安利大排檔 (已結業)

專登同老豆去東大街搵"安利", 但一行到街尾, 見到竟然有兩間"安利", 一間關了鋪, 只有這間開, 於是入去睇下, 點知好少人, 心知不妙, 但一場黎到, 就試下啦, 食左個切腩撈和牛腩撈, 但味道和份量都不是很好, 於是抄低地址, 上黎openric一查, 果然不是正店, 呢間野真係好九, 利用"安利"呢個名....下次再去正店.

平時幫襯開隔離既，今日實在太多人啦，所以去左呢間度食！點左幾樣野：片頭切腩米 - 同隔離一樣味，d切腩好"林"，正！ 魚片 - 都幾脆，唔錯菜 - 唔會唔好食啦 奶油多 - 唔太厚唔太薄，d 醬又好平均最差就係：豉油撈粗麵，太油了、唔夠香，都係隔離好d如果食湯麵，呢個都係幾好選擇

同友人去石澳游水.行過正牌安利,實在太多人,於是姑且一試這間翻版安利.場面冷清..的確有點想"縮沙"...太肚餓啦.於是不分由說叫了個炸醬撈($21),友人叫了清湯切腩撈粗招呼一般啦..同一般茶記無咩分別先講我個炸醬撈..一大陣茄汁味..要不斷飲佢比我個碗湯中和下先可以食得落!!個麵可以接受呀!友人既清湯腩反而不錯...之前食過正版安利既好鞋,呢度呢腩入口夠軟,筋位唔UN右爽口!!不過佢既辣油睇見好似麻麻..開左聞一聞...唔想試!!粗麵有鼓油...不過唔咸唔淡...好一般..同無落鼓油無咩分別..如果再經過既,右真係趕時間既,會再試呢間既!!

上次食了原裝正版的安利,所以特登去食下其他的安利,這次就試下這間直接開在隔離的我跟上次一樣都係叫左個魚蛋河,另外再加一杯飲品食物都算來得好快,講下個魚蛋河魚蛋河加了一些薄脆,又加埋菜上去,雖然用料上比正版多,可惜味道方面反而失去平衡,魚蛋味道雖不錯,但不夠鮮薄脆係加得好,但菜卻影響左個湯底甚至搶走埋魚蛋的味道有畫蛇添足之感總體而言,雖然味道不算太差但仍感此店只賣一個虛名,除了裝修比正版精美以外,主要的食物還是比起正版有點距離而且飲品仲要收正價,要用$30來食一餐魚蛋河真係唔抵老實說,如果真係有實力的話,根本就可以用一個新的店名去打低安利例如王林記就係其中一間可與之對抗的食店如果要借名先可以做到生意的話倒不如在其他地方打響名堂更好

前幾日因想食魚蛋粉,咁去咗安利大排檔食,叫咗魚蛋米,點解啲魚蛋可以做到咁細粒好似波子棋啲波子size,有四粒,魚片兩溥片,幾考刀功\,湯得個咸字,真係超唔好食,埋單十七元一碗迷你波子魚蛋米,同正牌安利與王林記差好遠,各位可以不試

說來好笑，這個品牌以魚蛋魚片聞名，但我來這裡，通常只吃牛腩。這裡的牛腩，分切腩及炆腩兩種，前者是清湯腩，後者則是柱侯牛腩。九時許到來，差一點已收爐。要了一碗淨炆腩切腩雙併，炆腩要筋腩及半肥，切腩要爽腩，絕對是例行公事。一向覺得清湯爽腩是這裡最出色的一味食物，爽腩夾著一層油脂，廋的部份也不韌，連著的筋位也爽口，有水準，但當然非高水準。炆腩夠味，牛筋夠腍又不失咬口，牛腩因為要了半肥的，吃落當然甘腴美味。要了醬油撈粗麵，夠味的背後，當然也是味精醬油的功力。加碟油菜，及一支樽裝可樂，埋單六十幾。再來的話，我想我也不是吃魚蛋，而是吃牛腩。

雖然我唔係由細食安利食到大﹐不過年資亦唔淺﹐尼間根本就唔係原祖安利﹐無論係D片頭同切腩或撈麵都唔係果種味道﹐會點辣椒油嘅人一定會留意到係完完全全唔同架﹐真正安利嘅辣椒油更加係唔賣﹐原因係話炒得太辛苦﹐味道有咁大分別我真係唔明點解會有人攪錯﹐反正都係付相約價錢﹐做咩要食間假嘅呢﹐如果尼間野係有料嘅話﹐就唔使用人地個名啦! (>.<)"(激氣)

2007年9月22日，安利大排檔。本來是先去食呂仔記，然後吃安利魚蛋粉，點知呂仔記未開，以為先去安利，點知又排長龍，所以就比個機會隔壁的安利大排檔。因為我們二人想再去呂仔記，所以只叫了：魚蛋撈粗：魚蛋OK，豉油撈麵，味道，不鹹不淡，麵質不算差，但有大水味。油菜：幾脆，叫了少腐乳，但都太多。下次去安利魚蛋粉睇下係咪會飛先。

我係個超鍾意食魚旦既人, 好鍾意好鍾意^.^, 所以睇magazine ,newsapaer or 聽朋友有好介紹既魚旦食我都一定要去食食食.今日我要隆重介紹呢間魚旦粉店"安利大排檔", 0係筲箕灣東大街架, 今日同兩位朋友一起由Tsuen Wan去到呢度食魚旦,切腩, 豉油撈粗, 牛筋, 同埋炸wan吞, 都好好食,係超好食,特別鍾意食魚旦因為魚旦軟彈arm arm 好, 有魚味,好新鮮,我朋友鍾意切腩, 同炸雲吞,好開口,味道又好, 我地三個食完再點,點完再食, 好開心, 仲飲左新推介既紅豆冰, 青檸冰, 朱古力冰, 真係好滿足, 到而家我都念念不忘, 決定下個星期日一定要再去, 各位志同道俠, 到時見喇^.^可惜既係,我地去到炸魚片已經沽清, 下次早0的黎,一定要食番架

要排隊食粉麵？太荒謬！因為唔值！見咁多人排隊都應該ok掛，點知…切腩魚片撈粗勁味精&油！切腩比想像中差，又唔太入味。撈麵咸同埋好油，佢ｄ麵係啡色，唔通佢先前醃定ｄ麵？但真係好咸囉，而且麵硬左少少。魚片都ok。portion又唔係多，飽都係因為佢太油>.<$26唔抵，$13就差唔多下次去東大街一定食其他野…p.s.更黑仔係o係度撞到個唔想見到o既人，真係跑9秒9都走唔切…

如果安利不是有兩間, 我不會八八卦卦的走入去, 如果我不是好奇, 不會抵我衰, 畢竟公司友人己經勸說不要入去. 就因為咁, 我係唔小心走左入去, 唔小心咁坐低叫左碗腩河, 唔小心想食魚皮... 腩河不是切腩, 呢樣算不過不失, 問題只有一個, 價錢太貴, 魚皮係第一次吃到炸的"腥魚皮"... 咁試問, 我又點咁再入去?!

星期日同肥B做完FACIAL,去去安利食LUNCH,好老實講,我同肥B食N咁多次,都唔覺得勁好食,只可以話OK,仲勁味精添,但係一段時間又會想食,好奇怪,肥B話佢更係落藥(哈),次次我同肥B都係食坑腩片頭撈粗,坑腩同片頭唔算特別好食,但個撈粗肥B話出面唔到個味,佢個色夠,好睇D,跟個湯,好勁味精,可以唔飲,今次叫埋鮮油奶多,牛油夠厚,但多士唔係好熱,同厚D,下次可以唔叫,但係我見個個都叫一份多士,或叫多一碗食,唔通係度食D人都特別肚餓?

很多食店出名後...便會鬧雙胞.幾年前開始在安利隔鄰開了一間安利大排檔.內裏的關係就不知道了. 但今天終於試一試這間"安利".看看餐牌..發現有些食物的價錢竟然比安利魚旦粉貴少少.叫了一碗切腩河. 我是以帶點比較的心態去吃的..湯..不及老店的入味.粉..味道不夠.切腩..各有特色..這間的切腩很鬆軟. 一點也不硬. 都幾好. 但..還是喜歡老店多些.

睇錯左, 走左入去, 食完出黎先知.魚旦好唔掂, 完全冇魚味, 辣椒油唔香, 冇下次!

數天前六點左右到這兒買外買, 心想這一家安利也沒有來過, 就試下吧!!! 點了魚旦片頭撈粗外賣, 價錢是20元, 較對街的安利貴. 之後有一個侍應般的人問我要不要湯, 我答要, 那他立即說21啦. 當時打了一個突, 心想其實那些所謂的湯也只是從一大鍋中"畢"而已, 為何要額外收錢?? 不是介意那一元, 而是真的覺得很突兀, 而且對街的安利也不收湯錢呀. 於是我便立刻說, 那不要了. 之後那個男的看見我拿著的公司證件, 就問我是不是在剛搬到筲箕灣的那一家公司工作, 我說是, 那他就說那送一個湯給你吧, 不收錢的. 當時我並沒有任何表示, 也沒有說多謝, 心只是想:"好多謝啦!!", 根本這些所謂的湯, 我真係覺得點解要收錢, 而且那個男的態度也不見得好. 買了外賣, 在走回公司的途中就心想, 應該也不會再幫襯這一家安利了!!!!!!!!!!!!!!!!