媽咪雞蛋仔 (已搬遷) 新店位置

其實早係佢開店無耐就係openrice留意佢不過每次到紅磡都食到好飽 一直都未試聖誕個日終於決定去食 點知咁岩無開 到今日終於有機會試 去到個陣出面都已經有六 七個人等緊要左十二元的粒粒朱古力雞蛋仔(見到每底雞蛋仔都吹夠先比客人 十分好的服務)等左五分鐘就有得食 媽咪既雞蛋仔唔似牛頭角下邨既多涵亦唔似旺角個d無良雞蛋仔雞蛋仔外表睇都見到幾多朱古力粒 食落幾香的朱古力味外脆內軟

再一次用媽咪雞蛋仔做全TRIP的結尾今次有格仔餅賣, 即刻叫返一底 仲有個雞旦仔..今次等左5分鐘就有啦~雞旦仔依舊脆香格仔餅叫左分2件, 第一口咬落去, 居然係脆的, 平時食開好多都係淋嫁~ D醬都OK好食~ 再抵讚的係個格仔餅除左用紙, 再加多左個膠袋, 唔會食到成手都係 ^^

其實我係去旁邊個間被蔡瀾介紹過既小店...不過好多人.所以等待既期間就去過呢間雞蛋仔到買底試下~再加上咁多人, 應該好好味掛~我就試左個原味.唔錯喎~唔油, 又好脆.好味喎~下次要試埋個芝麻先得~btw, 佢買野個system幾好.先落單, 收錢, 再俾個牌仔你.到你就會叫個牌仔既號碼~唔錯丫~同埋呢, 雖然佢門口好多人, 但係大家都係已經買左, 等緊做好個雞蛋仔.所以要買呢, 直接行過去個鋪入面, 同個姐姐講...唔係自己傻傻係門口等個姐姐出黎真係有排等咯 (自己親身試過! )~

臨尾再食個雞蛋仔一黎勁多人..格仔餅仲要賣完, 冇得食...唯有叫左2個原味,要等成15分鐘原味雞蛋仔($10)X2:即食~好脆~ 有蛋味~唔錯~下次要試下格仔餅, 同埋個朱古力味

之前係openrice睇到紅磡有檔新開的雞蛋仔好好食, 既然佢係公司附近, 雖然唔多順路, 但有時都要特登食下好野, 同自己好d, 再試真下大家讚好既野係唔係真係咁好味 星期六下午, 放工後特登走去媽咪雞蛋仔試下朱古力雞蛋仔, 遠遠行過去已見有十多人企係門口等候, 大多數都係order朱古力或原味, 個老闆娘好好笑容呀, 提我地要等三四個字WO, 落左單後等左15~20分鐘, 一底熱辣辣的朱古力雞蛋仔到手了, 忍唔住即刻meet一粒食入口, 外層真係好香脆呀, 可能因為係外圍, 只有香脆並不覺中間軟淋淋, 再食落到中間果d先係外脆內軟, 雖然我認同係好食, 但並無其他食評話食朱古力心太軟既感覺, 朱古力心太軟應該係更多朱古力和更香濃吧, 不過作為一底$12的朱古力雞蛋仔, 我完全收貨兼會再返黎幫趁~

咁岩經過...見到人山人海既...走埋去睇下...原來係小店賣雞旦仔喇...呵呵...我的至愛呀...咁多人...should be 好味喎...就試下先~佢有黑白芝麻味呀! 俾左$...就俾個牌仔你叫number...又幾有system 喎... 講明要等10 mins...-.-' 真係好笑...企左一陣...個姐姐大叫我個number 喇...好開心咁諗住咁快~ 有得食了~ 點知...佢話...'下一個到你喇'...=.=' 再等左10mins 先有...wow...新鮮熱辣的~睇落去外表好硬喎...不過食落去又唔係喎...仲有個軟軟的內心喇...外脆內軟的...有d 煙un...之前睇 R so 話...好既雞旦仔...係半實心架...真材實料的!!!呵呵...佢做到了...仲好香的芝麻味!!!不過...why 好似成餅既雞旦仔粒粒都比較細粒咁既?!?!

黎到紅磡再特登拜訪媽咪. 今日唔駛摸門釘, 實在太好了!!今次既目的係要試下佢既格仔餅. 因為上次見過人地食, 好大件, 而且我今日已經留定肚, 夜晚哩餐一件格仔餅就夠了.依家有個派籌制度, 有系統左見到有聖誕裝飾真係好好彩, 我既格仔餅係最後一件. 即叫即做不過因為前面有其他客, 都等左差唔多3個字, 好彩我唔趕時間嗻真係好大件. 厚度約5cm. 一拎上手真係有點嚇親不過同時亦話比自己聽食完哩件野唔駛再食其他野了.叫左多牛油多糖.擘到個口好大先至放到件格仔餅入口. 一啖咬下去, 名正言順既外脆內軟, 真係好好味!! 甜度亦都適中又有蛋味不過由於件餅太大件, 照返普通格仔餅鋪既糖醬份量整出黎一定冇乜味.而且叫左多油糖都覺得好似冇乜醬咁. 可想而知如果冇叫到多醬既話真係麻麻.就好似昌記既超厚多士咁, 冇乜油糖, 依家都係冇乜特別/過人之處.件野大件到食左一半都已經飽同有d 寡寡地. 我諗如果有人share 既話會正好多

睇食評想試咗好耐, 終於上星期去食咗, 去到都幾多人, 幸好等咗15-20分鐘就得...店舖細細的, 期待之久既雞蛋仔終於出啦, 係出之前, 會用吹風機去吹一吹去, 可能想脆d掛, 一拎上手, 嘩, 好熱呀, 第一啖食落口, 真係好脆, 還有好有朱古力味呀, 真係好真材實料呀, 因為平時個d, 食完好似食吾到野咁, 但呢個, 我兩食完覺得好飽, 真係吾錯, 而且價錢又吾貴..值得推薦...下次要試試原味先得

食了朱古力雞蛋仔, 夾餅沽清，我覺得唔夠脆。因為無對手，所以要排隧, 本人覺得普普通通。

一早已知悉這裡的雞蛋仔頗具人氣，每次乘車路過時都看到人羣聚集。心想只是簡簡單單一餅雞蛋仔，不會那麼誇張的吧 ? 趁着今日又再次順步路過，又有點時間，也就即管排它一排吧....一直喜歡吃格仔餅多於雞蛋仔的，主要貪吃前者有的配醬如砂糖及花生醬等。故此就算是首次光顧，還是選擇先試格仔餅。若是味道對路的話，就另找機會去吃她的招牌貨亦不遲...下過單付完錢後，一等便是二十多分鐘，實在是有點過份。若不是已付了錢，老早便逃之夭夭了....等到最後姍姍來遲的太太也到了，格仔餅才拿到手。未吃先用鼻嗅一下，嗅不着甚麼蛋香。再加上她們的出品都是用電爐做的，所以像全盛時期的牛下雞蛋仔的那咲炭香，當然是從缺了。再看一下餅的外型，是極度厚身的。未吃前已可預計，若一個人吃畢整件，可以連晚飯也省掉可也....格仔餅好吃之處，對個人而言，是伴醬一定要夠多。可惜的是，這裡的砂糖、牛油及花生醬都不大夠重手，味道自然打了折扣....當然好處不是沒有的，起碼份量夠十足，而且只賣區區十大洋。女孩們以此來作午餐，可謂綽綽有餘呢....真的想爆頭也不明白人們為何會為此來大排特排。其一可能是招牌雞蛋仔真的是有過人之處的。為了持平一些，

只食夾餅，無食雞蛋仔。夾餅味道，餅底一般，唔夠脆身。醬料，有點輕手，花生醬唔太香，落左沙糖都唔係太甜，走糖的話......唔知點形容。做得起，睇怕都係因為成區得佢呢檔。誇張到排隊派籌，但認真講句，如果係都要排，我排北角個間。所以，主角只獲一個 OK的評分，因為無對手，所以勝之不武。當日個場面，仍然教我印象深刻，一對夫婦做餅同雞蛋仔，另有一小女孩在幫忙，只十來歲。我不敢妄下判斷這個孩子和他們是甚麼關係，但如果他們是一家人，應該明白這時候的孩子是讀書溫習，或者做自己的興趣事，何況已是晚上十時許！讓孩子做點工作，體驗生活，也許不太差。不過，如果到今時今日的社會還要看到這種景像，我應該對同情他們，還是應該責備呢？這塊餅吃起來也真的不是味兒。

經常行過都見到好多人，唔想排隊所以冇試過。尋日三點幾經過冇乜人，終於買左底粒粒朱古力雞蛋仔試下。等左十分鐘到，一底熱辣辣既雞蛋仔終於到手。吃過第一口，內脆外軟，並充滿蛋香。雞蛋仔中間是實心的，老闆絕對沒有因出了名而偷工減料。因為即叫即做，朱古力小粒在熱吃時亦能造到心太軟的效果。以一底十二元的雞蛋仔來說，吃到的肯定不只這個價值的味道。

Heard that it is a very popular pancake store, and deliberately come to try it out~! I had ordered a chocolate flavor pancake, and it's is, YUMMY! The chocolate pancake is made of the original pancake base, with chocolate chips mixed and melted inside the pancake. Impressive.Sure I will come back again and try some other flavors.

成日見到雞蛋仔都好想食，今次去開紅磡見到間野咁多人，諗住實冇死，所以就買返底先！俾左錢就俾張籌我，等左都差唔多10分鐘，有得食啦！好有蛋香味，又有甜味，而且外脆內軟，真係非常好味呀~~$10一底，都算係咁，食過更貴的，都唔好食，所以呢間$10算ok！有機會再食！

有次上網睇到呢間小店，自已住響呢區竟然未試過！所以決定去一試！雖然唔係咩大街，但都唔難找得到，叫左個朱—古力粒雞蛋仔，即叫即做，好有heart！一口食落去....個面好脆，裡面都好軟！d朱古力粒有少少甜左d(我都好食得甜野ga！)，總括黎講都好ok！值得一試！