富臨薈 (已結業)

上次表姐帶過我黎食飯，呢日大帝係呢頭開工，我就同女皇去接佢收工食飯中意呢度有啲精緻點心食，又可以叫啲小菜咁，好岩同屋企人黎一向食飲茶都中意食蝦餃同奶皇包既我就嗌左籠“鮮蝦菜苗餃”HKd$38+10%同“黑金流沙包”HKd$38+10% 個菜苗餃外皮晶瑩剔透，包住原隻既爽彈蝦肉，一籠有四大粒，不錯不錯流沙既黑色外層好型格呢，內層奶皇餡既咸蛋香都唔弱啵店員向我地推介近日新出既菜式，呢碟“避風塘蝦兵蟹將”由原價HKd$998+10%減至HKd$498+10%，愛吃辣既兩老睇到就即刻落order原來除左有大大隻蟹之外，仲有龍蝦架，睇下個蚶幾大隻，份量好多，四個人share都夠食炒得香口夠鑊氣，龍蝦肉同蟹都好鮮味，啲龍蝦肉超爽彈！！！仲有要左碟“黑松露炒露荀蝦球”HKd$138+10%，蝦球同樣彈牙，仲有清爽既露荀同三色椒，正咁好餸....身為小飯桶既我就梗係食返啖飯啦不過個避風塘食食下都幾辣，所以都忍唔住要返杯“芒果菠蘿沙冰”HKd$32+10%解解辣，賣相吸引，大杯又冰涼女皇話食完啲辣野要嗌返個“桂花雪梨”HKd$38+10%潤一潤偷食左一啖，清清甜甜又有桂花香，唔差喎

其實富臨薈每隔一段日子，都會推出新餐牌，令人非常期待，所以，每次到沙田探朋友，我們都會首選在這裏開餐。這裏的環境舒服寛敞，沿落地玻璃，感覺開揚光猛，大大個的雀籠吊飾，配上一串串的吊燈，感覺中西合璧。富臨薈今個盛夏以「Summer Party Time」為主題，泡製出多款精緻點心，以及多款豐富小菜。鮮蝦菜苗先點全統的鮮蝦菜苗來吃，餃皮薄薄的，煙煙韌韌，而內裏就是滿滿的餡料，鮮蝦爽口彈牙，配上嫰口菜苗，令口感變得濕潤，一啖一口非常滋味。火辣辣荔枝包荔枝包其實就是叉燒包，不過外型超級可愛精緻，就像3粒大大顆的荔枝一樣，荔枝包口感軟熟，配上香甜的叉燒餡料，讚。黑松露炒露荀蝦球個人非常喜愛黑松露獨有的香味，所以點了黑松露炒露荀蝦球來吃，送上來時，已經有濃濃的黑松露香味傳來，露荀嫰口不老，而蝦球彈牙，配上紅黃椒等爽脆配料，口感豐富。避風蝦兵蟹將這個避風蝦兵蟹將絕對是必食推介，「蝦兵蟹將」顧名思義就是龍蝦及蟹，以避風塘形式炒香，滿滿的油蒜酥香，集香，辣，惹味於一身，而這個菜式的份量挺多，基本上足夠3-4人享用。 龍蝦啖啖肉，爽口富彈性，入口時味道帶點微辣，而波士頓蟹非常厚身，肉地十足，蟹鉗超大隻，口

老朋友推介這間酒樓點心不錯，於是和太太一試。叫了幾款點心：早市套餐：黑松露燒賣+黑金流沙包 - 燒賣彈牙不太多肥肉，不錯。流沙包名符其實，一口咬落內裡奶黃饀流出，小心燙口。古法乳鴿 - 原價$48一隻，現特價$28一隻。上枱熱騰騰，夠味夠稔，非常好。小玉棉花雞 - 和其他酒樓所賣的一樣，無甚特別。鍋燒生煎包 - 用熱鍋上熱辣辣，煎得恰好，好味道。蜜汁明爐叉燒腸 - 有六件，叉燒夠瘦腸粉皮薄夠滑，好味。總括每款點心上枱時都熱騰騰，味道不錯，店內裝修亦很簡單。這店點心無分大中小之分，茶亦只得玄米茶供應。唯一不滿意就是包點皮厚饀少，而點心價錢多數為$38一款，在這地點似乎略貴。

諗住去食主題點心，原本搵倒在中環有一間，但到book位時朋友話遠而且有小朋友跟住，所以搵左沙田呢間食主題點心，其實都幾有驚喜，點心公仔做得好精緻，有鮑魚雪糕，成個鳥籠，好適合影相留念，更適合帶小朋友一齊去，小朋友看到食物這麼得意可愛就唔會四圍走乖乖坐下，慶祝生日又唔 失禮，好的選擇😍😋

從未去過服務態度甘差的餐廳！餐廳剛開張不久舉家去飲茶，去到呢間既不似茶樓，又唔似茶餐廳的地方，一上黎清一色一個品種的茶。隔離台兩位C9好有禮貌問有無其他茶，伙計明明企系隔離都扮聽唔到，被問多一次後好唔耐煩答：“無！”上菜時黑口黑面，大大力放低就走。食物味道還是可以的，賣相也不錯，價錢稍貴。埋單後，我拖住個小朋友往門口行，有個侍應竟然插入我們中間行，逼開我倆母女，還差的撞到個小朋友，手上仲捧住熱辣辣既菜，一句唔好意思都無！其他伙計態度都系一樣甘唔耐煩，就算以前去某牛奶公司食野都未見過甘惡劣的態度！絕對唔會再幫襯!

今天去沙田行下，経過偉華中心，見到間富臨薈（粵菜）門面光鮮，幾多人邦襯咁。於是取位，等了十五分鐘左右，有位入坐，是卡位來的，坐位算寬敞。點了一個小玉棉花雞，黑金流沙包，和海鮮菠菜麵，兩人食。先嚐棉花鷄，新鮮熱辣，棉花（魚肚）十分入味，鷄肉也很鮮甜、再嚐那黑金流沙包，外型獨特，全黑上面掃上兩三條金缐，剛強的獨特的性格，顕露無遺，問部長，他說是麵粉混和可食用黑碳粉而做成，可口，不黏牙，又不太甜，啱食！然後再吃那碗波菜麵，湯味濃，有魚肉，原隻蝦和很多小粒元貝，也很鮮甜，不消一會便把所有食物吃清。這裡上菜速度很快，下單十多分鐘就有得食。廚房是開放式，顧客可從窗外望到食物的製作過程，感覺衞生做得很好，很乾淨！下次再來就要試一試今天沒點的紅燒沙田乳鴿，才$28一只，好似好抵，眼見好多食客都有點！

夜媽媽想飲茶，最方便都係黎啲大集團嘅茶樓。沙田偉華中心呢度其實都開左呢間富臨薈有一段日子，但都未黎過食野，之前又見到呢度出左一啲新式嘅創意點心，所以終於決定黎試一試。呢度嘅裝修花左唔少心思，入到去感覺好靚同好光猛，而且都有特色。首先試左呢款"有雞先定有蛋先" ：其實蛋係芒果布甸，味道幾好而且夠滑。雞仔係炸咸水角，因為上枱果陣已經係凍左，所以其實食落口感麻麻地，而且可能太粗製濫造，雞仔啲眼同咀都擺到亂晒龍。呢個"打工黃帝"其實係酥炸"皇帝蟹腳"，其實係普通蟹柳先岩，仲要唔係真蟹肉果種蟹柳喎，幾十蚊食2條蟹柳，你話抵唔抵。呢個菠菜麵先係極品，誓都估唔到佢係一個清湯黎。啲湯仲要淡到冇味，啲所謂嘅海鮮都係冰鮮貨，乜味都冇，啲蝦仲要係好梅...好彩呢隻$29一隻嘅乳鴿救番成餐飯，又夠脆，又夠味，係連啲骨都好入味，我地食完都lam lam 脷

今日放假所以帶埋屋企人出去飲下茶行下街上網睇到呢間一直懷疑係咪富臨去到門口心中嘅疑難終於解開富臨薈旁邊寫住富臨皇宮一場黎到都入去試試啦叫左3個前菜食下芙蓉蕃茄粒粒蕃茄都好多汁而且去埋皮食落帶桂花香味好清新糖漬栗子🌰呢個份量都幾多話明糖漬預左佢係比較甜但堅係甜左少少青芥木耳呢個唔記得影相但呢個係3個入面最好食因為整得好入味塊塊都充滿住芥辣味但一D都唔「攻」鼻！正！動物農莊拼盤最頂端嘅天鵝酥我中伏了原來係榴連因為本人係唔食榴連唯有食其他動物啦不過整體比富臨皇宮好食好多嘅！

富臨薈是老牌富臨酒樓集團的另一新品牌，以造型精緻新穎的點心為主打的中式Fusion 餐廳，去年在沙田啓業，以沙田燒乳鴿招徠，每人可以優惠價$28享用一隻。前些日子有親友在外國回港探親，我們就招呼他們到富臨薈飲茶，雖然地方沒一般酒樓大，但格調清雅，糅合中西設計特色，很舒服。為了表示誠意，我們除了安排每人一隻乳鴿外，還叫了很多點心及兩碟粉麵。乳鴿皮脆肉嫰多汁，非常美味。點心款款賣相漂亮精緻，味道鮮美，有水準。芥蘭鮮牛炒河，牛肉嫰滑有鮮味，但份量較少。 鴻圖超脆麵，賣相特別，麵脆但味道一般。整頓飯，大家邊吃邊欣賞點心的造型及別具心思的名稱。朋友説這樣的餐廳，一定較受年輕一輩歡迎，飲杯茶食個包不再限於老一輩了。

攜老扶幼一同下午茶，這裏有點心吃有茶飲，亦有新派點心，造型別緻，適合家中大大小小～可以感覺到該集團的餐廳品牌主打吸引年青新一代的食客，由餐廳的燈光色調到枱櫈布局，再到盛載食物的器皿，都在營造一種年輕的感覺。拼盤一到，小朋友立即呱呱大叫！想吃這個想吃那個的。拼盤共有三層，以可愛有趣的動物做型作招來。頂層是天鵝金枕酥，天鵝頭造型是用麵粉搓成的。金枕酥入口仍然熱辣辣，外皮酥脆，內裡充滿榴槤肉。味道天然有榴槤清香，味道不太濃烈。第二層的棉花白兔仔味道一般，沒有驚喜。紅蘿蔔內裏包着紅豆餡，加多點紅豆粒會更好。底層的箭豬是叉燒包，麵包有點像炸饅頭較油膩，餡料少又太乾。小雞是鹹水角，味道中規中矩。旁邊的雞蛋殻芒果布甸，芒果、蛋味超淡，有少許椰汁味，沒有芒果肉粒。海鮮飯外形像金字塔，海鮮少得可憐，只有數粒微型帶子粒。飯粒乾身，沒有墨汁味道，像普通炒飯般顏色變了黑色而已。豬手用高身透明玻璃杯承載，賣相感覺高貴了。豬手做得不錯，醬汁味濃，肥而不膩，豬手乾淨無毛，唯沙薑味不夠重及不夠凍。整體來說，食物主力賣噱頭、賣相，味道仍有上升的空間。

之前有試過下午飲茶時段，覺得菜式幾得意同幾特別，作為鍾意食多過飲普洱茶既新一代嚟講，都幾喜歡呢種fusion菜模式。之前試咗佢D乜乜推介物物推介，都可以，由其乳鴿幾好。今日星期日又去飲茶啦，下午兩點度，咁上次試咗佢D推介，今次又唔係咁餓，就叫咗幾個點心同一碟＂芥蘭牛肉抄河粉＂，落單時阿姐同我講係＂菜遠＂先啱，是但！乳鴿同其他點心都OK，不過唔知係咪人多，D上菜阿姐係咁用個盤打我個頭已經火火地，講埋入座時個帶位阿姐帶我地坐低，即刻有第二枱客人話係坐我地張枱，咁我地咪望住個帶位阿姐囉，點知個帶位阿姐同我講：你地坐錯位喎！62號唔係呢度喎！我正想發佢脾氣，佢即刻話：你坐錯就算喇！我安排過其他位俾人啦！跟住帶咗另外個客走。頂吖！我知鬼你D枱號點分，你帶我坐跟住話我坐錯！？算！諗住飮茶啫。講返正題，佢碟菜遠牛河到，＄78預佢好大碟，不過佢真係幾的式，上邊有4條菜芯，係4條，最好笑佢係用肥牛，係肥牛！咁可能fusion嘢係用呢D材料，點知一食落口，嗰陣＂蘇＂味，嘩！反胃咁滯，難食到嘔，個經理見到我同居企人發緊脾氣，佢一見我望住佢，佢即刻好忙咁走咗。同屋企人飲茶啫，最多下次唔再去

去市中心行完街心血來潮來食點心不過晚飯時候邊度有點心呀Search到偉華中心的富臨薈即使晚飯時間都會有點心仲要整到成個High-Tea Set咁糖漬栗子🌰 - $42我係超級栗子控之前未食過糖漬栗子栗子粒粒又圓又大甜甜地幾好食最緊要係栗子夠新鮮動物農莊拼盤 - $138結合了最可愛的動物分別住在箭豬叉燒包叉燒包用上炸的方式來處理令平凡小箭豬披上黃金戰衣都幾創新有雞先定有蛋先家鄉鹹水角以小雞🐥造型亮相小雞坐在放滿炸米粉的藤籃內栩栩如生鹹水角內包著豬肉碎, 蘿蔔粒 & 沙葛粒雞蛋殼內就係芒果布甸甜度適中滿嘟嘟一甜一鹹交織出味覺新衝勁天鵝金枕酥過咗榴槤季節後我都未食過榴槤說真的 是有點心癢癢花糖見到呢個金枕酥 即時心心眼😍咬開酥皮後就是滿滿濃郁的榴槤蓉棉花白兔仔勁懷舊的棉花糖白兔🐰唔係好多酒樓智有肥嘟嘟又可愛紅豆蘿蔔仔陪住白兔仔嘅就緊係紅蘿蔔🥕紅蘿蔔外皮跟鹹水角的外皮相若煙煙韌韌內裡包著紅豆蓉味道唔會太甜脆皮大腸 - $88香口嘢我一向都鍾意食炸大腸都唔例外好彩我有一班饞吃朋友大腸果真如其名 ~ 脆皮大彩不算太肥 應該事先去了大腸部份的肥膩乾坤雞翼 - $42叫得乾坤雞翼就緊係內裡乾坤啦雞翼

約了家人去呢間食飯，原來有小菜亦都有點心類，形式幾好，可根據食量選擇食點心或小菜都得！今晚試左呢個芙蓉蕃茄，涼涼地咬落爆汁，味道酸甜好開胃，又有桂花香味，夏天食好岩胃囗！呢個外型得意嘅箭豬包，內裏係叉燒餡，熱辣辣好味！仲有呢個只賣$28嘅紅燒乳鴿，皮香多肉，亦夠入味，即叫即炸，性價比相當高！仲有其他精美點心都唔錯！反而呢個沙薑豬手味道麻麻，若轉話梅味/白雲/醉豬手會岩味d，豬手肉係爽脆嘅！仲有佢嘅玄米茶係幾好飲！

有睇開草根d post會知我地兩姐妹好中意飲茶，當中因爲富臨薈嘅出品好有新意，成日有驚喜，所以我地都幾中意呢間中式酒樓😌❤️。今次又試下佢地嘅新產品🤟🏻動物農莊拼盤（$138）🐥🦆🐣🐰可愛動物造型設計嘅點心🥢以港女最愛嘅三層下午茶架形式上枱，造型夠晒新穎😆🤟🏻頂層：天鵝金枕酥中間：棉花白兔仔🐰、紅豆蘿蔔仔🥕底層：有雞先定有蛋先🐥🐣、箭豬叉燒包🐷而家等草根介紹下當中我地最愛嘅頭3款💁🏻‍♀️👍🏻當中天鵝金枕酥唔單止外型靚，酥皮酥脆，底部活沾滿芝麻增加口感。咬開中間原來係榴櫣餡❤️榴櫣蓉甘香軟滑，味道濃郁，榴櫣控必食🤤🙌🏻紅豆蘿蔔仔🥕外皮食落帶點煙韌，中間係香甜紅豆蓉做饀料，好食！箭豬叉燒包🐷口態又係好驚喜！叉燒包外面炸到薄脆，包身鬆軟，而中間叉燒饀份量都唔少嫁🤤就算個叉燒包炸過都唔會油笠笠，草根姐姐好中意呢個包點❤️紅蟳米糕（$328）其實紅蟳米糕即係加上蟹膏蟹肉係面蒸嘅糯米飯🍚原個大蒸籠上，夠晒睇頭。🦀份量真係有2隻蟹，蟹肉食落好鮮甜，蟹膏又多又甘香，兩者嘅精華滲入軟腍嘅糯米飯🍚中，草根覺得好好食❤️😍而且不過價錢就有貴咗少少豆酥鱈魚 （$128）鱈魚🐟有2大塊，入口驚訝肉質好嫩滑🤤不過其實豆配

上兩星期又入了沙田行街,因為換了季,天氣變熱了,也是時候去買少少夏天衫着~ 在沙田新城巿ZARA行左二個鐘, 已經好攰好渴了~朋友話不如就係沙田食埋晚飯返屋企吧~ 想起沙田呢度有中菜點心既富臨薈, 前前後後都來過幾次, 每次都覺得好好食 而且環境好舒服, 所以今次都係來這裡開餐~ 富臨薈真係坐得好舒服, 地方闊大, 而且環境好清靜, 服務員全都好有禮物, 每次都食得好開心！ 因為實在太口渴了，點了二杯靚靚特飲, 分別係四季戀人同埋藍色多惱河 賣相一流, 顏色好靚呀! 用來打咭都值回票價了! 味道方面, 的確有驚喜!!! 底部是甜美既菓汁混梳打, 飲起上來好芳芳又清涼, 充滿甜蜜既菓香, 而且又唔會太酸太甜, 再加上上面放了些苺果, 更加吸引! 前菜點左糖漬粟子- 粟子粒粒又圓又大粒,食落去有陣陣甜甜地味道, 但又唔會太甜耶耶, 係蜜糖既感覺, 好FRESH! 再加上粟子好香脆, 又唔會太淋太硬, 大大碟都幾抵食呀! 乾坤雞翼 - 呢個係釀左肉絲同埋粫米飯係裡面既脆雞翼, 雞翼本身味道已一流, 烤到皮好脆, 雞肉都好嫩滑, 而入面既釀料就相當惹味, 絕對令人回味!