家寶小食車仔麵

營業中

休息中

好奇怪,我個人覺得呢間車仔面實在普通.見到有得寫食評,決定寫幾個月前的經歷.我和幾個朋友叫外賣,我叫左豬肉餃+蘿蔔+河粉點解記憶猶新？因為ｄ豬肉餃好難食．平時見佢地自己包餃子，以為會好食，點知．．．為免有其他人有同樣經歷，唔好叫豬肉餃叫腸粉，蘿蔔糕都ｏｋ

九菜 雞翼尖 牛柏業 幼面唔係好夠味, 要叫佢加多d咖哩汁比我地... 加左之後就真係好好味喇!!!九菜好入味, 又夠趙口, 但又唔係太林~ 而牛柏業就林左少少喇...雞翼尖呢, 男朋友話好味, 但我見佢d色都變晒黑-深棕色, 睇黎真係"老"左好耐下喎~6蚊4條豬腸粉幾滑呀~ 熱就唔係好夠熱咁, 而醬汁就好似稀左少少喇...見人流都幾多下喎, 樣樣都有人買, 主要都係買牛雜/ 碗仔翅+魚肉兩溝/ 車仔面五分鐘內有好多人幫親喎~

愉翠苑比較多人排隊的係呢間.車仔麵真係幾得, 但今天我們係掃街, 所以來食魚蛋!話明掃街又點可以冇魚蛋?叫了兩兜辣的, 5蚊6粒.真的幾辣, 兩位女友人食唔倒.冇乜魚味, 都係一般貨式.都係車仔麵或腸粉穩陣!!!!豬豬女友有福了, 我試晒全部的小食, 等她回來, 不用自己試, 便已都知乜係最好食~好似以前為皇上試毒的小太監咁...

成班同事因為貪便,所以去左搵家寶。大家都食左佢個勁辣魚蛋車仔麵加辣汁:我地三個都不期然出哂汗 大家知唔知點解？因為d辣汁實在太辣-.-||||之後問個老闆娘,原來最出名既係豬腸,不過我諗佢應該唔係老闆娘orz但"老闆娘"同人講:牛筋同豬皮都好"淋" 但係我地冇叫到, 我有個同事佢好食得辣,結果就好似打完一場硬仗, 辣到佢都唔知講咩好, 第二個結果就係如果我地再去過的話就一定要諗清楚,千其唔好貪平。最後我贈妳一個字:『狠』

腸粉$6/4條, 腸粉滑溜,不會好像咬粉團般.燒賣$5/5粒.不是豬肉燒賣,亦不是粉團燒賣,而是魚肉燒賣真的很興幸這少少的店子腸粉及燒賣比起街邊檔的美味.亦夠水準!P.S.這兒的辣醬真是蠻辣的呢!

我係呢度附近讀書既，有時放左學都會去呢間野買車仔麵食。我覺得呢間野以路邊檔既形式經營，係一種特色。三送麵15蚊送多杯豆漿，都算係做緊學生同街坊生意啦！