宜家家居餐廳及咖啡室

營業中

休息中

下班後獨自去 IKEA 訂傢俱，所以又有藉口來這裡晚餐。一個人眼闊肚窄，毫無節制地叫了很多啊。非常新鮮的凍蝦，每一隻的 size 可不小，蝦頭還有濃濃的蝦膏。必吃的瑞典肉丸 / 薯仔，肉實彈牙，配上 GRÄDDSÅS 忌廉汁 / 紅果醬，很捧！忌廉蘑菇闊麵的醬汁不錯，可是闊麵不掛汁，吃下去好 dry 呢。性價比一如以往地高，所以又一個笑臉了。

去沙田宜家傢俬shopping通常都會順便擦返餐, 因為啲嘢食唔貴, 質素又ok雖然食物唔係好多款, 不過一定俾你搵到心水之選今次2人叫咗: 瑞士汁肉丸、煙三文魚凱撒沙律加2枝果汁少少哋當snack食吓瑞士汁肉丸: ok, 貴為宜家嘅主打,又唔貴當然ok啦!煙三文魚凱撒沙律: 我幾鍾意呢個,食物感覺夠新鮮, 啲菜同魚都唔錯正!呢個價錢有呢啲嘢食真係唔錯

正月下旬‧有雨這裡就的是非常便宜抵食的地方。一隻熱狗，一杯汽水，只是十元。熱狗包是烘熱了的，腸脆皮及醬任加，就什麼也是抵。再加杯百事可樂，也是任加的，只是沒有蓋及飲筒。在今天，便宜就是王道。

周日天氣晴朗，外出到處遊遊，到了沙田的宜家傢俬開餐﹗由於12:30左右去到，人未算多仍有二人雅座，但快到1:00pm已全場滿座，一家大細要搵大枱十分困難﹗第一次試佢既香草煙三文魚，$29﹗都幾大片，吃時灑上檸檬汁，魚味濃亦香，最鍾意佢個香草沙律汁，微酸，有提鮮作用，唔錯呢﹗茄汁長通粉，$39﹗通粉淥得恰到好處，彈牙有咬勁，但個茄汁就嫌太少同味道較淡較寡，$39比較其他食物貴左少少。燒牛肉配薯仔﹗$29﹗兩塊牛肉都算厚切，牛味偏淡，亦韌得好緊要，試一次便夠﹗加多支$10既奇異果汁，埋單$100，來宜家吃價錢是最吸引的地方﹗很想試試凍蝦卻賣哂，有點失望﹗

碰上要去宜家買廚具，倒必途過用餐區，今日就對號入座試試期真章選擇燒羊腿香草汁$39.一個接上眼看今會非un不可,但原來入口唔多un之餘,醤汁也淡淡帶出肉香味，只可惜羊肉應有show味就真係少之又少如果想尋找到這味道，我想會另其失望

想到宜家買幅掛畫，順道探探它的餐廳。年初四，人山人海。一個人去有個好處，就是易搵位囉。去到竟然見到我喜愛嘅…咪係玉桂麵包，加咖啡都係九蚊。玉桂麵包暖暖的，玉桂味又香又甜，麵包軟軟的，好味啊！當然加埋雞翼會更加滿足！雞翼又熱，又香，又脆…唔錯。享受，有時真係唔需要好多錢…只要你識得揀…

幾乎每一次去沙田都要去宜家行番轉雖然食物種類唔算好多但質素唔錯 又成日轉款所以耐唔耐就會去一次瑞典肉丸同蘑菇湯係必叫肉丸配忌廉汁GRÄDDSÅS同埋紅果醬好好食蘑菇湯蘑菇味極濃不過個人認為其他IKEA既湯冇沙田呢間咁好飲煙三文魚唔太特別，但佢個醬好好味SÅS SENAP & DILL三文魚汁有D似沙律醬 但冇咁酸另外仲有一個係有機芝士菠菜班戟唔太特別，但如果話食左咁多肉食番D菜呢個都係一個幾好既選擇有少少牛油味 好香三文魚蔬菜餅依家轉左冇左三文魚不過依然好味愛菇既人會好鍾意因為佢入面有菇同埋著仔今次仲有食雞翼香脆有少少辣不過不失

自己收拾餐盤，有部車仔, 可以將野食放落車仔度推去自己的坐位， 很方便。無拘束的環境，令我吃得很開心，總之係平..靚..正啦。小龍蝦拼盤：小龍蝦好salt，salt到入唔到口，好勁的海水味。反而已去殼的小蝦有一點甜，又冰凍而爽口彈牙。d 菜都係水煮再擺落去，無味道。龍蝦仔肉醬意粉：有點冰凍，勝在龍蝦仔夠多但淡口。凍蝦杯：蝦頭裏面大量橙色的蝦籽，非常鮮甜。好好味，又新鮮冰凍，好多膏，令人吃得好開心。蝦味唔算重，ok。

聖誕節, 當然要吃點有節日氣氛的食物. 是日派對, 院長就帶來了這款薑餅屋. 有趣的是有得食, 有得玩. 薑餅屋是宜家的出品, 包裝內就有一張說明書教導客人怎樣去建設間屋. 跟其他宜家的真正傢俱是一模一樣. 相當認真.本來是要用糖混合雞蛋去作黏合劑, 我們是日沒有準備, 就以蜜糖代之. 在大家同心合力之下, 終於完成了間屋的製作, 不過某人太大力, 連個屋頂也拆爛了. 從下面的圖片大家可以見到有裂縫的屋頂. 唉, 變危樓了.Pepparkaka Hus: 5分, 製作完畢, 當然要吃. 拆開間屋分吃, 大大塊的組件, 一個人吃一塊都有點兒吃不消. 件餅薑味其實不太重, 反而豆蔻味是相當之濃, 如果受不了豆蔻的話最好就不要碰了. 餅是實實的那種質感, 實在不太對味.就算有T兄在, 還是剩下一大堆頹垣敗瓦無人問津.當然, 這款薑餅屋實在是意義勝於味道. 謝謝院長帶給大家這個歡樂時光.

平常來 IKEA 的 cafe，只會叫瑞士汁肉丸和雞翼，從未試過在此吃一次正正式式的晚餐。今次兩個女生叫了七樣野，連檯面也不夠放啊（！）這裡的凍蝦好特別，每一隻都有超多卵的 ，好像在吃「多春蝦」。瑞士汁肉丸：每次來這裡必吃的經典，仍舊好味！雞翼：我這個雞翼控，覺得可以肥美多肉一點就更好。菠菜芝士 Pancake：不夠熱，超薄的 pancake 皮和餡料，街邊的格仔餅比它還好吃！鴨胸肉：有點過稔，而且醬汁略帶酒味，個人就不太喜歡嚕。周打魚湯 x2：普通忌廉湯貨色，沒有什麼特別啦。瑞典蘋果批：好多蘋果肉，批皮鬆化且沾上楓糖，美味推介。晚餐人均消費約 $80，吃到飽飽。始終來這裡吃 tea 比晚餐適合，只叫肉丸就夠了

難得到沙田MTR交收就一定要嚟IKEA過大豪客嘅生活 要食乜? 隨便攞...要飲乜? 隨便叫...娃哈哈 (好鬼浮誇)成車都係食物, 此乃第一車 陸續有嚟環境好寬敞, 檯檯凳凳多也整齊, 大部分食客都會吃罷食物便自動自覺地把食物盤拿到收集處, IKEA解釋這也是令食物價格降低的主要原因(減省人手) 餐廳裏有一個圓形兒童園地, 如果有多過2名幼童在園內玩耍, 食客們就必定有了多番喝采聲蔬菜薯餅 $15 兩件...薯蓉混合了韮葱、洋葱及芝士, 味道是芝士味較重而且少少流心, 也食得出有很多洋葱粒在內。芝士波 $5 五粒...想必是一咬就拉開一條長長芝士絲的芝士波(芝心批的芝士款), 結果原來芝士波內裏是薯仔粒及軟芝士醬, 味道有點像炸薯餅沾芝士醬。烤火雞片 $39 是全部最貴的餐點...火雞烤得嫩嫩不嚡口, 配醬是蘑菇濃醬, 最意想不到的是有一件肝醬腸的火雞stuffing潤味蘇香還有其他好味的食物, 不過我見有些近日的食評都寫過, 所以就就此略筆了。 P.S. 汽水雖然$7細細杯, 不過同咖啡一樣可以無限添飲 付款時也可以問收銀員拿膠杯去倒水喝, 熱水在咖啡機, 冷水在汽水機

十月下旬‧晴有幾個味道是沒法抗拒的，其中一個就是爆谷焗起了的味道。老遠已聞到，當然要來買一客。流量快所以熱辣辣，甜甜的也吃到脆口，份量剛好，吃幾個街口吃完，心滿意足。最最最好的還是便宜，只是四元，連坐巴士出旺角也不夠。

其實係掛住D 肉丸才來, 但結果兩個人都ORDER到成枱都係先食個三文魚沙律, 塊魚幾薄, 但好鮮味, 加少少檸汁, 完全冇腥味, 個香草沙律醬尤其出色, 真係必食.肉丸唔洗多講, 人人都話係必食, D GRAVY 及果JAM 好配合, 其實又甜又咸再加上肉汁, 幾特別最後有鴨肉意粉及是日special 梅子豬柳鴨肉意粉, 係鴨比, 都幾大隻, 足料冇欺場, 啖啖肉之餘, 肉汁跟意粉也很合拍.梅子豬柳有兩片, 叫才切俾你, 好似食自助餐FEEL 咁因為咁, D肉就唔會乾, 加上肉質本身很好, 唔肥也唔韌, 所以雖呢碟係最貴, 但我都覺得係物有所值.兩人食了$110, 成枱都係, 仲想點!?

在金山郊野公園欣賞一眾靈猴玩樂後回到的是沙田市中心。沙田新城市廣場無論什麼時候時間都多人都爆，搵餐食是何其難啊﹗再次轉去宜家傢俬食個小TEA。三點幾差不多四點，人潮也不弱，好在大家周圍等下位，等了五分鐘有兩個位攝入去。兩個人，食了成百銀，哈哈﹗先來兒童餐，有機蕃茄意粉加一盒QOO仔，份量爆多好開心~蕃茄醬中酸味較重，正，因為我是無酸不歡，呵呵﹗當中有很多茄肉，足料，而意粉軟硬適中，簡簡單單的一味，但好令我滿意啊﹗素菜闊條麵未試過，可能是新野淋上與剛才一樣的蕃茄醬，麵條之間約有三層，可惜蒸到麵質都淋糊糊，幸好夾住超多很多菜，如菇﹑粟米﹑紅椒等，加埋酸酸地的茄汁，不失為一個健康又飽肚主食。當然肉丸一定要食啦，但一次比一次細粒咁薯仔可以轉意粉/薯條，不過今次我們都是食薯球，給了超多粒呢~期間還食了沙律﹑雞翼，及加了一杯任飲汽水(SHARE飲)最後都整個甜品，是蘋果批。雪到非常冰凍，批身實實，但批周邊口感很淋糊，怪也~中間夾有很多蘋果肉和蘋果蓉，之旦係甜味超強，我接受不到‧‧‧聽說外國人喜歡較甜的甜食可能是對的。這裡已經不可當餐廳/CAFE了，應該改為快餐店因為坐耐一點也不行，看到大家金精火眼

真係好鍾意去宜家cafe食野，因為唔使好多錢就可以叫到成台都係野食!!!最鍾意食肉丸，肉質彈牙，個紅莓醬甜甜地，襯起上來好特別。Tiramisu 賣相一般，但食落有驚喜，咖啡味足，芝士打得軟滑!讚!