季季紅風味酒家

營業中

休息中

嘩，真係個個weekend 都咁多人﹗成日都見到好多人琴晚終於去試左一入去，環境唔太乾淨，又多人，又嘈，最重要係我係地下見到死左既蟑螂，雖然係踏flat左，但都見到係蟑螂，竟然冇人清... ... 好恐怖叫左乳豬同芝士琵琶豆腐乳豬真係好好食，其實係貴左dd~~~芝士琵琶豆腐都幾特別呀，芝士汁淡小小，但送飯都好正﹗如果可以乾淨一d，就真係prefect喇﹗

睇完雜誌介紹以為好勁，又話用新鮮豬又話全港最好，星期六就去試一試，可能希望越大失望越大既關係，當日中午時候去到叫咗碗燒肉飯，賣相認真差味道又好一般(不過唔知會唔會叫例牌會好D呢)，講得衰D求其搵間燒味舖都有差不多水準，再試點心覺得好粗、質數幾差下，環境又唔太乾淨，食食下仲聞到陣臭味添! >_<最後結論：唔食絕對唔係你既損失!!

乳豬係ok湯....我就唔覺得好飲~.......乳豬~係唔錯~蓮藕餅..........冇蓮藕其他就.............................................

上次同男友講過去季季紅食團年飯, D乳豬夠鬆脆, 少肥油所以今次同媽咪及男友再食仍舊叫乳豬及砵酒焗蠔, 再加埋琵琶豆腐乳豬好脆, 焗蠔大隻又多汁, 琵琶豆腐D芝士汁好香濃 值得一試再試

自從華都開了季季紅，令到我地得到認識。四月有三位友人生日，訂了季季紅乳豬飯，坐了樓上雅座，係咁叫野食，師傅一拿乳豬上台，問我們需要影相嗎？成班人即時起哄圍住隻豬係咁影，好似未見過豬，真失禮。乳豬飯…豬皮好薄好脆，中間肥膏都好多下，肉都好嫩，點埋醬汁同糖，無敵配搭。底層的飯，吸收了乳豬精華，所以會好香，同時個飯會好油。冰淋醬骨…舊舊都好味，食完都唔知咩醬黎，淨係知道好味。仲有蓮藕餅、黃金蝦、金銀蛋浸時蔬、炒娃娃菜、燒肉…皮（林）肉（un），食到個個飽到想嘔。

第二次到季季紅，今次係食晚餐。富貴黃金蝦 - 好! 蝦炸得香口，咸蛋份量剛好，唔會太多!乳香豬(1/4隻) - 乳豬皮幾脆，d肉係好香口，不過皮同肉中間實在太肥喇! 有些失望! 海皇什菜煲 - 賣相幾好，有蝦、帶子、魷魚、珊瑚蚌。不過味道一般。有d菜苦苦地...同埋唔應該用蟹柳lor......冰淋醬烤骨 - 雖然食唔出係咩酸味，但係真係好好味!! 我一個人都食咗5大舊。 豬肺頂蝴蝶腩燉菜膽 - 湯好飲，菜膽好好食! (呢個湯係13今餐最滿意的!)今餐整體都OK啦!見到隔離枱食"香煎蓮藕餅"同埋"蒸烏頭"，望見好似好得，下次有機會一定要試下。

馬係我最鍾意的動物,當天打吡大賽,我支持的極品絲調赢左,我赢了眼光.....好耐都末試過有赢的感覺.....之後同左家人去季季紅食飯,,店員有禮..呢間店最出名.乳豬同豬肺湯,....乳豬皮脆同肉一半半,平均豬肺湯火喉足,,,的料好林,,小炒皇辣辣地...惹味.....鷄皮薄肉甜...食到停唔到口......

大年初一去完拜神和拜年後就來了這兒吃晚飯了聽說大家都是為了他們的燒乳豬慕名而來的,不訂的話就吃不到一整隻的呢!可能是新年的關係,食物選擇款式不多,大都是些不太考功夫的小菜蝦禾米釀乳豬我們一行十多個人,當然要一整隻才夠吃乳豬一燒好先來給我們拍個「全相」,拍好後師父才拿入去切上桌後大家都急不及待品嚐!乳豬仔皮脆肉嫩,難怪人人都對它讚不絕口不過覺得有點過肥,咬下去好像啖啖都是脂肪似的除了乳豬外,我們還加了飯飯是墊在乳豬下的,在切乳豬的時候帶著肉香的豬油就會流到飯中兩者混合後就成了最香口美味的飯了,不過可能就是過油的關係,平時吃得清淡的妹妹吃完肚痛了香煎蓮藕餅入口的時候完全想不到這是蓮藕餅,因為豬肉與蓮藕的份量簡直是不成正比肉多到根本感覺不到蓮藕的存在,不過豬肉勝在夠鬆化才不至於給喊冰淋醬烤骨名字很新奇的一道菜,排骨醬汁的味道有點像酸梅醬雖然是說有汁的,但他們做得夠乾身,而且酸中又帶點甜所以很成功的成為了一道受人喜愛的開胃菜!咕嚕雞球醬汁的顏色非常鮮艷,一看就知道是用色素做的入口酸酸甜甜,正常味道,不作多說椒鹽九肚魚這兒的九肚魚是雪白的,炸得不像一般的帶點金黃雖然不金黃但入口也是香脆鬆化的,不

呢日呀婆生日，我地就黎到呢度食飯啦。唔係佢地講開，我都唔知有間咁既餐廳。雖然係平日，但餐廳都算幾多人。我地所有野食都係散叫。冰淇骨其實我食唔到呢隻係乜野醬，但個骨又幾好食。炸得好香，而且都算啖啖肉既。白切雞呢個就無乜特別，唔係太夠雞味。芝士琵琶豆腐芝士汁唔夠濃，係好淡既。而個豆腐好好食，係炸過黎既，味道都唔差既。蓮藕餅呢個算幾好食，炸得好香口同好脆架。整體上我覺得呢四樣野會深刻，所以就食食評度。

新鮮熱辣的食評送上今晚去了聞名既藍地主店既季季紅, 知道會好多人於是老左訂定台...5:30去到可以提早入去 坐左一陣D人已經陸陸續續入來...齊人叫野食,總共6人,是夜精選有走地雞半隻 75分燒鵝皇半隻 75分叉燒例牌 75分乳豬例牌 85分椒鹽脆果鮮魷 85分家鄉煎藕餅 80分黃金蝦 70分什錦炒 70分蝦醬通菜 70分聽完好多人講 相信都係來番藍地主店食,特別係燒味..因為得呢間係用炭爐..呢d牌好難拿..佢其他分店都冇呢種牌.. 所以d燒味一定唔同d...結果真係冇錯 真係好正既一餐 勁抵食勁飽肚 而且價錢都唔係太貴9樣野+埋都係707 冇加一..平日仲有糖水環境就迫d喇! 因為星期6日真係超爆...我地食完出番去時 好多人等..起菜快 收野都快.. 但你想換碟加水時就恐怕要等一等..始終人手雖然係多..但做既野更加多!! 點都好 想食平得來又抵又好食既野 呢度準冇錯! ps:影左9張相..可惜放唔晒--只好犧牲是但一張

今日特登山長水遠由市區黎呢到食，主要係想試下D乳豬有幾正。四個人叫左六樣野：1. 乳豬半隻 - 等得耐都抵，皮薄又脆，肥肉少，果然係手本菜。2. 釀藕片 - 蓮藕我麻麻但大家都話好入味又爽口。3. 奇妙醬蒸烏頭 - 魚開邊攤開黎蒸，醬好味肉入味，魚味又濃。4. 炒桂花翅 - 好乾身，芽菜都幾脆，素翅唔硬。5. 醬燒骨 - 真係條條骨，有少少肉趙下，個醬味好濃，唔錯。6. 蝦醬炒通菜 - 唔咸亦無過火，菜仲好脆。整體黎講樣樣都有水準，服務都唔錯，加左個飯同四枝氣水埋單都係$520，呢樣最抵。

老媽一早打來話book左台係呢度夜晚同老豆食飯...之後同我講屯門..我呆左...但冇計啦..唔去都要去..更著頭皮係灣仔坐車入元朗同阿媽集合再坐輕鐵...落左車好似番左d 鄉鎮咁既感覺...訂左6點 但早到..d員工食緊飯就冇阻佢地..去左後面行...真係如果有影機係手..遮住後面d樓房唔影..你話我番左國內我都信@_@'''5點10到番轉頭入得喇!3個人就叫野食啦...呢度d乳豬好出名當然要試..但呢d野太肥所以都冇叫太大碟...加上想叫其他野試下....叫左半隻雞香煎藕餅椒鹽脆果鮮魷秘製咕嚕肉 (配白飯食正)黃金蝦菜膽豬肺湯食唔晒...冇計 唯有打包 因為真係好食..之後仲有糖水..統一芋頭西米 又係正...飽飽埋單450$ 冇加一.. 但有茶錢5$位服務2睇@_@ 有d員工講野好細聲 另外就有d好熱情@@有個男既見我地不停食同叫咁多就走來吹水 仲俾埋卡片我地 同埋介紹下d野食點整 都好nice但都算好..佢個度好爆場..但冇趕人走..同埋都會同我地加茶換碟..飽飽了又係時候回家....下次一定會再來..雖然真係好遠.

同家人食團年飯, 要預早訂左乳豬點左大斑兩味, 燒鵝, 砵酒焗蠔, 生炒骨, 牛柳粒, 豬肺燉菜膽, 醬燒骨等乳豬夠鬆脆, 少肥油; 燒鵝皮脆肉汁多; 焗蠔好大隻, 重酒香 豬肺燉菜膽D湯好清甜; 牛柳粒夠嫩滑但位于新界區, 舊裝修, 環境差D

昨晚一家人做節, 去0左藍地間季季紅吃飯. 都幾似大陸0的舖頭... 之前已經去過華都商場0個間, 已經覺得好正, 所以今次0黎總店, 都好期待. 我地一行總共18人, 坐埋一圍.我地一共點0左18個餸菜. 燒鵝: 都可以, 但肉唔夠嫰, 燒鵝汁都唔夠濃. 菠蘿咕嚕雞球: 都好味0既, 有汁之餘都夠脆.黃金蝦: 係我吃過最唔夠"黃金" 但又好有"黃金"0既黃金蝦! 所以我都唔知佢好唔好… 風味乳香豬: 真係好鬼好味!!! 剛剛燒起0既乳豬仔, 0的皮勁脆, 好香!! 初時阿媽夾0左一件, 想點乳豬醬, 我叫佢唔好點, 就咁吃已經好有味. 真係鎮店之寶!!! 我自己唔太好乳豬, 都吃0左4件!!! 真係好好味!!! 跟住席上人話, 係呢間先最好味, 因為華都0個間0的乳豬仔, 都係0係呢度燒好再運過去華都. XoX… 真係唔知呢!!! 所以要吃的話, 就要0黎總店!冰淋醬烤骨: 一道令人意外0既餸菜!! 睇佢以為係普通金沙骨+京都骨混合體, 原來係將金沙骨炸完後, 再以糖醋0黎炒, 好惹味!!! 之後再encore多一碟!! 正!! 再0黎必叫!!!蔥度蒜片爆牛肉: 雖然我唔食

試左幾次華都間分店，分店質素麻麻，所以今日專程去返總店吃晚飯，點知大失所望試過多次乳香豬同冰淋醬燒骨等多人叫既菜後，今次叫左個炭燒肉，叫左好耐都未黎，點知一催佢，佢即刻上菜碟燒肉係凍既，我當佢燒耐放凍左，點知佢d燒肉無味，肉質粗"鞋"之餘，仲要有部分係未燒好，塊皮仲係白色，好難食!另外可能由於人多關係，服務質素亦都頗差例如問佢塊燒肉點解會咁，個曲髮戴眼鏡既女部長只係話"哎呀! 我都唔知呀! 之後先答你"，之後就繼續傾電話走左去，無左答我地連埋單，俾左張單出左，等左十幾分鐘，都仲係無回應，要三催四請先拎張單過黎特別一提，佢連d杯碟都洗得唔乾淨，有好多迹..........係咪d食店一出名，質素就會愈來愈差?人多服務差都算，d食物質素，真係差左好多好多，完全唔係以前既水平我諗我唔會再返去食