學記麵家

營業中

休息中

去左食一碗牛腩河~~正~!!都只不過係$13~!好抵&又飽真係勁好味~!我次次黎元朗都係去個到食架~

次次行過都聞倒好香~ 不過次次都唔覺肚餓所以冇幫襯今日第一次幫襯~原來真係好好味叫左碗牛肚河$13 好抵呀湯：好香花椒八角味道~ 粉：滑～唔碎～唔太淋～牛肚：好入味呀！唔痴牙，好好食！抵！

去街去過元朗無數次, 唔係靠九鐵本介紹, 原來身邊路過唔起眼大排檔就係呢次目標, 如果講擊壤路大排檔真係唔知邊度, 但如果講元朗西巴士總站/元朗廣場後面就知, 趁住未到5月天未太熱, 快快手幫襯先...當晚食左兩隻河, 一係沙瓜河, 一係牛肚河, 兩者13蚊, 叫埋碟油菜, 走時買埋樽辣椒油...當然重心就係沙瓜牛肚(牛4胃之一), 從未食過, 一開眼界, 大大舊, 入口有質感, 似豬肚, 炆得入味又淋, 腍腍地口, 真的好食, 牛肚河肚係金錢肚同草肚, 亦同樣出色, 夠爽, 一樣腍身, 兩碗河粉亦軟硬厚薄適中, 油菜係新界菜, 色澤較青, 只不過狗老婆話菜係苦, 我就唔太覺, 只覺咁先更有郊野味, 再加埋阿姐伙計態度親切, 有眼神接觸都會微笑示好, 作為生客真留下好印象.

見家姐呢排食牛雜食得咁好味~就來左呢度試下啦！之前見到好多人食又平，所以都想來試下！我要左個牛什麵，家姐要河，之後試過家姐d河，原來係河好食ｄ!之前未食過，所以唔知會有d咩，不過就真係食到ＫＣ講既"沙瓜傘托"，個名好正，食落都好正！因為好索汁架！$13，唔少野喎！！食到我都好飽，不過食完都幾口渴，可能飲左幾啖牛腩湯啦！果到汽水$5支，我冇叫到，去左百佳買可樂~^_^今餐食得好開心~

經某元朗地膽介紹，年前曾在此吃牛什。除一般牛肚、金錢肚、牛腸等指定動作外，仲食倒唔係度度同成日有得供應的沙瓜傘托。其實呢味野同牛肚、牛拍業等都係牛的胃部，不過就幾難食到，仲記得沙瓜傘托河要廿幾蚊，比一般牛什河貴十幾蚊。因不常吃到都值得一試的。