宏發燒臘飯店 (已結業)

好耐無食乳豬啦⋯⋯諗住見到間燒味舖掛住乳豬就叫咗個乳豬拼紅腸米😞點知乳豬食落口就一般又肥，紅腸食落去好似食緊擦子膠個皮超韌😩個米粉個湯好似滾水咁完全冇湯味，最起碼都比啲味精呀😡仲要超唔抵食…查看更多

早兩日, 女朋友話想食燒味飯, 可惜我已經買好哂餸預備煮飯, 留待下次先去食燒味.於是放假落去太子買魚糧, 順道去宏發食燒味.上次去宏發, 已經係2年前嘅事, 印象中叉燒唔錯, 起碼好過太子連和, 於是再幫襯......今次就中伏鳥!點咗一個叉油雞走翼, 一個燒肉鴨, 油菜芥蘭同咸蛋.首先, 芥蘭油菜唔落蠔油, 唔夾自己口味.問佢有無肥叉, 佢話盡量俾, 但都係俾瘦叉, 都算! 瘦叉口感偏硬同乾身, 已經有強烈中伏感!油雞唔算過肥但絕對講唔上肉嫩juicy, 而且..... 雞肉份量都偏少!燒鴨叫做正常.香港嘅燒肉從來都過咸, 宏發當然唔例外, 連皮都唔脆? 點攪呀!點咗隻咸蛋, 蛋黃頗乾身油水不足. 最后, 我嘅大愛蔥油如果好味的話, 我都可以忍, 可惜...... 蔥油都超咸!超咸！超咸！蔥油, 油菜, 咸蛋, 叉燒, 油雞, 燒肉, 無一樣合格, 睇怕應該將宏發放入黑名單了......…查看更多

昨日下午行經旺角，見到有下午茶時段，又有啲肚餓就入左去，$34雙拼燒味瀨粉配熱飲，凍飲加$4, 食物都可以，但要環境真係一般😅地板濕滑的，又有蚊滋仔，睇黎下次想食都係外賣吧😅…查看更多

平時都有幫襯開，因為佢哋啲燒味真係好味！今日照係外賣自取攞走，叫完個外賣嗰時，我就照平時咁叫完外賣坐喺度等佢，坐咗一陣，個外賣都可以拎啦，個阿姐遞俾我嗰時，竟然同我講叫我下次唔好入去等喺出面等，重點係我平時都係咁叫完外賣，就咁坐喺度等佢。舖頭仲要冇客人！我完全唔理解點解唔俾人入面等，而係叫我企喺街吹風.覺得如果一早唔俾人入去等，麻煩要早啲出聲，我最多唔買，而唔係臨走先同客人咁講.好過份！而家見到個外賣就真係食到背脊骨落🤬…查看更多

一落機, 就想食燒味飯, 由於要落旺角轉的士, 所以上網搵吓旺角有咩燒味店.結果搵到宏發.記憶中, 宏發前身店內環境唔太吸引, 感覺又窄又污糟!去到先知原來已經重新裝修, 光猛企理得多.原先擔心攞住個大行李唔知點算, 好彩裝修后地方闊落咗, 而且店內人客唔多, Lucky!點咗叉鴨同燒肉叉, 油菜要芥蘭.優點 :1, 環境比以前闊落同乾淨.2, 地點方便.3, 叉燒鬆軟味道夠甜, 正!4, 燒鴨皮脆肉嫩.5, 雖然成夜晚十點咁夜去幫襯, 燒肉皮都係脆.缺點 :1, 燒味飯最最最重要嘅蔥蓉, 過咸! 失望!2, 油菜只有豉油, 無蠔油.3, 唔知點解, 香港D燒肉永遠過咸, 宏發亦唔例外.…查看更多

聽講黎間燒臘好食 所以今日專程黎試試 環境一般算乾淨燒臘飯來說 價錢偏貴 但種類齊全 有燻蹄 乳豬到落單既時候 講左3次阿姐都無專心落單 掛住八掛隔離台做咩 明明係阿姐無聽到 但阿姐發我地脾氣 仲要飛單落我地張台:(之後發覺我地點左既套餐 阿姐居然收左我套餐價錢但無幫我落到例湯 即刻追阿姐拎返碗湯燒鴨叉燒飯 $44單雙併同價 燒鴨一般 叉燒太瘦太乾唔夠juic(好味指數: 😥)燒肉飯 $44肥肉比例唔夠 偏瘦(好味指數: 😥)以燒臘飯來說 環境不錯 沒有小店人情味 整體價錢偏貴 味道一般 比較好的是單雙併同價 分量夠(為最高)整體食物質素: 性價比: 推薦指數: …查看更多

收工本身都夠攰 一日既疲勞同壓力積埋 大概只有食完晚飯就直接上床訓覺先解決到 叫左一份叉油雞飯打包 明明下張單應該到我 個師傅就做左啲熟客單先 咁樣一等就等左十幾分鐘 然後到我份外賣 我就叫師傅叉燒盡量俾肥啲 ，「咁你自己揀啦 邊到有肥俾你啊！」粗聲粗氣既師傅先得一分！ 然後我想加埋罐可樂，跟餐加可樂好似係加4蚊，結果收錢啊姐口疾疾咁「7⋯7蚊啦」，口疾係因為心虛定無記性呢？ 再得一分！ 然後再到我盒飯終於出黎，我同姐姐講飛薑容，低頭一看，頂！我條菜心呢？無菜心都求其俾啲菜黎啊，小小蔬菜都無，政府都識搞有營食肆，菜都唔肯俾，我真係嬲到無法言喻，咁無heart,求求其其，是是旦旦，真係祝你生意興隆:)…查看更多

喺正熱鬧嘅先達廣場隔離嘅一間燒臘舖，睇落裝修左開咗唔係好耐,最緊要見到佢有個特價飯餐!今日係$44燒肉飯仲包例湯或者熱飲，另外改凍飲都係加$4！行到入去都有唔少遊客食緊，遊客就會叫高貴嘅燒味拼盤/ 三寶等大大碟靚正燒味再加白飯！而我地呢啲打工仔就見到咁正，望完餐牌睇完價錢都係叫返呢個$44嘅特價燒味燒肉飯啦～上到枱啲燒肉勁多根本就食唔晒，我仲分咗D比同事，皮仍脆，味道都幾好包埋嘢飲都算十分抵～ 食食下見到D阿姐改咗$44特價飯做焼鴨飯，好彩食到脆皮燒肉嘖～…查看更多

用膳時間為12月1日中午12:30剛步入店內立即心知不妙，地板滑潺潺，走每一步都要非常小心。店內中央位置是冷氣機出風口，風力非常強勁，難怪其他食客都先行選擇牆邊座位。要了燒肉油雞飯跟例湯，承惠51元，價錢是遊客區的中間位。燒肉：一半是沙梨督一半是燒腩位，頭搭尾的貨色。沙梨督皮是淋的，燒腩位又太咸。而燒肉的顏色帶有不自然的粉紅，是雪藏豬肉？油雞：分到的是脾位，豉油味很夠，但雞骨部份血淋淋，雞肉口感卻又未算嫩滑。白飯：黏軟的口感，上枱時熱度亦很夠，水份與飯味亦算適中。例湯：熱度非常足的白菜湯，整碟飯用畢再飲用仍是熱辣辣的。但飲落無甚味道，無菜味無湯料味，如開水一樣，只有顏色的一碗湯。整體來說，環境不太好，尤其是地面很容易會滑倒，其餘部份的清潔程度還是可以接受。食物質素對不起價錢，難怪周六的午飯時間亦未滿座。又記，直至飯後離開前張望才發現此店每日也有一款燒味單拼的特價飯，送湯或熱飲，但全程不曾有店員介紹半句，大概光顧此店都是老街坊佔多數的原因吧。…查看更多

宏發燒味飯，老實講，真係好抵食$44 瘦叉燒紅腸飯叉燒靚，有焦香，更重要既係叉燒同紅腸份量真係幾多下一碟叉燒飯至少有10塊❗️而紅腸都有7~8片❗️次次食黎宏發食燒味飯，飯食哂而d 叉燒同紅腸都未食完‼️ 真係抵食兼好食。 吾似得大家樂大快活果d,成五六十蚊，叉燒紅腸得果2~3塊，真係少得可憐。係宏發加埋飲品，都係$50以下，真心掂…查看更多

飯盒就是懶得煮飯的時候！又為著方便填肚！總是最多人會㨂外賣飯盒！放假同細妹看完電影！回家在街口見到此店！心唸回家又要買餸煮飯又麻煩！貪快不如就在這裏買兩盒飯。回家涼涼冷氣更佳！這一次來，我很簡單地點了兩盒燒肉叉燒飯！飯盒充滿了燒肉及叉燒！也充滿了飯！雖然加呿價單雙併都是$35！算是抵食之列！叉燒比較瘦咗少少！但入口鬆化軟淋 ！味道剛好 , 帶少少香甜蜜味！雖然此店自稱叉燒皇！這次出色的反而燒肉層皮經過刀切之後！依然是連肉不甩！燒肉肥肉不多，皮入口是脆的！也沒有過咸，還有嫩鮮嫩肉汁！仲有個甜味豉油 ,能帶出飯香！其實都好耐無食過呢種飯盒 ！的確是不過不失的塡肚快餐！ 當然是開心滿足！小店的出品！雖稱不上是十分之出色！但看得出，食得出！這不是一間馬虎了事的燒臘店！街坊斬料加餸的普通燒臘店！雖不太出色！但已經足夠令到街坊開心！…查看更多

下午茶時間在旺角行想搵野食一心想搵下午茶平平地嘅！點知見到呢度掛住啲燒味幾吸引。留意一下每天有一款特價燒味燒味飯跟例湯收$40！今天是燒肉飯都啱我心水喎！就入去睇睇叫咗飯就好快送上例湯！是日的例湯是眉豆花生雞腳！這是一個火喉控制得非常好的湯！眉豆綿化而起沙。雞腳軟淋，入口充滿了膠質。很是好的一個家庭式例湯。唯一不好的是加了味精。到講番呢碟燒肉飯...同例湯差不多時間送上燒肉雖然不是熱辣辣的。但皮仍然是非常之鬆脆。肉質偏瘦但唔會嚡口！飯粒乾爽！水準之作。總結在賣相和份量方面, 我覺得都不錯, 有很多肉仲有菜，但係如果可以多D飯就更好環境方面, 裝潢設計好骨緻！可能間鋪比較細，所以枱都細。用的櫈亦細張而且無柄雖然下午茶時間去無乜人背脊感覺坐得好唔舒服說到價錢方面, 在旺角來說, 都不是便宜的. 因為一個特價燒味飯都要成四十元！在下午茶時間，屬於下午茶價值只是送例湯但係沒有飲品要就另叫咁同午市時間有乜分別呀！心目中應該送埋飲品又或者收平幾元就差不多...…查看更多

下午茶時間來到.食物款式不算多 今天㨂白切雞飯 食這個飯無他因為白切雞就是要吃出原有的雞味！食落, 真的有雞香...但那裡來味來吃飯呢唯有依賴薑蒽帶一帶味雞肉仍是十分厚也十分嫩滑，伴一點薑蒽，已比很多燒腊店出色了另外粉葛豬骨煲雞腳,用料足 ！每碗湯都要有粉葛豬骨和一隻雞腳！証明其真材實料喝一口，湯底果真頗為濃厚帶清甜小弟當然不會放過美味的雞腳及豬骨這裡算門面大，地方當眼易搵裝修簡單得黎光線好足夠...而且坐位夠闊唔洗同人逼.可以放到袋,坐得好舒服。…查看更多