影片
常被食友取笑本人寫的很多店子都結了業，說到本人像是死亡筆記中的主角一樣，不過這也難怪，香港食店來也匆匆，去也匆匆，就算是好吃的店子，也會被加租迫走，加上本人寫食評寫得慢也是事實，真的沒辦法。記錄之前吃過的一個午餐，店家主打賣咖哩，但也有海南雞飯及其他東西吃，既然店家主打是賣咖哩，本人當然先來吃個咖哩牛腩飯。先來的是例湯，要了碗羅宋湯，湯身非常之稀，入口只有淺淺的酸味，那酸味不是天然的蕃茄酸，壓根兒就是開得很稀釋的罐頭湯味道，可能是鹽份下得多補充了味道，所以湯頭鹹度夠卻沒有內涵，而湯內的一點椰菜及西芹，算是正常貨色，不過不失。咖哩牛腩飯的飯及餸分上，這碗咖哩先不論味道，至少它汁夠多，所以一定可以下光一整碟白米飯，嚐一口咖哩汁，汁醬濃郁而帶椰香，果然有着馬來咖哩的風尚，椰漿也令咖哩汁變得非常挺稠，雖然香料味不太重，但味道而言真不錯。就是如此，大大碟的白飯，瞬間就被本人吃光，但坦然店家的白米飯軟熟得來，而還有點咬口。可是炆煮牛腩的火候就真的不夠，牛腩本身肉質很實，而且咖哩汁也變得難以入味，不過低處未算低，那數件牛筋才是極品，超級超級的韌，簡直有如在測試大家的牙力，牛筋不同牛腩，只要肯花時間去煮，至少不應該會堅韌如此，看來時間真的是金錢。最後來一杯熱奶茶，用上普通瓷杯盛着的它，茶也還有點熱，尚算有點點茶香，不過就很浮很虛，入口茶味說上不香濃，而且也沒有回甘，幸而它質地都夠滑身，不然真的是慘過雙失。午餐有湯有喝的，吃得飽飽也只是三十五，其實食品不算好吃，不過這類型的店子，本人既在附近上班，大多也會來多一遍，試試別的食物，很可惜的是，再來之時，原來也轉了另一所食店，更要是本人在西貢光顧過，覺得其食物很不錯的金雞，那麼它的離去，其實也不值得掛念。
繼續閱讀
是日同男友到富源食晚餐,第一次哩食,因為想食咖哩就試一試~因為唔太方便影相,所以無相睇~男友叫咗個鮑片滑雞煲:一拎出黎就嗅都香噴噴,鮑片好爽口,雞件好滑,份量足$42哩講都抵食我就叫咗個咖哩牛腩:正中星馬咖哩,有小小辣,好香好入味,牛腩同薯仔都夠淋,真係好好味,價錢$48個餐跟湯,中湯西湯任揀,我揀咗羅宋湯,都唔差加,唔會似水囉,又夠熱~包杯餐飲,凍飲加$2~富源食物真係唔錯,係坐位座得唔太舒適,其實可以揀坐出面,但係夏天真係未攪,如無乜要求既一試無妨第日我會再黎試試其他選擇,再同大家分享~
繼續閱讀
富源咖哩王係一間以馬來咖哩及海南雞為主打o既茶餐廳,位於荃灣路德圍o既食街,晚上店外設有坐位,開左唔夠半年,之前係一間冇乜生意o既 Yoshi Yogurt 乳酪雪糕店呢間茶餐廳係家庭式經營,店內掛有父親送贈o既牌扁,店員穿著綠色衫製服,屋企人只係著便服,佢地除左招牌咖哩,仲會供應一般茶餐廳食品我地o係二月底o既週末晚上享用團購優惠,o個晚幾多人幫襯,我地兩個被安排收銀櫃位旁o既二人枱,由於店內坐位較擠迫,出入都碰到隔離枱客人,若果大家拎得多野唔適合黎幫襯,或者可以考慮坐o係店外用餐之前o係網站以每張$22 o既價錢買左兩張 coupon,每張 coupon 可以換到招牌星馬咖喱一人餐配老火例湯或飲品,呢個餐可以選擇招牌星馬咖喱雞/牛腩飯一碟再配老火例湯一碗或咖啡或茶一杯(凍飲加$2)可能午間繁忙時間多人幫襯,今次優惠只適用於 2pm 後,另外優惠唔適用於2011年12月24-26,31日, 2012年1月1, 23-25日及2月14日根據團購優惠內容,呢個餐係可以選擇咖喱雞飯或牛腩飯,不過當晚可供選擇款式有o的唔同,冇左咖喱雞飯,不過就多左咖喱雞扒及豬扒兩款我地要左一碟咖哩雞扒飯,一碟咖哩牛腩飯原來呢個餐係可以選擇要湯抑或飲品,不過店員冇問到我地要湯抑或係飲品,只係問要中湯抑或係西湯,我地一個要中湯,另一個要西湯羅宋湯內有椰菜,紅蘿蔔及西芹味道酸酸甜甜,令人開胃老火湯係一碗唔知用左乜野材料o既中湯,根據團購優惠介紹係慢火煲煮,火候十足咖哩雞扒飯係成碟上,有西蘭花伴碟咖哩係有少少辣,雖然 BabyBamboo 支持者唔食得辣,不過佢都食得晒食碟咖喱雞扒飯咖哩牛腩飯係分開一碟白飯,一碗咖哩牛腩牛腩又腍又入味,配上椰香夠惹味咖喱香濃,份量都算足夠,我地覺得咖喱牛腩比咖喱雞扒做得較好不過我地唔係食家,唔識得分呢o的係唔係正宗馬來咖哩我地o係呢間茶餐廳見到強國中英對照餐牌,發現餐牌上有o的英文字寫錯,例如圖片 photoes, 煲仔菜 Hot Pot, 意粉 Spahetti, 凍飲加 2元寫成 $2 more for cold drinks按照富源咖哩王意思,原來火鍋係等於煲仔菜餐牌雖然設計精美,圖文並茂,不過英文錯冇人核對就去印製,其實餐廳位置唔似有外籍人士會幫襯,餐牌加上唔適合o既英文真係弄巧反拙今次呢個優惠算係價錢合理,$22 就可以食到招牌星馬咖喱餐,有一碟飯及一碗湯,唔算係好抵食,若果收原價$48 真係算貴,始終我地覺得食物貨式一般,普通茶餐廳o既簡單裝修,應該做唔到星馬菜館o既價錢原來佢地每日都有款指定咖哩餐,包湯及飲品只需$32,若果只係想試下o的馬來咖哩,冇所謂食雞,牛腩,雞扒,豬扒抑或係海鮮,可以選擇是日精選咖哩餐富源咖哩王位於興建中o既行人天橋出口旁邊,相信不久將來天橋開通後會有更多生意
繼續閱讀
最近經過路德圍,遇上這新店,招牌打著馬來咖哩及海南雞的旗號,午餐就選擇了這裡,要了這裡的快餐,每客32元,包括,熱飲一杯,湯及飯各選一款.湯選擇了羅宋湯,湯料有椰菜,紅蘿蔔及西芹等,味道酸酸甜甜,開胃好味.飯選擇了咖哩雞及豬扒,咖哩輕輕的帶點辣,椰汁味香濃,雖然雞及豬扒是一般貨色,但幾大塊的,配合美味咖哩汁,味道當然可口...熱奶茶,茶色濃,奶多夠滑,味道微甘,合格有餘了.咖哩,不知是否馬來正宗?但味道卻是討好的.
繼續閱讀