家啡館

營業中

休息中

咁啱嚟藍田呢邊做嘢藍田嘅選擇好似唔算多Lunch嘅時候去咗啟田商場嘅家啡館👾 XO醬牛柳絲炒意粉 $55✨賣相唔算太差🤭但係味道就麻麻, 有啲鹹有浸「油益味」🌝但係佢又唔係完全零分首先佢嘅牛柳其實係幾好食芽菜方面份量都好適中最緊要嘅係你feel到佢炒得好有鑊氣意粉會食到有少少焦脆屋邨餐廳來講佢算中規中矩淨係食咗呢一度炒意粉可能佢有其他菜式係會令我有驚喜呢😂配埋餐湯同埋餐包其實都幾抵食👍👍

好少可會係街度食早餐😆今日為左草埋最後兩個黑白淡奶印仔，好有恆心黎食早餐！！呢間家啡館都算係新開，之前食過一次午餐，都覺得唔錯～早餐都係第一次食😆睇餐牌見佢啲早餐都幾多款🙀真係無諗過～廿幾款😹好過食大家樂大快活啦～價錢由廿幾到三十幾蚊不等，算係幾平架啦！我就叫左呢個煎雞扒餐🐔，33蚊黎講塊雞扒都算幾大啦😹而且食落唔鞋口👍🏻不過炒蛋就乾左少少，其他都正正常常～連埋飲品熱奶茶，味道都ok😹

開咗咁耐都未去食過，於是去試一試個早餐，同標題講法一樣，唔係難食，但下次未必會揀佢先。我呢個早餐係雙拼三文治加$8有迷你通粉，開頭我係飲熱檸茶的，但杯茶一嚟到，有d油同白色粒粒浮面，阿媽話應該係佢無洗檸檬，d蠟浮哂出黎。所以我哋轉左奶茶，奶茶係正常的。三文治我揀餐蛋治，份量同溫度都叫合格嘅。今日假期所以一早都已經好多人，侍應好忙，但態度又未至於好差，茶餐廳來講OK啦⋯⋯總括來講，你當佢茶餐廳咁會好d，但未必會有下次。

今天我們又來到啟田商場吃午餐了，既然上次已經品嚐過「茶泰」，所以今天便轉換一下口味嚐試另一間港式茶餐廳~「家啡館」，雖然它是一間茶餐廳，但是售賣的食物和飲品十分多元化之餘，更有提供我最愛的英式全日早餐，而今天我便正正為它而來了No.1【英式早餐】$62本來我對今次的英式早餐期望很高，可惜希望愈大，失望愈大，最後事實證明了茶記所謂的「英式全日早餐」，根本不能和傳統的西餐廳相提並論，即使同樣都是包含了牛角包、炒蛋、炒雜菇、煙三文魚、牛仔腸、茄汁豆等食材，但是整體出來的味道卻比起西餐廳差得多了！牛角包應該是全場最美味的食物，雖然它的外皮並不算特別酥脆香口，但是內裡的質感卻非常鬆軟可口，而且亦微微溫暖，最重要是口感不會太油膩，吃多幾口亦沒有飽滯的感覺，讓人吃得津津有味，甘旨肥濃另一款比較美味的食物便是牛仔腸，肉質十分柔軟嫩滑之餘，更充滿著香甜可口的肉汁，肉汁四溢，滋味非常，口感豐富而飽滿，美中不足是外皮略為有點堅韌，如果餐廳下次可以換另一款牌子的牛仔腸便更好了可惜之後的炒蛋、炒雜菇、煙三文魚和茄汁豆的味道便相當一般了，炒蛋欠缺了濃郁的蛋香味，有點淡而無味的感覺，而雜菇本身更完全沒有任何味道，只

星期三早上9:00入座。A2餐：意大利🇮🇹蕃茄濃湯通粉。選配炒蛋及煙肉。欣賞這兩大塊煙肉沒有煎到又乾又硬👍而炒蛋估計用上兩隻雞蛋 🍳不過，這裡好多人咳嗽及打噴嚏😨，始終是第三輪疫情剛爆發的翌日，聽到這些聲音都有點害怕。。👉(⊙o⊙)👈

今朝早上跟媽媽排號碼等叫入座，飛2位B26 號。排隊等叫入座，對於香港人並不是陌生，沒問題！當叫B24，B 25沒人走前！長髮眼鏡職員跟着巳叫B26。我們向前行給飛，B25突然走前，職員給他坐先，叫我們“等等“。得...冇問題香港時有，攞完Number啲人都唔知走咗去邊，但突然之間又會出現㗎啵。佢完全唔覺得自己巳過咗Number！我同媽媽繼續等....當又是那位長髮眼鏡職員叫B26，又一次我同媽媽向前行給飛，她又叫我“等等“。然後按Cxx 給另外三位入座！我即時氣憤極，向櫃檯職員投訴！如果職員未清楚情況，請勿再按票號叫人入座，一次又一次你玩咩。職員一些禮貌都，無！不好意思一句，無！稍後給你安排，無！繼續做自己野，老闆你完全可以睇返CCTV，態度有幾差！以前也聽過晚飯時段職員態度差，估唔到連早餐時段都一樣！街坊生意，疫情時段幫襯到咪幫囉！我領教態度如此，以後唔會再幫襯！

今日去藍田探契仔 順便同佢呀媽(姐係我朋友) 食個早餐 食飽就行下AEON 啟田商場依家裝修緊 本身想食大快活 但見到旁邊有間新餐廳未食過 就係家啡館啦 朋友推住bb車 侍應就好細心咁安排咗一個方便放車仔嘅枱就我地 抵讚早餐選擇都有好多 有輕量版或重量版選擇三文治 麥皮 麵餐都有 緊有一款岩你口味我地叫左兩個麵餐 一份叫豬扒 一份叫香茅雞翼 我地都係叫左公仔面 d面好滑 個清湯就普通 跟餐都有牛油餐包 腸仔同雞蛋 雞蛋可選煎蛋或炒蛋 奶茶都好飲 豬扒厚切 雞翼有三大隻 $38蚊抵食啦

今日home office 做完野有d 餓就一支公去左啟田商場食呢間野 環境舒服 好座 員工服務都好好 我叫一杯熱水 即叫即拎 平時係其他地方可能都要等下吹下因為時間為下午 所以點左個下午茶黎食 餐牌樣樣都算抵食 份量都合理 最後叫左個焗芝士咖哩飯 好味 不過其實好以再焗多少少！！ 個雞好入味！ 特別d 咖哩味好好食！不過呢 飯既質素其實可以再改善下整體黎講唔錯啦 不過不失 下次會再黎

03/21同老婆食午飯。自己揾位自己取餐牌。午餐加16轉特飲。兩杯飲品來時杯邊也是崩的，如冇留意照飲實出血。乾牛河冇棘醬。追单乜都未睇就話焗飯係耐D。口頭禪。冇選擇的選擇

今日去藍田搵老豆 High Tea ，竟然係老豆帶路試新嘢！👍啟田商場新開茶記 「家啡館」用家字代替咖啡咖又幾親民。環境不錯👍因為大肚餓最後忘了為我杯黑啡拍照，不過真心個句，咖啡再咖啡香味，濃郁的啡香味醒腦又醒神，難怪我老豆帶我行二條村都要去。🍴鹹牛肉滑蛋三文治 $28我加左 $2 烘底比較香口，滑蛋牛多士鹹香惹味！😋🍴鹹牛肉芝士蛋包 $32都係鹹牛肉做主角，不過加入芝士更加滋味，中間多一件煎蛋美味至極。😋除了三文治、麵包還有粉麵，不過重點我們都是為下午茶來一杯咖啡！

今日係藍田做完運動, 同朋友去做家啡館試食, 印象中佢開左應該有1~2個月, 但一直都未得閒試, 今次有機會試下味道如何我試左1個芝士龍蝦汁 撈公仔麵 配雞翼豬頸肉首先, 雞翼及豬頸肉都OK, 唔會乾爭爭無肉汁, 食到係好熱係岩岩做卷唔凍, 不過以雞翼2隻及豬頸肉 3塊既份量黎講, 我覺得可以多少少好D, 始終個麵都$60, 價錢中上個芝士龍蝦汁 好香! 撈落公仔麵度完全係痴哂上每一條麵度, 只係芝士不多, 但龍蝦汁一D都唔稀, 所以成件事唔影響個味道+$3 可配凍飲, 標準配備   下次有機會再試其他吧

依間嘢服務態度真係好差 所以見到其他人食評都係話佢服務態度差就知啦 就算如果你有5星好食都無用但態度差都會變得唔好食影響自己心情去食依間垃圾真係要諗清楚 唔會再幫襯無下次 真係極度非常不滿

垃圾般的餐廳，第一次食嘢的服務態度咁惡劣，極度唔推薦食，食物質素一般，服務態度極差，大陸樣啡金色頭髮着恤衫嘅男人，喺度行行企企唔做嘢叫極佢都唔應，問佢野就一句diu 埋黎，咁樣嘅服務態度真係唔建議幫襯，食過咖喱汁飯，啲汁得勁少，叫佢比又唔比，話個份量係咁樣，叫我下次食第二樣，真係未見過啲咁嘅態度嘅員工，仲要係咁喺度望實晒唔知做乜，一路食嘢全程喺度啤住，直到我買單嗰時跟埋你係咁望，喺度跟埋來由頭望到我落腳，我唔明點解食個飯都咁樣

來藍田吃吃下午茶，逛逛街之前見到呢間裝條門面幾好睇又見到食物相幾靚，覺得應該好有心機既一間餐廳今日終於比我遇到它開業啦充滿期待但食物一般，餐牌上款式不多，有些飲品也沒有熱狗包$32 熱狗包只配上了茄汁和芥辣，沒有多餘的蕃茄或菜作為配料，外觀上已經差小小 英倫風味煉奶西多磚 $32 西多磚就因為張相而吸引了我黎食既原因，味道一般，炸得比較濕，配上了少量的煉奶和朱古力醬 朱古力醬味道怪怪有少少的茄汁味道味道 賣相 衞生 服務 抵食 推介

昨晚與家人食晚餐，其中有家人坐輪椅，他們不許輪椅放在餐廳內，迫我們放在餐廳外，一個職員看不到的地方，但街外人可以隨便見到和取走。担白講，我感受被歧視，我下次也不選擇再去。