子鴨留香

營業中

休息中

見到荃新天地開左新店，一於約埋朋友去試食順便團拜埋😁。我地8人叫左：❣️雞絲粉皮，無驚喜❣️烤羊肉，好食❣️黑松露小籠包，個皮勁薄，值得推介❣️烤鴨，賣相幾好，有個熱爐可以暖住食物，算係幾細心設計。而且竟然有我最鍾意嘅牛油果配埋黎食😍，烤鴨唔算好肥，鴨皮都脆。不過用黎包住個塊皮嫌厚左少少❣️豆苗❣️炒飯，足料炒得夠乾身❣️驢打滾，第一次聽依款甜品，原來係糯米配紅豆蓉總結報告，食物品質算唔錯，下次可以帶埋爸爸媽媽黎食。

今晚同老婆丫囡去荃灣行街，經過有間新開嘅片皮鴨店就入去試食吓。我哋叫咗小籠包、生煎包、擔擔面、半隻片皮鴨~片皮鴨皮脆好食半隻份量好夠(老婆話食唔晒打包令走😂)👍🏻片皮鴨配料第一次見有牛油果🥑我老婆鍾意食👩🏻小籠包好多汁好食有驚喜😋生煎包同我其他地方食開嘅差唔多不過不失，擔擔面係比細路女食👧🏻所以叫咗少少辣(丫囡話有少少辣唔怕喎)花生味足好好味(佢話)。老婆話仲有其他嘢想食，下次約多啲朋友一齊食可以試吓雲吞雞同蘿蔔絲酥餅。

是晚同太太慶生，見新開張，裝修幾好，入去一試，點知……中大伏！前菜：上海鳳尾魚$108，炸得好乾身好酥，薄薄一抹糖漿，初食有驚喜，可惜細嚼之下魚腥味頗濃，打左折扣。主菜1：半隻片皮鴨連鴨架津白豆腐湯$376，鴨肉極乾，係風乾了那種。餅皮是烙餅，烘烤得太乾，放進口中是咬到很多乾麵粉的感覺。鴨架湯很白，沒有一丁點禽肉的味道，相信是花奶味粉水煲豆腐津菜罷了。主菜2：酸菜桂花魚$288，魚肉很厚實，肉色暗紅，完全沒有鮮味。桂花魚只要新鮮，既便厚切，燙湯後肉色應雪白，入口要輕滑，容易分為一梳梳肉。是晚的桂魚應是腌過久，或是經冷藏的魚肉。大失所望。菜品：京醬燒茄子$88，不值一提，茄子走油欠火候以致吸收太多油氣，而且溫度不夠，入口頗為辛苦。點心：小籠包 $58原味和$68黑松露，是晚較為高質的出品，皮薄多汁水，做點心嘅師傅係要讚賞嘅。前文提及中伏嘅主因不在食物，而在侍應的服務。好明白年近歲晚要翻多兩檯搶生意，點完菜15分鐘不到把所有菜全上齊也無妨。可是侍應竟然拿一個托盤欲蓋著酸菜魚以「保溫」，真的是不可思議！即時制止，但對方回答「我幫你抹下再蓋」真令人無言……總結，把「鴨」作為店名，但烤鴨真的不佳

碰巧路過新鋪開張，而且裝潢有心思，抱嘗鮮心態進入享用晚餐，最後三人獲分配圓桌，後來上菜是會不太夠空間，如能上長方枱卡位會更好，座位分隔有點不夠大。茶正常發揮食物驚喜地有好質素，但作為前菜的海蜇皮價錢上份量不太足夠，可能是因為搭配上切條鮑魚。烤鴨是脆皮香口的，配料上有多上稀有的牛油果和山楂條，另外加錢搭配嘅火鴨絲是挺不錯的。另外有點了鴨架津白豆腐湯，和竹笙奶油扒津白有點重複但是也是好味道的。小籠包也屬於是比較好吃的一層。現時製作的食物對得上價錢收費

新店開業第一日。先講服務環境， 服務好。 環境闊落， 坐得舒服， 裝修間局唔錯。 重點食物，2個人 連加一食咗$515蚊： 一麵，一魚一排骨，一點心。 擔擔麵， 唔熱，偏酸， 花生味唔夠。 糖醋魚半條， 太酸，魚肉唔新鮮。 黑醋排骨， 太硬， 咬唔開， 肉少肥膏多。 蘿蔔絲酥卷， 呢個唔錯，脆香。 最後， 排骨食剩一半打包拎走。 比一個紙盒同紙袋。 埋單先知紙盒收你2蚊，紙袋收你3蚊。加一即係$5.5 。 無問係我唔著， 但係可以同顧客講外賣盒收錢。 就算你紙盒紙袋收得貴都起碼知道。