家湯溫暖

營業中

休息中

近排食得菜少，好想食好多菜。咁啱喺呢頭覆診，網上搵到附近有呢間賣健康菜式和燉湯的外賣店。點了「慢煮雞胸玉子綜合蔬菜飯」、「花膠椰子百合雪耳燉瘦肉湯」、綜合蔬菜（西蘭花+翠玉瓜）和綜合蔬菜（秋葵+山藥），今次仲唔夠健康？點知等外賣嘅時候，發現香港燒賣關注組大名鼎鼎嘅金華美食喺隔離，忍唔住食咗一串燒賣同魚蛋，燒賣同豉油，辣油，真心OK。下次再幫襯。回家吃的時候，蔬菜新鮮，顏色繽紛，令人胃口大開，調味適中，珍珠米煮得不錯。如果我辦公室或住在在附近，一定會經常幫襯。可惜⋯⋯

經過好多次都未試過，今日終於試咗佢個套餐，便當A慢煮雞胸玉子綜合蔬菜飯+花膠姬松茸茶樹菇燉瘦肉湯$106淨叫便當嘅話一個便當$58，以相對健康嘅外賣飯嚟講真喺唔貴，而且食落調味唔會過重，有半塊口感濕潤嘅嫩雞胸、唔會太甜嘅玉子燒、半隻溏心蛋，加上唔少蔬菜，營養滿分，味道亦好啱我口味🙆🏻‍♀️湯方面真材實料，好大塊花膠同茶樹菇&姬松茸，味道都唔錯，得閒想滋補吓佢喺唔錯嘅選擇👍🏻總結喺值得Encore㗎，唔知其他便當正唔正，下次再試🤩PS 不過飯量就真真真真喺太多啦，真喺食唔晒，可以叫少飯或者食之前裝起，唔好浪費🥰

如題，每樣野食得出都用心做，好味，同好香。健康得來，好味滿足又没有罪惡感。😊個湯都好好，好足料，有種家湯感覺。幾好，第一次試完，仲即打去問有冇得送外賣😄值得入來寫第一個評語👍