影片
港鐵西營盤站 B3 出口, 步行約4分鐘
繼續閱讀
營業時間
星期一至五
11:30 - 14:30
18:00 - 23:30
星期六
18:00 - 23:30
星期日
全日休息
以上資料只供參考, 請與餐廳確認詳情
日本料理在 香港 所受到的歡迎程度, 是不用多說的, 壽司、放題、鐵板燒、懷石料理、shabu shabu、燒烤、 拉麵 ..... 更加是很多人的最愛, 總而言之, 日本料理以它獨特的風格, 以及其秉持著對各種食材的堅持, 總是能在飲食界中有一席之地~ 然而, 也算是地大物博, 風俗文物豐富的 日本, 又豈止以上所述的食品種類, 放眼一點原來還有蒸籠料理 Seiromushi !!蒸籠料理用的蒸龍是特別從日本訂製回來, 木是選用花柏木, 貪它的保濕程度完好~蒸籠裏以蔬菜及香菇作墊材, 先蒸10分鐘再鋪上預設的食材......可選黑豚腩肉片, 蒸多幾分鐘達到全熟~由頭到尾是一粒調味料都沒有落過, 隨各位歡喜拈柚子醋或胡麻醬~黑豚腩肉片不肥膩, 軟腍肉質, 肉味夠濃而不臊就是這塊肉的特質, 捲起腍甜蔬菜, 肥是什麼來的?鋪面食材也可選A5飛驒和牛肉~要生要熟只要掌握合適蒸煮時間, 三成熟就適合我!入口即化, 油脂超香, 肉質軟嫩, 肉香滲入蔬菜裏, 難以言喻的美味~本篇完~
繼續閱讀
以涮涮鍋或烤肉形式食和牛都試過，但「蒸」就唔止未試過，算小弟見識淺薄，連聽都未聽過。食友提議試吓，當然想見識啦，人少少三幾個老友約埋一齊嚟到以蒸籠料理作賣點嘅季和有個小局，慢慢食，慢慢傾。有咗西港島延線，過嚟西營盤方便好多，不過，原來啲地鐵出口開得好吊脚，唔近大街，好在事先上網睇過地圖，否則就盲摸摸。店內裝修清雅富和風味，感覺柔和舒服，最引人注目喺天花唔同款式嘅吊燈，甚有日本風情，又夠別緻；座位分別有2、4、6人座，最鍾意佢6人座位置有竹屏風相隔，私隱多一點之餘，又減少食客之間嘅騷擾。除咗散叫，有多款一人前定食（$98-$158），以及少數二人前（$298、$338）同四人前定食（$598）。不過，嚟得季和，相信大部人嘅目的都喺一嚐和牛蒸籠料理，而蒸籠料理套餐分兩個價錢，視乎「蒸籠」部份選食A4定A5和牛，前者定價為$600/位，而後者則$800/位，套餐已包括前菜、刺身、燒物、壽司、酒肴、蒸籠料理、食事及甘味，非常豐富。如想咀刁，可以跟餐廳商議自訂菜單，俾個「筆直」佢，講講個別喜好俾佢參考，佢就會安排一個個人化嘅和牛蒸籠料理俾你。是夜，9道菜嘅蒸籠盛宴（只喺$550 + 10%），隨着前菜揭開序幕。日本溫室蕃茄拼水茄子將蕃茄同水茄子切成薄片，簡單拌上醬油，出奇地感覺咁新鮮，蕃茄清甜多汁，水茄子有種脆脆爽口感，作為前菜，真喺令人胃口大開。縞鰺薄切依道深海池魚薄切，其實亦喺前菜之一。魚肉切得既薄且透，入口鮮甜，魚味十足，就算唔沾任何嘢，都好味，若然蘸些微醬油，會令魚鮮味更為突出。季和特上刺身盛合再嚟就喺正式嘅刺身上場，依份特上盛合，睇見都已經引起大家嘩嘩聲，因為賣相實在美不勝收，店長仲話全部都喺時人令貨色。五款刺身包括生螢光魷魚、牡丹蝦、北寄貝、拖羅同海膽，依個亦喺由淡至濃品嚐刺身嘅次序。螢光魷魚，之前食過好幾次，覺得幾好食，皆因口感爽爽滑滑, 如果你覺得有點點腥可以蘸少少醬油，既提鮮，又辟腥。牡丹蝦，放晌酒杯中，份外好睇，而雪白嘅蝦肉，鮮甜得很，質感極為清爽，蝦頭裡嘅亦蝦膏，甘飴味美。新鮮北寄貝都喺第一次食，平常所食嘅都喺整熟咗，又韌又膠。今次嘅鮮北寄貝，真喺好有新鮮感，入口十分之彈牙。拖羅，淡紅粉嫩，油脂佈滿平均細密，加上厚切，一放入口腔內，柔滑油潤，肉質細膩，好想食多一件。海膽，喺5款刺身中最深刻嘅一款，鮮橙色嘅外觀，亮麗吸引，味道就更為精彩，綿密甘甜，鮮味突出，實在叫人回味。松葉蟹豆腐味噌汁椀物，比較少用嘅名字，即喺湯品。以味噌湯為基調，清澈而濃香，又富麵豉味，再襯以嫩滑無比嘅豆腐，當然松葉蟹鉗喺個湯嘅焦點，不單顯得有睇頭，而蟹肉清甜鮮味，令整道湯品更矜貴。廣島蠔昆布蒸煮物用上廣島蠔配搭昆布，讓昆布嘅海洋氣息滲入蠔中。兩隻廣島蠔賣相十分肥美，望見都流口水，加埋一片櫻花形昆布，更具和風色彩，一咬蠔鮮盡出，有一朕朕鹹鮮味，再者，蠔味濃郁，滋味"蠔"情。蒸籠料理其實，晌食其他料理之時，個蒸籠已經開始準備，內裡一早放有好多蔬菜，如日本白菜、水菜、本菇、冬菇及青蔥，而今晚就預備咗飛驒和牛及鹿兒島黑豚肉嚟做蒸籠料理。 據店長介紹，依個食法流行於日本九州，木蒸籠都喺晌日本特別訂製，鎖水力強兼能散發木香。辣蘿蔔蓉、蔥花酸汁、柚子醋，芝麻醬食蒸籠料理晌醬汁上同樣講究，4款式醬汁，都各有特色，可隨個人喜好。然而，店家則建議，先食蒸肉原味，之後再沾唔同醬汁，清新啲可揀蔥花酸汁或柚子醋，想濃香啲當然喺芝麻醬啦，當中小弟就較愛柚子醋，酸香清新，更令肉味突出。飛驒和牛先試試和牛，待籠內嘅蔬菜蒸至半熟，再鋪上和牛，由於牛肉唔使熟透，加上又喺薄切，所以，想食到半生熟，蒸30秒就搞掂，想熟透啲，1.5-2分鐘就有得食。全程店員會根據你喜好處理，無須食客操心，蒸好嘅和牛捲起大量蔬菜奉客。小弟要半生熟，睇落近乎生肉，色粉嫩紅，入口軟綿綿，柔滑得很，甘香而充滿油脂！鹿兒島黑豚肉因為豚肉要全熟，基本上就一入蒸籠煮到尾。睇落好似煙肉咁款，蒸熟之後肥膏變為透明，都擔心會好油，不過，入口又唔喺咁肥喎，而且肉質非常滑而富彈性；再點少少蔥花酸汁，「中和」吓啲油脂，感覺更好，此外，沾芝麻醬效果亦唔錯。梅子燒飯團食事安排了燒飯團及冷烏冬，一熱一凍，幾有心思。飯團裡面包咗好多梅子肉，酸香「提神」，因為真喺幾酸吓，食到小弟咪晒眼，而且，飯團燒得比較乾，入口有啲硬。秋田稻庭冷烏冬反而冷烏冬合我心水，因為食完啲熱辣辣蒸籠料理，來一口冰涼嘅冷烏冬，着實讓人變得清爽。烏冬入口好滑溜，沾上鰹魚汁而吃，簡單，卻喺味美。柚子雪葩最後甘味來一道柚子雪葩，清爽怡人，微微嘅酸，又滲出微微嘅甜，雪葩內更混有一啲柚子皮，添加點口感，將今晚嘅小聚有個美好嘅作結。今晚客人唔多，整體環境寧靜，服務又好，可以讓我哋靜靜地一邊漫談，一邊品嚐多款精選美食，尤其蒸籠料理，喺一個唔錯嘅體驗！希望店家繼續努力，將蒸籠料理做得「蒸」益求精。
繼續閱讀
首次踏足季和，已被周遭一瓶瓶的sake吸引，細問了才得知他們除了經營餐廳外，更進口各式各樣的日本燒酒供客人選購，而餐廳食用的各項食材均是專人定期特地從日本選購及運抵店鋪，亦維持菜色的質量水平。這些已令我隱隱地對季和的料理和膳食水平頗有期待。 前菜是螢光魷魚和鮮魚意式薄切，十分新鮮，肉質滑口。再來的季和特上刺身盛合更是精彩，用了由日本直送的吞拿魚腩、金目鲷、竹簽魚、藍天使蝦和針魚組合而成，服務生特別提示要順序從淡到濃味品嚐，個人特別對金目鲷和竹簽魚最為鍾愛，肉味鮮美，可見他們用料選材十分著重新鮮。 下一道高野豆腐亦是驚喜之作，以小蜆和生紫菜配製湯料，高野豆腐質感比普通豆腐更具韌性，咬下去的時候完全吃到豆腐完全吸收了湯料的鮮甜味，無得輸。 廣東蠔昆布蒸相對之下不大出色，不過不失。接下來是早已在我們面前烹蒸多時的鹿兒島黑豚肉及和牛蒸籠料理，介紹時得知蒸籠這款烹飪方式標榜健康養生，將黑豚肉及和牛中的油膩除去，配搭菜蔬享受肉的味道。如此架勢的陣象本來令我滿心期待，但放進口中品嚐時卻有感蒸籠效果反令上乘的食材的鮮味也除去，相對之下較平平無奇，有點失望。 幸好後來的梅子燒飯團和秋田稻田冷烏冬有加分，梅子或甜或酸的味道十分特別，夾在已先微煎至香脆可口的飯團之中，正。個人十分喜歡吃偏硬的冷烏冬，這裡正合我口味，烏冬十分滑身，不錯。 最後甜點是冧酒雪糕，頗特別的選擇。吃罷最令我回味的還是頭幾道的鮮甜刺身和高麗豆腐，主打的蒸籠料理反顯平凡。對選用食材有特定的食客記得於訂枱時註明，讓餐廳能預先為你預留，以免到場時失望呢。
繼續閱讀
流行於日本九州的蒸籠料理 Seiromushi , 看似平平無奇但其實在日本至今已有三百多年歷史 , 貴為當時的鄉土料理 , 相信一定會有其意思。身處西環的季和 , 首嚐日式蒸籠料理 Seiromushi , 季和的店主本身也是經營日本清酒的生意 , 因此在此餐廳當然可以喝到獨家好酒。餐廳裝潢華麗 , 感覺具傳統風格 , 餐檯與餐檯之間加設屏風 , 保障客人的私隱度。吃蒸籠料理 --- 主角當然是這個蒸籠 , 店主特別從日本東京的一家廚具老店裏訂做回來 , 木材必需選用日本的花柏木 , 原因是它在蒸煮受熱時能發揮鎖水力 , 保存肉汁之餘 , 讓其慢慢滲進墊底的蔬菜裏 , 所有精華營養得以保留 , 木香更能提升食材清鮮的原味與香味。前菜 : 螢光魷魚、 鮮魚意式薄切樣貌可愛的螢光魷魚 , 已用醬油醃製過 , 帶重內臟的鮮甜；鮮魚意式薄切所選用的魚皆是每天從日本直送 , 今次廚師把白身魚薄切 , 呈透明狀 , 筋位少 , 食落煙韌脆口 , 廚師為淡味魚肉添加酸味醬汁 , 能突顯出魚肉甘鮮 , 帶肥美豐腴魚油香。お造り: 季和特上刺身盛盒 ( 日本直送的吞拿魚腩、金目鯛、竹簽魚、藍天使蝦、針魚 ) 椀物 : 小蜆配高野豆腐汁物 (加入生紫菜)高野豆腐原來是火鍋常吃的冰豆腐 , 把冰豆腐烘乾脫水 , 其質感像風乾了的海綿 , 直至吃的時候才把高野豆腐放進湯汁裏烹煮 , 當吸收足夠湯汁 , 即可回復豆腐柔軟狀態；小蜆可以說是蜆米, 的的骰骰卻鮮香惹味 , 據聞蜆湯能補元氣也補精力。 煮物 : 廣島蠔昆布蒸肥大鮮甜的廣島蠔與帶海味的昆布一起蒸 , 在互相補給的情況下迸發出鹹甘可口的濃濃鮮味。終於來到 蒸籠料理 ( 鹿兒島黑豚肉、A 5 飛驒和牛肉 ) 首先把日本白菜、水菜、本菇、冬菇及青葱平均鋪在蒸籠裏 , 蒸約 10 分鐘至半熟 , 將「鹿兒島黑豚肉」薄切鋪上菜面 , 再蒸 5分鐘至全熟。過程中不放調味料直至蒸好後 , 黑豚肉的多餘油脂被蒸氣逼走 , 蔬菜亦吸取流出的鮮肉汁 , 若然希望除了原味道外還可以增添額外風味的話 , 蔬菜可蘸青蔥蘿蔔日本柚子醋而黑豚肉蘸芝麻醬 , 唔 ... 肉質細嫩軟滑 , 油脂不膩。再來是「 A 5 飛驒和牛肉 」 , 店方指定要西冷，因為較嫩滑無渣 , 同樣地鋪上菜面去蒸 , 我們選擇半生熟 , 30 秒是半生熟或 2 分鐘是全熟 , 很快便蒸好再分碟上檯。分佈平均細緻的油花 , 肉質柔軟 , 在蒸熱後帶來入口即溶的口感 , 蔬菜也沾滿了和牛的油香 , 吃個原汁原味來。食事 : 梅子燒飯團飯團用秋田小町米製造 , 內裏的酸梅泥令飯團有種酸鹹滋味 , 飯團一面塗上辣麵豉醬才拿去烤至外層焦香 , 吃來酸甘有味。食事 : 秋田稻庭冷烏冬稻庭烏冬比讚岐烏冬幼身 , 入口爽滑 , 冷吃更能體驗烏冬的煙韌嚼勁與麵粉香。甘味 : 北海道十勝紅豆雪糕綿密口感的雪糕 , 其滋味是與坊間所賣的不一樣 , 獨特的口味應該是出自豆香味甜的十勝紅豆。
繼續閱讀
日本料理多以放題、日式西餐、以玫一般以壽司烏冬及以火鍋等見稱，但是以蒸籠作賣點的日本料理，又是怎樣的呢？不如去嚐試一下。季和日本料理位於西營盤的高樂花園尚品薈一樓，來到門口，就是一系列的清酒，走進餐廳裡面，均以木製的餐桌及餐椅，環境氣氛高雅優美，是一間用餐舒適的餐廳。這個木盒是花柏木盒，內有水菜，水菇等蔬菜在內，稍後會會把食材放進去一併來蒸，頗有新鮮感呢！而蒸籠是関西風味特色的傳統料理，利用蒸煮的方法，配合蒸籠木香味將食物的原味帶出。瑩光魷魚，鮮魚意式薄切。營光魷魚較為少接觸，但吃起來卻又爽脆，而且柔靭度偏軟，而鮮魚則探用意式來薄切，其厚度獚如一張紙那麼的薄，而且極具透明。吃起來幼滑而柔軟。兩者都好吃嘛。季和特上刺身。在日本料理中，也許離不開刺身吧。當中的刺身包括有由日本直送的生大吞拿魚，勝蒲產的金目鯛，千葉的竹簽魚，北海道最高吅質的藍天使蝦，以及針魚拖羅。當中的針魚柔軟鮮甜；金目鯛軟腍兼且油脂幾好，而且清甜；拖羅亦富有油脂，富幼滑。小蜆配高野豆腐汁物(加入生紫菜)。內有小蜆和豆腐，並加上生紫菜，其味道較為清甜，當中的小蜆也是很細小，豆腐亦富豆香及幼滑，好吃。廣島蠔昆布蒸。廣島蠔來自瀨戶內海，日式傳統的料理。當中蠔的味道相當濃郁，加上昆布的原有海產味道，兩者都顥得十分之夾。鹿兒島黑豚肉。這是鹿兒島黑豚肉，蒸籠料理無添加調味，食用時配上香滑芝麻醬及日本醋汁。另類健康、天然的日本美食。而醬汁是用上蒽花放入酸汁。這是為蔬菜而設；芝麻醬則為豚肉而設。飛驒牛肉。採用飛驒牛A５十二 級的牛肉，同樣地以牛肉捲著蔬菜，蘸上醬汁一併吃下。但是先嚐其鮮味，再蘸上汁，兩者都是鮮味無窮。梅子味噌燒飯團。當中有梅子、秋田小町米，當中有自家製辣味噌味噌醬。吃過後，飯團亦富咬口，內裡亦有，味道不俗。秋田稻庭冷烏冬。這是手打干烏冬，以冷食為主。麵條煙靭，加上醬油，味道不錯。雪糕。味道不太甜，甜度適中，是餐後的良伴。以往吃過不同的烹調方法去品嚐日本料理，今次改用蒸籠清蒸，實是另一種的用餐體驗吧。
繼續閱讀