影片
以上資料只供參考, 請與餐廳確認詳情
食家推介
今日同男朋友去大水坑行吓，馬鞍山之中我地未去過we go mall~ 一於嚟行海邊順便拍拖我哋本身13:45入座，揀吓揀吓點知過咗兩點原來冇咗午餐，男朋友本身好想試嗰個唔知咩燉排骨湯飯🤣🤣唔緊要，下次!下午茶個Menu就平啲，不過我覺得牛雜好似就跟套餐有碟菜好似抵啲都係+$6熱愛牛雜，而且好耐冇食嘅我嗌咗碗牛雜粗麵，更牛筋， 不過吳家好似好啲🤨🤨因為好似牛雜會變小左，金錢肚得三嚿仔 牛費都好細究個湯有少少鹹，不過溝咗水之後幾好味飲咗好多🙈🙈🐒之後有少少口渴，可能有味精不過正常個湯加水之後好味 如果唔係喊，麵質就OK幾好味不過整體就復興馬鞍山街市嗰間好味啲 環境就呢度優勝得多我哋兩個都冇食早餐所以勁肚餓，嗌咗個凱美集材煲，男朋友好鍾意個湯係咁飲，應該落咗堂？好甜。所以幾好味，啲菜唔會話炒到好多油咁樣幾好。不過佢就太快熄火，大部份菜都好硬好硬。 西蘭花椰菜花都好大嚿唔斬咁。 仲有菜心小棠菜。 係小棠菜細棵啲，所以林少少其他嗰啲真係老人家都食唔到㗎有幾個大蝦乾同埋魷魚乾幾好味 極少量嘅迷你元貝 懷疑成煲得一粒柱仔不過唔緊要啦，食得我哋好happy茶餐廳收$82有少少貴 因為佢海味不多見到隔籬枱好多人食焗飯就叫男朋友揀個焗飯，其實我想試蕃茄豬扒呢啲一定好味 而且隔籬枱嗰個好靚仔，男朋友就話想食咖喱牛腩焗飯，點知服咗🤣🤣個牛腩又肥又瘦🫣🫣即係肥嘅位就成舊脂肪，收嘅話呢就瘦到黐牙咖喱味都OK但係整體就麻麻哋不吸引 下次真係攰食飯蕃茄焗豬扒飯啦 男朋友後悔哈哈不過整體而言食得好開心，因為環境都好好，服務就真係一個歌有啲就超好服務態度有啲就傻傻吓直程話冇得嗌海味雜菜煲要夜晚先有……….Anyway，呢間一定會有機會再試！好鍾意
繼續閱讀
香港越來越少好食牛腩，以前細個時周街都好易食到好食的牛腩，但依家即使食到好食的，過一段時間又變得唔好食，相信是餐廳唔肯用靚材料所致。富園最令我欣賞的就是下午茶的金牌牛腩飯，牛腩鬆軟入味，每咬一口均有濃厚的牛味，牛腩汁滲入白飯再加上有兩嚿冧曬的白蘿蔔，簡直滿足味覺之餘，又滿足腦袋興奮，精神為之一振，故此每逢假日均等下午茶去幫襯。雖然服務無咩特別，尤其是收銀嗰個ee，每次比錢都黑晒口面，但唔緊要啦，只要牛腩能夠保持水準就可以了。
繼續閱讀
外賣一盒北菇蒸雞，食得嘅得三四舊，其餘雞頸骨頭，離哂大譜，係咪見外賣就可以甘不負責！之前已經係甘，量少不說，價錢又貴，停了一排無幫襯，後來改善了，誰想又變翻轉頭，以後絕不再幫襯！
繼續閱讀
屋企人去宂街，費事要佢哋煮就去附近食晚飯，呢間好耐冇食，就過嚟回味下。叫咗個二人餐，裏面包兩個小菜，top up多一個小菜都夠三個人食。個例水都幾好飲，最緊要係飲完之後會口乾。蘆筍炒帶子，都尚算中規中矩。鐵板黑椒牛柳，呢個性價比相當高，大大塊有厚肉，肉質無嗱得好犀利㗎感覺。個癬雖然唔係好多。啲白鱔我哋就中咗尾嗰段，但係呢個價錢都係冇投訴，加上佢啲肉質冇泥味其實已經好好。食小菜食到咁上下有少少唔夠喉，心囉囉攣想食牛腩河，點知冇河粉，剩係得粗麵，都照叫。個面底好多，牛腩都好慷慨又大件又厚又腍，同埋個精粹就係個辣椒油啲辣椒籽辣得超過癮，呢餐相當滿足。
繼續閱讀
此店屬馬鞍山區內評分數量較多而且高分茶餐廳/冰室，適逢假日，同朋友一齊去試。星期日茶餐時段，見入座率長期保持8成滿以上，可見餐廳受附近屋苑客歡迎。服務上屬正常一間茶記，唔好期望員工會有任何特別禮貌的招呼同反應就可以了。環境方面有心機做佈置坐得舒服。餐牌選擇款式多，粉麵、廚房、水吧一應俱全。食物方面所叫的食物賣相都係精神飽滿 ---乾炒牛河 - 味道正常略欠鑊氣，屬中規中矩。焗豬扒飯 - 醬汁芝士味道醒胃，但飯實在太過濕軟唔香口，有少少扣分。豬扒夠淋，但一條大骨霸佔了大約三分一的篇幅，失分位。花生醬西多 - 正常發揮，夠大份夠飽滿，味道沒有什麼特別。奶茶、鴛鴦 - 奶茶較優勝，奶茶味夠；鴛鴦帶有酸味。茶餐收費顯得性價比高，住附近確實收貨，特登嚟就未必了。
繼續閱讀
您可能會有興趣的...