸哦,久違了的炸腸仔味道了; 炒蛋其實像庵列的蛋皮,煎得一點也不滑溜,蛋味也很輕而且油份稍多,浸在湯裡令湯底變得油潤起來;雞中翼炸得頗深色,醃得非常夠味連雞肉也變得深色,外皮也夠脆但不是很好吃的水準;見到常餐可配奶油豬真的大喜,可惜又告售罄,只有轉為厚多士,厚多烘得未能鬆脆,微脆中帶軟,不過厚麵包畢竟比薄麵包夠口感,加上奶油不會難吃的。快將結業關係,侍應們都是悠悠閒的,很有末世紀風情。…查看更多

無咩幾何黎喱頭食早餐，有幾間茶餐廳既物體，都係是但篤一間黎試下喇！唔係特別好食，但又未至於好難食．１．番茄薯仔通粉加餐肉：湯底偏淡，但味道都較得幾好．２．火腿湯意粉配煎雙蛋，牛油多士：無味既湯底，多士難食，有殼既蛋．３．熱檸茶：茶偏濃，但都不錯．…查看更多

係良景住食開野既人都知最出名既常餐應該去祥景因為個度d奄列真係好好食好正, 不過近排d人成日都話祥景就執所以都係試定下新野先, 之前食過一次呢度覺得d野又貴又唔好食, 不過又再聽人講話換左廚師好食左, 又見佢真係多人去左所以就食多一次啦叫左個蕃茄常餐一碗蕃茄薯仔通粉, 佢真係個味好似屋企個d蕃茄薯仔湯雖然感覺上好似怪怪地, 但佢又真係好真材實料好多蕃茄好多薯仔其實幾好食, 而且好健康個餐仲有一份奶醬多, 午餐肉, 蛋同一隻雞翼有驚喜係隻雞翼因為好有香茅味! 而個奶醬多都唔錯, 其實佢本來唔係奶醬多係奶油多不過你落餐個陣同佢講佢都肯轉檸茶就麻麻雖然唔係話真係好好食, 比起祥景似終都仲有d距離不過都幾有新鮮感, 有時轉下口味都好, 不過我覺得貴左d!…查看更多

今天閒逛到良景村，我倆決定食完下午茶再出村後的菠蘿山行下(無懼酷熱警告?)要遠離炒粉麵飯T_T，有個餐是包蕃茄湯通粉,厚多士/西多士,雞翼，配埋熱華田都是$20，好抵食。:)西多士當然沒有我的份T_T，多士可以選奶油多,油占多那些，我要的是占多，落單阿哥問”油占多呀?”，我話”唔要牛油架,果占就得”。厚多士不厚，是兩塊薄薄的三角形麵包烘成，少少脆身，果占非常多，我要’剷走’一大劈後才敢放入口。(其實怕肥 XD)雞翼不算大隻，表面塗了蜜糖，亦醃到入雞肉內似的，因雞肉幾甜美。蕃茄湯通粉的湯竟然是羅宋湯!!!!還是很濃郁那種!!!超強蕃茄味!真的很好味道哦>0<!!!還添加大量椰菜!食完一碗我都嫌未夠喉呀~~~~~反而老友點的羅宋蕃茄薯仔湯通粉餐，那個湯咁似是蕃茄薯仔滾湯= =…難道廚子錯配了嗎…XD…查看更多

調查過程:星洲炒米加凍奶茶唔明白星洲炒米怎可能乾成咁.又冇味....凍奶茶一般價錢絕不"實惠"調查結果:貴,難食.飲食審栽員認為此食肆列為一級黑店,十年內絕不再去,良景選擇雖少,但少一間都冇所謂. 退庭…查看更多