定食 Doraya (厚福街)

營業中

休息中

今次朋友帶我去食佢間御用飯堂，朋友話呢一間吞拿魚係主打，所以我叫左個藍鰭吞那魚丼$153，上面有隻溫泉蛋，成個set 有啲開胃前菜，酸酸地又爽脆幾好味，另外再有個茶碗蒸同湯，講真呢個價錢我俾5星🤭真係新鮮無hea,我朋友就叫左平目魚拼吞那魚腩$208，佢個平目魚油脂比較重，如果鍾意食油脂重既魚可以選擇，好香魚油味，入口有慢慢溶化嘅感覺，我叫嘅吞拿魚有灸過，佢嗰個就冇，佢嗰個都好新鮮好厚，不過我就鍾意食有輕輕有炙，因為望落好似熟熟地，心理舒服啲之餘口感都好d,個份量好多，所以男仔都唔洗怕食唔飽😊🙃🙃🙃

歷年來最熱的其中一個夏日，冇乜胃口，都係食個刺身飯吧。【特選海之幸壽司丼定食】熱除左影響胃口，都影響大腦轉動，呢一日影左兩場相，又焗，個腦實實地，憑感覺揀左佢。唔算好多，但係視覺上大滿足。新鮮，肥美，就係我對刺身飯的基本要求，擺盤靚少少已經很出眾。茶碗蒸都係好滑，好好食。我另外加錢升級左蜆肉味噌湯，湯頭淡淡的，不會好像味噌湯，過量味噌的死咸。取而代之是蛤蜊的淡海水味。唔單只蜆肉好吃，喝這口湯亦有幸福的感覺。我朋友就話：喝一口就明白，點解要加錢了。

定食Doraya 食左好多次，無論銅鑼灣店定尖沙咀店每一次食物水準依然keep到，每一次都好滿足，每次必食海膽丼，今次就嗌咗海膽三文魚子丼，🍱海膽新鮮味道清甜再加三文魚子嘅爽脆，🥢拖羅更加係必食之選😋肥美又新鮮之餘切得又夠厚，今次嗌多咗個蟹子沙律份量夠大，食到好飽牙～每次食完冇耐好快又令人心掛掛想去再食🤤

成日聽人介紹doraya今次終於黎到食，午餐時段去今 (午市到3:30 last order 3:00)午餐menu全部都會有茶碗蒸同漬先，仲有個餐前前菜沙律🥗(不過之前聽朋友講係salad bar, 我今次係點完餐店員就會拎一碟俾你既形式)左上就係沙律🥗外貌協會的我上菜已經覺得好正了，顏色好豐富🤭味道方面我就覺得三文魚比較冇咁新鮮，可能加上我呢2塊冇乜脂肪同魚油所以有dd唔太好咬，不過整體都出色。另一個午餐set係配麵食，但魚生飯就會係迷你size，岩哂澱粉控🤣🤣🤣

定食Doraya一向都有名，無論銅鑼灣定尖沙咀都要排一輪先入到座，呢日特登放工準時即走，希望唔洗等太耐，6點半嚟到已經有相當人數等緊，排咗廿零分鐘就入到去，不過當日有啲唔好彩，壞咗部冷氣，所以有啲熱我哋點咗火灸吞拿魚定食同天婦羅家食，加咗客牛舌前菜漬物好好食，茶碗蒸好滑，味增汁正常，天婦羅炸得啱啱好，又香又脆，吞拿魚本身新鮮，所以兩樣嘢都好食雖然佢唔平，但係有一定質素嘅，如果店員再有禮貌啲就再好啲

定食 Doraya@尖沙咀厚福街自從上次lunch time食過一次之後都冇食過，今次有機會再次去試吓佢呢個定食。呢間餐廳位於厚福街有棟好多餐廳嘅大廈H8。餐廳嘅地方都算闊落，內部用和式既深木色裝修。平日夜晚去唔算多人，唔使等位。餐廳主打各式定食同丼飯，而其他刺身配料亦都非常唔錯，如果鍾意高質新鮮刺身丼飯嘅朋友可以試下。咁我哋就嗌左兩個定食同小食，試一試佢味道如何：🍱藍旗吞拿魚扒定食藍旗吞拿魚身為呢間店嘅鎮店之寶，一定要試試。就咁睇色澤份吞拿魚都幾新鮮同厚身，食落都唔差，鮮嫩得黎夠肥美，無筋又咬落Juicy!🍱深海池魚他他丼定食本身池魚都算係比較冷門嘅刺身魚種，今次就試試如何。呢種魚嘅質感係幾特別，食落好爽口，但可惜魚本身嘅味道比好重嘅薑味同蔥味蓋住左，唔太食得出本身嘅鮮味。除咗丼飯外，每個定食仲會包埋：味噌湯-正正常常，冇咩特別驚喜，但夠曬開胃茶碗蒸-好足料同埋抵食，個蛋蒸得好香滑鮮甜，但可能蛋味就淡咗少少前茶 - 應該係牛蒡絲，味道唔差，食落幾過癮不知不覺就食晒漬物-幾塊開胃既醃蘿蔔，雖然我唔太鍾意食酸野但都覺得唔錯🧈鰻魚菠菜玉子燒 呢個玉子燒本人覺得係幾好食嘅，肉質爽口嘅鰻魚佩埋

在香港當提起日式料理，第一個印象就是貴。好吃又別緻的日本餐所費不菲，吃過一頓後，可能要吃幾餐杯麵補償。實在只適合特別節日慶祝才吃一餐。如果價格太平，通常又是「偽日本料理」。總不能吃了三文魚刺身，就當吃了日本餐吧。所以在資金有限的情況下，Doraya日本餐廳算是一種中間的選擇。尖沙咀厚福街H8的Doraya開業已有一段時間，能夠捱過的疫情封禁的餐廳，都可以算是一種實力表現吧。是日想吃日本便當，腦中第一時間想起Doraya，就去吃吧。餐廳偏小，座位擺得稍為迫一點。餐桌的大小，剛好可以放上兩份定食盤子。擺放兩個盤子之後，桌子中間還有一點虛位可以放一些小食或前菜。在午餐繁忙時段，餐廳會安排左右旁邊搭枱。如果你希望用餐後，還希望可以舒適的聊天，Doraya未必是一個好選擇。我們點了兩份海膽蔥拌藍鰭吞拿魚丼飯配蕎麥麵定食，另外再加了午餐優惠$20的忌廉蟹肉餅。侍應先上了午餐附送的沙律前菜🥗沙律菜爽口新鮮，裡面夾有一點罐頭菠蘿和粟米，增加了口感。作為一個套餐附送的沙律前菜，不能夠要求太高，味道算是不錯了。吃罷沙律，定食便送上了。整個定食套餐有一個茶碗蒸蛋，一碗主角丼飯，還有就是清涼的蕎麥麵。茶碗蒸蛋

Went there on the weekend on the other day after work. Had a wondering dinner thereThat was 6 pm that we went in waited for 15 mins to be sited . We were lucky ppl kept coming in after we sited and we got a Conner sit as well so that the wasn’t too small it . Ordered two sets both tuna don . Sashimi was fresh and tasty and I like the rice over there as well , it was cooked nicely . I would say for its price and service . You are paying a bargain

貴為元祖級丼飯既佢,本身係一間吞拿魚批發公司,有自設吞拿魚場,後來到2005年搖身一變成為定食店。 店舖同樣以多種時令魚生入饌,當中以拖羅最為著名, 甘香肥美,油脂豐腴,入口即溶勁正! 我今次同朋友叫咗唔少野食 （大食 mode開啟！）火燒平目魚&藍鰭吞拿魚中腩丼定食 定食一黎到,就會聞到好香既平目魚,火燒完既平目魚 油脂豐富平均,平見魚同吞拿魚都係入口即溶,正到不得了 三色 mix 丼定食 包括有吞拿魚蓉+三文魚子+白飯魚 材料都係新鮮好味 全部定食都包括前菜+茶碗蒸+湯 酸汁白子 可能唔係好多人食過白子,我會話係近年受香港人歡迎既新食品 其實佢係魚類既精巢,係日本人冬日補身良品,含有豐富蛋白質同維他命D等等, 所以日本人叫佢做美膚之寶質感柔滑豐腴 - d都唔腥架,加上酸汁,令到味道更 豐富更美味,食完都覺得自己皮膚都靚咗 (都可能 係心理作用）炙燒明太子 咸咸地既明太子,可以配返杯啤酒蕃茄沙律 酸酸甜甜 ,特別開胃 炸生蠔 香脆,好味又大件 ❤️

朋友英國返香港話想食日本嘢，即刻諗起帶朋友到呢間食了好多年，依舊抵食又好味，刺身質素跟日本食一樣新鮮，十分推介⭐️⭐️⭐️不過因為冇得訂座，平時夜晚都要walkin 等好耐，好彩我哋平日Tea time 時間來等一張枱就有位。Doraya 有2間店，另一間位於銅鑼灣，兩間質素都很高，刺身很新鮮美味。可惜今日來到海膽售罄了🥹火炙平目魚藍鯨吞拿魚大腩丼定食🍣$208跟餐有漬物，蒸蛋，麵豉湯加$10升級有蜆肉，好抵！超級鍾意食大拖羅，因為冇海膽，所以叫了左口魚，兩樣都係入口即溶，油花一流，大滿足😋深海池魚刺身$118雖然冇上個月去日本咁平，不過深海池魚真係好好食💙三文魚刺身 $68朋友話英國好少食三文魚就點了一份，質素正常啦。◻️定食 Doraya (厚福街) (尖沙咀)📍尖沙咀厚福街8號H8 6樓

和另一半準時6點上去攞位，當時只有幾枱客已經坐低咗等食。我們齊可以直入坐底。叫咗個自選丼set, 我哋揀咗大腩、魚蓉和海膽。個set 還有茶碗蒸、麵豉湯和漬物。另一半覺得海膽好好味！是北海道海膽。我自己覺得大腩切得太薄，有啲到喉唔到肺嘅感覺。所以之後追加多一份吞拿魚中腩刺身。終於咬落去有輕微幸福嘅感覺😝。食魚生真係要厚切先好味😆。當日侍應話仲有兩份慢煮三文魚頭鮫，我哋叫咗份。我竟然覺得好食過塊薄切大腩😅，肉質好滑，每一啖都有一浸浸魚油香。甜品叫了一份富士蘋果芝士蛋糕。喜歡芝士香味的朋友可能不喜歡，因為食不出芝士味。但我超超超鍾意！因為我對奶蘇有點抗拒。再加上有蘋果的甜酸味道，好清新！雖然坐位有些窄，但總括食得開心，服務貼心。雖然好忙，但侍應都會頻頻幫我們加水。其中一位侍應超醒目，佢望我一眼，我還未開口，佢已經知道我想追加，抵讚👍🏻😆

🍣三文魚 三文魚子丼 $158一個餐除咗包丼飯外仲有好多嘢🔥前菜 漬物 味噌湯 茶碗蒸 好抵食😋料都算多 三文魚同三文魚子 都食得出好新鮮🥗個人特別鍾意食茶碗蒸 蛋好滑亦有菇嘅香氣😋但係Wasabi 冇咩味 個人會鍾意啲攻鼻嘅wasabi 🐟三色Mix丼定食$158一樣有前菜 漬物 味噌湯 茶碗蒸 丼飯入面有 吞拿魚腩蓉 三文魚子 白飯魚有一隻生蛋放喺面🥚撈埋上面嘅料夾飯食一流！吞拿魚腩蓉好出色 入口即溶🤤🥩燒牛肉飯定食$158友人唔想食生嘢 就叫咗個燒牛肉飯定食🥩正常好食嘅牛肉飯 但唔算特別😉個人會推薦食刺身丼飯🥔日本蟹肉忌廉薯餅$48 叫咗蟹肉薯餅share 食得出滿滿嘅蟹肉🦀新鮮炸🔥熱辣辣 好脆 加埋酸甜嘅沙律醬 會令人好開胃😍人均差唔多$200 係尖沙咀食晚市都差唔多價但食到好新鮮嘅刺身丼飯😋😋總括嚟講都推薦試下😁

▪️海膽、油甘魚、三文魚三色刺身丼定食 $228 • 9/10賣相簡直滿分💯 齋睇都已經覺得好新鮮！！每片刺身都切得好厚身，甘香肥美😋個人特別鍾意油甘魚刺身😙 口感非常厚實、滑嫩～食落淡淡甘甜，油花嘅分佈好平均，仲充滿魚油嘅香氣👍🏼三文魚同海膽就不過不失～～定食仲有埋茶碗蒸🍲 同前菜、麵豉湯 (+$10可以轉蜆湯)好足料啊，有冬菇、蟹柳，不過略嫌蛋味淡咗少少🤏🏼

聽講呢間好多人介紹，於是同朋友一人嗌咗一份拖羅定食有麵鼓湯，小食脆脆地好食剌身睇個樣都知新鮮，整體嚟講幾好食，價錢好似二百幾未加一，都屬於中上，但價錢對得住質素的

🇭🇰定食Doraya·香蔥伴藍鰭吞拿魚腩蓉小丼$106呢間嘅lunch time我已經食過好幾次架啦 佢午市定食超級豐富😍😍我今次嗌呢個餐係包一碗吞拿魚腩蓉小丼 一個凍烏冬 仲有沙律 前菜 漬物 茶碗蒸同味噌湯 超級豐富😈佢呢度既魚腩蓉次次食都係咁好食 佢食落好肥美 好新鮮 係仲食到吞拿魚個質感既 口感好好🐟之後佢個凍烏冬都好彈牙 配埋佢個沾汁同蘿蔔蓉 勁開胃 之後佢個茶碗蒸都好滑 唯一係我個日既漬物係豆黎既 我自己麻麻地🫘🤣🤣·#rbyeat#rby日本菜#rby尖沙咀 #rby銅鑼灣·📍尖沙咀厚福街8號H8 6樓📍銅鑼灣駱克道451-453號駱克大樓