宇治初時@自家創作料理

粉絲本人係好食嘅，但係個湯完全就係沙律醬加啲湯，賣相上面仲有好多柴魚睇落超靚，但係食落就係莫名有一種違和感喺度，可能本身鍾意空口食沙律醬嘅人先會鍾意食🥵🥵🥵🥵🥵🥵🥵🥵🥵🥵你個名叫鯛魚濃湯粉絲，俾人感覺好似係魚湯整嘅粉絲，但係點知係鯛魚·濃湯粉絲，極之誤導唔會有下一次❌❌❌❌❌❌本身係社交平台上面好多推薦先嚟食，但係都係覺得過譽了你個名叫鯛魚濃湯粉絲，俾人感覺好似係魚湯整嘅粉絲，但係點知係鯛魚·濃湯粉絲，極之誤導買完呢兜之後轉個頭就上咗去試其他都係食粉絲舖頭，只可以話葵廣有其他更好嘅選擇…Read More

老年咁遠嚟到，加上個胃又唔係大，所以要精選好味嘅嘢，呢一間朋友極力推介， 12點左右已經嚟到，都要12:30先有得食。佢店舖細細，目測都有6個staff。食咗「櫻花蝦。蝦濃湯粉絲」，我選擇咗油麵，個湯好濃郁，好多櫻花蝦，🦐記得有三至四隻，除咗蝦頭，下身已經剝咗殼，新鮮嘅，有蝦膏。朋友就食咗「鯛魚濃湯粉絲」，唔好睇佢細細碗，其實份量都大，啲麵都食唔晒。唯一個要處理嘅就係冇得坐，好彩嘅就可以放喺張high table 度食，如果唔係就要手拎住食，碗嘢都幾辣手，因為新鮮滾熱辣。…Read More

唔講笑，呢碗鯛魚湯粉絲絕對係「米粉界天花板」！一上枱已經聞到個湯香到爆炸💥，飲一啖湯，濃郁到好似成個海洋嘅精華都喺晒口裡面，鮮甜到癲，完全係「湯控」必試神作！粉絲索晒啲湯汁，每啖都掛湯到不得了，口感滑溜又唔會爛，仲keep到微微咬口，正到喊！鯛魚片更加係重點，煎得外皮香脆，內裡肉質彈牙到好似識跳舞咁💃，魚味超出，一啲都唔腥，生熟程度完美，唔會過老又唔會生，廚師功力絕對係「神級」！成碗食完真係有種「升仙」感覺，幸福感爆棚❤️‍🔥。如果世上有粉絲湯天堂，呢碗絕對係入場券！仲未食過？你out喇！快啲去試吓，保證你一試變fans，回頭率100%！…Read More

其實一開始來葵廣就直奔宇治初時，接近開店時間來到，見到冇人超開心，叫完話25分鐘後先拎得O<--<弱雞嘅我選擇咗小辣🌶️ 。濃湯粉絲好頂飽，帶少少豆腐和娃娃菜，娃娃菜配湯特別👍，下次一定會直接加配！本身食得有D慢，同桌基本都係2人SHARE，結果過左就嚟有3波人先食完。中間聽到話小辣冇味，我響旁邊默默索鼻水😭飲果汁，另外，順便 👂偷聽到有個人話間野嘅湯之所以唔腬係因為加左酸菜，そっか！佢好似係搵到證據，但我耳仔睇唔到，偷感十足響度低頭飲埋最後一啖湯就走開左。…Read More

一直耐唔耐都會去葵廣食野，但次次都miss咗哩間，因為次次都食到飽晒，今日老公專登要留肚食哩個櫻花蝦·蝦濃湯粉絲，唔洗排隊，冇咩客，等一陣就拎到。到手成碗野係香&好熱，影完相就即刻諗住食啦，點知一撩起d粉絲就出事，全部粉絲結晒一餅野⋯我成個人呆咗，我一出餐就即刻拎嫁喎⋯我同老公都o晒嘴。·成碗野勁熱，今日周圍鋪嘅食客都算多，成條巷仔都係人，冇枱，要成碗拎係手到，本身諗住即刻食，快d食完唔洗拎咁耐，點知要拎住碗野係到等，等d粉絲慢慢散開先食到（仲要根本散唔到）我想用筷子整散都整唔到，勁實一餅野咁。超級失望，湯嘅味道係唔差呀，但你出餐出成咁，再好食都冇下次，最後仲要係要食「粉絲餅」咁食，因為根整唔散d粉絲！！！·老公本身係chef黎，佢話應該係一早煮定晒一堆粉絲/麵係到，Order個時淨係整個湯淋上去所以先會出到黎咁樣，我見d staff都算比較得閒，係到傾計吹水🤦🏻‍♀️·唔知係不嬲出餐都係咁，定係個別事件，但對於客黎講，第一次食就係咁真係唔洗預我會再去食，味道又唔係驚為天人，出餐quality又唔好,我個人會留肚食第2d野算數，真心好失望。（老公就話下次食多次喎🙄俾多次機會喎🙄）…Read More