宜家家居餐廳及咖啡室

營業中

休息中

以前通常買完熱狗之後，會企旁邊立高枱食。但係其實有個地方幾好㗎，有道門出去會有個公園仔，公園仔上邊有木椅，依家天氣涼坐喺嗰度食都幾好。包熱辣辣，腸仔配搭埋啲茄汁同埋芥辣非常之好。希望下次整啲醬嘅時候可以靚啲啦。

朋友和我絕對是宜家家居餐廳及咖啡室的忠實粉絲，每次去完車公廟，總會特意來這裡吃它的瑞典肉丸。而瑞典肉丸的最佳拍檔紅莓果醬為肉丸味道錦上添花，本身瑞典肉丸味道濃香，亦富肉汁，我們都愛不釋口。伴碟的薯蓉綿密細滑，口感不輸給主角。另外，我亦多點一個蔬菜薯餅及一瓶有機洛神花茶，感覺比較健康均衡飲食。蔬菜薯餅嚐到爽脆的薯粒之餘，也吃到細滑的菠菜忌廉。有機洛神花茶酸酸甜甜的，既可生津解渴，同時亦能一解飽膩感。

沙田宜家想食的通常都會在這裡的餐廳用餐。今次有牛仔柳，必食的是瑞士牛丸。每次推車一大堆食品拿出來，好開胃添。一直喜歡瑞士牛丸，切粒切粒再沾醬料。有沙律汁，芥末醬都可以考慮。

一間由細到大都食開既餐廳~睇住佢既餐牌不停變, 雖然D食物既配搭變得愈黎愈少, 但係價錢總括黎講都算平~! 以前既肉丸係可以選擇配意粉又或者薯蓉,但係依加變到只可以配薯蓉,  意粉要散叫, 雖然我覺得有少少唔方便, 但係味道同價錢上都仲係滿分! 所以黎沙田既人都要試下啦~ 不過記住暉D去等位阿~!

本來約了朋友去靚cafe食brunch，但他臨時有事來不到，於是便毒自來ikea試試平價早餐。要來ikea的餐廳就一定要繞過ikea，行一輪大運才到，有點麻煩。以為weekday早上少人，來到才發現餐廳坐了個七成滿，看來這裡是茶樓以外的好hea處。早餐廿幾蚊有交易，平過其他快餐店，我點了個雞扒，蛋，茄汁豆，火腿片及熱香餅。雞扒及蛋都略為油膩，味道一般；茄汁豆及金腿扒都是普通超市貨色。熱香餅是凍的，店員叫我去多士爐那邊自己加熱，前後過了三次機才熱，沒有加錢要糖漿或牛油，齋吃，有點乾，不太好吃。整個早餐唯一可取的，只剩下可以添飲的咖啡了。

每次逛ikea，定必去裡面的餐廳小休，吃點東西然後再逛，今次都不例外，點了一個牛扒和檸檬芝士蛋糕，兩樣加埋才$77 ($59+$18)。論食物質素，牛扒一點也不差，牛味香濃，檸檬芝士蛋糕亦有酒店級數，唯一不足的當然是環境，餐廳雖不少，但食客多，像一般的快餐店，不少人會在你身邊等位，令人有種不自在的感覺。

係沙田附近番學，得閒都會過黎食下ikea，最鐘意食係佢既蔬菜薯餅，早幾日過黎食，發現無左單點蔬菜薯餅，只得蔬菜薯餅配磨茹汁既選擇（$16）😢問呀姐可吾可以走磨菇汁，佢話可以，但價錢照舊，咁即係變相加左價🤔咁我都諗住試下有磨菇汁既蔬菜薯餅係咩味道，係照叫啦。點知個蔬菜薯餅令我好失望！ 😭😭一黎個汁好咸，二黎吾知點解個薯餅d薯仔切得好大舊下，口感有d奇怪，而且味道都無以前咁香咁滑，無左以前食開既味道☹️

凡是都有第一次，今次第一次接觸香港沙田的宜家餐廳，之前一直聽不少人提及這裡的用餐食物質素都不差。。。我們叫了很多野食，包括今次的羊膝，黑麻麻的羊膝外表夠嚇人，但是味道還可以呢

呢日唔洗返工, 於是諗住去沙田嘅宜家食早餐。餐廳唔太多人, 好快已經搵到位。去過宜家食野都知, 呢度係自助式, 要自己拎餐盤行去櫃臺叫野食, 叫完再一次過俾錢。叫咗一個23蚊嘅早餐精選, 連埋一杯熱茶。早餐入面有薯餅、雞扒、蕃茄、炒蛋同埋煙肉。薯餅非常香口, 炸得唔會過硬, 咬落好脆。雞扒都算大塊, 扒入面有唔少油份, 所以食落唔會太乾。煙肉同蛋就屬於正常水平, 至於蕃茄就起到中和油膩嘅作用。23蚊可以食到一set早餐, 實在超抵食。加上佢採取自助式嘅設計, 自己食完要將餐具放返去回收區, 可以訓練埋自律性。

ikea餐廳出名平靚正，今日主打唔係瑞典肉丸，而係紅果子醬。向來不喜果醬嘅我，都要推薦一下，啖啖入囗都充滿粒粒果子肉，超有口感，唔似平日超甜嘅啫喱狀果醬。最神奇係，從未諗過佢竟然同肉丸有perfect match🤔

放假同老公來沙田宜家傢私買野，當然唔少得要來宜家家居餐廳及咖啡室食午餐！老公鍾意食燒特級西冷，我就鍾意食香烤三文魚柳，叫左兩個主菜，另外叫左兩個小食：小食拼盤&瑞典肉丸。特級西冷嫩口，三文魚柳好肥味😋小食拼盤有格格脆薯、雞翼、脆皮腸，好抵食！必食瑞典肉丸哩度好出名，幾乎每兩臺就會叫，點忌廉汁，口感一流！肉丸較淋。叫左兩杯汽水，$7一杯，無限添飲，正！

琴日係星期日，我大約晏就3點鐘黎到ikea,黎到發現人山人海，買完野食搵左成10分鐘先有位😞😞😞我琴日就叫左香烤三文魚柳🐟🐟伴蔬菜薯餅🥬🥒🌽🥕，雜菜配荷蘭汁。先講個魚🐟🐟，雖然好長份量好大，但味道就有啲腥😞😞而且比較咸😞😞令人愈食愈唔想食阿而蔬菜薯餅味道幾好🥔🥔，食得出入面有一粒粒既薯粒同洋蔥，感覺幾清新👍🏻👍🏻荷蘭汁比我既感覺係芝士汁，呢個汁好好味🤤🤤，但汁既份量比較少🤦🏻‍♀️🤦🏻‍♀️，唔夠配曬成條三文魚😞😞

今晚係大圍做完嘢，近近地係沙田食飯，於是就去左ikea!大約六點半去到，已經幾多人，得返幾張枱，遲過7點去就應該要等位！我地三個女仔今次食左蔬菜薯餅/ 小食拼盤/ 火腿釀火雞意粉/ 30粒肉丸薯蓉，真係超級滿足！蔬菜薯餅 $18我第一次食蔬菜薯餅，幾有驚喜！入面有椰菜花/ 西蘭花/ 菰，都幾豐富，味道唔會太淡，加埋蘑菇汁剛剛好！小食拼盤 $39小食拼盤反而係最失望，唔洗點煮既波波腸最好味，雞翼同埋薯角都太乾太鹹，好重味精！10粒肉丸 ＋ 薯蓉 ＄20火雞火腿意粉 ＄39意粉略嫌太乾，個豬排反而炸得啱啱好，加埋芝士火腿都唔會覺得漏，可以一試！

話說上星期同班frd(約6人)去咗沙田IKEA食野，嗌到成枱都係餸，都只係$300左右，除翻開都係$50。講番啲嘢食，質素真係唔差，超級推介瑞士肉丸，味道口感一流，仲有個薯蓉做配菜，色香味俱全。

每年12月，IKEA的自助餐廳都推出聖誕大餐，啱晒啲學生、打工仔、家庭主婦和年青的情侶，價廉物美，又有特色，今日我和朋友仔一起來食聖誕大餐之餘點了另外兩個餐：1. 蜜汁燒聖誕火腿，$56，有兩大塊，肉質細嫩滑溜，不會太鹹，配菜是栗子和鬼佬椰菜仔Brussels sprouts，2. 小食拼盤，有炸薯角、四隻炸雞中翼和四條脆皮腸及烚粟米粒，$393. 西冷扒，$68，外貌好靚，有一邊是脂肪，中間啲肉好瘦，而且呈粉紅色，看來很吸引，但係肉質纖維非常之密，令人聯想不到是那一個國家出的牛肉，食落有渣，欠缺有應有的濃鮮味，4. 檸檬撻一件，$19，OK啦！個撻皮唔夠好味。5. 熱咖啡，每杯$7，用的是花奶，如果用的是鮮奶更加好飲食完餐之後走入超市行一轉的時候發現原來燒蜜汁火腿這個聖誕食品有急凍版，非常之大個，$189，最衰我屋企冇切薄片機，因為同行的朋友認為用來夾三文治真係好過一般啲火腿及火雞肉好多。