23
6
8
港鐵旺角站 E2 出口, 步行約5分鐘 繼續閱讀
電話號碼
2328 5168
營業時間
今日營業
07:00-02:00
星期一至日
07:00-02:00
付款方式
現金
座位數目
150
其他資料
深夜營業
電話訂座
加一服務費
電視播放
招牌菜
四川麻辣雞煲 順德魚腐
食評 (48)
等級4 2017-05-21
153 瀏覽
今晚我們諗唔到晚餐想食咩?行吓行吓行到去旺角奶路臣街見到「富盈廚坊」嘅招牌,所以就決定食鷄煲火鍋!今次我們想同以前嘅唔同,所以今次我們唔係叫他們嘅招牌鷄煲,而係叫呢個養顏花膠魚翅鷄煲,由於呢個係屬於火鍋湯底,所以無得任添已煮到半熟嘅鷄,而係叫火鍋配料嘅鮮鷄件!一開始上碟係一個好清嘅湯底加埋鷄件,而花膠同魚翅就係另上,之後再加埋落去一齊大火煲,就變成鮮甜濃郁嘅鷄煲翅湯底,我們飲咗一碗覺得好好味,所以飲多碗,飲吓飲吓就飲晒全煲,之後就叫店員幫我們加湯,但加嘅祇係清湯!所有火鍋材料都幾新鮮,而且清洗得都幾乾淨!今次食呢個養顏花膠魚翅鷄煲覺得都幾好,可以食到所有火鍋材料嘅原汁原味,唔會好似招牌鷄煲咁,祇係食到超濃郁嘅醬汁味! 繼續閱讀
(以上食評乃用戶個人意見 , 並不代表OpenRice之觀點。)
因為朋友住呢頭附近有一次帶左我落黎呢度飲茶一食之下覺得爸媽會喜歡就帶哂佢地兩個一齊試下岩唔岩佢地口味啦😂😂😂蝦餃賣相漲卜卜,有好多蝦,而且爽口彈牙👍🏻👍🏻👍🏻雞包仔既麵粉好味,有大量配料如芫茜薑,味道配搭得宜媽媽至愛既棉花雞,雞件嫩滑,魚肚發得好,的汁不會太鹹老人家早茶喜愛食飯,呢個鳳抓排骨飯老豆都話好味呢個鮮蝦菜苗餃個皮"煙un",材料新鮮炸物係我老豆至愛,加上入面有蝦,芹菜等等,香口味美叉燒腸ok灌湯餃係我既最愛,當然係食至一滴不漏啦呢個鴨腳紮我媽媽好喜歡,入面有野腳,蝦膠,芋頭。而家好少地方有得食,所以媽咪話要Encore 😂😂😂最後桂花糕為呢餐作完美句號👍🏻👍🏻👍🏻幾好,不太甜總括黎講呢度的確性價比高食左十樣野埋單唔洗$200一定會再黎😍😍😍P.s聽聞呢度雞煲都唔錯 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-17
815 瀏覽
今日爸爸要出旺角整電話,咁就順便去飲茶,真係千祈唔好去。絕對係,貼錢買難受!門口侍應已經無乜禮貌,同佢講3位,佢係無反應既,我再同佢講,佢仲好似嫌我唔耐煩咁叫我坐低等等喇。😒我再問佢,下,唔洗攞飛架?佢話唔洗架,等陣喇。好似講到我好煩我唔識野咁。蝦腸係第一碟到,我食嗰舊無乜特別,屋企人食到有啲蝦霉左。雖然我食嗰舊啲蝦無變,不過啲腸粉好厚,好似食緊河粉咁。然後到紅油炒手,食左一啖,嘩,勁大陣薑味。我淨係食到薑味,同埋食到啲肉勁唔新鮮。流沙包,係最正常既點心。係真係流既,不過個包有陣少少嘅怪味,但都叫做食得,至少無變味。蝦餃都叫做ok,都係至少無變壞無怪味,但唔叫做好好味,啲蝦係無味既。因為食蝦餃想點辣醬,我前後一共問左三個人,都唔拎比我。自問態度無特別差,正正常常咁問「有無辣椒油呀唔該」,第一個唔知答左乜然後無左回事。第二個叫我等等然後行左幾個圈都無左回事。到第三個仲要話返我咁既態度叫我等陣,我燥左話返佢,我叫左兩次都無人攞比我。佢就叫我自己去睇下推車仔嗰啲有無,我問佢咁係咪姐係自己去攞?佢又話唔係,一陣攞比我,不過佢最後係無攞到!呢個馬拉糕不知所謂,未見過發唔起既馬拉糕仲要攞出黎比客食!食落好硬好實,一啲都唔鬆軟,仲要有陣好臭既油膉味。食左一啖都要吐返出黎。呢個花膠灌湯包完全食唔到有花膠,雖然我都唔期望十幾蚊有花膠食到,但都無諗過啲肉好似霉霉爛爛。個湯好腥,唔知係咩湯黎。呢個牛肉球又有故仔講,個啊姐推車仔黎上點心,咁我就問佢辣醬係咪係到攞,佢答完係叫我自己攞之餘,仲要叫我攞埋個醋。我完全唔明白點解可以叫客人做野?第一你一啲都唔忙,第二你啲態度勁差,好似奉旨咁。整體黎講,所有有肉類既點心都係霉霉爛爛咁,店員嘅服務態度係勁差。公道講句,價錢係幾平既,不過唔覺得食物既質素可以差到變變地咁。食物質素差到咁,平極都用,免費都唔會再去! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-04
897 瀏覽
早已計劃到上水陳六記,一人不來,四人頹廢,改變初衷,旺角火鍋。臨急找店,一桌難求,任食火鍋,胡混過關。樓下拉架,廣告簡陋,舊式酒家,不予期望。到達餐廳,驚覺企理,規模備至,清潔亮堂。BB辣雞煲,起初味淡,加水煲煮,味道越濃。雞滑乏味,肉質彈牙,惟味欠鮮,僅屬一般。丸類凸出,彈牙爽口,素來少吃貢丸,味道奇香,甚覺驚喜。肥牛羊肉,碎絲萬段,無法盛載,羊肉微羶,勝過牛肉。豬下青肉,碎片瘦小,浸湯越縮,難以品嚐。鵝腸鮮美,爽口細片,味道還好。手工麵線,新奇有趣,像阿宗般,驟然想起台北感覺,不彈牙而糊狀。任飲任食,食品選擇欠廣泛,缺響鈴餃類;飲料搭究,可樂啤酒、茶類涼茶、樂怡新地。價錢公道,便宜自助;不另收費,童叟無欺。 繼續閱讀
(以上食評乃用戶個人意見 , 並不代表OpenRice之觀點。)
連雞煲都係無限添🤣!平時食任食雞煲火鍋,通常雞都係只有一煲冇得任添,但呢間唔係☝🏻任食雞煲(無限添)及火鍋 $138+$8(醬油費) = $146(需加收10%)第一煲上枱既雞煲愈滾就愈濃味!由於SK同成班朋友都比較食得辣,點左中辣😌,一食係正常辣味,但夠哂濃味,不過雞肉質感就一般,有部份會食到冰鮮味,加湯小小咁加,因為唔想咁快溝淡個湯。食左一半就開始加火鍋料打,肥牛,羊肉片,丸類,蔬菜類,正常任食火鍋既料佢都有。飲品方面,有樽裝康師傅,汽水,啤酒都有!以呢個價錢黎講,可以任食2款都算係咁有得任添雞黎講,仲有任食邊爐,係抵既,每人都係$160 繼續閱讀
(以上食評乃用戶個人意見 , 並不代表OpenRice之觀點。)