影片
營業時間
今日營業
10:00 - 14:30
15:30 - 19:30
星期一至日
10:00 - 14:30
15:30 - 19:30
以上資料只供參考, 請與餐廳確認詳情
問你「官燕棧」賣乜？相信大部份都會答喺賣參茸、海味、鮑魚、燕窩……等等，除此，仲有好多中式養生保健產品，如即食燕窩、滋補湯包，真喺唔上一上佢哋官網睇睇，都唔知原來佢哋有咁多產品。其實無啦啦真喺唔會走上去睇，皆因早前同好友食飯，好友送小弟一盒「官燕棧」出品嘅「鮑魚禮盒」，雖然唔知價值，但既來自「官燕棧」，又喺一份「禮盒」，相信唔平，老友實在太客氣了。個「鮑魚禮盒」嘅包裝都幾大體吓，米白色硬盒再加點熨花，而盒內除咗有鮑魚（4件），睇盒面就知包埋蝦子麵（4個）及元貝醬（小樽80克），打開睇睇，就見全部獨立包裝好晒。兩公婆，專登搵晚試試佢，再加啲金菇及西蘭花伴一伴，等賣相變得靚仔啲。啲蝦子麵無建議煮幾耐，我哋煮散咗就上碗，口感都唔錯，但蝦子味就唔重，而鮑魚即開即食，細細隻如兩個五蚊銀大小，都幾有鮑味，口感又幾柔韌；此外，落咗唔少元貝醬作調味，少少辣，味道極似平時食開嘅XO醬之類，如果用嚟撈麵就仲好。晌度再次多謝老友，讓我哋晌屋企都食到碗咁富貴嘅湯麵！
繼續閱讀