富記車仔麵 (已結業)

作為香港獨有飲食文化，車仔麵可說是其中一個代表，但近年新派麵店，往往捉錯用神，以為款多便是好，但在下最常光顧及愛吃的，基本上只是那四五間及同款餸。九龍灣附近的富記便是在下愛去的好地方，而且有少見的柚皮，今次加上生菜、豬皮、咖喱魷魚及粗麵，再來一枝汽水，都只不過$30左右，柚皮毫無苦澀味，咖喱魷魚辣度輕柔，有嚼口，豬皮扣得入味，吃得滿意。

每次黎到九龍灣都一定會諗起依到既車仔麵。不但係因為價錢平，而且好味！不過佢既位置比較偏僻，如果就咁係去九龍灣行街既人應該都幾難發現佢，所以係到推薦下比大家啦～依到既價錢係計每個人叫左幾多餸的。豬紅，蘿白，豬腸等就$3份；螺肉等就$6份，各位自己叫時就睇清楚了～不過值得一提係佢麵同粉既份量比較少，所以提議大家最好叫兩份！女仔一份都唔夠，男仔其實可以叫三份！依碗係我既。有兩份河粉，豬紅，蘿白，豬腸，餃～加埋$22依碗係女朋友既。唔好睇好似好多豬紅咁，其實依到叫左三份豬紅，因此之前黎食過幾次豬紅都好好味，所以佢一定會叫多幾份的，不過今次佢就話比之前差左少少，無咁入味，希望下次可以整番好啲！另外還有兩份米粉，蘿白同雞翼尖～加埋$21依到有學生證同叫夠$20就送飲品，各位記著帶埋去！其實今次整體上無之前咁好味，因為個湯淡左，應該係因為加唔夠辣汁，所以今次個評分會低少少啦，期待下次去食會更好味

見到好多好既評價，就去試下啦！去到見到仲有好多空枱，以為會食得舒舒服服，點知個呀姐係咁叫你行入d行入d！驚死做唔切生意咁！$3一個餸好正常，但洗唔洗俾咁少呀，蘿蔔係平價貨黎架啦，竟然俾三小粒你！我食咁耐車仔麵都未見過d餸少得咁可憐！仲有d豬腸又un又實，不過咁細粒都唔怕啦！究竟d學生食唔食得飽架？惟有飲罐可樂頂肚啦！最衰我唔記得影番張相post出黎！想有下次幫襯都幾難！

4月4日, 去到九龍灣想搵下有咩平野好食, 搜尋一下先知道原來呢度有一間好平嘅車仔麵, 唔講一定唔知, 因為地方真係好僻, 行到入一入先見到~ 但係食客都唔少, 應該都係街坊街里. 食物種類都唔少, 叫麵餅, 揀餸料, 淋埋湯底, 俾錢, 食得~::: 豬大腸紅腸芝士腸生菜粗麵 + 可樂 ::: $17 + $7喜愛嘅三腸車仔麵, 加埋沙爹汁, 賣相唔錯~ 價錢雖然平, 但係份量亦比較少, 紅腸芝士腸都係正常料, 唔係放好耐嗰隻, 都算新鮮, 味道都正常. 豬大腸味道幾好, 滷水味唔係好夠, 但係煙煙韌韌仲帶點肥膏~ 料可能都係嗰d, 普普通通咁, 所以車仔麵湯底絕對可以分得出高低, 本身清湯係淡咗d, 火喉都略嫌唔夠, 不過沙爹汁亦都幫到整個麵吊起個味, 算唔錯啦~::: 冬菇菜肉餃生菜米 ::: $14一個兩餸麵加菜只係$14, 真係抵到爛!! 餸料份量少係預咗, 菜肉餃皮多餡少, 而且都唔算新鮮, 都有少少爛皮, 味道偏淡. 反而冬菇有驚喜~ 煮得夠淋, 好香蠔油味, d蠔油味仲可以點綴下個清淡嘅湯底添!整體個車仔麵價錢真係好平, 而味道都算咁上下, 但係份量都對比地少, 我諗我

其實, 車仔麵, 真的應當像這家一樣, 小小的, 便宜的那些鍾記呀街邊檔呀, 一個送都$7-$8 或以上這家, 吃個3送麵也只須$17米線, 當然不會太多, 不像譚仔那般多吧牛肺, 正, 像牛雜那般, 似乎還腍些, 又香豬腸, 乾淨, 清除掉了肥膏酸齋 也可以, 沙嗲汁杰稠稠了一點兒...如能熱點稀點更佳辣椒油也給人一種失去了的感覺, 因不是很辣很辣那種九龍灣咁難得找到$20左右美食,以後狂去吧豬兒仔則沒得去喇~

呢間車仔麵位置就偏僻.在冷巷而路口又無店名.環境雖則無華麗裝修.但光猛衛生..已經接受.入到店內選車仔餸...一枝可樂..大..7元.夠凍.爽....點了.蟹柳,豬手,豬腸,湯底,加咖哩汁....豬腸:入味,彈牙.無肥膏...正!豬手.加上南乳醬.骨多過肉...只可說南乳醬入味....蟹柳:雖則來貸...但後期加工..炸過,不至於落水後..會散.......湯底清甜...埋單28元...都合理

師傅久唔久都幾鍾意單拖黎呢個環頭, 何解呢? 師傅又不得而知喎, 淨係覺得呢個環頭都有幾多野食, 有唔少選擇, 不過識唔識搵又係另一個問題; 自從師傅試過文記覺得幾失望之後, 對呢區嘅車仔麵都有少少戒心; 早一 陣子又黎到呢區, 又想搵下野食, 喺無心插柳下比師傅搵到呢間車仔麵食店, 諗左一陣, 最後決定豁出去, 就入去黎個小吃!入到去食店人唔多, 師傅本應諗住坐底先啦, 點知個阿姐叫揀左先, 於是就傻下傻下咁行番去睇有咩食, 諗左一陣麵底決定要米粉, 之後就揀左四個餸, 分別係牛肚, 豬皮, 豬腸同辣魚蛋, 四餸車仔麵諗住都要廿幾蚊啦, 點知比錢時個阿姐話十八蚊, 十八蚊四個餸, 師傅雖然未食但都覺得抵食!之後另一位阿姐又幫師傅將碗車仔麵攞埋去張枱度, 完全唔使自己做, 值得加分! 坐底後師傅第一時間開餐, 先試湯底, 湯底淡口冇黎味道, 好普通囉, 當試到湯底唔吸引時, 師傅心諗唔係又賴野呀; 喺非常心寒下再試牛肚, 估唔到牛肚炆得好腍, 不過似乎唔多夠味, 如果濃味少少相信會更吸引; 至於豬皮就幾爽口, 爽口得黎唔韌, 亦唔會爽中帶少少腍嘅感覺, 呢種豬皮就係師傅就最鍾意食, 加

之前每次到附近,總是不其然去文記食車仔麵,今次都唔例外,不過仲未搵到期間,就諗起呢間舖.雖然位置有點僻,不過唔難搵,下午時間,人流稀少,又沒有所謂下午茶之類套餐,睇睇水吧位,竟然有我最愛的柚皮,正.先來一個粗麵底,配料要了生菜,魷魚,蘿蔔及柚皮.加了少許辣汁,但一上檯已知唔夠味,即刻再加牛腩汁.粗麵底明顯是淥得過火,麵身太淋,少了一份咬勁,魷魚是鹼水味去得不夠清,可以少點更好,唔太韌,幾好,蘿蔔雖然切得太細粒,不夠豪氣,但那一朕甜味來得自然又突出,非常討好,柚皮炆得夠入味,而且苦澀味去得好清,纖維質依然,同文記相比,.可能更勝一籌.埋單不過十六蚊,以四"食送"麵來講,實在有驚喜,一定會再來.

　　富記在九龍灣享負盛名已久。我這次是特地來試食，畢竟每星期也會來這裡一次。　　價錢來說還算便宜。麵由$3至$6元不等，但麵量太少，下次再食定必叫兩底。配料方面也是豐儉由人。我叫了螺肉、魷魚、蘿蔔、豬紅和牛膀。螺肉只是一般，不叫也可；魷魚頗彈牙入味；蘿蔔是用作吸湯之用；牛膀也不錯，沒有異味，不過有點硬。朋友點的豬手味道普通，但$6有兩大件，幾抵食。　　那個湯也夠辣，飲得好過癮。蔥是可以自己任加的。我是看到朋友加了才醒起，這時員工「醒目」地拿來一大盆蔥，於是在拍照後加了一整碗。原來浸在辣湯裡的蔥係咁正的！今餐真係抵食，皆因學生還有免費指定罐裝飲品呢！

在呢頭要吃車仔麵，文記吃過一兩次味道只是麻麻，我十次有九次都係來富記﹗呢日無端端想食韮菜，就是左呢度食麵﹗點了白菜仔、韮菜、魷魚、蘿蔔、鴛鴦腸、雞翼尖加辣粗麵﹗樣樣餸味道都很好，魷魚彈牙、翼尖鹵水入味，可惜的是份量少了，翼尖一份只得三隻，魷魚只有兩條鬚左右，同以前比好像少了很多﹗以前吃到廿五蚊0的麵同餸頂哂上蓋，而家外賣就沒有那回事了﹗

呢晚(9/1)原本諗住同太太食傳說中o既無敵炸肶，點知太太趕唔切，所以唯有一支公搵食。見到有車仔麵，又見自己好耐冇食過，所以就決定試下。一入門口已經開始揀餸，於是叫咗粗麵拼豬紅豬腸牛肚加菜心！首先要推介豬腸，勁入味，又乾淨，又唔肥，掂！其次，牛肚都有水準，夠味亦唔韌。豬紅相對地只係一般般，咬落散散地…菜心其實都唔錯幾嫩下，可惜份量少咗o的。可惜個粗麵唔係幾得，質地偏硬兼好o鞋。不過，最重要係抵食，以上只係$17大洋！p.s. 返o黎上網查一查先知，原來此店已經有唔少好評，符碌撞棍都俾我搵到好o野！睇o黎09有食神…

地盤工人開始好多都無工開，主要原因係根本而家都唔知有咩可以做，僧多粥少下真係只有慨嘆﹗呢日0係呢度叫lunch外賣，由於尋晚打左邊爐關係今日都係食清0的，所以叫左個淨餸﹗之前都已經介紹過，很喜愛呢度既雞翼尖，鹵水很是入味，今次再食，感覺依舊﹗仲要再讚就係我最鍾意既魷魚，好彈牙有咬口，正魚旦普通貨，反而蘿蔔好腍又無渣，好食﹗20蚊有野飲送，抵啦﹗老闆娘依然係笑容可掬，既有禮又愛講笑，怪不得小店坐得滿滿，除了食物好食，服務都很重要呢﹗

相信十多年前有出入牛頭角下邨的人仕，很多人都知道有檔車仔麵檔好好食，我當時是讀中學，不知佢叫咩野名，亦不知佢叫咩野出名，總之抵食好食！後來下邨清拆，以為佢從此消失，直至三年前偶然在淘大附近搵食，見到間車仔麵檔咪入去試下攞，點知竟然俾我認到個老闆娘！原來搬左繼續經營。雖然入左舖無以前風味，但係佢仍然保持「揀麵餸>俾錢>坐低」的流程﹐餸菜款式仍然超級豐富，有新派有傳統，價錢仍然非常相宜，簡單點碗4餸麵約20蚊，而且份量十足！雖然佢的辣汁比以前淡了，但仍非常好味，而舊式餸如牛肚牛腩豬腸魚旦豬皮蘿蔔等，比出邊的好味幾倍，值得一試。另外一樣同以往一樣的，是無論如何總有烏繩飛來飛去，所以要一邊食，一邊睇住有無烏繩飛埋黎……

呢間富記我都食左佢好多年，歸根就係佢地既質素唔似得其他車仔麵咁俾人個感覺好唔乾淨求其，呢度雖然鋪仔細細不過都算井井有條﹗食車仔麵最緊要當然係0的餸啦，呢度既魷魚、鴛鴦腸、酸齋以及豬扒都係好味之選﹗再加埋我最愛既雞翼尖同埋蘿蔔，咁就成為我今日既午餐喇﹗一碗都係廿幾蚊，老闆娘唔似得其他地方咁收左你錢俾個麵你就算，仲識得閒同你講下笑，呢0的咪留客囉﹗食滿廿蚊有包紙包野飲送添﹗抵呀﹗

雖然搬左鋪，不過d水準仍然keep得好好，所以成日都會去食...而且價錢唔會話好貴^^岩晒我~呵呵!!但係食左咁耐，食黎食去都係個d...真係有點悶，希望遲下有一,兩款係新就好lu...。會繼續幫襯...努力!!