客滿庭

侍應見到食完的蒸籠，和碟都不會收反而隔籬檯的蒸籠蝴蝶他就會收和見到茶壺冇水都唔會沖這間茶樓執到錢我都唔會再幫襯,自己去執拾,侍應見到都不會接手，簡直衰😡😡😡…查看更多

今日同老友慶祝生日，本來平時都系去茶記快靚正，今日改飲茶，以前去開好爵中心果間執左，改去哩間。味道(2分)叫左個粉麵孖寶加一隻乳鴿粉麵孖寶($128)-揚州炒飯  - 好大碟，但個樣吾多似平時的揚州炒飯，起碼少左蛋絲，好在蝦幾多。  - 以為幾好因為睇落無乜油，但食落d飯好硬。香茜牛肉腸  - 鼓油無味  - 腸粉超厚，  - 牛肉絕對無肉味客家蒸釀豆腐  -首先，絕對吾系釀,只系放幾個無味的好似系魚球系豆腐上面，  -豆腐系OK乳鴿($28)- 哩個系好快第一個來的菜，估計系整定一批，所以吾熱吾脆，失去食乳鴿的一個主要要求- 肉系幾嫩，吾咸。但埋單見到$12一個茶錢系預左，但估吾到街坊酒樓要收。服務(1分)-隔離檯啊婆坐低，waitress 系咁sell月餅，啊婆吾買，後來對啊婆超惡。-加一服務費吾值得…查看更多

見佢出左個母親節套餐，母親節約埋家人一齊去食，叫左個4人$888套餐，明明個場都坐唔滿，等左大半個鐘先出餐，仲要一出就出哂5道菜，好懷疑一早整好冇拎出嚟，不過算，最離譜佢仲有4個白飯反而唔出，同個女樓面講佢話要按程序出，心諗4個白飯要按咩程序，又再等一下，坐左個幾鐘，同個女樓面追3次，餸都食哂都未拎到出嚟，最後要出去揾部長先有回應，之後拎出嚟仲要凍既，大佬你哋咁大間公司咁大間酒樓，咁樣玩啲客，做唔掂就咪搞啲咩888套餐，拎4碗白飯要跟咩程序，搞一大輪喺深圳煮飯架？問返個女樓面佢竟然扮傻話冇叫過佢，唔想做咪辭工囉，係到玩野，有咩程序咁巴閉，要人食完所有餸先黎白飯，好地地同家人食餐飯都食得唔開心，部長一味講對唔住，俾少少誠意免茶介條氣都順啲，照單全收，真係貼錢買難受。…查看更多

家庭休息日 又想食好少少間唔中就會茶樓食飯今次就點了 一個 龍蝦套餐 （包燒鵝、龍蝦伊麵、金銀蛋莧菜）（550蚊內 另收加一 茶芥）明爐燒鵝燒鵝皮脆肉嫩 好juicy 又唔會成口油加埋酸醬 食落唔會覺得膩盤下有細細的爐燒住 就算慢慢食 都唔會凍左 貼心上湯龍蝦伊麵一上台就覺得好滿足 龍蝦份量多 件件大大隻 啖啖肉 而且肉質爽口彈牙 配埋上湯 龍蝦鮮甜的伊麵就正常茶樓水準 唔會好淋但就吸曬上湯的味 總括 就係好食 唔使再叫飯金銀蛋莧菜莧菜的份量巨多 菜嫩唔老 唔會又鞋又有渣連我唔食莧菜的 都接受到總結價錢： 以前假期去茶樓 又加三又無選擇 可能因為港人消費模式改變 令食肆的模式都改變 見平日的特價套餐仍會提供食物： 感覺cp值高 食物質素亦不錯服務： 餐廳的服務改善左 （不過都要預左係街坊茶樓模式） 飯後會主動提供糖水 亦會主動為客人換碟加水茶樓亦有提供其他平價套餐 閑日食好少少都會去食下…查看更多

推介「二人共享」午市套餐，$128；抵食夠飽，有位唔洗等，又唔趕客。如果想去飲茶，又想慢慢食，可以考慮呢間酒樓。午餐：1） XO 醬珍珠帶子炒飯，大大碟，二人食，每人3-4 小碗，味道正常👍🏼👍🏼👍🏼2）蝦餃及菜苗餃各2 件，熱辣辣上枱，味道正常👍🏼👍🏼👍🏼…查看更多