富臨皇宮 (已結業)

一家五口有老有嫩晚飯選擇酒樓最好不過了！📍富臨皇宮想不到晚市價錢也很優惠首先點了一個主食生煎菜肉包 $38 (6隻)菜肉包裡餡料很多，帶點肉汁整個感覺不會很乾，包又不會太厚而且煎的位置延脆卜卜頭抽走地雞一隻 配 (海皇冬瓜盅或蒜蓉蒸蟶子皇) 只需 138 勁抵！原本揀海皇冬瓜盅，不過侍應話冇晒就轉個姫松茸炖燉響螺湯俾我哋。姫松茸炖燉響螺湯份量足夠我們五人各一碗之餘，每人可額外多喝大半碗湯料非常多，有響螺，雞腳，松茸，豬展等...家人大讚 湯很鮮很入味，是真材實料！不像其他餐廳般的味精湯連湯渣都真的好吃，我們吃了一大半！頭抽走地雞用了一個木桶上碟，感覺很有趣！雞很肥美，件件厚肉又嫩滑，是新鮮雞！完全無法挑剔，100分！荷香豉味蒸白鱔 $108一開始會擔心鱔魚會很腥，但根本不用憂慮白鱔魚肉很新鮮，相信廚師處理得好好，一點腥味都沒有，而且豉汁蒜容方面配合很好，很入味！泰皇蝦球通菜 $78通菜好爽口，蝦球亦很多，醬汁味道調得好好，咸度剛好！Good！加拿大龍蝦伊麵(上海焗)只需 $128，超級優惠！一上枱在座所有人都心心眼😍龍蝦已分切好一件件，每件都啖啖肉龍蝦肉爽口又夠鮮，上湯又夠濃，不會過份

唔記得有幾耐冇來到呢間酒樓，因為很多很多原因，都費事講囉。宜家淨係講呢日嘅早茶食品，有雙拼菜肉包及流沙芝蔴包，好平，但流沙效果欠奉；蝦餃普通ok啦，棉花雞唔錯嘅，而叉燒腸係呢日最好味嘅，皮够薄，叉燒入味。但服務就……

星爺話齋：「臨時演員都係演員」，要有演員應有的專業道德。富臨酒家出名有平靚益街坊，堪稱飲食界的專業臨記！今日同外家提早過節慶祝，當然要來吃個午巿套餐。乳豬拼盤我地落左單，部長過來話今日乳豬唔靚，不如外燒鵝，吓，咁咪食左我隻豬？好在部長識做地送隻乳鴿過我地食，拼盤又係燒鵝油雞雙肶，條氣先順返些少。瑤柱扒菜膽瑤柱芡味道唔錯，可惜蘑菇太生唔入味，加上菜膽出水沖淡味道，失敗！發財好事呢味「發財好事」唔單止有發菜、蠔豉，仲有冬菇、大脷、生菜。蠔豉甘香，生菜清甜，可惜冬菇唔夠蚊得唔夠淋，條豬脷麻麻地。龍躉飯（$99）呢個龍躉飯用料十足，蒸籠底有荷葉，加入炒飯底吸收龍躉精華，食完齒頰留香，抵讚！蝦餃燒賣點心普普通通，春卷味道還可以，蝦餃皮雖薄但易破，燒賣沒有香味，流心奶皇包唔太流心，都叫人太失望。

廣東人話冬大過年，唔想同人迫當然最好就係提早做冬，岳母大人指明要黎富臨皇宮，當然舉腳贊成！今日已經好「貼心」轉曬套餐，見到個四人餐幾抵食喎，一於就叫黎試下！呢個Moment仔仔居然話要食流心奶皇包，廚房師傅特登為我地開爐蒸，而且好細心提我地小心小朋友會燙親，抵讚！講返個套餐，起菜超快，而且用料上乘，岳母大人都讚不絕口！先黎個燒味拼盤，有叉燒、油雞同乳豬，仲有海蜇添！再黎一碟蒸龍躉同埋清蒸帶子四大隻，街巿一両龍躉有幾貴，四隻連殼帶子有幾重秤，相信好多精打細算的家庭主婦都心裡有數！仲有冬菇鮑魚，兩者都厚身到可以用刀叉來吃，味道就連咀雕的希哥都話好味。最後又點少得一煲靚湯同埋一個靚菜，同樣交足功課，難怪一到七點就全場爆滿，好彩老婆一早訂定枱咋！

一入到去，人又唔多，但就隨手俾張門口枱我地明明入面仲有好多位。叫佢俾多張圓凳擺野又唔得，係咁意移一移張枱就叫我地擺袋上張枱我地坐低佢就擺低個冇水既水煲，係咁同佢講冇水講咗勁多次佢先話唔係佢負責，不如去跳缷膊操啦開茶既時候諗多兩秒又係咁催！明明人都唔多！嬲爆！洗完杯杯碟碟，污糟就唔講啦，反正間間酒樓都係架啦，洗完野碗水擺咗係枱面成十五分鐘，無論樓面，傳菜，部長，任何人經過，都冇打算拎走佢！揮極手都冇人理，陣間你同我飲咗佢呀？

今晚去完希哥同學仔的生日會，就返屋企樓下富臨食晚飯，呢度係海鮮酒家格局，大魚缸內有生猛澳洲大龍蝦，仲有大大隻阿拉斯加長腳蟹。我地一家得兩大兩細，叫左陳皮蒸鮑魚、豉油雞、燒乳鴿、上湯浸時蔬就夠數。燒乳鴿好皮脆肉嫩，用滾油爆香熱騰騰上碟，用手食完真係要舐埋手指。鮑魚一共有八隻(全部都係新鮮鮑魚BB，size係放上蛋撻面果種鮑魚咁上下大細）味道係唔錯，小朋友爭住食到舐舐脷，百零蚊海鮮好抵食！仲有古法豉油雞四十八蚊隻，每枱只可以叫一隻，真係半賣半送，旨在吸引食家，味道仲唔錯添！隻雞浸淫响甜甜的豉油入面，豉油味簡直入埋骨。平日晚巿更加抵食，果然係「唔想煮」同「懶得洗」的無飯家庭至強後盾！

朋友共聚飲茶的好地方，雖然人手係唔多，但勝在服務員夠誠意，有笑容去招呼，唔似其他集團式的西口西面，食物又熱辣辣的，美味可口，服務員仲介紹埋晚飯優惠，有特價阿拉斯加蟹，搵日再約埋朋友去食晚飯

今晚約左朋友食飯，點知見到職員話一陣太公到？？？唔知咩事，到左一陣就播音樂，見d職員抬二隻大豬巡遊全酒樓，跟住每枱都有一碟燒肉，原來係太公分豬肉，咁大個女都未試過！仲要每枱都有利是收 都開心！我地叫左一個冬瓜盅，夠大個四人食都夠晒，每個人都有二碗。頭抽走地雞，夠入味冇乜雪味，唔錯！鮮波蘿咕嚕肉，波蘿好新鮮，d肉唔係得個肥字，肉質均衡，好味！脆皮豬手，皮好脆，食落又唔係好肥，送啤酒一流。幾特別，值得一試！泰皇蝦球通菜，d蝦好新鮮。醬汁惹味好食！再來多個生煎菜肉包，無端端多左一個菜，結果飽到抱住個肚走！

今日同屋企人去富臨食晚飯 去到佢地已經叫好晒餸 第一道係冬瓜湯 可能食慣重口味 覺得個湯比較清淡 不過都好既 唔好成日食咁鹹 佢份量一家四口夠晒飲第二道係媽咪最鐘意既生煎包 煎得好香 外脆內軟 不過不失既一道小吃啦第三道係老公去親酒樓大排檔都必點既咕嚕肉 酸甜適中 好好送飯 佢炸得好夠 所以唔會一入口好似好肥好淋咁 抵讚之後有竹桶豉油雞 比我地想像中大碟好多 因為本身已經好入味 所以都唔洗再點其他sauce 肉質好滑嫩突然有廣播話今日有太公分豬肉 我都唔係好知咩黎 佢燈光收暗有人抬左隻豬行左兩個圈 哈哈 好多人去影相拍片 都幾過癮 之後每枱仲有一碟燒豬添食左咁多肉終於都有菜啦 個醬汁好惹味 似泰國菜個隻咁 好好食 又係大大碟最後竟然都仲係一碟肉 不過有驚喜係中式酒家竟然有脆皮豬手 仲要唔差喎 真係脆口肉嫩 不過有少少肥 可能今晚太多肉既關係啦 不過真係碟碟都好大碟 一家人黎食係抵到暈

個場已經無坐滿，落單個半鐘，菜完全無上齊。催一樣，黎一樣。啲樓面就話廚房好多單，但眼見好多枱已經上齊。有一碟餸上左，完全係凍既，連入面都係凍。問啲部長又黑面。下次唔會再幫襯

食物質素極差服務態度又極差食用餐具又不乾淨上菜時間又耐又成日流單經理服務態度都係一樣咁差等位又等得耐落單時又等極耐洗手間乾淨程度簡直一流（冇人洗）總之整體服務好到冇人有大家千奇唔好去去話一兩次都唔會再幫襯地點又唔就腳追單追極都唔黎（追唔到）

【四寶鮮雞扎】幾足料，調味到位，雞肉嫩滑好味。【蟹籽燒賣皇】唔算好大粒，不過豬肉餡幾滑幾肥美。【鮮竹牛肉球】份量幾大，超大粒好抵食，牛肉滑溜腍軟。【富臨蝦餃皇】皮唔夠薄，但蝦肉餡飽滿，也好彈牙。【鮮蝦菜苗餃】偏細隻，幸好皮薄餡靚，菜苗多，蝦肉粒爽彈。【流沙包】沙流效果係有，不過餡太少，冇爆漿感，包就厚身，都鬆軟。好睇唔好食。【翡翠鮮蝦腸】太少蝦肉餡，全是腸粉皮，幸好夠滑夠薄，但唔算美味。【蜜汁叉燒腸】反而多餡，腸粉同餡比例剛好，粉皮夠薄又滑。【南瓜煎堆仔】炸得香口不膩，內有南瓜蓉，香甜軟糯好煙韌，芝麻亦好香。【蘿蔔千絲酥】好酥脆好正，入口快要化開，內餡蘿蔔絲清甜濕潤，最好味呢款炸點心。【燒腩仔飯】賣相幾靚，份量足夠，皮脆肉嫩又唔乾，配飯一流。【咸蛋叉燒飯】叉燒好乾硬好柴皮，唔掂【原籠馬拉糕】熱辣辣要大讚，好甜好香好軟熟，彈性十足，入口有糖既香味，必點之選

今日同屋企人食父親節飯，book左呢度貪佢位多又濶，唔太迫，上次食過佢d 海鮮算大大碟，其他餸都唔算好油，唔洗另外叫白飯也好飽!今次個1688 餐超抵食，包左海鮮，都好fresh, 味道刚刚好，唔salty!個翅清清地但有料，我地8個大人，仲有幾碗淨，一定夠飽肚，hehe~我地食過其他洒樓，一係重味精，一係勁細碟，而加呢度無論点心小菜也非常合口味，大大碟，鸡就冰鮮雞，我們不太喜歡，service 就睇多唔多客! 平日ok la!

服務質素差，極度缺人手，叫人開茶都要十分鐘，仲要被眼啤啤，食具唔干淨洗兩次都有油漬，裝修還可以，食物味道一般！飲過茶，食過飯，是一次比一次差，完全失望，失望，失望！

極少寫食評，今次真係頂唔順要發表下，排位呀姐完全唔睇飛号，係人俾飛佢就安排入座，跟本叫號唔對飛，服務呀姐勁粗魯，派碟派到框框聲，碗碟污糟，食物污跡痴住個碗，唔洗唔得。成個環境好嘈，坐得一d都唔舒服，最基本連食物質素都好差，完全唔好食，菜苗餃有沙，牛肉勁大粒但無牛肉味，燒賣賣相差之餘當然唔好食，連話名點黑松露野菌箭豬包都無驚喜，只係炸饅頭裏面包住唔知乜，食唔出，平野扮高級，鳳爪排骨飯飯好硬，係蝦腸正常少少，唔會再黎！