婆婆珈琲屋

營業中

休息中

一早預約左今日呢間極品到食點知⋯⋯12:15早左上去只見兩個女侍應好休閒甘傾計，我企係到等佢，足足接近一分鐘，其後我決定上前同佢講兩位12:30點好餐，咖啡先到（如圖咖啡表層冇油脂）作為一間Cafe來講已經唔合格12:35所有餐點到齊13:30食飽，整體食品都比較淡，而當中壽喜燒燉牛肉入邊嘅薯仔未熟，雞翼更加有見血跡象，同侍應講佢呆左然後話問廚房，之後佢同廚房溝通完後問我需唔需要換，我緊係過唔洗啦，萬一加料咪仲衰過食帶血雞翼☹️整體黎講價錢對唔起品質，只可以係食打卡費，要我再黎就一定唔會😂

係一間充滿打卡位嘅咖啡屋，啱晒一班八婆去打卡食飯。我嗰日就係晏晝去，本身冇book到台都擔心會唔會要等好耐，但好彩又有位。個人覺得日頭去會好啲因為打卡啲燈光會靚啲同唔需要等咁耐。因為好似之前聽啲朋友講話都好爆。三品拼盤（兩冷一熱）我最鍾意樣樣嘢都可以試少少，又唔會驚好爆，啱晒我呢啲細食嘅朋友。但男仔可能會驚唔夠飽，可能要打定個底。晴富士·三文魚鬆飯團🍙（藍：蝶豆花）將個飯團🍙整到成個富士山🗻咁嘅樣，唔同顏色就代表唔同嘅餡，而唔同顏色係用唔同嘅食物顏色整出黎。大家可以放心食用😌冷：櫻花🌸蝦辣醬冷奴、柚子醋沙律🥗柚子蘿蔔漬熱：牛肉薯仔壽喜燒飲料：matcha latte 甜品：抹茶可麗露因為太飽所以同朋友share一個，本身以為佢會好乾好好硬，因為係焦糖外脆，點知中間都好濕潤，口感煙韌😋😋除咗嗰啲幾多品拼盤之外，佢地都有shop 買啲週邊日系。如果係咖啡屋消費keep單好似係有折添係一間充滿打卡位嘅咖啡屋，啱晒一班八婆去打卡食飯。我嗰日就係晏晝去，本身冇book到台都擔心會唔會要等好耐，但好彩又有位。三品拼盤（兩冷一熱）晴富士·三文魚鬆飯團🍙（藍：蝶豆花）將個飯團🍙整到成個富士山🗻咁嘅樣，

食物擺盤是很精緻的，但是食物份量非常少。基本上就算是女士也吃不飽。而且價錢太貴了，基本上晚餐的價錢都要$160。呢個價錢可以去一啲正式嘅餐廳食了。作為樓上Cafe，是偏貴的價錢。所以試一次就好了，不用再去第二次。

ෆ 婆婆咖啡屋 ෆ 呢間餐廳真係期待咗好耐次次見到人哋 𝙞𝙜 𝙨𝙝𝙖𝙧𝙚都好想食！終於有機會去試吓～淨係打卡都夠成晚環境裝修好靚好復古✨好多都係富士山形狀圖案嘅嘢超靚🏔️富士山形狀嘅飯團又好打卡𝙖𝙗𝙡𝙚又好味～ෆ 推介菜式 ෆ 四品料理#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

✨婆婆珈琲屋 Grandma Cafe〰️〰️〰️〰️〰️〰️〰️〰️〰️〰️🚌尖沙咀彌敦道174號The Nate一樓一聽到啲有嫲嫲婆婆名嘅餐廳都會聯想到古早味，真材實料/悠閑/人情/溫暖嘅感覺入口喺山林道，一個唔起眼嘅凹位搭𨋢上一層一出𨋢就見到先係賣精品，手作嘅賣物部有好多日本風嘅小文具，飾品最特別係有個手造富士山手袋造工精細，但造型比較特別，有啲難carry😂行入少少就係餐廳位置枱同枱之間不算太迫有空間感私隱度裝修都係木色為主非常舒服乾淨餐點都算多花款通常都係會選擇三品/四品/五品呢個set每一道菜都唔係馬虎了事兩餸飯賞心悅目之餘亦絕對唔係得個樣味道都非常可觀😍我叫咗個五品主菜可以選拼腐皮烏冬或者富士山造型飯團因為我比較餓關係揀咗視覺上大碗啲嘅腐皮烏冬💕🍜我勁鍾意食腐皮烏冬，尤其Donki買到嗰隻，食咗成年都未食厭，呢個新鮮嘅一定要試啦，湯底鮮甜唔覺有味精，腐皮吸哂湯汁咬落去唧返出嚟，樹哥姨呢，份量亦多，烏冬軟硬適中，無乜好挑剔🍅梅酒冰鎮蕃茄，我對呢個好有期望，諗住係爆汁鮮甜一類，不過未知係咪個蕃茄來貨質素關係，比較淡味，梅酒嘅味蓋過蕃茄味，亦不夠juicy，同埋太生，我覺得如果個蕃茄有煮透再冰鎮應

我同我先生一食完立即肚痾，間餐廳仲要壞廁所，一間餐廳竟然可以無廁所都營業，要走到老遠美麗華去廁所！簡直係惡夢！又難食又食到中毒！中伏！！！極度懷疑廚房衛生情況！

一段時間沒有來這間餐廳了，對上一次是跟另一半黎慶祝生日，今次再次黎到坐返同一個卡位位置，品嚐他們的新menu!餐牌上有幾款唔同既Set可以選擇，我地揀左兩個set同埋一款甜品!套餐除左有主菜，亦有味噌湯、漬物、溏心蛋、涼拌茄子和拌飯!拌飯指定味道係梅子飯，亦可以加錢轉做蟹肉味噌飯、明太子茸飯或者係蜜汁櫻花蝦飯!野菜南瓜豚肉卷，這款主菜的豚肉卷外層的皮煎到脆身，內裡的肉都幾入味，醬汁味道酸酸甜甜，能夠解去豚肉的油膩感!南瓜蓉的份量都好多，十分飽肚!法式燉牛肉，這個主菜的醬汁帶有紅酒味，所以食落酸酸地，牛肉都燉得好入味好冧，用黎送飯一流!昭和紅日. 富士牛乳布丁，來到這裡當然要食一些有富士山效果的食物，而這款布丁就好似富士山一樣，底部淺藍色，上面是白色，還有士多啤梨作點綴!而布丁有濃濃的牛乳味，口感幼滑!蘋果蜜綠茶，這款綠茶用上發酵茶，飲落味道酸酸甜甜，有梳打的效果，因為茶是有發酵過的關係，產生了微量酒精，所以飲落有少少的酒香，亦帶有蘋果的香味!盛夏. 富士山特飲，這杯飲品也是富士山的顏色，底層藍色位置有果凍，飲落口感豐富而且十分冰涼!

呢間餐廳真係打卡滿滿，入到嚟除咗精品之外其實裝修同埋各樣餐具都非常靚，姊妹聚餐/氹女朋友一流！不過分量小d，男人們可能要打定低👆🏻和風味噌湯& 蜜糖火腿配肉桂蘋果醬😻前菜乾湯正常發揮，但係估唔到個蜜糖火腿咁好食👆🏻紅酒燉牛肉😻燜得好林，又有小小紅酒味，相得益彰👆🏻白酒蘋果燉雞😼蘋果好好食但係個雞肉有啲鞋, pat 汁仲有點膩👆🏻野菜五目炊飯😻估唔到佢個飯咁有味，仲有栗子喺入邊，加埋少少嘢菜食個飯都唔悶👆🏻可麗露突然變咗tiramisu😿我哋因為係食套餐，我哋好期待個可麗餅，點知都冇同我哋講過就改咗Menu變咗個好普通既tiramisu👆🏻北海道流心芝士薯餅 &魷魚軟骨配芝麻醬😻另外追加左兩個小食，份量都係偏細但係魷魚軟骨超好食...💸.消費. $180 （每人）🈵.回頭率. 9.5/ 10📸.打卡率. 9.5/10

諗住揾個地方靜靜地同朋友輕鬆傾下偈 見呢間餐廳設計同埋擺盤有日系感又好精緻 氣氛好好咁 🍽️野菜味噌松阪豬定食 $138我叫左呢個定食 主菜用左味噌烹調松阪豬肉片 個人覺得稍咸 幸好有飯可拌 另外啲配菜味道正常發揮 呢個價位覺得稍貴 除左岩打卡之外 味道實為普通 🍽️豚肉櫻花蝦沾蕎麥麵定食 $128朋友叫左呢個

日本和式風味的cafe/餐廳，畀我有一種寧靜的感覺，可專注品嚐每款食物的味道同配搭。今次我選擇了沖繩黑糖豬軟骨配以明太子茸飯。品嚐主菜之前，先逐樣品嚐各款小食：清酒溏心蛋偏淡，但勝在溏心蛋汁好滑溜兼蛋味重；涼拌茄子漬物味道微酸，清新而不搶主菜風頭，不錯。主菜的豬軟骨調味一流，軟腍得嚟但不致於爛，而且好入味，好啱送飯。最後配以一杯香濃的黑芝麻latte，好full、好完滿。整體來講，水準中上。值得一提的是，我與友人入座後，侍應畀咗兩杯不同口味的水，一杯係檸檬水，一杯係蝶豆花水，雖然唔係話好有新鮮感，但我好欣賞呢份小體貼。

環境唔錯 冇提前book位 都仲🈶位不過得返窗口位😂 一坐低就比左一杯清水同一杯蝶豆花水 叫左一個套餐 ，包一碗湯🫕 茄子🍆 酸蘿蔔🥕 自選一款飯🍚 同一道餸 另外仲➕左兩隻唐心蛋🥚 同雞軟骨🍗 飲品叫左 凍香芋☕️ 食物賣相唔錯 味道就唔系好得掂喇 尤其碗飯🍚同個餸 牛肉非常唔好食 醬汁同個牛肉一啲都唔夾☹️好失望 唯一接受到就系碗湯同蛋🥚 味道都算正常 而雞軟骨就好淡味 甜品都系 叫左海鹽.富士山 雖然系海鹽味🍶但系就真系得個鹹字🥹 一啲甜味都冇😮‍💨總括而言 系一間好啱去打卡📸嘅餐廳 不過對食物嘅味道就唔好抱太大希望😵‍💫

今次到訪期待已久嘅《婆婆珈琲屋》，聽到婆婆兩個字，都知道佢哋係走懷舊路線。原來店主係被朋友取笑做婆婆，因為佢好鍾意收藏古舊嘅物品。而咖啡屋用咗日本昭和風格，隨處都會見到木質系家具，令人感覺好溫暖。法式燉牛肉 $158法式通常都係長時間低溫燉製，所以牛肉筋肉嘅位置都可以煮到軟腍。另外秘製醬汁要酸甜嘅味道，令人覺得好開胃。北海道三文魚奶油燉菜 $148白色嘅奶油睇落已經流哂口水。三文魚魚肉鮮嫩又唔會過老。另外配菜入面仲有西蘭花，同香滑嘅奶油一齊食都好惹味。盛夏富士山天藍色嘅富士山造型，入面其實係波子汽水和夏天水果嘅香氣，為炎炎夏日降一降溫。盛夏富士山巴菲 $88去得和食屋一定唔少食巴菲。依款巴菲入面加入左海鹽雪糕、士多啤梨、脆片、草莓醬和窩夫餅等等，真係好豐富呀。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧婆婆珈琲屋 (尖沙咀)尖沙咀彌敦道176號The Nate1樓୨୧┈┈┈┈┈┈┈┈┈┈┈┈┈┈┈┈┈┈┈┈୨୧

今次介紹嘅係充滿昭和風格裝潢嘅《婆婆珈琲屋》。店內無論係牆身、餐桌和沙發都係用咗木系嘅顏色，加上玻璃嘅吊燈和懷舊掛牆電話，有一種去咗日本和食屋嘅感覺。晚市方面有5款定食，配搭味噌昆布豆腐湯、涼拌茄子漬物、自家製啤酒柚子蘿蔔漬和清酒溏心蛋。另外飯類已包括梅子飯，亦都可以加配蟹肉味噌飯、明太子茸飯和蜜汁櫻花蝦飯。野菜南瓜豚肉卷$138將豬肉製成波板糖一樣嘅卷狀，相當得意。豬肉味濃郁口感又軟身。另外底層嘅手南瓜都吸引哂肉汁，充滿肉香。沖繩黑糖豬軟骨 $148豬軟骨煮到好腍身，咬落去非常彈牙。加入沖繩黑糖所以會帶甜味，但係唔會有膩嘅感覺。飲品番石榴Kombucha蘋果Kombucha沖繩海鹽富士山 $98一個藍色嘅小富士山造型，富士山上面嘅黃色部分其實係奶蓋，另外仲配上海鹽雪糕，打卡感十足。婆婆珈琲屋 (尖沙咀)尖沙咀彌敦道176號The Nate1樓

因為女朋友小絲食飯都是打卡為主，那身為男朋友當然要一間可以滿足小絲打卡慾望的食店啦。這間婆婆珈琲屋是出名打卡排先，味道次要，那就一定要帶小絲去打卡。去這間婆婆珈琲屋可以在官網先訂位，不過當日食飯都有吉位，可以walk in入去。婆婆珈琲屋這個"打卡聖地"真的不是浪得虛名，一出升降機就可以開工打卡。這裡除了供打卡的食物，仲有供打卡的商品同擺設。這裡食物款式不算多，點餐後食物很快就到。這裡的食物擺設是超級精緻，小絲已雙眼發光，不停影相。味道方面就一般啦，不過始終打卡為主，食物味道不是來這食店的考慮。最大遺憾是我們沒有點甜品，因為甜品都很精美，若點埋就非常完滿。

不經不覺第三次走進這家料理用餐，之前都是下午茶時間，今次初嗜晚市，水準依然很高。建議預先上其網站訂座，因為都經常爆滿，特別是某些打卡able 座位，雖然其實每個位都是值得拍照留念🤎 餐廳以昭和年代主題打造木系佈置，很舒適的感覺。順帶一提下午的餐是可以自由配搭，晚上的是Set dinner 有5個餐可選，點了法式燉牛肉🐮 煮得很林很入味，配梅子飯；跟餐的前菜小吃是Set 好了的，因為我不愛🍆，所以點了兩份清酒糖心蛋🥚。因為之前試過藍🩵和粉紅🩷色的飯團🍙，今日另外加點了綠色💚三富士金平牛肉飯團🍙，這個感覺是最好味，再沾一下燉牛肉的汁入口好夾。另外，飲品點了 蘋果🍎Kombucha (含酒精成分) , 此為婆婆自家醃製的發酵茶，飲起來酸酸甜甜很開胃，亦有些酒香🧡最後，還點了昭和紅日富士牛乳布丁🍮，奶味很重很滑，還很有動感🩵🤍 下次要早點來試試：盛夏.富士山芭菲💙, 因為今日晚市一開已告知售罄了🥹✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿▫️婆婆珈琲屋 (尖沙咀)📍尖沙咀彌敦道176號The Nate1樓✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿