季季紅風味酒家 (已結業)

上星期有朋自遠方來，話想試呢間野，咁一行六七人就去到沙田分店，嘢食唔多講喇，去過咁多次都覺得差唔多，好小出大事，不過係OpenRice成日見到d人話呢間酒家d侍應態度麻麻，一路都冇咩期望，點知。。。今次俾我o地遇到好人喎。由於我d朋友係外國人，d侍應個個只係精通國語，但係英文真係完全唔得，就o係我好忙做翻譯o既時候有個女仔出現左，雖然佢英文都唔係好流利，但係睇得出佢好落力同我o地溝通，驚我o地唔明佢講d英文仲拿埋個英文menu俾我o地睇，我好奇見佢冇著制服，仲以為佢都係食客，點知問落先知原來佢係酒樓o既文員，真係唔係吹水，成間酒樓最好禮貌竟然係呢個唔屬於樓面o既員工，佢有禮貌同好好笑容，如果有d服務問卷擺台面，真係會讚許佢，令我同d朋友都覺得呢位女仔o既服務令我o地呢餐好加分。

朋友想食季季紅，又唔想去到藍地老店咁遠，所以退而其求次去沙田店，位置都唔係咁方便，我地係沙田車站行去大概要20分鐘。地下個層得幾張枱，上一樓地方好闊落，大大小小幾十張枱，成晚都坐唔晒。訂左四人枱七點，張枱係一樓，環境其實好舒服既，最啱慢慢食傾下計。有炸菜豬耳做前菜，好好味呀，不過原來就係全晚最好食既野食。都叫左好多野食下：半隻乳豬：第一道菜，皮係幾脆，肉都夠嫩，但係竟然唔夠熱(好棹忌呀)，而且都幾鹹下，可能乳豬係偏鹹掛……但之後碟碟都係咁……蒜泥梅肉第一刀：個菜名好型，碟菜味道都好開胃，酸酸辣辣，應該係面豬肉薄片，底墊青瓜，都唔錯。蓮藕餅沙拉蝦：個藕餅煎出來熱辣辣，其實幾好食架，可惜個幾隻咁既沙拉蝦，好似隔夜翻炸咁，又厚粉，連個沙拉醬都結撻撻，口感好奇怪，食左兩隻無食。(但藕餅都係推薦的)豆腐班腩煲：呢個係全晚最差既菜，d豆腐爛蓉蓉，d燒肉好韌，主角班腩，粉厚肉少，而且件魚(其實都唔知係唔係魚)好唔新鮮，就算佢個煲擺得幾有心機，都唔會想食！另外仲叫左啫啫芥蘭煲，都係用煲上，d菜好硬，可能唔啱時節啦，但係又係鹹到無朋友。期間見到隔離枱食煲仔飯，好吸引咁，我地都追加左個北菇排骨飯。等左半個

琴日成班朋友一行七人去到沙田季季紅開餐,未到六點都已經爆晒,差d都食唔到,總括來講都非常滿意,唯一要彈可能就係d豬肥左少少,食左幾舊都好滯,但3個餸加酒水都係仟一蚊,都幾抵食! 有下次!

諗住今日(星期六)有時間咪同個爺爺去飲茶囉...去到唔駛等好耐(大約5mins)就有位,可能我早掛11點幾到...坐底就開始睇點心紙,好快就選左6-7樣點心嫁...其中一樣就係"XO醬炒腸粉"...等左20mis到就拿黎啦!!睇個樣望落就真係麻麻地,冇乜色咁...一放落口直頭覺得同普通煎腸粉冇分別,梗係覺得勁奇怪,即刻叫左個部長過黎講...點知佢話處理唔到叫左個經理過黎...嘩...佢果種態度同面口真係差到爆呀...勁不屑咁接我個投訴,一開口就問"咩事呀?"我咪就話比佢知個腸粉好淡,冇咩味...佢即刻拿起就話係用瑤柱,蝦米果種XO醬做既...但係我又真係唔覺得囉.跟住佢好晦氣咁話換過碟比我...一路行就一路對住碟野講"得...嫌淡呀"...大約過左10mis,個點手姐姐就拿左第二碟黎...未食睇到就深啡色...明明都唔係坐得好近,但係都嗅到勁重既豉油味...一食,正如所想超咸呀...即嘔!!梗係再叫過個經理啦...點知今次黎左第個,佢埋到黎好有禮貌咁問有咩幫到我...同佢講返個經過之後,仲叫佢自己親新試下...試落連佢個樣都有少少變左...佢有提意話再換過碟比我,但係我冇要到啦...仲

約好一班好友行山, 已經想好行山後嚟呢度開餐, 所以一早訂定枱, 同一時間訂埋隻蝦禾米乳香豬.7:30PM, 10位, 唔使等直入10個人, 無叫套餐, 散叫小菜, 一人叫一款再加上整隻蝦禾米乳香豬, 總共 11 碟餸.之前係藍地總店已經試過, 相比下, 我覺得沙田呢隻蝦禾米乳香豬仲好食好多.皮更香脆, 肉嫩 juicy 有肉汁, 豬內啲飯索哂啲精華超入味.另外值得一提就係白肺蝴蝶腩燉湯, 清純味美, 一窩夠 10 個人分之餘, 仲可以分多四五碗, 推介.整餐飯比較遜色係大勝雞, 一啲都唔大隻之餘仲無雞味.埋單 total 每人只需 $175, 十分抵食.

侍應服務態度差到極點，明明個個好得閒都無一個人理你！佢地服務已經差，D野食真係超唔掂，又唔新鮮，黎到仲要係冬冰冰，真係頂唔哩間野唔順。點解佢仲可以生存到，真係唔敢相信。

今日le餐永世難忘！1.乳豬唔知咩飯~個賣相可以，但食落又唔鬆脆，係硬脆！又油、又肥！隻豬內的飯多到傻，同荷葉飯冇咩分別！2.豉汁炒聖子~就係這碟嘢令我永世難忘，一上枱發出強烈陣陣腥味，已經知唔新鮮，但諗住試吓，食完即後悔，仲有泥味！3.砵洒蠔~又係腥到痴線，得美極味同腥味，最後淨返一大半！4.豬肺湯~全餐嘢中間終於有味正嘢，le個湯真係好飲。鮮甜、唔咸飲完口唔乾涸應該冇落師傅。4.西蘭花炒斑塊~都係腥，但可接受。仲有幾樣都食到好激氣，同行的朋友叫我一定要上網唱衰佢，仲話以後一定唔會再去！用咁ge價錢有好多選擇，而且我仲癲，諗住正嘢住起香港區走入去食，點知中伏丫

與一班同事們來吃燒乳豬，我們提早五天訂位及預留燒乳豬。我們晚上六時半已到但已經很多一家大細來飯聚，很熱鬧。我不建議手抱嬰兒及五歲以下小朋友來光顧，因人多車多（洗碗車及上菜車）以免發生意外。拿到位立即坐下，問侍應我們已預訂的燒乳豬可以上檯未。他們有特價菜，四至六位可以點兩個$28小菜，我們點了豉椒炒聖子和咖喱牛煵煲，好平啊！我們再叫豬肺頂蝴蝶腩燉菜膽湯和炒菜。 豬肺頂蝴蝶腩燉菜膽湯，只有少量味精，豬肺好爽口 豉椒炒聖子，新鮮沒有沙，份量不少足夠我們六人食量 咖喱牛煵煲，可以不嘗，因咖喱汁太稀不夠咖喱味，牛煵一般 乳豬上場是最震堪最難忘的一刻，小時候跟家人去拜祖先都會訂一隻燒豬上山，但那種燒豬好醜樣好難吃，燒豬皮好硬，吃完一定生"飛滋"，所以我很多年沒吃燒豬了。 這隻燒乳豬很可愛，侍應先把乳豬反轉從頸剪開至尾再立即反回背向天，原來乳豬肚內有糯米飯。侍應很熟練地把乳豬剪成大小一樣的乳豬片。看著侍應切乳豬，我巳不斷估計自己的食量極限！ 糯米飯與乳豬一同烤時，糯米飯已把乳豬的油香滲入飯內，而且糯米飯有蝦米，十分惹味。 乳豬皮黏著肥膏及肉十分爽脆，口感不油膩，乳豬皮絕不硬，很滑，很嫩，從來未吃過這

之前試過一次外賣這裡的招牌菜''蝦禾米乳香豬''回家吃,真的不錯,即叫即燒,燒好的豬佢會原隻推出來比你睇o下之後先切,而且皮很脆很香口,所以今次叫埋成家人帶住好期待的心情去e度開飯,點知....唉 之前試過的''蝦禾米乳香豬''裡面有飯的,今次親身來到就叫左一隻普通乳豬(裡面無飯的),我地問個部長係咪即燒,佢話係,叫完之後唔洗十分鐘就上左台,黑蚊蚊乾爭爭又凍冰冰,而且唔係原隻上,無晒個豬頭同手腳(我地order一隻預佢會原隻上囉),即刻有比人欺騙的感覺囉!!! 之後叫左個咩咩黃金蝦,即係咸旦黃炒蝦,d蝦係細隻到好似手指尾咁,同埋d粉炸到一舊舊,無咸旦黃不過又好咸喎 咩咩醬骨,都係招牌菜之一,e個係最正常架喇,不過都唔稱得上好食囉 西蘭花炒花支片,花支片咬落係凍的,好似未炒混咁款 金銀旦莧菜,e個基本上好難整得難食,d菜超級老,細路同老人家都咬唔開囉 老實說,季季紅的招牌菜''蝦禾米乳香豬''真係不妨一次囉~ 不過其他所有餸菜真係好''那西''囉 本來滿心歡喜咁入去,點知好失望咁走返出黎,仲要我地一家人o係老遠揸車去,食完成肚氣. 我勸大家唔好試或者叫o的簡簡單單的餸就算

是次幫親兩圍生日酒, 酒樓打正旗號的招牌菜正是呢隻"禾米乳香豬", 果然無失手, 味道非常好, 我地兩圍人都覺得好好味.條魚也不錯, 咁大條都可以蒸到唔鞋口, 入口非常之滑, 正!!至於其他餸, 只可以講一般囉, 無特別, 另外有味菜, 係菜單上明明寫著是炸蟹拑, 但上枱竟然變了炸蝦丸, 而且仲要炸得好燶, 真係有冇搞錯.至於環境方面, 可能因為星期日的關係, 全場爆滿,亦因為咁, 酒樓D枱排到密一密, 可以話係櫈貼櫈, 而且人多關係,大堂冷氣不足, 我地book了房, 所以冷氣都ok, 但係間房真係間得好細,總體感覺就是一個字...迫!!!廁所衛生也認真麻麻, 如果單講食物質數都算中上, 但整體環境就...還有人手方面, 可以話嚴重不足囉, 我地要自己落手落腳酙茶遞水, 想自己開啤酒汽水, 周圍搵人比個開瓶器都要左叫右叫

「超級好好味蝦禾米乳香豬」Every food also taste good !!!!!!!!!!!!!!!!Specialy for the little pig and also inside have rice ...=) Finaly the all food is GOOD including "Kwan fa go" and "yeah jum go" hahahhahha VERY VERY GOOD & CHEAPER

當天知道會再次光顧此酒家吃生日酒，就知道一定會再次吃此蝦禾米乳豬仔的了，作為一種在其他地方不容易吃得到的一道菜，的確是值得試試的，只不過您要考慮一件事就是那種肥膩的感覺不是可以吃得太多的，否則只會吃不下其他的食物和令自己的腸胃有些不舒服。每一次來到此酒家也會想，平時吃乳豬件的話，頂多只會吃一兩件，而且也只是局限于豬皮，下面的燒豬肉也只會一件起兩件止，但是在此處吃此類乳豬，不但會吃得比平日多，更甚的是在它肚子內的米飯會滲入豬油，就是那些豬仔油會令您一而再的想去添飯的，真的是豬油撈飯是很好味道的，不過當您吃多過兩碗之後您就會知道問題出現了，就是腸胃會通知您差不多飽了。所以要小心！此酒家可能是在同區相對比較有名，所以每每是過時過節，就會人山人海，問題就會出現就是侍應和廚房根本應付不來，人客發脾氣和侍應爭論的情況時常出現，搞得氣氛十分差。今天的菜單見下：-1.蝦禾米乳豬仔2.蜜桃海皇卷3。瑤柱扒雙寶蔬4.翡翠玉帶珊瑚5.豬肺蝴蝶腩燉菜膽6.清蒸大海青班7.蠔皇金錢扣鵝掌8.大勝雞9.炒飯和伊面10.萬壽蟠桃其實菜式不算特別美味，當然乳豬是有其特式，不過不可以吃過多。其他的就只有豬肺燉湯是我最喜

第一次去季季紅 , 估不到咁難食食物不但遲, 而且來的食物也不夠熱, 仲要漏單 人客已不算多, 但都可以咁慢..... 流沙奶黃包 - 沒有流沙, 是淡黃色的 cream 狀 叉燒包 - 唔好食, 過甜XO 醬炒腸粉 - 油, 腸粉炒到燶, 但上桌時只是暖, 唔夠熱煎釀3寶 - 見到個樣都唔想食....賣相十分差仲有其他食物... 沒有一樣是好食的...唔會再去

對季季紅的印象，始終流於雷聲大、兩聲小，主打的懷舊風味，實情是廚房們有點眼高手低，無論午市點心還是晚飯小菜，總吃得不甚如意，正值新年期間，到了河畔花園附近的老人院，探望行動不便的外婆，老人家總想和孫兒多聚一會，提議下到附近品茗一頓，既然如此，也不好太計較了。午市的選擇，例牌都是來些點心及飯麵，不過見有燉湯出售，也來十餘元，來一碗菜膽豬肺燉蝴蝶腩。試後的印象還算不俗，豬肺固然洗得乾淨，蝴蝶腩是位於豬肺下的一層爽肉，配合之下燉成清湯，味道也果真清甜；略嫌配料來得較小，最大的問題，還是不夠熱。再來一碟清灼菜心，雖屬於普通之物，有云夏瓜冬菜，正值寒冬當造之時，灼得軟身之下，只淋上一點醬油，吃著的盡是真甜。打後上了一碟龍鬚豉油王炒麵，炒得甚有鑊氣，也慶幸沒有吃得一口油的劣質印象，弄得甚為乾身，屬當日的出色之作。配料除了蛋塊之外，主角「龍鬚」即是魷魚鬚，質感亦不致過硬，想老人家也吃得放心。酒家也加了一點新意思，出了一樣新出品，名為鮑參翅肚石頭窩飯，對這類噱頭食品總是信心不大，沒錯，近七十元的一窩石頭飯，確有一隻小鮑魚、一條小海參、少許翅尾和魚肚，再打了一個厚芡汁，整體只屬華而不實之作。年青一代既不

由於之前食唔飽. 所以立即轉場食宵夜 果場豉油雞 $38 - 味道真係唔錯...good鮑汁雞腳 $18 - 味道好入味...真係 so good手拍青瓜 $18 - 青瓜好爽好甜咖哩蝴蝶腩 $18 - 呢個唔 ok.冬菜魚滑浸白菜仔 $18 - 湯底幾好味. 唔錯...雞粥 $28 - 味道麻麻...而且冇咩野米蒜茸炒青菜 $18 - 買相 & 味道都唔多 ok窩旦牛肉煲仔飯 - 成個煲都好大陣燶味....no good椒盬一口豆腐 $18 - 呢個都 ok. 豆腐好滑乳香蓮藕炆腩仔 $28 - 味道都可以. 而且蓮藕都好入味.椒盬腰果鮮魷 $38 - 一般.不過腰果好好味呢一間好平. 我地叫咗一枱都係....$272....