家正料 (已結業)

今晚朋友選址這裡聚餐, 由於有啲食物要預訂, 所以她們安排晒一併訂妥今次大部份食物.齊人後, 侍應細心問了可以起菜就續一送上.第1道: 爵士湯 – 好足料的燉湯, 內有肉,雞腳,螺頭,玉竹. 飲落肚即時覺得身體暖潤咗.第2道: 聖子皇 – 原隻聖子好有新鮮, 上面放了粉絲及蒜蓉, 再灑上蔥粒, 加埋豉油, 鮮味更出. 聖子火喉控制得好好, 仲好鮮嫩, 沒有過火(會un).第3道: 炸蠔 – 超讚!! 蠔夠大隻, 炸得恰到好處, 蠔的鮮味同水份都保留住, 炸粉恰如其分(不是平時經常嚐到的粉多過蠔).第4道: 龍躉翅 – 唔知時以為食翅, 打算不吃, 原來此翅不同彼翅. 味道偏濃, 不好噒骨, 所以唔識欣賞.第5道: 鮮菠蘿咕嚕肉 – 呢道菜好耐無食, 因為好多次(喺不同食肆)食炸粉多過食肉, 所以唔會叫. 終於食到好的咕嚕肉, 無骨, 啖啖肉, 兼肉多過粉, 真材實料! 不過, 鮮菠蘿同顏色椒唔夠入味.第6道: 羊腩煲 – 羊腩有皮,有膏又好”林”. 怕”蘇”的朋友都有食, 但喜歡羊肉”蘇”味的我覺得唔夠. 第7道: 啫啫芥蘭煲 – 煲真係好熱, 侍應送來時一邊攪動芥蘭, 一邊提我哋襯熱食, 不過由於太多食物食唔切, 到最後發現芥蘭有啲啲焦了.第8道: 糯米飯 – 呢個係後加的. 因為已食了好多, 呢個飯只食了2啖. 睇落似好油, 食落可以接受.食材好又足料, 廚師有功架!!…查看更多

之前家人跟朋友在這裏吃過晚飯，覺得味道不錯所以提議今晚去嘗試嘗試， 四個人點了六個小菜， 分別有新鮮菠蘿咕嚕肉、啫啫蝦乾肉碎芥蘭煲、 脆皮牛肋骨、花雕醉鵝肝配脆酥、籠仔荷葉蟲草花蒸滑雞、 乾煸欖菜肉碎四季豆，基本上分量不少，味道亦不錯，不過座位比較少，所以早些去比較好，或是預訂 就容易吃到心儀的餸菜…查看更多

又要出街搵嘢食😛 友人想食小炒😛呢間係九龍城的家正料，方便友人收工即到，就準時6:30開餐啦🤟叫左 - 薑蔥炒粉絲蟹煲調味料夠， 粉絲都入味，但.....個蟹殼痴住肉🤔，係咪唔新鮮🤨，但個味道係ok嘅。- 柚子肉骨 都有8舊肉，但友人說肥肉多了點，個人喜好肥的話，就會覺得正囉。- 什菜煲菜都新鮮，但略略煲過蘢，菜淋得滯，加入尢魚菇類虾米，一般水準。其實覺得小炒價錢都略貴啲🙊…查看更多

喜歡吃好嘢的我，今天和幾位好友到家正料聚餐，今天有幸吃到由主廚鋒師父特製的 “ 龍躉翅” ，真令人回味非常，飲埋招牌爵士湯大家都話返唔倒轉頭。見到大家吃都咁滿足及開心，真的期待下次又再來👍🏻😊…查看更多

🤤去到九龍城，大家都會食泰國菜但係其實九龍城都有好多小炒，大排檔等等。今日同朋友決定唔食泰菜，試下小炒，估唔到禁有驚喜。•啫啫蝦乾肉碎芥蘭煲🥬一上枱 熱辣辣仲出緊煙芥蘭炒到好軟身 唔會硬小朋友老人家都可以食入邊有大大粒嘅蝦乾🦐唔係平時嘅蝦米 非常香•菜甫肉碎煎蛋角煎香左嘅蛋夾住粒粒菜甫同肉碎脆脆地好有口感•粒粒金磚豆腐外皮炸到好脆但係入面好嫩滑咬落去會爆漿…查看更多

睇完三色台三位嬌小玲瓏主持介紹呢間小店，約咗六位朋友一齊嚟試吓，訂位時預先寫咗菜單，人齊就可開餐。試新嘢呢日，其中一位朋友臨時要OT嚟唔到，唯有打包比佢食。店員好幫手，為我哋預了幾個膠盒，燉湯就直接幫我轉落膠碗中。1. 粒粒金磚豆腐 — 外脆內軟滑，豆味香濃2. 白胡椒鹹菜豬肚雞湯 — 原盅燉，足料，白胡椒味香，辣度適中3. 脆皮牛肋肉 — 脆皮唔太厚，牛肉肥咗D；這是我期待兩個菜嘅其中一道，沒預期咁好，但都唔錯4. 椒鹽鮮魷 — 看似簡單，但要做得好食唔易，鮮魷炸得鬆脆，椒鹽夠香5. 桂花金絲骨 — 落咗桂花嘅糖絲，食落有輕微苦，排骨好味6. 黃飛鴻脆皮豬手 — 原來使用了黃飛鴻家鄕嘅辣椒，估計有落孜然粉或類似香料丶豬手同花生炸得惹味7. 京蔥吊燒雞 — 京蔥好香，配上外脆內軟嘅吊燒雞食，一流；這就是另一道我期待的菜，冇失望，全晚我最喜歡這道菜8. 千層腐魚湯浸菜苗 — 魚湯鮮甜，食咗咁多肉之後好有清新感9. 金瑤芙蓉蝦腰煎米粉 — 米粉煎得幾好，可能個人口味問題，不喜歡有獻汁嘅餸，淺嘗一口而已此外，未嚟之前見到一些食客批評店員禮貌及服務唔好，我想在此為佢哋平反，因這晚都有八成客人，但唔覺得店員因太忙冇禮貌，我反而覺得佢哋幾細心幾好，比某些貴價有名氣嘅酒樓還好。…查看更多

電視的魔力真是強大。一個位於九龍城不斷頂讓的舖位，來了一間有實力的小店，經電視推介一下，基本上五、六、日 Walk-in 是找不到座位的。好彩我住得近，星期二（星期一例假）可以輕鬆入座。兩人點了一個招牌脆皮牛肋骨、胡椒雞煲、上湯浸時菜、一碗白米飯。首先是脆皮牛肋骨上菜，外脆內鬆軟，肉汁鮮嫩，點上秘製牛肉醬汁，更加是美味無窮。我與友人三扒兩撥秒殺全碟菜式。本來沒有特別期待的胡椒雞煲，未上菜的時候已經香濃撲鼻，食進口更覺得是雞香嫩滑。米飯也沒有欺場，粒粒分明。店員問我們意見，我們馬上瞪大眼睛，舉起大拇指回答：「真的很好味！ 」下次一定要大伙兒預訂到訪！…查看更多

差，差，差，差，多油，食午餐set lunch ，但要等半個鐘，超慢，我食飯只有一小時，等要等，最後只有幾個字食落肚。炒飯，油好好多，成碟都是油，似油飯多過炒飯。又冇味，非常不好食。都冇食過有多油、有冇味、最難食嘅炒飯。等半個鐘，超慢，等要等，最後只有幾個字食落肚。炒飯，油好好多，成碟都是油，似油飯多過炒飯。又冇味，非常不好食。都冇食過有多油、有冇味、最難食嘅炒飯。隔離間茶餐廳同對面間餐廳都好食過佢一百倍。…查看更多

自己落單落錯咗，但唔應，還乖估下自己睇錯餐牌，明明係落豬手，但佢淨係落Number，所以錯咗，但一句對唔住都冇聲，只是問你咁你要唔要，十分之冇禮貌，態度惡劣。植物多油不好食。勁差！…查看更多

同同事做完野, 老闆提議黎呢度食, 夜晚8點幾9點, 成條街得呢度重係爆場, 黎到都重要等一陣先有位.到我地入到去, 好多菜已賣哂, 海鮮就更加唔駛講, 佢地唔鮮唔賣, 每日都好限量, 叫我地下次黎試記住要訂.基本上我地去到時, 呢個板上既海鮮已賣淨一, 兩款.黃飛鴻脆皮豬手 $168, 呢個超惹味. 外屠脆卜卜, 入面熱辣辣, 充滿骨膠原.桂花金絲骨$138呢個我望到隔離台叫就追加既, 我最中意梗係D 糖啦.WKAKAKAKA功夫野, D骨就有D 肥, 但都接受到, 太瘦就會乾柴唔好味啦.椒鹽鮮魷. $118我既最愛呀!!! 呢樣野都係冇得輸GA LA, 如果呢碟都唔好食既話, 應該可以唔駛去..正料小炒王,$118 依定唔係好多店有得食呢味菜. 呢度整得好出色好惹味又有鑊氣!沙薑雞半只. $138  只雞好滑, 佢地話連胸都好滑, 我冇食呀.只食脾咋...哈.千層腐魚湯浸菜苗. $138, 呢個OK!炆頭腩. $198 呢個魚我PASS 既~ 睇落唔錯~我地四男一女食, 清哂!!!重有個清潤糖水送... 正呀!是晚女老闆都係度, 落單既哥哥好用心又好自豪咁讚自己鋪同大廚, 都抵佢咁威既, 因為真係好食! 老闆冇介紹錯!!! …查看更多

一定要推介這間小店，店員店長非常親切。我地夜晚來過，白天也來過。晚市選擇多可試著不同菜式。下午套餐很伐算$48@起，士多啤梨骨最好味。我地嚟過幾次，每次都好滿足。不過有時候都會失望，因為差不多每天坐無虛席，冇訂枱的話晚市可以說一定冇位，店入面地方不大。地點在德昌魚蛋對面，沒有泊車也沒有代客泊車。食物質素一流，我試過叫炸生蠔，大大隻，外脆內軟，很好的佐酒美食。叫了酒後，又試了酥炸牛肋肉，牛味濃，一試難忘。…查看更多

男友鐘意食中菜 我地十餐有五餐都會食中菜😝九龍城除左出名食泰國野 原來都仲有好多好野食 今次試下街坊小店先小妹最最最鐘意就係飲中湯今次揀左五指毛桃燉淮山工作忙 晤會得閒自己搞 呢到飲到屋企味道👍👍非常濃郁足料 我一滴都無放過叫左二個餸 一個係士多啤梨骨 正常味道但算係啖啖肉 如果可以炸得更香口會更好另一個叫左辣子雞 都係男友最愛呢到做法夠麻多辣送飯一留 美中不足係無用到腰果😝小插曲係辣子雞等左超過半小時未到 侍應哥哥幫我地換過碗熱飯俾我地 有心👍👍另外自家制綠豆沙都晤錯 煲到起砂埋單大概400蚊 有加一 可以一試…查看更多

終於搵到一間同屋企好近嘅飲湯餐廳，我諗應該開咗兩個月呱，平時成日經過，但就冇乜留意究竟有乜嘢食，結果網上睇到除咗有湯飲仲有小菜食，所以就去試吓啦本身諗住叫少甜，但店員同我講吾會好甜，又真係喎，檸檬味又重，啱晒我口味真係唔知邊款打邊款，但係啲燉湯真係好好味，燉五指毛桃湯比較清淡啲，松茸鯊魚骨湯超級好飲，我本身唔鍾意食菇類產品，但佢個松茸湯好濃味，啲雞腳亦都好淋，真係好味到不得了成碟餸都冇味道，好似炸完之後喺上邊舖上炸蒜片，味道同鮮魷係分開左，唔係融為一體，成舊鮮魷淋身，一D都吾香口，亦冇椒鹽味啲魚有少許腥味，調味方面還可以呢碟小炒王真係好正呀！！好適合配埋啤酒一齊食，韭菜腰果蝦仁鹹魚條仔樣樣材料都好配合，要比10個讚我下次嚟到要再試吓其他湯，當然要食多次小炒王啦🍺…查看更多

今日同朋友就算得兩個人都想食港式小菜，就黎左呢間九龍城既餐廳。環境好乾淨安靜，沒有大排擋的雜亂，店員態度很好有禮貌。-粒粒金磚豆腐 $68果然沒有令我失望外脆內軟，新鮮熱辣辣又香口，好吃！-鮮菠蘿咕嚕肉 $118店員好強烈推薦😂菠蘿是用新鮮菠蘿，並非罐頭菠蘿，好鮮甜。咕嚕肉是無骨的，啖啖肉👅，但略嫌不夠鬆脆。-酥皮茄子 $68好後悔點了這個🤦🏻‍♀️好大碟好油，不是它不好吃，只是較適合好多人一起吃🙈兩個人根本吃不完。…查看更多

我真係好鍾意飲靚湯，有陣時出去食飯飲到個靚湯真係好開心。爵士湯喺香港嘅名湯，但係唔係有咩地方可以飲到，估唔到今晚竟然喺呢間度有！喺朋友精心安排底下訂左呢一圍菜，真係不得了！除咗菜式有10道，每一道都有特別之處，但我要特別讚呢一個好少飲到嘅湯，我以前就係西苑飲過最正宗嘅爵士湯，係因為爵士因為成日去西苑食飯要飲呢個湯而命名，估唔到呢度水準差唔多，細問之下，才知道這𥚃大廚由於曾在西苑當廚，怪不得更熟悉此秘方。用蜜瓜作材料，另外還有螺頭、花膠、雞、雞腳等等 ，材料好豐富，個湯好甜！大滿足！加上花膠更感覺滋陰養顏！其他嘅前菜、主菜粉面味道都好出色，$400一位性價比高了！…查看更多