影片
【油尖旺區】【富華冰室】好耐之前寫過呢間嘅尖東分店，嗰陣仲係寫佢哋出嘅 $45 抗疫餐，有飯有嘢飲，非常抵食。疫情已過，都零星地幫襯過佢哋幾次，不過費事重覆就冇寫用餐體驗喇。而今次寫出嚟都係因為今次去嘅係尖沙咀嘅另一間分店，喺漢口道嗰邊，又睇吓呢間係點。叫咗 $58 嘅「特餐」，揀咗「冬蔭功肥牛湯米粉」轉通粉再扣底，碗嘢都幾辣，所以最後扣咗底我都食唔晒，味道係正常嘅，我相信唔怕辣嘅客人唔會介意。跟餐仲有配菜，首先係「自家製出爐餐包」，佢哋自己整嘅，佢仲夾咗少少牛油，味道都可以喎。旁邊仲有「嫩滑北海道牛乳炒蛋」，又係炒到一個球咁嗰隻，都幾香蛋味嘅。餐飲我要「熱奶茶」，估唔到喺尖沙咀地帶嘅茶餐廳，呢杯都只屬一般水平，少少失望。我仲叫咗個 $8 嘅「出爐靚蛋撻」，可惜係唔熱嘅，成件事差咗。埋單 $66，又冇乜嘢好挑剔。。。（地址：尖沙咀漢口道8-10號漢中大廈地下B&C號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區尖東分店：1am0604#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #特餐 #富華冰室 #冬蔭功肥牛湯通粉 #自家製出爐餐包 #嫩滑北海道牛乳炒蛋 #熱奶茶 #出爐靚蛋撻 #1am1763 #1ambackup
繼續閱讀
喺尖沙咀本身諗住飲咖啡，諗諗吓都係支持吓香港奶茶，富華以前啲蛋撻係好好食，今次食一見到已經失望，離晒罩，仲要凍嘅 。 雞尾飽都係凍，咁大個爐哄住啲麵包，所有嘢都係凍？真係令我一度懷疑自己食緊咩。茶走茶底都差左。。。唉食$41，一個蛋撻一個雞尾包一杯茶走，問有無tissue，姐姐答tissue 盛惠$3。。。唔係俾唔起$3 ，而係作為一間餐廳，有tissue 提供係基本。tissue 成本要幾多？果然尖沙咀都係遊客嘅地方，留返比遊客消費好了。香港仲有幾多地方係比香港人消費？今次真係嬲。
繼續閱讀
周末去尖沙咀行街，喺九龍酒店附近見到有間冰室不錯，就入去試吓：特餐-冬蔭公肥牛湯米粉配雙蛋及餐包（$58)冬蔭公湯底有驚喜，味道濃郁，夠酸又夠甜，又帶點辣，非常開胃又惹味。米粉煮得恰到好處，爽滑能很好地吸附湯汁。肥牛肉鮮嫩，加上1隻蝦，及一些菇類，更添鮮味，營養更豐富。
繼續閱讀
每次經過都比呢間茶餐廳既麵包櫃吸引，今日去試下佢既早餐。每款早餐都跟麵包，e.g. 菠蘿油/餐包仔。番茄薯仔羅宋湯午餐肉粒通粉湯底比之前淡色左，可能落少左茄膏？😂番茄的酸甜與薯仔的綿密完美融合，帶來了一種舒適的溫暖感。通粉的口感滑順，吸附了湯汁，讓每一口都充滿風味。午餐肉粒則增添了一絲鹹香，整體味道層次分明，不錯。巨型菠蘿包可能撞唔岩新鮮出爐，外皮唔夠酥脆，好在內部鬆軟，口感恰到好處。菠蘿包的甜味適中，讓人感受到幸福感，是完美的早餐選擇。
繼續閱讀
今日 3點幾先食得，路過見到下午茶 menu 都有飯麵揀，唔貴唔平可接受茄汁朱扒焗飯唔錯，杯茶走都唔錯。坐位有機會要搭枱，但都寬敞。下午茶時間見到都好多附近返工既打工仔黎食，其實佢哋就係用腳投票，表示呢間餐廳性價比都算高。旁邊有人叫 xo鐵板肥牛烏冬，好香。單點 $78，如果有下次都可以試下。
繼續閱讀