富泰家 (已搬遷) 新店位置

果日經過見到有賣咕嚕肉咁就去試下佢睇價錢幾平40就有一個飯,重凍飲免費,重包生果結果打開個飯一睇份量都算多,40還算滿意但味道卻意想不到的差其實味道一般我都會食完佢但味道差到,我食到5份1,就已經頂唔住要成盒飯掉左佢咕嚕肉,質地好怪,而且好難食平日咕嚕肉都甜甜酸酸咁但佢地的咕嚕肉真係太酸了連咕嚕肉的配菜都太酸,根本食唔落唯一合格應該係得凍飲同份生果

叫左一碟牛仔骨面，牛仔骨入味，但面質偏淋。另外叫左一碟豬扒芝士面，芝味濃郁，而且煮得唔算太乾身，幾好食。整體份量不少。侍應有禮貌，態度良好。亦會主動拿水過來，不錯。價錢方向，$45左右一碟方便面，其實都係消費在鋪租裡面。係平係貴見人見智。

去旺角行街,聽Yan講有間食芝士麵的店,好LIKE食芝士,即要去試下呀,其實呢間店不是以芝士麵出名,而是台灣菜的小店,以撈麵出名,小店子來的。價錢比想像中貴。加$5轉特飲,柑桔檸檬。鹽酥雞翼芝士麵,$53,有三隻雞翼,好多芝士醬呀。好多芝士醬,但芝士味唔算太濃郁,食落唔會覺太漏,鹽酥雞翼幾脆口,不俗呀。Yin的豬頸肉芝士麵,試左少許,不俗呀。個套餐附送生果,哈蜜瓜清清地。整體味道普通,新記比較好食。

撈麵大家喺7仔、OK就食得多，但你有冇食過惠食撈麵嘅富泰家嘅撈麵呢？平時食開嘅撈麵D阿姐通常都會落哂的味粉落麵度，而且撈麵嘅硬度有時會好軟、有時會好硬，但富泰家嘅撈麵就冇以上問題，味粉同麵嘅硬度啱啱好，再加上雞扒嘅配汁，完全同平時幾蚊一個嘅撈麵有天淵之別。

一次意外驚喜本身已不屬旺角既常客叫我帶路搵野食絕對只會係遊花園不過經過今次，以後就有好地方識得黎了當日經過此地時已經係下午茶時段點左一個脆皮雞扒撈麵(迷你裝)，跟一杯凍綠茶絕對驚喜之處係佢黎到既份量其實一d都唔迷你大份雞扒已經分件，但由邊可見並無偷工減料驚喜之處係竟然有附送耶菜蘿蔔等等蔬菜亦都唔係求其水煮蔬菜$30區內黎講絕對抵食而且跟埋野飲，凍熱同價，下次行開依頭，一定會再食

中午與同事在女人街覓食，經過撈面店，望望門外水牌和相片，亦吸引，就進去。大部份撈面4X元配飲品，配搭種類多。一坐下餐牌也未望清，店員就行來問吃什麼了，再想一想後就點了芝心丸拼雞肉串撈麵+蜂蜜綠茶。賣相其實不太美，不過食落味道OK，但嫌不夠熱。雞肉串好美味，充滿醬汁。芝心丸亦好吃，但太凍了。公仔麵都算彈牙，但撈面醬汁比較鹹。另蜂蜜綠茶，蜜糖味好重，好似蜜糖水，好好味。整體而言，食物尚算OK，我倆食完後，坐了一會兒，因就近LUNCH開始多人，雖店員行來問我們可否讓坐位給下一輪客，但店員好有禮貌態，不停說不好意思呢，服務算OK。

晏就係旺角行行下街,見有D肚餓,就上網serach下有咩TEA食,最後決定食芝士撈面係門口再睇左睇menu 覺得幾ok就入左去.入到去叫左個海鮮芝士撈丁,等一陣就有得食黎到啦首先,賣相相當好,可能係粒車尼子既原因.比左個好印象我.再試下,係正常既芝士撈丁 味道冇咩特別,不過我好中意食芝士 所以我覺得好好食值得一試既係龍利柳, 芝士加佢真係冇得輸, 味道好夾 加上炸過 真係可以話比個丁有過之而無不及.如果中意食芝士既人我會推薦比大家食

打完波在旺角搵食，聽朋友講這裡的芝士撈麵好好食於是就入了來食啦。等了一陣就有位，點了醬燒豬頸肉芝士撈麵餐，送甜品(三小塊西瓜)和一杯凍飲(我選了凍綠茶)。本身對芝士XX類的食品有保留，以過往經驗通常不是芝士味太濃就是太淡，這款芝士撈麵的芝士卻恰到好處，而豬頸肉柔軟而有口感，麵條也很爽口。可惜的是份量略少，實在不太夠喉。另外朋友點了蒜香牛柳粒撈麵，他認為還不錯但牛柳粒不夠腍。

7月上旬夏天的晚上, 行走在旺角的街頭巷尾不是一件令人愉快的事累了, 見到這間店沒多想就走了入去落完單即送上一客水果, 是三件西瓜, 清甜美味雞扒撈麵($3X)朋友食了一口說是營多撈麵, 我無食過不知真假麵軟硬適中, 味道甜甜的帶少少辣, 不錯而雞扒加上甜甜的燒汁也不差但撈麵和雞扒都是重口味, 且味粉下得不少食完有點膩和口乾 串燒雞肉紅米飯+凍紅茶($4X)這個就不好了, 紅米飯煮得太糊, 友人勉強完成一半...至於雞肉串有3,4串吧, 味道同樣是甜甜, 問題是每串雞肉都是細細塊的令人食趣大減, 食完只飽了5成而紅茶竟然帶珍珠奶茶的味道, 不是差但怪怪的, 應該是器具的問題了...

又黎到通菜街覓食啦⋯⋯ 比門口餐牌既芝士撈麵吸引左入去，但最後竟然冇人叫芝士撈麵。秘制醬汁撈麵同健康紅米飯都係賣點之一。撈麵份量好大，好似有兩個麵咁。味道同營多差唔多⋯⋯士多啤梨雞扒紅米飯，飯煮得太稔，放入口都未咬已經一pat咁 豬扒份量好多，士多啤梨汁都唔錯。但放喺一邊既果醬就過甜，試左一啖就放棄。值得一讚既係全部都配西瓜同白菜仔，感覺健康。

今天看電影前隨便走進這店吃晚飯。店內整潔，服務員有禮。和朋友點了司華力腸雞扒撈麵和辣腸豬頸肉芝士撈麵。司華力腸雞扒撈麵：撈麵美味，但司華力腸和雞扒很普通辣腸豬頸肉芝士撈麵：芝士撈麵香而不"漏"，不會令人吃得很"擠"，辣腸又辣又野味，豬頸肉普通整體不錯，值得再試。

記得之前在尖沙咀吃過一間很有名的芝士撈麵，名字已經忘記了，但卻很懷念那種濃郁的芝士香味。 芝士真的叫人又愛又恨，愛它香而不膩的奶酥味，恨它所附帶的卡路里。 看電影前先到女人街醫肚，馬上就被在街頭寫著的芝士撈麵吸引到，二話不說就決定了在這裡解決晚餐。由於時間尚早，店裡只有一兩枱客人。 我們方坐下，店員就餸上了兩客水果。 香港人都習慣吃飯後果，不過據說在飯前先吃點高纖食品有助消化，所以就先吃了兩片西瓜，還算清甜。先來的是蒜容牛柳粒撈麵，牛柳粒的賣相一般，並非呈粒狀，更像牛肉片。 雖然賣相方面扣了點分，味道方面卻不錯。 牛肉容易咀嚼沒有煮得太韌，而且醬汁亦和牛十分配合。 撈麵當然不會用出前一丁，對於我這種不太講究的食客，一個普通的公仔麵也非不能接受之物。 撈麵的汁料似乎加了很多味精，吃完很口渴。 後上的豬頸肉芝士撈麵用料頗豐富，小小一碟內就盛著5大塊豬頸肉，豬頸肉略嫌有點肥。 芝士方面味道有點淡，比較像忌廉湯的味道，如用上較鹹的芝士會更好。

豬軟骨烏冬的味道淡了一點, 份量足夠, 有菜配上很好. 烏冬跟平時食開的讚岐烏冬是有點分別的, 淋了一點, 可以改善, 總體算不錯.加六元叫埋炸吉列魚柳, 很香口, 是剛炸起的.另一碟是司華力腸雞扒撈丁, 本人只食了司華力腸, 很脆很好味.套餐還有生果(三糕西瓜)和冷熱低糖紅綠茶, 不錯. 

假期過後既第一個工作天，一般都要加班，重陽節補假後也不例外，為了"早點"晚飯，夫妻倆到旺角覓食。出地鐵站往女人街方向揾食時看到易拉架廣告介紹這家餐廳，圖文並茂，尤其被芝士撈公仔麵所吸引，而且價錢唔貴，40蚊唔駛已有野食，於是我們便決定去這裡醫肚了。這裡裝修比我想像中有格調，唔似茶餐廳，好切合以前女人街兩側既小餐廳。餐牌好簡單，所有食物都可加錢轉套餐，所以餐牌外佢亦有一個套餐餐牌讓食客容易點餐，另有小吃餐牌，不過都係由大餐牌節錄出來的。我本來想吃牛或豬既紅米飯餐，但被餐牌上既德國雜腸撈麵圖片所吸引，所以轉軚了。老公就點了豬頸肉芝士撈公仔麵。套餐包一杯飲品同一份時令水果，今晚係西瓜。飲品方面如揀跟餐既紅茶或綠茶，冷熱均可。揀珍珠奶茶或其他特飲就要補回差價。除此之外，我另點了兩件羊架，只係20元一件，兩件起，所以貪心的我就點了。未幾食物到來，羊架及我的雜腸撈公仔麵先到。雖然同餐牌照片有點不符，但望落去都OK吸引的，有三款唔同既腸仔，包括疑似辣肉腸﹑芝士腸及香草豬肉腸，三款各具特色，而公仔麵既汁唔錯，麵亦冇煮太腍，幾好。羊架同我想像的有少少唔同，汁太多，不過味道都可以，份量亦算大。最後來既係豬

從前在旺角區工作，久不久便會來富泰家食個撈麵。現在工作地點轉移至港島區，因為懷念那種撈麵的味道而遠道而來。香港知名的撈麵店不多，想得出的有尖沙咀的芝士豬頸肉撈麵，還有就是中環區的雞扒蔥油撈。雖然富泰家並未有這兩間般馳名，但就勝在選擇多，可選擇的款式不只限於一個。和過去一樣，個人選擇了雞翼撈麵。套用了各大米線店的原理，選一餸的話，雞翼會有三隻，兩餸的話就只有兩隻，個人以精明的頭腦推斷出選一餸才是最合乎性價比的選擇。撈麵來了，如果就這樣直接吃進嘴的話，那只能發揮該撈麵味道的50%，這樣的話沒有意思。雞翼撈麵 - 一般的雞翼撈麵，吃上去並不過癮要吃出這個撈麵的真味道，我們便必需要加辣椒油，大量的辣椒油，那才是正確的吃法，能吃出撈麵的真味道。如此這般，在這裡值得推介的是混了辣椒油的撈麵，真的是不吃不可啊！