家上海 (東港城)

營業中

休息中

喺唔同商場都經過家上海門口好幾次，總見到多人排隊入座，所以都無入去食。終於有機會同屋企人book枱晚餐，抱着平常心食上海嘢，竟然有驚喜，烹調用心水準高，有些傳統菜式更注入了新派的小花巧，可見廚師嘅心思，終於明白點解咁多人幫襯。#上海煙燻脆皮雞 (半隻) $198脆皮炸子雞都經常食，有時都會悶悶地，但此雞確實不同，味道有點驚喜，雞皮香脆，有濃濃煙燻香味，肉質嫩滑，有雞味有肉汁好Juice，沾埋個蒜香甜醬汁，更加惹味。#脆煎灌湯小籠包 (5件) $54傳統小籠包就食得多，煎小籠包都係第一次食，做到皮簿餡靚，滿灌湯汁，真係要小心咬落去，包底煎得焦脆，上枱熱辣辣，用鐵板奉上更能保存其溫度。#薺菜肉絲炒年糕 $88年糕軟糯，薺菜清香味特出，唔會淨係得個鹹味，茨汁濃稠適中。#鍋塌豆腐 $88炸咗皮嘅豆腐，裡面好滑溜，茨汁味燶剛好襯返白豆腐嘅豆香，件件掛汁。家上海地址：將軍澳重華路8號東港城1樓108號舖

中秋前夕黎到坑口新開既家上海食中菜🤩餐廳開幕之前都已經聽到唔小好評，岩岩開既時候更加長期都有長長既人龍😮試完之後終於明，果然係菜式質素高，味道有驚喜，賣相亦好吸引🥳中意食中菜既朋友必試💯🐟松鼠桂魚（$198）呢道真係色香味俱全，好好食😍一上枱已經被魚既賣相吸引😋酸甜汁調得岩岩好，唔會太酸或者太甜😉桂魚炸得好香脆，肉質都仍然保持到嫩滑👍超級開胃，十分推介‼️🍜炸醬拉麵（$58）我一向都超中意食中式既炸醬麵😍呢碗炸醬麵亦冇令我失望，最驚喜既係麵質好好食☺️夠滑又彈牙，唔會太林😝醬汁味道亦岩岩好，加埋青瓜絲好清新😋下次想試下其他湯麵🤗🫓金牌小籠包（$54／6件）小籠包係食上海野必叫既🤣做到皮薄餡靚，好多湯汁😚一上枱熱辣辣食真係好滿足💯🥟寧波蜂巢餃子（$68／5件）呢個餃子賣相好似日式餃子咁，但味道就反而冇咩特別🤓同普通窩貼有啲似，可以唔洗特別試😛🌮蓮香蜜餞火方（$128／4件）呢款傳統上海菜已經唔係好多餐廳有做😊係白色類似饅頭既皮包住金華火腿同脆脆，再點有蓮子既甜甜地既汁🤭一啖食落去有幾種味道，之前都未食過，夠晒特別👍🫔蘿蔔絲酥餅（$52／3件）蘿蔔絲酥餅上枱熱辣辣，新鮮炸起😚入面滿滿既蘿蔔絲，

今年天氣過熱，大閘蟹延期上市，產量少了價錢貴了，不過坊間的大閘蟹宴不缺，令我食指大動，聽講「家上海」唔錯，專誠走到將軍澳的東港城去嚐嚐。 金秋淮陽大閘蟹宴，每位$888，二人同行一人免費優惠，需付茶芥及照原價算。茶每位$13，前菜收$15，最後埋單共$1110。 結論係抵食嘅、蟹靚、可惜蟹粉過鹹，就算要除腥味亦無需咁多鹽呀！大失所望！ 江南四式拼盤－陳醋紅蜇頭、花雕醉蝦、目魚大烤、准鹽溏心燻蛋水準幾好，各自精彩，給予我的第一印象非常良好！ 紅燒蟹皇三絲翅從來不抗拒素翅，環保是好事，味道豐富。 （四兩半至五兩）無疑今晚的亮點，雖然覺得唔夠四両半，但蟹膏滿滿，美味盡在不言中！ $188可以追加，合理呀。若非留肚吃蟹粉菜式，真有諗過。 蟹粉脆皮黃魚柳蟹粉香酥竹炭豆腐竹炭豆腐外脆內嫩，黃魚柳炸得脆，第一口食得好開心，但嚐真啲、愈食愈鹹，開始覺得有點過分，曾經諗過是否炸漿出問題，結論仍然覺得問題在蟹粉，也許為了除腥，下鹽太多，對我來說，實在鹹得過分，未試過食蟹粉菜是撥開蟹粉唔吃的，大失所望！ 生拆蟹粉小籠包兩件小籠包的蟹粉味道正常，好吃。 夠薑湯圓薑湯的確非常夠薑，香辣暖胃，正中下懷我鍾意。 整

之前這餐廳新開張的時候曾經大排長龍這次趁著接近假日下午茶沒太多人的時段去一探究竟 😊家上海主打地道淮揚美食的中菜館 🍚淮揚菜是指江南地區淮安、揚州、鎮江一帶的菜式與魯菜、川菜及粵菜同列中國四大菜系我們大多數人一般會說去吃上海菜上海菜但其實也屬於淮揚菜🔹️ 淮鹽溏心燻蛋 (2隻) $32 🥚蛋白口感滑嫩 😋蛋黃熟得剛剛好保持著半熟流心的狀態而且蛋黃味道濃郁 配上磨得細細的淮鹽非常配👍🏻🔹️ 脆煎灌湯小籠包 (5件) $54除了普通用蒸籠上的小籠包和生煎包外這裡還有這種比較特別的脆煎小籠包用鐵板上 外皮比較厚小籠包底部煎到變成金黃色後會變得焦脆的更有口感但同時小籠包裡面依然充滿湯汁😳簡單來說是結合了小籠包和生煎包的優點🤗這裡的豬肉餡和湯汁都很好吃 有鮮味 😋😋😋調味不會太重剛剛好🔹️ 流沙奶黃千層酥(3件) $52以往我吃淮揚菜最常點的小吃是「蘿蔔酥」這次看到有這種流沙奶黃千層酥就已經很想試了🤣果然外皮跟蘿蔔酥一樣保留了同樣的層層相疊酥脆的口感🤩而裡面的流沙奶黃也很出色(如果以流沙奶黃包的標準來評鑑的話評分也很高)就算不是馬上就吃 奶黃依然能保持流心的狀態另外奶黃餡夠鹹夠甜沙沙的 大推

星期六同屋企人去左食家上海，人都多，但過左8點後就基本有位，一行四個人，有叫以下餸菜前菜埋位就有，但真係普普通通：先上揚州炒飯，炒飯炒得一粒粒，味道ok擔擔面就好濃味，辣味十足，但個人覺得麻麻地，始終太濃味。餃子🥟煎都香日，入面汁多，係幾juicy小籠包入面都係充滿哂汁，但係個皮就做得比較薄、好容易爛🤷🏻‍♀️叫咗沙鍋雲吞雞，店員同我們裝左湯先，雞就另外盛上。煲湯雞唔好期望好好食。今日叫得有點失敗，因為呢個上湯雲腿浸津白，同上面有點重覆左，點果時醒唔起🤦🏻‍♀️ 最後四個人食咗六百幾蚊

🌹早前電店飲食節目介紹一間上海食店十分正，放在收藏，星期日天氣不隱定，取消行山去探店，我去是新開的將軍澳分店《家上海》。🌹由西灣河出發，搭港鐵廿多分鐘便可到達，早上在openrice 訂位，確保有位及賺分。去到食店，已很多食客在進餐，餐廳裝修一般，環境較暗色，打卡位欠奉，估計食物是的主角。翻開餐牌點了鐵板小籠包包皮香口，皮內湯汁味美，不容易漏出香蔥煎餅蔥香餅酥家上海楊州炒飯料豐富，飯粒分明蘿蔔絲酥餅餡料豐富，蘿蔔味濃桂花軟糕糕點軟身，很難夾上，口感一般

單叫$208（得3-4兩）大閘蟹，家上海竟然無得送薑茶，要自己點薑茶湯圓，那晚已吃了很多食物，根本就吃不下湯丸，埋單成＄1500，都無得送浄薑茶。夜晚又無得買薑茶，結果就唔舒服，簡直是貼錢買難受。

終於明白為何開業這麼久，仍人龍不絕，無論平日，還是假期，門外均有等位的人。今天早於6時多入座，還要是平日時段，未有很多人，不用等位。先說說環境，我覺得座位寛敞舒適，沒有迫的感覺，坐得很舒服，環境裝修也很精緻高級，給我很舒適的感覺。三人叫不了很多食物。小籠包，其實和其他上海菜餐廳差不多，沒有多少驚喜呢！上海湯麵，是我的至愛，每次食上海菜，必點的食物。這個保持水準，和其他上海餐廳差不多味，喜歡但沒有驚喜。勳魚，真的很美味，無論口感還是味道均很美味，沒有很乾或「鞋」的感覺。甜酸調較得不錯。可以說，比其他上海菜餐廳好。牛肉餅，一客三小件，上碟仍熱的，口感很好，味道也不錯，值得推薦。楊州炒飯，看似平平無奇，但好味又足料啊！最後，點了西米焗布甸（$68）只有將軍澳東港城分店才有，還要等20分鐘製作呢！味道可以，略嫌不夠甜。此外，個人覺得布甸很乾，且不夠滑，口味普通。下次食其他。服務，侍應有禮，上菜也快。整體滿意！

有湯底嘅麵或湯羹會比較咸咗啲，酒釀丸子稍為甜咗一啲，好似食糖水咁。招呼方面，食差唔多成千蚊嘅套餐招呼好好👍又幫你斟茶又幫你換骨碟，但如果你叫散餸，招呼就麻麻哋。😆

娘親生日 為左慳我錢🧐佢總會用一大堆理由推搪：「出面野食又貴又唔好味」「我煮比你食仲好啦」「出邊咁多人都要等又要逼」「我果晚要睇無線」etc…😠我：「你唔好講咁多啦 總之叫你去就去 你唔去我就嬲架啦！」😐娘親：「咁食咩」🤫我：「食上海野，到時跟住我得架啦」🤣娘親：「咁你話事喇」然後 星期日六點令就去左間開左無耐既上海中菜館最後等左半個鐘入得！落單後「並拎扮冷」十分鐘內上晒菜😂勁有效率！成枱野食好開心不過我諗娘親最開心係因為我咁孝順😌😌😌🫰🏻⍥ 淮揚五福拼盤 ❙ $248女兒紅醉雞 — 無食到，屋企人話雞胸位幾嫩滑，酒香唔苦澀🤭鎮江冰官肴蹄 — 🤤好耐無食，肴肉好味！涼拌陳醋紅蜇頭 — 海蜇爽口，酸酸咪咪幾開胃😉蘇軾燻魚 — 至少唔會太硬太乾，好食既👍🏻四喜烤麩 — 入晒味，一咬爆晒汁，稔啲仲得我歡心😌⍥ 松鼠桂魚 ❙ $198見到好多枱都有叫，熱焫焫！炸得香脆唔油膩，汁醬酸甜好惹味🤩絕對係夾完一舊又一舊！⍥ 滬式碧綠圈子 ❙ $108哎呀🫠原來係大腸，仲要又韌又大陣味，最後娘親話打包比呀爹食😂😂😂😂真係好老婆！⍥ 蓮香蜜餞火方 ❙ $128睇圖幾得意😝其實完全唔知點食，

朋友請食飯，佢話想食上海菜，於是係網上找到這間店，一於去試下，可能係平日晚上，所以等了幾分鐘就可以入座食上海菜一定要點：金牌小籠包(6件)，皮薄多湯，每隻小籠包外皮唔會穿，食落滿口肉汁，非常豐富鮮肉鍋貼(5件)，鍋貼比小籠包好食，底個塊皮煎得好脆久違了的松鼠桂魚，真係好耐未食過，炸得好脆又夠酸，肉唔乾，好味招牌十景揚州炒飯，比較普通和好多油，不過份量都幾多，我們2個男人好勉強才吃得晒

因為朋友生日，所以想試吓，好彩預早訂位，否則要排隊😅侍應好細心，見到我一袋二袋，所以比兩個竹籃給我們放嘢！由於入座起計用膳時間為90分鐘，所以開始不停看menu …，而我們更看到貴妃楊枝甘露，第二杯半 價優惠，所以也試吓，真的好多料及好味😋鎮江冰官肴蹄（水晶肴肉）咬一口，便喜歡吃，冰凍下的水晶肴肉很特別，味道有少少似午餐肉😂蟹黃大湯包很多湯及蟹黃😋😋可以用飲管飲脆煎灌湯小籠包（五件）第一次食煎的小籠包，熱辣辣的湯配上脆底，口感及味覺享受！

我第一次吃淮揚菜的經驗，數算在二十多年前，與家父參加了某旅行社的一個華東豪華團，在杭州某一酒店餐廳裡，吃了一頓正宗的淮揚菜，但吃些什麼就一片模糊了。淮揚菜是指江蘇一帶的菜色，是中國四大菜系中的蘇菜裡其中的一系。主打以鮮活河鮮等水產為主要材料，更講究刀功精細，形態精緻，善用火喉去烹調，使食材出品得更精美細緻更添高雅。近期將軍澳坑口之東港城，開了一間叫 - 家上海，主打淮揚菜的餐廳，並糅合了江南一帶淮安、揚州、蘇州和上海等地之美食菜式。單單看這餐廳的餐牌，包羅萬有的品種，已令我目瞪口呆，再看到原來這店是 1957 & Co. 之品牌旗下餐廳，我與女兒們說，今晚沒找錯食肆了，因之前曾光顧過的十里洋場，也是這品牌的旗下餐廳，我吃過已對他讚不絕口。這店的主廚來自寧波，地地道道的上海人，來港已接近四十年，並對烹調淮揚菜式瞭如指掌。今天晚上一家人連同女兒的朋友，就來嚐嚐他團隊的廚藝。打頭陣先來一個淮揚五福拼盤，內有女兒紅醉雞、鎮江冰官肴蹄、陳醋紅蜇頭、四喜烤麩和蘇式燻魚。各有特色的五寶，個人認為做得不太咸及不太濃味肥膩，只求開開胃口，免致太早奪去了我們吃以下菜式的味蕾感覺，廚師果然想得週到。這晚的河

呢間上海菜餐廳岩岩新開張我見勁多人，今日終於去試，整體唔錯會encore淮揚五福拼盤拼盤包括女兒紅醉雞、鎮江冰官肴蹄、涼拌陳醋紅蜇頭、蘇式燻魚同埋四喜烤麩，整體離講還可以~ 醉雞好明顯食得出有酒味，不太濃烈但又可以cover一般白切雞個陣腥味; 蜇頭份量都夠，但就偏向一舊舊少硬，如果切細做一條條會比較好; 燻魚比較差，非常之硬。我覺得呢款五福拼盤可以一試，但下次就應該唔會叫了，因為都唔平肉絲兩面黃材料都豐富，鋪滿左成個脆麵，但脆麵就比較鬆散，整體味道OK鐵板灌湯生煎包（四件）本身上枱時覺得好吸引，雖然個包底煎到好脆有啲似炸饅頭，但其他就一般般，主要係因為成粒生煎包嘅包太厚，入面肉份量少，而且無想像中咁juicy，反而下次想試小籠包焗棗泥西米布甸呢款甜品即叫即焗需時二十分鐘，但等咁耐都值! 棗泥balance左成個布甸令佢不太甜，表面焗到有少少脆好香口份量都唔細建議2-3人用

今日又係八號風球，朋友比平日早咗少少收工，而我就一早收咗工，喺東港城搵緊有咩食。見到呢間開咗無耐之前日日都排晒隊嘅上海菜無咩人，就食呢間啦。食物都唔錯，有少少偏重味，坐都幾舒適，咁啱又少人。淮楊五福拼盤。醉雞，四喜烤麩，官肴肉呢三樣幾好味。燻魚太甜，紅哲頭有啲硬，唔係爽脆。松鼠桂魚，賣相幾好，魚肉新鮮又唔會炸得太乾，個汁唔會太燶味。紅燒小元蹄，好耐無食過，做得唔錯，入口唔會漏。上海粗抄，唔會食到成口油。流沙奶黃千層酥(三件)，呢個普通，甜咗啲。