定食 Doraya (厚福街)

營業中

休息中

厚福街H8呢棟大廈一向都有好多好野食聚集。經友人介紹，就去試下Doraya呢間日本餐廳。 我地三個人6點到，唔洗等就即刻有位。位置都幾寬落，放完袋都坐得好舒服。 侍應都好好服務，不斷幫我地添茶水。食物方面，我叫左藍鯨吞拿魚扒定食（$138）。定食配有茶碗蒸、麵豉湯、漬物（醃蘿蔔同小黃瓜）等，係足料既前菜。 主菜方面，藍鯨同吞拿魚扒每塊都大大件，好厚身。咬落去有少少油脂，好正！飯可以轉壽司飯，食落好有咬口，同d扒好夾！雖然呢個價錢偏貴，但食物質素、環境、服務態度都價呢個價。會再黎！

約了朋友在The One睇戲，睇完已經八點有多，記得早前睇過一些有關厚福街的飲食報導，於是便殺入厚福街搵食。來到人生路不熟的厚福街，只見人頭湧湧，很多店舖門前都站了不少人，我們行到小巷盡頭，看到一棟大廈，原來全棟都是食肆，朋友喜歡吃日本菜，於是便上了6 樓的Doraya。我們登記後就坐在旁邊的長櫈上等，等了約10分鐘便被安排入座。據聞這裏的魚生飯是頗出名的，於是我點了「藍鰭吞拿魚扒飯定食」，而朋友就點了「特選海之幸壽司飯定食」。上菜速度頗快，「藍鰭吞拿魚扒飯定食」除了魚扒飯外，還有前菜、漬物、茶碗蒸蛋及味噌湯，配料足。這個定食可選白飯或壽司飯，我就選了飯粒飽滿及帶米香的壽司飯來配搭，吞拿魚扒新鮮肥美，份量頗多，部份有火炙，魚肉厚身得來肉質好，冇筋，至於全碗只有兩件的吞拿魚腩就油花多，入口即溶，魚油在口中爆發，雖感覺滿口是油，但絕對沒有魚腥味，豐富的魚油脂香反而令人回味無窮，配以入口軟糯的壽司飯，可說是絕配，絕對無揀錯，讚！

第一次黎呢間日本餐廳度食，晚餐時段真係人山人海😧一行五人無訂到檯，好彩流動率都算快，而且齊人方可入座，前面好多張檯未齊所以不斷跳號，結果半個鐘唔駛就到我地入😛成個餐牌上面既定食款式都幾乎係藍鯨吞拿魚，可見佢必定係餐廳賣點之一🤔👁‍🗨 油甘魚 & 藍鯨吞拿魚二色丼飯定食 💲148成個定食都幾豐富，有幾碟我一向唔多食既漬物、味增湯、茶碗蒸，當中蒸蛋口感滑身，有🍥、冬菇、蟹柳🤓油甘魚厚切肥美，藍鯨吞拿魚鮮嫩而且充滿魚油，無我最怕既筋🤪壽司飯係日本米，醋味調得岩好🍚整體黎講，呢個價錢有咁既質素絕對可以一戰👅🔛 整體評分（7.5/10）

今日同男友諗住早啲嚟攞位去食個普通刺身飯，點知打電話已經去問定，究竟有幾多人等位，然後個侍應喺電話度話大概20分鐘等7張枱。結果我哋去到攞完飛一等再等等左成個半鐘原本係話20分鐘足足一次又一次話等多10幾分鐘就有枱，仲要諗住食海膽飯，點知叫嘅時候個sales冇提前講話已經賣晒⋯⋯搞到入到去叫嘅時候竟然話冇晒海膽，已經成肚氣，最後竟然我男友個飯又漏單！而且又係出絕招叫你等10幾分鐘，完全係吹水唔抹嘴大話連編！不知所謂！冇乜必要都唔以後唔會再嚟食！

朋友介紹，一行六人，食晚餐。餐廳位於6樓，極多客人等位，但是餐廳外的走廊空間太少，不論是企位還是座位都很迫。由於餐廳好像比較少大型桌子，我們等了幾乎一個小時。幸好員工的態度良好，幾次主動提醒我們，沒有忘記我們的單號。餐廳內環境舒適，點餐後食物來的速度也很快，可以快快醫肚。我們每個人點的食物都不一樣。茶水自選中拖羅、蝦、三文魚丼藍鰭吞拿魚扒丼，配溫泉蛋。自選吞拿魚茸、帶子、三文魚子自選中拖羅、吞拿魚扒、三文魚。這份是我點的，中拖羅十分肥美，咬落感覺口腔充滿脂肪；吞拿魚扒口感獨特，搭配的豉油很好吃；三文魚不算厚切，不過不失。順帶一提，他的燉蛋很好吃，跟元氣壽司或者小豆島的口感差不多。放大睇。自選赤身、三文魚、忘了叫什麼名字的魚。自選中拖羅、帶子、三文魚子。湯。另外叫了一瓶燒酒，忘記了叫什麼名字，是餐牌上三款燒酒的中間那一款，聲稱比較甜。但是其實不甜，而且帶有番薯味。他的每款自選刺身丼的價錢都不一樣，可以隨意搭配，這一點我覺得十分不錯。唯一可以改善的，我認為是可以設訂位服務，這樣就不用勁多人都係出面等待。

其實係想去同大廈另一間食日本嘢嘅但見到呢一間唔使排隊就入咗去啦入到去坐咗一陣就開始叫嘢食啦但係坐咗5分鐘到呢就覺得真係好熱同埋好焗呀咁我就叫店員去睇吓個冷氣可唔可以開大啲啦，點知佢同我講就係話因為啱啱颱風所以個冷氣壞咗。所以其實間店舖入邊冇冷氣嘅咁如是者我就再坐左10幾分鐘啊，之後我都忍唔住因為其實開始有少少暈，因為其實嗰間鋪頭入邊冇開冷氣啦淨係開咗風扇，跟住入邊係非常之局嘅 ，因為根本就冇開窗啦所以其實係冇氧氣嘅入邊因為有少少暈暈地啦我就同店員講話其實你哋會唔會可以開到窗或者會唔會有抽氣扇㗎，咁佢就話都係冇啦咁我就話帶真係好焗同好熱你可唔可以俾杯水我，點知佢同我講就係話如果要水呢係要加錢就會比一支礦泉水我如果平時話要收錢我都覺得冇問題既，我亦都好明白佢哋冷氣暫時未整到住佢哋都好無奈啦但其實我覺得店舖都係有責任去照顧返客人嘅需要啦，如果本身係因為佢哋個冷氣有問題，令到鋪頭咁焗咁熱，其實好應該每個客人入嚟都比一杯凍水佢哋啦咁講返食物我就覺得都抵食嘅，因為講緊百零蚊佢係有吞拿魚刺身飯啦，仲有一個湯啦同埋有茶碗蒸嘅咁但係其實因為當時呢個溫度都好熱啊，咁所以呢食食吓其實嗰啲刺身都變咗好熱搞到食

✏️特選海之幸壽司飯定食 ($178)Doraya係我一路以黎覺得質素好同勝價比較高嘅香港刺身丼飯店🙃🙃今次揀左呢個海之幸set 有齊我嗰刻好想食嘅刺身😚三文魚 油甘魚 吞拿魚 帆立貝 甜蝦 全部有齊🤩 全部都幾新鮮🐟 今次我覺得最好食係油甘魚😛 其實佢地嘅set真係幾好 仲有個迷你茶碗蒸㗎😚不過唔知點解 今次去食覺得佢嘅刺身比起以前係細件左同薄切左啲 壽司飯量都少左🤔 記得以前食係覺得好多好澎湃😂-✏️鹽燒牛舌串 ($38)小食叫左個牛舌串 牛味幾濃 帶油脂香 我食嗰兩塊有咬口得黎唔係un嗰隻 我覺得唔錯 不過朋友食嗰塊就話好un🤔😂

難得星期六想食日本野上網見到好多人推薦呢間，男朋友都有試過，話啲刺身都好新鮮，值得一試👍今日黎到我都覺得幾滿意，夜晚7點幾到，排隊等入位都係15分鐘就有位都算快速。今次試左個海膽魚腩蓉油甘魚飯，一見到啲海膽即刻😍😍眼，毫不猶豫地食左一啖，夠曬鮮甜，海膽味濃郁!正!再試埋個油甘魚，簡直就係好食到不得了。最後食埋個魚蓉就覺得一般，應該食嘅次序要調轉，食個魚蓉先再食油甘魚，最後食海膽就very good啦!今次無叫到藍鯨吞拿魚，(原本以為個魚蓉係，點知原來唔係😂😂) 上網睇呢個都超多人推薦，唯有同朋友再約下次食lunch喇!lunch可以叫細份，咁就可以食到飯之餘再食埋其他小食，是日我地兩個女仔一人一碗飯係食唔曬架，分量望落不多，但其實已經足夠令你飽到不得了。今日人均200幾，食物水平值得呢個價錢，推薦大家可以試下

慶祝好朋友升職，放工後一齊來到尖沙咀的定食 Doraya 慶祝一番。還記得幾年前初出茅廬的我們，搵到份第一份工，就來到這餐廳食豪d，齊齊慶祝，原來眨眼間已幾年了～而這餐廳的餐牌食物與當年都差唔多，變化不大。火炙平目魚&藍鰭吞（中腩）赤身丼定食，來到這店必食的是藍鰭吞拿魚，每一塊都切得好厚身，好新鮮肥美，火炙左口魚炙燒得香香地，口感煙煙韌靱，令人回味～特選海之幸壽司飯定食，每款是時令刺身，包括油甘魚、三文魚、吞拿魚，甜蝦、帆立貝和魚籽，這碗刺身樣樣都有同埋是厚切甚為豐富，每一款刺身都好肥美，油香味都好甘甜，簡直冇可挑剔～定食附有小食、蒸蛋和味噌湯，日式蒸蛋好滑，整餐飯真的令人感到好滿足、好幸福呢！

第一次去食尖沙咀果間定食 Doraya係我朋友介紹，佢平時係唔多食飯的人，佢同我講佢竟然係lee間食曬成碗飯，所以點都要去一試！試過一次之後，佢就成為左我好鍾意的餐廳，每次紀念日都會返黎食！因為每次食飯時間都會好多人排隊，今次專登早少少去，一去到等左10分鐘左右已經入得去~今次再去食的時候，我例牌一定係叫藍鰭吞拿魚扒丼定食 配日本溫泉蛋，另外再試左另一款吞拿魚大腩試一試兩款的分別！藍鰭吞拿魚扒丼定食 配日本溫泉蛋($158) 佢一個set 除左丼飯之外重有配前菜，沙律菜，茶碗蒸和味噌湯。茶碗蒸個蛋好滑而且入面有蟹柳，日式魚片等的配料，讚！重點就係藍鰭吞拿魚扒丼，佢本身個飯已經有d味道，唔使另外再太多剌身豉油，再將個溫泉蛋溶入個飯到，未食吞拿魚扒已經感覺可以食曬成碗飯！ 鰭吞拿魚扒係有部份係火灸，增加左個口感！藍鰭吞拿魚大腩&魚腩蓉丼定食 ($198) 另外第一次試的就係佢的藍鰭吞拿魚大腩，一上菜的時候睇樣已經見到大腩係淺色點，但線條分明，而且肥美飽滿！入口的時候真係好鮮味，好滑明顯同普通的藍鰭吞拿魚扒分別好大！總結兩款丼定食都好滿意！普通果款價錢比較相宜而且有溫泉蛋配，令個丼飯更好食。

同朋友即興想食刺身飯，於是收工上去等位，好彩等左15分鐘就有位。其實門口係迫滿晒人。呢度有好多自選刺身飯或者指定嘅刺身飯，全部都係set黎，有前菜.湯.小食.蒸蛋，大滿足呀！欣賞個麵c湯唔會好鹹飲完都唔會口渴,個蒸蛋好滑配料好足。但小食個炆蘿蔔就無味。我叫咗雜錦刺身飯，樣樣都有啲，樣樣都新鮮好食，啲飯好多而且係珍珠米，芥辣都係新鮮嘅，樣樣刺身都算厚切，但好似比飯整到唔夠凍，刺身暖暖地少怪。呢個比自選的刺身飯平又唔洗諗。

之前啲客介紹話H8有間定食幾抵食又好食，我公司就係附近，今日做完野大概2點走左去試下，去到好彩唔使等位，之前聽客講呢間好多人要排隊，坐低左店員就俾咗lunch Menu我睇，有好多款定食選擇，而我一心想食海膽，所以揀咗海膽&蔥拌藍鯨吞拿魚小丼（$138），落單後店員就比左隻碗我叫我可以食住自助Salad先，Salad Bar 都有多款我鍾意食嘅蔬菜，青瓜，秋葵，南瓜蓉（好食）等等..... 而且仲有好多醬汁揀，我最後揀咗薑汁，冇幾耐主菜就黎埋，個set有埋烏冬（可揀冷或熱），蒸蛋，$138免加一，好抵！海膽同吞拿魚蓉都好新鮮，店員都會不停幫我斟水又有禮貌，讚最後走嗰時見到有埋免費叉電，真係幾貼心下次一定會再嚟

好耐之前試過銅鑼灣分店，今次嚟到尖沙咀，再嚟試下佢嘅魚生飯～晚市一向多人，因為有限90分鐘，所以都唔係等咗好耐。今次點咗「三文魚親子丼」同「角切魚生飯」：真係一分錢一分貨，食材非常新鮮。魚子粒粒飽滿，咬落卜卜聲，好好味。厚切三文魚十分肥美，味道好鮮甜，整體好出色！角切魚生飯所有魚生都好新鮮同大大粒，冇腥味，相比三文魚親子丼，呢款食落就冇咁膩。食完呢一餐，好滿足雖然唔平，但素質十分高，必定回頭再食！

放工後突然想食日本菜，便跟男朋友到尖沙咀的「定食DORAYA」，很久以前我已經試過銅鑼灣分店，一試難忘。跟銅鑼灣分店一樣都是大排長龍，等了半小時終於可以入座。男朋友點了「海膽,蔥吞拿魚腩蓉, 油甘魚三色刺身丼定食」($228)定食跟小食、茶碗蒸和麵鼓湯。茶碗蒸十分嫩滑，有陣陣鏗魚味，內有冬菇和蟹柳粒。海膽大大塊，色澤金黃，吃下去鮮甜軟綿，沒有腥臭味，很新鮮;油甘魚粉嫩透滑，魚脂豐富又厚身，肉質富有彈性;蔥吞拿魚腩蓉魚油濃郁，口感柔軟，入口即溶。我點了「特選海之幸壽司飯定食」($178)，材料很豐富。甜蝦鮮甜彈牙; 帶子雖然只有一塊但厚身帶鮮味; 三文魚濃煙肥美; 三文魚子充滿鹹鮮味，配珍珠米飯吃，味道一流。我們額外點了「松葉蟹蟹鉗」 ($98)，蟹鉗有8隻，肉質結實無雪味，還帶有海水味，值得一吃。

這裡只要點了午餐，都提供任添自助沙律吧。我點完菜後，便離座去沙律吧了。沙律吧的選擇超豐富，除了較常見的青菜、蕃茄、青瓜、薯仔沙律、粟米、菠蘿外，還有少見的秋葵、烚蛋、南瓜蓉等。除了沙律多款式，它的沙律汁也很特別，包含青瓜汁，生薑汁，牛蒡汁等，都很好食，可惜個胃有限，未能試完全部的味道。我點了一個doraya便當，包括三款刺身、加壽司飯、加湯、加炸雞及炸生蠔，真的是份量超大。魚生很新鮮，讚! 炸雞及生蠔也不錯，不過相對沒有很特別，下次我會點純魚生的套餐呢 這裡午餐不用加一，超抵!