家嫂星洲美食 (已結業)

今日原本諗住一家大細興致勃勃去九龍城 lunch 試新野，見好多明星相入去試家嫂，於是就入去試吓，一坐低就發現部冷氣吹到個頭正一正，問佢哋可否較吓唔好吹住個頭，佢話唔得，後來聽對面枱都話吹，問佢可唔可以較吓部冷氣，佢一句就話“我依家同你熄咗部冷氣，我息左之後一陣唔好再叫我開番呀下”，我即刻有 d 興，再問佢其實旁邊兩部都冇開，可否開另一部，佢話 “都唔知點答你”。原來答我哋嗰個仲要係老細，咁既態度，間嘢幾好食都無用

下午lunch，order左一碗"家嫂喇沙" 同 "熱羅漢果水"，因為唔係凍飲，所以成個餐total 47蚊!一黎左個喇沙，我就比片熠蛋吸引住，因為碗喇沙付上一"片"熠蛋! 整體味道OK，有水準既，不過本人覺得依個價錢比較貴，所以將來應該唔會多去!羅漢果水，冇咩特別形容!

好好味的喇沙！味道不會太濃，剛剛好！肉骨茶好正！！最後一滴都飲哂！滷水小吃樣樣都好味，尤其係豬脷，未食過豬脷，原來咁好味。要大讚服務非常好，每位職員都好nice！而且見到佢地對老人家好好好好！！！最後要讚，連廁所都好乾淨，食店來講，真係好難得！

路過一試鮮魚湯炸魚米缐 魚湯又白又滑，湯中的魚味算是濃，應該味精不多，食完飲埋湯也不太口喝炸魚新鮮魚，外皮好脆，魚肉鮮嫩，不過因為冇分開上，食食下炸魚已被湯浸腍了，腍左的魚又有另一種口感米線算是煙靭，不太腍也不太硬！入囗香滑，吸入魚湯味，米線好入味

First time to try this restaurant.  Was looking at the lunch menu, which ranges from around $6x - 7x for a noodle include drinks.  I didn't know what to order, so I asked the waitress to recommend what's good there.  Then she went to bring another menu and pointed at two noodle pictures... one was their signature laksa and one prawn noodles.  I looked at the pictures, and saw the list of prices below... which are around $6x... and I said are these same as the lunch menu... she said yes, and incl

上星期午飯同同事行去九龍城搵食, 有人提議食新加坡嘢, 於是就揀咗呢間。三個人一致揀咗家嫂喇沙。 首先個湯底我覺得唔錯, 揀咗bb辣嘅我覺得辣度啱啱好, 我同事揀小辣就食到滿頭大汗。不過, 愛好椰汁味嘅朋友可以會覺得唔夠香。配料就普普通通叫做合格, 扎肉, 豆卜, 芽菜, 雞蛋, 味道ok, 份量都夠。不過服務有待改善, 好似坐底咗都唔會畀杯水, 叫咗兩三次都唔記得咗, 最後埋單前先攞到杯水。但杯水有青檬味就抵讚嘅。而且價錢唔平(以舊區嚟講午飯要六十蚊碗麵), 不過有舖喇沙癮就冇計啦!

到九龍城總是吃泰國菜，今天想一轉口味試試其他食肆。很喜歡吃叻沙，發現有間主打星洲叻沙的食店，想也不想就去了。店子是一般街坊格局小店，食物主要是叻沙和滷水食品。我點了午餐的“家嫂叻沙”，選了比較特別的羅漢果茶作餐飲，另外還點了一個滷水雙拼。急不及待一試湯底，可是不夠濃郁，有比較強的椰汁味道，覺得那間星洲連鎖店的，還更好吃。心想這是主打叻沙的食店，本來對它滿有期望的，難免有點失望。餸料是魚片和扎肉條，還有幾件豆卜，份量也還可是以。羅漢果茶味道濃郁，亦比較特別，可以一試。滷水雙拼是可自選食物的，我選了腩肉和鴨腎。滷水味道和一般的潮式不同，藥材味較少，帶一點點甜味，而且顏色很深，我想是下了黑豉油吧。腩肉和鴨腎都比較硬身，不知是不是星洲特色，不過我就喜歡軟腍一點的。總括來說，食物一般。或許是希望愈大，失望愈大的關係吧。

樸實無華 家鄉風味家嫂以前喺柯士甸路係超級人氣店，位少擁躉多，排仲耐過食。而家轉戰美食英雄地九龍城，店面大咗光猛咗，但我都驚無位，所以6點晚市一開就嚟。大蝦叻沙($85)叻沙成敗在湯底。家嫂講明所有叻沙整作需時，事緣每碗都會即時滾熱湯底，所以一上枱就芳香撲鼻。我凡食湯麵都好似食日本拉麵咁會先呷一口湯，呢個湯集椰汁、咖哩、蝦膏、葱花香味，微辣而唔嗆喉，將其他配料嘅味道都昇華晒。大蝦彈牙鮮甜無雪味，肯定用新鮮貨。未試過食叻沙連湯都飲晒，堅！香草雞翼($58)雞翼好細心咁切成單骨先炸，一上枱香草味攻鼻，炸得鬆化透心，一口食到鹹、香、酒甜三種滋味，令我有意外驚喜嘅小食，難怪聽見每枱客坐低都叫嚟食。星洲薏米水($23)同中式薏米水唔同，加埋香茅同薑，入口少少辛辣，但醒神暖胃。咸檸樂($23)咸檸味夠出，嗒落先鹹後甜，好醒胃。家嫂另一拿手菜式係肉骨茶，可惜一碗叻沙份量十足，食完無空間再試其他嘢，期待下次再探家嫂。

幾個月前在這店舖試過了他的喇沙，覺得非常好味。今次特別來試試火鍋。火鍋湯底有多種可以挑選，我哋揀咗喇沙湯底配半隻雞，再點了菜，貢丸和米缐。湯頭非常濃郁，有椰奶香帶少少辣。再加上脆脆油炸鬼，令怕熱氣都忍不住把整碟掃光！那半隻雞應該是新鮮雞，因為雞肉非常之嫩亦都有雞香味。反而貢丸就是普通貨色，無乜特別！菜亦新鮮薄脆。要贊店員的服務態度非常殷勤。店員告訴我們下一次如果有興趣可先預留海鮮，他們會到九龍城街市預先為我們挑選，相信海鮮配合喇沙湯會更好味！未到雖然非常可取但收費一點都不便宜，兩個人食了咁小野（包兩杯飲品）就已經五百幾蚊埋單。

魚湯米粉連餐飲($50) 魚湯米粉的湯底魚味較重，可選配鮮魚或炸魚，另外有白菜和豆卜。鮮魚塊有兩塊，味道有少少咸，口感較冧。整體的味道較清淡。另外，朋友叫了喇唦，味道不錯，而且較辣。

對上一句去到九龍城吃飽飽才路過此店，答應自己下一次(它)必然列入心水目標．．打開餐廳玻璃門餐廳外出早已将貼上多位明星帮襯照片，路過的行人又多了幾分吸力門內採用茶記港式裝修，而枱上就晚市有爐煱供應而設有電磁爐午市将其好好收藏，就成一張普通枱子一樣午市統一上一張餐牌上，款式上不是太多如果你不大挑剔還可以接受．．自問對叻沙認知絕不稱得上達人，全憑第一啖第一口最純真之味道作判斷簡單地一個家嫂叻沙$50.，湯府味濃但就略嫌掛麵道不夠厚如果湯底能夠再輕微杰身多少就更覺吸力椰香內微微滲出辣勁，由輕漸重的滲入於嘴腔中摻摻麵底用上(米線+米粉)有別於傳統下之油麵 + 米粉麵質份量亦見適中，只是将本身扎肉、魚片等材料由原片裝切其幼絲就顯得未見慷慨，餸料薄弱下、唯有將重心轉移在(摻摻和湯底埋飽肚子好了) 套餐上我跟上了玫瑰花荔枝茶，雖然店家錯配上一個黑麻麻之瓦杯完全看不見其色澤，但幽幽之玫瑰花及荔枝香、源源呷出其味是一個餐後不錯選擇

見到新開呢間就行左入去。本人好喜歡食LAKSA。都知道用心整既LAKSA 係需要好多材料＋湯底都要NGAU 好來。試左個湯底，好RICH，味道八感交雜。不過係我ORDER前我問個WAITRESS 個LAKSA 辣唔辣， 佢話唔辣。。。點知一食真係偏辣。。。。。我要係咁叫佢摻水， 連格黎台個女人都中招﹣＿﹣OVERHEARD 到老閽娘到其他客人講個LAKSA要用幾多工苦去整，所以先知點解個價錢比出面D LAKSA貴D， 又話之前原來間鋪係TST。整體幾好，但係個WAITRESS有D奇怪，解釋MENU 時 詞不達意，到最後BILL既時候佢拎住張BILL企係張台中間等， 我同我個FRIEND都要D時間預備錢， 所以我叫佢可以放低張BILL 先， 點個佢真係放低係台到但係冇離開過， 仲係企係我同我個FRIEND中間。。。依種態度俾人感覺唔太好。