婆婆雞蛋仔專門店

營業中

休息中

喺嗰度企咗5分鐘出咗嚟嘅雞蛋仔係唔熱嘅仲要散修修，甩頭甩尾每次佢嘅品質都好參差，明明上一次去係好地地，今次出嚟就成坺屎咁。。。。真係諗唔透，點解食品品質可以咁難控制？是好是壞。。。。

又有麻糬😍又有抹茶🍵呢兩個組合簡直就係絕配呀🤣今次見到呢間街坊霸王雞蛋仔專門店😝當然要試吓佢既招牌啦😌整好既樣表面已經有啲麻糬見到😍聞落去未算係好重抹茶味🫢但係食個下就感受到個種揉合左一般女士們最鍾意既味道👅因為佢好有嚼勁😝然後個抹茶唔係死甜個味🥰肚餓個秒真係會忍不住無停過咁食🤩如果要話美中不足嘅地方😌一定就係佢既皮唔似平時既雞蛋仔咁脆身😛同埋食到最後會有啲膩🤪價錢黎講算係中規中矩😗下次會想試吓其他特別既味😗同埋友情提示🔔店主可能9:30就收舖😌路過未食飯既朋友仔記得問下先

紅磡食完飯，諗住附近行下消化，無意間見到婆婆雞蛋仔專門店出咗個開心果系列，感覺幾得意，所以即刻入去trial and meal佢嘅開心果格仔餅！開心果格仔餅：外脆內香，開心滿滿一落單，店員即刻現場製作，格仔餅現做現賣，出爐嗰陣熱辣辣嘅感覺真係好吸引。拎上手時，外皮金黃酥脆嘅香味隔住紙袋已經滲出嚟，令人食指大動。呢個開心果格仔餅用料非常足，半底鋪滿咗濃郁嘅開心果醬，另一半則係滿滿嘅開心果碎粒，每一口都感受到開心果濃郁嘅堅果香氣。對於鍾意開心果嘅朋友嚟講，呢個真係夢寐以求嘅甜品，絕對會為之瘋狂！甜而不膩，味道層次豐富開心果格仔餅嘅餡料唔止得開心果醬，仲加入咗少少煉奶，帶嚟額外嘅香甜味，令整個格仔餅唔會太單調。開心果醬本身味道清香，甜度控制得非常好，唔會過甜，啱曬唔鍾意食太甜嘅人。每一啖都有外皮嘅酥脆同內餡嘅香濃，味道層次豐富，真係一啖接一啖。更多開心果系列選擇如果鍾意開心果，婆婆雞蛋仔專門店仲推出咗其他開心果系列選擇，例如開心果牛乳同開心果雞蛋仔，都係值得一試嘅新品。唔知大家又有冇興趣試埋呢？