富臨皇宮

營業中

休息中

同屋企人食飯最鍾意就係去富臨皇宮，石門車站好方便，地方大，人流多，食材好新鮮，平日早午茶市最受長者歡迎，一盅兩件價錢相宜，下午茶最抵食~乳鴿，熱辣辣炸起好受歡迎，做冬嘅時候都可以有散叫。明爐燒鵝，味道唔錯，甜酸咕嚕肉，不錯！龍躉兩味~炒球，龍躉兩味~蒸頭腩，魚香茄子煲，味道啱啱好，唔會太油膩，梅菜扣肉啖啖肉，入口即溶，瑤柱扒豆苗，夠新鮮，吊燒雞，因為早來，顏色唔係好夠，籠仔荷葉臘味飯。當然, 人多嘅叫套餐都抵食多嘢食。

第一次惠顧富臨酒家午餐，發現比其他同類型酒樓優惠更多，同埋一般酒樓點心中，蝦餃價格通常是最貴的一款，相反在此間酒樓只售$9.8，非常抵吃，連續吃了2籠，沒有限制！布拉腸粉可能預先做起，質素一般，不夠嫩滑，口感比較硬，需要改善！南瓜煎堆仔剛剛炸起，底部儲了一點油，但也可以接受，味道比較甜！火鴨絲炆米不油膩，火鴨絲比較多，份量比較大！整體來說環境歡堂，樓底高空間較大，服務員態度良好，價錢大眾化！尤其是下午2時後下茶時段價錢更優惠，吸引不少街坊排隊輪候幫襯！

從未見識過咁差嘅職員服務態度由門口行到最入沿途問咗五個員工全部當你無到唔係敷衍你，係LITERALLY當！你！無！到！環境又污糟飲早茶碗碟滿枱彩紙碎都算咁無人理咪自己落手清囉呀呢個時候就有人理嘞！反而畀個樓面鬧返轉頭話你搞佢啲碗碟喂嗌你開枱又唔見反應咁快喎仲串我搵經理喎問經理喺邊又唔敢講嗌你自己搵喎喂枱又我搵經理又我搵不如我出埋你份糧吖？未食嘢先谷氣唔想貼錢買難受嘅唔該唔好去唔該

星期六同家人飲個早茶，叫5樣野，最後有1樣野無來，等左45分鐘，追左兩次，第三次叫個侍應cut左佢。 最後賣單俾錢個收銀八婆話唔齊野要早D出聲呀嘛，張卡都係蓋得4個印，即係我要主動同你講，你服務唔得啦。

菜式的賣相一般, 可能筵開百席, 廚師頭頂出煙吧! 龍蝦伊麵的龍蝦很多肉, 每人兩轉後都還有剩下, 可以再吃.  而百花炸蝦鉗雖然好像打風似的, 但炸粉夠脆夠細, 吃到索索聲. 炸子雞都是脆脆的. 

星期天，1415 時，下午茶搭枱有位，所以再次光顧，怎麼知道.......蝦餃，9.9 元，平，不過無乜蝦，肥豬肉，就..... 多春卷，炸卜卜，不錯，但是....乳鴿，燶到怎麼食，呀⋯⋯.......... 一路食，見到水壼旁有一隻小強走來走去，佢行得好敏捷，捉來捉去，都捉唔到。經過我們的點心，最後同我一起搭枱的隔離位男士，英勇的殺死小強了。小賣加义燒頼粉，不過不失。希望此酒樓多注意衞生，肚子也痾了幾次。

今天去石門邨睇阿媽間新屋裝修,所以就同埋阿媽細佬一齊,搞到7788又到2點幾就決定去附近既商場睇下有咩可以食下啦,阿媽話想飲茶就去試下依道既富臨啦..剛好又係下午茶時間....拎左唔搭檯既飛等左10分鐘左右就叫到我地啦...不過個知客比左張單我地就無人帶位..由我地自己亂咁行要左問加問D侍應先搵到我地要張檯..一坐落緊係叫我既最愛燒鴨瀨啦....味道正常,牛肉球彈牙爽口又夠味,鳳爪和蝦餃比較一般,最好既係個干炒牛河,有鑊氣夠香口,牛肉唔會老又有咬口,不過最差係燒乳鴿,黎到都唔夠熱,仲要無剪開既....真係一人食半隻要拎上手就咁咬....不過整體係幾好既...之後我應該都會變左半個沙田人了因為阿媽好快就會搬過黎...到時要多D搵沙田大圍既好西先得

沒有約定的約會，今天妹妹發訊息給媽媽說她今天放假，好媽媽又是今天放假，立即約起來。我剛剛在沙田市中心辦完事情，突然落起一場大雨兵分三路相約在石門站等，等齊後就去京瑞廣場其中一間酒樓，媽媽提議去富臨，我們坐下後開始叫點心，我記得11點入了單， 11:45都還未有點心食，我們催了兩次，樓面的阿姐都俾面色給我們看，服務太差了，我記得上次跟朋友來飲茶都是態度10分差，值得一提的是，這酒樓的點心比起其他酒樓非常不錯，所以我們就算他們的態度差我們都要來飲茶，首先有時蘿蔔糕一般、鳳爪挺好的、菜苗餃非常不錯值得推介，燉雙皮奶非常滑必食，粉果和鳳爪一般。環境非常大不用搭枱，值得一去

小妹已經好耐冇食過富臨皇宮啦，原因係佢係開張嗰陣時都幾好食，但人多左之後質素下降左好多，服務態度同質素亦都係，但今次一食改善左好多，各方面都大有進步，令我對佢有番信心，都幾推薦比大家👍👍.🧚🏻‍♀️海皇冬瓜盅有蟹肉，瑤柱，火腿，蝦，豬肉等等，煲到好入味，濃而不過度，清而香甜，清清地好足料👍🧚🏻‍♀️海鮮三寶：白灼海生蝦+金蒜銀絲蒸帶子+清蒸龍躉仔 呢個3寶只需要$238，係個帶子蒸得耐左韌左啲，但總體而言樣樣都好新鮮，味道都好好，最重要係真係好抵食呀🎉仲有就算剩係睇個海蝦，見到佢個賣相係有排過，由此可見真係用心左好多🙂🧚🏻‍♀️薑蔥焗桶蠔 呢一個需要$168，雖然啲蠔好大隻，但就只係得6隻，相對地冇咁抵食，但味道方面大家都好欣賞，上菜熱辣辣渣渣聲，好香👃🏻而且佢用煲仔上，啲蠔會有少少燒焦味，加分😋🧚🏻‍♀️竹笙羅漢上素 🧚🏻‍♀️荷香鼓味蒸白鱔🧚🏻‍♀️魚肚肉碎浸勝瓜🧚🏻‍♀️生煎菜肉包 另外以上呢幾味我就唔逐一講啦，總言之味道都調較得好好，煮得好好食，完全打破咗我之前對佢嘅印象，今次成家都食得好開心😝

石門食肆選擇算多，但人流也多，晚上很多餐廳也要排隊，富臨勝在地方寬敞，可容納非常多人，食物味道尚可，因此經常成為一家人的“飯堂”。我們三人晚上6點半到達，立即入座。點了1湯1飯2餸:海皇冬瓜盅 - 好飲美味，材料豐富，有蝦、瑤柱、蟹柳等，三人合共喝了約9-10碗。鼓汁蒸大鱔 - 與冬瓜盅是個套餐($188)。之前食過不錯，但今次未能保持水準，非常難食，肉質“梅”，有怪味，全家一致劣評。菠蘿生炒骨 - 正常生炒骨味道，生炒骨數量多。結賬$325.5，人均$109。

住沙田嘅我哋有時候星期六日去飲茶真係等位等好耐。石門有幾間茶樓，相對會搵位飲茶方便啲，今次我哋就嚟到富臨皇宮呢間飲茶食點心。蘿蔔絲酥餅係我覺得最好食嘅一個點心，佢外皮脆又完全唔會燶，好香口。而裏面蘿蔔好淋好軟。乳鴿外皮唔夠香脆，有少少失望。金錢肚好入味。燒賣同埋雞紮就中規中矩啦。奶皇包係我比佢哋個廣告吸引左，一籠一個，廣告上面嘅奶皇包有個皇字印咗喺度。但係真實個包冇印，哈哈😊流沙其實都好OK嘅，不過個包比我預期嘅冇咁大。紫薯糕味道太甜，唔夠彈牙。雙皮奶我哋食唔到雙皮，其實都係蛋白燉鮮奶，哈哈。我哋星期日晏晝大約12點幾到，呢度勝在等位唔駛等咁耐，食物質素其實都OK，侍應態度都唔錯。另外我鍾意間茶樓底好高，感覺好靚。

因為坐近門口，又有光猛的燈照射，熱💩我了。但是也要醫肚子。香煎蘿蔔糕，冇乜味道，好普通。蜜汁叉燒腸，也嫩滑，家鄉鹹水角，餡料不足。京式素鵝，完全差，腐皮可以不可以用正常的腐皮整，他炸的皮，食落口，怪怪的。餡料太少了。肉絲煎麵，下午茶來說，四十二元，平。但他的汁太結，影響麵的質感，但炸得好脆卜卜。荷葉香珍珠雞，餡料充足，有半隻小蛋王。好食

今日同屋企人去到呢到飲茶, 呢到個地方環境都唔錯, 可以慢慢坐底, relax 下, 下午茶時間都係2點半開始, 今日放假訓遲小小先去食係冇問題既, 時間岩岩好, 點心都係保持到水準, 都係熱既, 同埋味道正正常常不過不失

提早慶祝母親節 ，這間酒樓 佔地廣闊 應該有過萬呎。 乳鴿的賣相 麻麻， 外皮略乾， 刀工不工整， 但是吃起來的時候卻出奇的好味， 肉質嫩滑有汁。薑蔥炒蟹也不錯有鮮味， 但是略鹹。燒鵝賣相不錯皮脆肉嫩，但也是略鹹。豉汁蒸白鱔賣相也是不錯， 皮是爽脆 但是肉質較削 ，碟底太多油。人均消費180元 一切都是不過不失。

當晚book左位6:30食晚飯，一黎到只叫我地企埋一邊等，後面啲人都入晒坐，問左佢一句已經勁吾耐煩答話整緊個位，好啦，等到安排坐底左，叫人點菜，冇人理，跟住落到單叫左4個菜，當中已有一樣冇，咁就轉嗌另一樣餸，點知隔左陣有位侍應行埋黎只回應：呢2樣冇！就走左去，極冇禮貌，嬲到果下真係想即刻起身走！同埋當時7點都未夠就好多野都話冇！好嗌到到啲送黎喇，見啲姐姐推住啲送行左幾個圈先送到黎，場面好亂，好似完全分吾到檯號咁。野食質素就其實真係吾差，但呢啲咁既服務態度真係以後吾會再黎食！