媽咪雞蛋仔

營業中

休息中

雞蛋仔都係其中一樣我記掛住既食物🥺🥺🥺🥺🥺🥺 記得去外國之前食過一次媽咪雞蛋仔係尖沙咀😋😋😋當時都大掛長龍嫁!!!一直對佢既抹茶紅豆雞蛋仔念念不忘🥰🥰🥰今次番到黎, 發現佢開左好多分店,竟然有一間係屋企附近 即刻去懷念一下個抹茶紅豆雞蛋仔,即熱即整!!!熱辣辣, 抹茶雖然唔係大濃但紅豆既份量夠多!😍 仲有好多味! 下次要食其他味

很久沒有吃過雞蛋仔這種懷舊小食，但實在很好奇市中心租金咁貴都可以開到的雞蛋仔專門店，所以決定一試。假日是很多人買的，不過今日是平日，完全不用等。既然決定試新嘢，就揀左我最愛的配搭綠茶加巧克力。口感外脆內軟，抹茶味不算太突出，被巧克力的味道完全蓋過了。但整體而言是好吃的。而且份量挺大，二人吃也可以👍🏻由於價格不便宜，如果可以買半份收半份價錢就更好了。

呢個雞蛋仔成日見但食就第一次咁岩佢屯門店新開就上下 試左佢既票子雞蛋仔粒粒就有栗子幾滿足，新鮮食當然係脆口好食，都好飽滿。2個人食都好飽，佢既栗子雖然係即食個d,但都唔錯，而且價錢都合理，味道比較淡唔係好甜，本身個人口味都唔鍾意好甜既野，呢個岩我個人口味，佢個袋都幾方便幾有特色，最好即時食，唔清楚佢有冇膠袋可以裝走，但我拎既時候冇，佢個袋唔佢成個包住亦都會有洞用黎透氣，以加疫情就最好買完搵個人少少地方食左佢，如果佢冇膠袋可以包住拎走既話，拎住翻去會飛到塵或菌入去，太耐冇食雞蛋仔，只食過幾間，暫時呢間最滿意。

嘩嘩嘩！！朋友講，屯時開左媽咪喎！！今日馬上仆過去試，作為雞蛋仔超級粉絲，點可以錯過媽咪呢我仲要咁近，返工前去買下先去到見員工整理緊，真係O嘴，豪裝喎！！咁靚嘅！！望一望價錢，原味20、芝士35，冇加價！！抵讚呀！二話不說黎份邪惡嘅雙重芝士啦等待期間影下內籠啦，光猛之餘好整潔衛生，疫情下夠膽做到咁開揚，相信都係一份信心亮點係有部洗碗機機清洗用具。門口仲有搓手液提供添呀！嘩！小食店做到咁細心，抵我捧場咁多年影下影下，唔經唔覺等左大約5分鐘啦有得拎了為食嘅我緊係先嘗鮮，餵左自己再餵手機芝士味好香濃呀，外脆內軟，加埋半溶嘅芝士邊，實在美味行行下到華都搭車就食晒嚕😗😗不過一個人食芝士真係有少少「漏」，下次要搵埋另一半黎試先，反正咁近，我會多啲黎搵你哋架少少建議啦，餐牌太細喇，要埋到收銀先睇得到，如果可以改善一下就更好了

屯門時代廣場北翼開左媽咪雞蛋仔😍‼️仲要勁有規模，玻璃廚窗望住雞蛋仔既製作過程，新鮮滾熱辣🤩目測有10個8個員工瘋狂整雞蛋仔，睇見到覺得好治療😇例牌最鐘意食原味($20)😉新店水準完全保持到，外皮脆得黎雞蛋仔入面好煙韌😋蛋味好濃!!好喜歡佢依個透窿小紙袋，影相又靚，拎住食都好方便👍一定要試曬咁多隻味，我準備好啦😎

仲記得當年第一次食媽咪雞蛋仔係喺紅磡唯一一間店，都可以話係一試難忘；因為‘’想當年‘’雞蛋仔真係無咩款式可言，而且仲要好味、足料，實屬難得。後來媽咪雞蛋仔開始出名，開始開分店，依然有繼續支持，覺得依舊好味👍🏻今次終於等到佢地黎屯門區開店，見唔太多人，當然都有支持下啦！叫左個原味雞蛋仔，包裝好靚又方便拎，依舊嘅外脆內軟，好食！不過唔知係咪當日嘅蛋漿落糖重手左，同老公都覺得好甜下，甜到有少少遮掩左蛋香味，希望下次再食唔係咁甜啦。

見屯門新開媽咪雞蛋仔就去試下，見有咁多口味就揀左新岀最貴$35 既牛油果朱古力味，一食就岀事。餅底做得唔脆亦唔甜，即食都無嘜外脆內軟既感覺。朱古力唔甜，再加上勁苦既牛油果，整件事加埋我以爲自己食緊煮到好淋苦瓜。淨翻半底拎到翻屋企已經勁軟身，要加nutella 先食得曬。