富園海鮮酒家 (已結業)

尼一間系我朋友介紹，雖然裝修簡陋，環境普通， 但係嘢食都幾抵食㗎其實佢原本都已經有好幾個套餐， 然後你只需要揀用咩煮法 同埋佢有個好大嘅優點就係任飲金威啤酒同任食白飯， 同埋我同另兩個朋友食飯， 都係用咗600蚊但係已經可以食到芝士龍蝦伊麵，鮑魚(每人食到兩隻)，半隻雞( 可以選擇乳鴿人頭一隻)，蒸扇貝， 白灼蝦( 可以選擇豉油王煮法)， 一條蒸魚， 都唔算差架我唯一最推介就係芝士龍蝦伊麵， 因為佢芝士味真係好重 真係食到舐舐脷 最後仲會有生果同埋大菜糕甜品 同埋個鮑魚有位好熱情既叔叔幫我地起肉，吾洗我地去拆條腸(綠色)，所以食都方便啲話見我地起得好辛苦如果想食海鮮，但又諗唔到食邊間呢一間都係個好選擇

美孚陶源執咗，新開嘅酒樓叫富園，今日去試新嘢，有啲驚喜。三個人叫左個$388四人餐，非常豐富燒味拼盤，叉燒、燒鵝都有水準！本來有沙巴一條，但酒樓冇沙巴，轉左龍躉塊，都唔錯！好多款小菜中揀左滑蛋蝦仁，估唔到有河粉底，份量好大碟！雖然炒得比較油，但夠鑊氣，好食可揀一款粉麵飯，叫左瑤柱蛋白炒飯，味道唔錯，不過太飽要打包。仲有三款點心，我地揀左鯪魚球，好鮮味！燒賣大大粒，good叉燒腸都唔錯，幾足料！初時太肚餓，額外叫個燒腩仔，比較瘦，但都算脆皮美孚飲茶又多一個選擇，價錢合理而且味道中上，可以再來！

中午和朋友去新開張富園酒家飲茶，我哋點了燒鵝瀨粉，燒鵝上枱已經熱騰騰😋 連湯粉也好好食👍🏻 我哋又叫了優惠點心-花旗蔘蝦餃，雖然好抵食$4.8一隻，但淡而無味😔都是叫即蒸蝦餃好啲😆而其他點心也好好食，也有不同套餐可選擇，我哋又多個好選擇😍

今日中午黎食lunch，叫左四人午市套餐。套餐入邊有叉燒套餐，篜魚，三款自選點心，一款小炒同一款炒粉飯，叉燒套餐入邊有豬手同燒鵝，300幾蚊埋單，味道都幾好。最後仲叫左燒腩仔同甜品，抵食。

今次試食新開張酒家嘅金牌紅米乳豬宴一席, 食過崧子紅米BB豬大家都我哋大讚👍, 皮薄好脆又不油膩, 紅米又軟又綿。沙律大蝦球感覺好清新。響螺花膠燉老雞都好足料。全包宴包飲品服務費, 食品質素及服務態度都很好👍👍 希望新店能夠繼續保持呢份熱誠。