宜家家居美食站

營業中

休息中

季節限定❗️未行到去都聞到陣榴槤味🤩有啲分店仲要未到夜晚已經冇晒荃灣反而去咗幾次都有而家無收銀員，全部轉晒自助機，撳完就去排隊等拎嘢食個個都好狼死加幾球😝我梗係都唔執輸有得食好食啦但係現場好多烏蠅飛嚟飛去唔知係咪香得滯

基本上未去到ikea，只係電梯上緊去都聞到陣榴槤味🫣下晝去唔洗排隊用自助比錢就拎得買左2球榴槤肉（驚4球會太膩）🤣🤣原本就$33 每加一球就$16雪糕本身已經好濃榴槤味 超正😋個人中意燕麥奶雪糕 感覺無咁甜但都滑榴槤肉比得非常多，叫兩球都可以啖啖肉想像唔到4球會有幾癲🫣雖然都有少少後悔無叫4球無論係雪糕定榴槤肉都比得好足料絕對推介比榴槤愛好者💖🫶🏽特別係好似我咁少食多滋味有時買一大舊都食唔哂既朋友

🔅🔅🔅🔅🔅🔅🔅🔅🔅🔅🔅🔅🔅🔅🔅人氣的ikea榴槤新地，平日下午較早的時間去食不用排隊，會比假日情況好很多，假日看到要排一個小時，不太值得。🔅🔅🔅🔅🔅🔅🔅🔅🔅🔅🔅🔅🔅🔅🔅D197特濃貓山王榴槤燕麥奶新地 💲65很失望，不像貓山皇，沒有一般貓山王的甘味和氣味，完全唔覺特濃🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅

最近榴槤肆虐 未去到ikea 遠遠已經聞到陣陣飄香6月15日-6月28日 做緊甘露榴槤 之後仲會出其他款既榴槤 要密切留意🍦特濃甘露榴槤燕麥奶新地 $29 齋聞已係聞到濃郁既榴槤味 食落好creamy好香甜夾埋啲榴槤肉食 好似真係食緊成個新鮮榴槤咁 而雪糕仲食到淡淡既燕麥味 估唔到燕麥味同榴槤味咁夾如果再加多幾球榴槤肉 相信會仲香仲濃郁 期待佢下一期既榴槤款～

朝聖成功，朋友陪我去食，荃灣果然人又多，貨量又足，令人開心。一落車就衝去，即排隊選購。你又要我又要，就選了素肉熱狗餐，肉丸，榴槤肉雪糕。當然最吸引我，就是榴槤肉糕，果肉味濃，令人興奮，當然有加一，然就唔夠食了，值得為之瘋狂。素肉腸熱狗重點在醬汁，要多果醬加芥末，是小食之選。肉丸汽水，一向正常，說到底我為榴槤而來。

iKea 宣傳鋪天蓋地嘅榴槤燕麥奶新地(兩球D24榴槤肉)，今日終於試到！正常發揮，燕麥味唔係好勻循，而且燕麥味被榴槤遮蓋住🍦🍦🍦不過，對得起呢個價錢，必試！兩球夠晒數，唔需要加更多了！😝

去荃灣諗住搵個地方快食下午茶😝 突然諗起ikea有熱狗同榴連甜品，所以就衝咗過去食🤣  🌭熱狗 $8 相信有食過嘅，都唔會對ikea熱狗陌生🤣 $8就可以食飽飽，啲醬任吱唔嬲！如果你想飲嘢，可以買$13 熱狗+嘢飲🌭🥤另外，試咗期間限定嘅D24榴連車輪餅 $16🤩 口感似我哋平時食到個啲紅豆餅，入面滿滿榴連肉🥳！！！食每一啖都覺得好幸福😭（相信每一位榴連怪都會明🤣）！ 真心$16食到D24榴連嘅食品，我覺得好抵食，仲要份量唔會hea你，所以我覺得係好值👍🏻！想食埋個D24榴連雪糕，但因為仲咳緊，所以唯有下一次先試食～

屋企樓下就係IKEA美食站真係好正，久唔久想食就可以去落去買。而且番shift既我放工時間人流都未必多，好容易唔洗排咁濟就買到黎食。聽到D24最後一日，就一定要落街買黎食喇！個人覺得一球就點都唔夠，兩球唔過分，重口味既話買三/四球就岩晒喇。D24味濃但唔膩，正！唔知下一期又做咩榴槤呢？期待！味道 5/5榴槤控黎講，佢味濃，夠香，亦夠滑環境 4/5當日係閒日，過左午食時間，人流唔多，不過始終都係得幾張檯喇，打卡都需要就下角度服務 4/5自助機點餐，都有helper在旁，有問題隨時搵到人幫手。出餐同事都盡量令到成個流程smooth，盡量唔會塞死晒係取餐位置👍🏼衛生 4/5垃圾桶就得一兩個，好易就爆。咁岩就有清潔姐姐幫手清空左。但我諗如果好似阿宗麵線咁，大家張d碗呀、盒呀、杯呀咁分別疊高，應該個垃圾桶見洗好多！抵食 4/5永遠都係沒有最抵，只有更抵喇！

特濃甘露榴槤燕麥奶新地 (兩球榴槤肉) $42 早幾日D24榴槤新地食唔到，已經好心灰，但好在佢緊接着出另一款榴槤新地，見放假到即刻狗沖落街去食，平時收工後去，基本上都賣晒，所以就早啲落去食。燕麥奶新地雪糕都有榴槤味，唔錯唔錯✨但重點當然係果兩球榴槤肉，食落濃郁 Creamy。講到呢到, 聽日我一定要食返過3球$55先😆😆

終於等到宜家傢俬再推出榴連甜品估唔到香港有咁多人鐘意食榴連 係美食站打左好多個蛇餅 好彩人龍消得好快買左榴連雪糕再額外加一球榴連果肉😋雪糕好有榴連味 但味道唔算好人工榴連果肉好香濃 齋食會食到絲絲果肉 齋食果肉會有啲漏 夾埋雪糕會balance d見到個個都加左四球果肉 但我覺得兩球都好夠好滿足😌

見到IKEA ig宣傳緊呢個D24榴槤連雪糕，本身係榴槤連控既我就趁假日得閒去食下。一來到就見到長長人龍，條隊尾已經去到轉彎位既扶手電梯了，數個職員在場指引排隊。雖然有條隊，但等左大約10分鐘就可以到達自助點餐個位置，點左一客$8熱狗同埋$23嘅D24榴槤雪糕🍦原來D24榴連雪糕係只包一羹既榴槤肉only，旁邊嘅人全部都有四舊榴槤肉，原來係另外top up上去的，每加一舊加$9 ，Maximum可加至四舊榴槤肉。本身雪糕已經好有榴槤味，加埋真正嘅榴槤肉，令人回味無窮！趁六月做緊呢一個產品，我會再去食多次

又到宜家傢俬買榴槤食品嘅季節，今次依然有D24榴槤雪糕🍦，咁今次就重點同🤴🏻試新嘅兩款榴槤甜品先！～～～D24榴槤車輪餅～～～入到去已經滿場都係榴槤味，車輪餅就要等大約5分鐘先至焗好，我同🤴🏻金睛火眼見佢焗好咗攞出嚟，即刻上前排隊😂😂！一開始聞有少少榴槤味😀😀，咬開大約有一半嘅榴槤蓉😄😄佔嘅比例都ok😃😃 ，唔係話十分好香但起碼合格😙😙，不過好可惜係車輛餅焗得唔夠透，最中間嘅榴槤蓉仲係凍冰冰😗😗，但🤴🏻話車輪餅應該係凍嘅，但車輪餅唔應該係熱㗎咩🤔🤔？

上次試唔到IKEA嘅椰子奶米新地嘅朋友唔需要失望啦，因為IKEA 話咁快已經推出咗新一款嘅🍦特濃D24榴槤新地仲有榴槤車輪餅同埋🍰榴槤斑蘭蛋卷。之前佢哋出榴槤雪糕嘅時候都收到好多好評，今次新推出嘅D24 雪糕真係唔可以錯過啦。小編今次食完飯都專登走咗去試下，因為號召力真係好強，繁忙時間都真係排晒隊架。🍦 D24榴槤燕麥奶新地 (含D24榴槤肉一份) $23係小編最愛嘅榴槤果肉新地，今次試咗之後，IKEA都保持到佢哋一貫榴槤新地嘅水準，雪糕帶有濃濃嘅榴槤味道，加埋成杯都有好多果肉，榴槤既香味超級超級濃，而且仲可以額外追加榴槤果肉，每份追加盛惠$9，最多額外加3份添，小編呢個係追加左一份嘅果肉，味道當然係衝擊你嘅味雷啦🤡。不過相對來講呢，燕麥味呢就唔好期待啦，主要都係增加雪糕嘅口感，始終主角都係D24榴槤味㗎喇！總括嚟講，今次呢個雪糕淨係做到6月14號，奉勸鍾意榴槤嘅朋友快啲去試吓，唔鍾意榴槤嘅朋友就會建議你哋行過去IKEA之前諗清楚，因為今次榴槤味真係好正，小心試一啖就顛覆左你嘅味蕾呀🔥！

又係一年一次既榴連季節其實真係有啲希望佢一直都有$23 一杯雪糕加都球榴連蓉真係性價比好高將啲purée mixed well with the ice cream 嘩！真係濃郁到 crazy唔夠喉，可以加錢再要多幾球 purée 我覺得一杯 兩球係 perfect 鍾意durian 既人，一定唔可以錯過！PS remember to go there earlier, as they have limited stock only, don’t make yourself disappointed

IKEA 耐唔耐就會推出期間限定既甜品，好多既出品都有唔錯既反應🍦，今期佢地就出咗椰子米奶新地配芒果及大西米。🍦椰子米奶新地配芒果及大西米 $16椰子米奶新地嘅椰子味🥥非常之出，椰子味清香濃郁，口感綿滑，個人覺得雪糕有少少偏甜，味道就唔似係化學味亦都無藥水味之類唔好既味道。🥭芒果肉既份量就比想像中多既，喺啲芒果肉中間就加左啲芒果醬，而醬既份量亦都只係作調味，keep得到芒果既甜味之餘，亦都唔會淨係食到醬死甜既味道。西米夠晒大粒，食落口感煙煙韌韌，配埋雪糕果肉一齊食，口感都算幾新穎。總括嚟講，我哋覺得椰子米奶雪糕味道幾吸引，就算無加芒果同西米都值得大家去試下！呢個期間限定新地雪糕做到5月31號咋，大家有興趣既一定要把握機會試吓啦！