娜多歐陸餐廳 (已結業)

距離於沙田不遠的馬鞍山，一生中就是少有涉獵，不妨於數天假期之間，舉家到此一頓，反正不過是半小時內的車程。至於到埗後的首要事情，還是想找個地方吃個午餐。人生路不熟之下，只見酒樓已有大批等籌的茶客，無謂爭個焦頭爛額，倒是於隔離處，見到一間別緻的西餐廳，其中更有一些歐陸式的食品，價錢又不算甚貴，倒不妨給予一個機會。雖然還是需要輪籌，算起來還不過是十分鐘內的時間，只是於坐下之後不久，竟然已有食物「自動自覺」地送上來?! 除了漬漬稱奇之外，還是向侍者退回不屬於己的東西。弄清事實之後，應該是先前坐下的食客，於點餐後擅算移離座位，亦沒有知會侍者，想起近年港人質素，為何也是每況愈下?!這間名叫娜多的餐廳也是奇怪，既有歐陸式的Eggs Benedict、Cheese Burger、與及扒餐等物，同時亦有港式的焗飯、與及烏冬供應，所以即使表明是一間歐陸餐廳，看來更似是一間較高檔的茶記，算是多了一點異國特色的「點綴」吧！期間亦要向侍者討上數杯開水，卻是三杯的容量，也是「高低不一」，依然是急就章的風格。盡快地點了三個套餐，先上的是家母的吉烈大蝦配上湯烏冬，大碗的上湯烏冬，另行奉上三隻吉烈大蝦，賣相固然美觀，卻

是日母親節，雖然說好下星期才慶祝，但正日也不能馬虎丫！眼看周圍都人山人海，想吃的餐廳（如和民，pizza hut ，italian tomato ）都不約而同地在這天不設留坐，弄得我們想找個位子都難。聽說和民那邊平均要等兩個半鐘才可以吃到，剩下不多的選擇（總不能到快餐店吧！），唯有到這間餐廳拿飛，搏一搏。不知是幸運，還是什麼的，居然不用等很久就安排我們入坐了餐廳規定今天要吃set dinner，一個主菜，連甜品和飲品一杯，如果覺得不夠，可以加錢加沙律或湯。看看價錢，其實也算是實惠的！卡邦尼意粉醬汁算是creamy, 煙肉炒香過，十分惹味黑松露巴馬火腿2mm超薄薄餅2mm的餅底烘得乾脆，像吃餅乾一樣，比起pizza hut 那些厚餅底來得輕盈，沒那麼滯膩；醬汁不夠，溼性的餡料不夠，只有小量的栗米，因為巴馬火腿一向偏咸，吃起上來特別乾燥藍莓芝士蛋糕芝士味淡，吃起上來稀稀軟軟的，感覺是材料不足。雖然如此，整體感覺較輕盈，算是減少了上罪惡感！總括而言，這裡的食物也不算差，只是侍應們沒有表情，說話有點惡，讓人有點不敢叫他們⋯⋯

國慶日出去食飯預咗等，但真係冇諗過要等咁耐囉，係餐廳門口等咗大概四十分鐘，入到餐廳入邊又要等三十分鐘先有菜上，真係離晒譜。一行五人叫左個四人餐來分享。先上的係湯同餐包，菜湯飲落有d辣，味道正常OK嘅。餐單係熱上，抵讚，特別之處係一個牛角包，入口鬆軟。之後上左個滑浪小子薄餅，冇得揀厚底，只可以要薄批。平衡嘅佢嘅薄批做得唔錯，脆，料夠多，有洋蔥紅椒黃椒青椒同蝦。燒豬仔骨，太熟老曬，un到呢食嘅時候有難度。個焗豬扒飯大到嚇親人，用既應該係珍珠米，粒粒都闊又大。豬扒被那到冇乜味。六款小食其實都麻麻地，屋企人最鍾意食個咖喱。Parma Ham塊火腿薄過吸油紙，好難夾。我覺得稍為好的會係個茄汁肉丸。甜品係芒果布甸，好似未凍咁，超稀超水。開始明白點解屋企人咁鍾意係屋企煮飯食，因為出去食簡直係俾錢買難受。

星期六下午, 响馬鞍山廣場搵野食, 好食o既又難搵位, 唔好食既都唔平, 行過呢間見個門口几四正, 就試下攞飛啦, 等左15分鐘就有位喇... 侍應帶我入到去盡頭, 見到有落地玻璃, 環境開揚, 我都未坐入去, 梳化位有好多類似麵包既食物碎, 我馬上叫侍應清理啦, 佢只係將D食物碎掃落地下... 然後我坐底, 發現枱面都未抺乾淨, 我唯有自己用紙巾抺下... 午餐並不便宜, 但質素認真一般.... + $16 才有的餐湯(3.6牛乳海鮮湯, 唔係好記得個名) 和牛角包牛角包正常, 偏油, 餐湯足料, 但沒有牛乳味, 有魚肉, 但有雪味... 有機菠菜三文魚意粉 - 賣相几好, 但三文魚很咸, 而且量很少朋友散叫的卡邦尼長通粉, 朋友說完全沒有味道, 問侍應要了支芝士粉, 倒了1/3 支, 但都係好難食, 吃了一半, 最後放棄... 坐坐下仲到左下茶時間, 諗住叫個甜點拮拮下, 可以傾多陣計啦... 選擇左呢個一口多士, 賣相几好, 但係一放底就已經有好大陣油溢味, 唉! D油好唔新鮮, 都唔好講味道如何, 油溢味蓋住晒所有味道... 夾硬一人食一件, 就埋單走人, 呢單真係好掃興, 一

住係附近，有時行過見到呢間餐廳，終於今日行入去試下。間餐廳賣點係健康，入面環境唔錯（出面還好，入面偏暗），但係冷氣開得好勁。我坐正個風口位，食咁耐就凍咁耐。見住隔離枱個食客一入座就係咁流鼻水……主菜：健怡牛油果忌廉海鮮焗飯忌廉汁面跟海鮮炒飯低，一般茶記水準。圖片後面為低糖綠茶。值得一提係青口有沙，仲有少少腥味。甜品：豆腐花唔明點解一開始點菜時唔可以一次過點晒要食完個飯後先可以再落單……落單後等左約15分鐘上枱上到枱侍應姐姐話要再等多三分鐘先開蓋入口覺得比街市買到的豆腐花滑果三分味道係俾你既註* 此豆腐花只跟黃糖，沒有糖漿

暑假都要溫書, 好慘… 溫書溫到lunch都無食… 直接六點食dinner. 近近地, 係馬鞍山搵左間餐廳… 感覺又晤錯wo~~叫左一個dinner set + 意粉羅宋湯+餐包羅宋湯熱辣辣, 足料, 味道濃郁~ 牛角包都係暖ge, 幾ok~~豬扒+薯蓉有番茄, 豆角, 薯蓉, 豬扒x2番茄: 晤係煎得好熱果種, 不過生生地比較青, 幾好食.豆角: 太硬, 無咩味.薯蓉: 同一般薯蓉一樣, 加左cheese, 但我反而鐘意無加cheese 果d, 比較鐘意新鮮薯仔甜味.豬扒: 勁抵!!! 兩大塊豬扒!!! 好好味, 醃得夠入味, 入口嫩滑, 肥瘦適中. 正!溫泉蛋蘑菇煙肉忌廉意粉好cream~ 流心溫泉蛋反而令個意粉無咁漏~ overall 效果幾好幾夾~跟餐甜品 (strawberry cheese cake)質感比較腍, 有一舊新鮮strawberry係面, 味道ok~Overall: D service好好. 同埋d waiter n waitress都好開心咁, 令到食客都覺得好開心~ 坐窗口位, 望住吐露港, 個view 勁正! 播ge歌係大約十幾年前ge歌, 大約係twin

經朋友介紹已經吃過兩次lunch。第一次光顧時印象不錯，午餐有很多選擇食物質素亦不錯，坐位近玻璃的位置比較窄但可以接受。昨日再次光顧後決定再沒有下次。其實食物質素意粉及意大利飯都很好除烏冬外(烏冬同自己煮冇分別)，不滿是附送的甜品，經上次光顧的經驗知道上甜品時間比較耐，所以主餐食到一半時已經叫服務員上甜品，食完意粉等左10分鐘甜品都未上就再叫一次，見隔離枱上甜品都冇我地份。10分鐘後仲未黎，再叫服務員姨姨「唔該甜品好耐都未黎」「甜品要叫先上架」「我地叫左兩次啦」「我地叫左兩次啦」嬲到我地重複兩次同一句說話。真心講一句上甜品咁困難 要客人又囈又西先俾不如你唔好送啦，就算你唔送甜品都唔會影響我光顧你既意欲，但正因為你地服務態度太差，導致我唔會再光顧。

為左呢間餐廳，忍唔住要開Account寫食評。。。佢一開張時，其實還可以。。。宜家真係唔好食，而且d waitresses 完全係零服務可言。叫個set，上完main course，先上starter。。。算。。。d野食唔好食。。。算。。。$50當食快餐。。。但快餐好食過佢，大份過佢囉。。。最重要既係。。。一落單時叫左2份心太軟。。。食完野之後，我地話心太軟上得。。。但係催左4次，過左九個字有多，佢都唔上。。。最後先話冇落單囉！以後唔洗＄，我都唔會黎呀！

過去幾個月，很多新港城的餐廳相繼結業，今晚決定行多兩步去馬鞍山廣場支持下非集團式餐廳，點知... 一肚火！入座後好難搵侍應「落單」已經feel 到中伏。落單後等左十幾分鐘餐湯都未有，一問之下才知電腦系統故障，剛剛先再入單！因為女侍應好有禮貌，算！一等再等，main course 來，starter反而未到！Main course 既黑醋煙鴨胸意粉既份量雖然不大，但味道不俗。不過當我消滅完意粉後，同行好友既雜扒都未到！再追order，今次侍應連解釋都無！再等差不多十幾分鐘，雜扒駕到！份量十足，可惜黑松露忌廉汁變左黑椒汁!! 老細，會唔會相差太遠呀！而且侍應十分身手敏捷地高速將黑椒汁倒落鐵板，唉，等得太耐唯有照食... 灰！連雜扒都消滅左七成，無錯starter 仍然未到！附近既客人都不停追order，我當然加入戰團！又等又等... 再催再催... 侍應態度開始惡劣，都明白既，因為張張台都不停追order!!!!我真係唔知等左幾耐先等到兩塊薄薄的pama ham + 3小粒melon！我以為自己好醒即刻叫餐飲，點知連奶茶都等要等10分鐘... 一個set dinner 收$80 - $1

悶悶的雨季總教人懶得不想踏出家門，趁著罕有的一天沒有下雨、往馬鞍山海濱長廊走走吸吸難得之沿海空氣，拍拍照、走過心心石灘，雖則沒有太陽相伴、也總算在綿綿細雨外找上半天快樂時光樂逍遙過後，也得找點落腳地開餐、走在附近的馬鞍山廣場，滿室都是人濟可能是於復活長假，一家大細家庭聚可不少、由於餐廳可以搭枱，所以順理成章便成了獨腳戲的我開餐地餐廳有一排大大落地窗，面向公園一旁、雖然同枱共膳也是一班合家歡家庭，但感覺也頗舒適餐牌上的價錢也可算大眾化，臨臨種種的套餐，應有盡有午餐:煙三文魚菠菜忌廉汁意大利麵配羅宋湯$45.上枱之羅宋湯，湯底濃杰適中、但就稍稍欠了點點濃厚蕃茄質感味道上如可再增重一點蕃茄香還好，沒有比較還可接受煙三文魚菠菜忌廉汁意大利麵用上圓嘟嘟的意大利麵，麵質口感沒有太重柔韌感、白汁下之的忌廉亦沒有濃郁的芝士香翻上兩翻才見滑漏度反而相當豐富，幸好吃畢整碟也不致過於飽膩少少的煙三文魚碎加上薄薄野菌菇片夾雜其中，帶有些少咸香、雖則白汁豐盈，但就稱不上惹味這回事加上$9.換來一杯十勝紅豆抹茶其實跟一般市面台式連鎖珍珠奶茶店沒有多大分別，淡淡的抹茶味併上大大粒起沙紅豆我想．．．總寥勝於餐茶或咖啡

上次遇到無禮事件後，打了電話去另一分店搵老闆，佢好誠意咁代員工道歉（不過該肇事員工就冇），決定俾多次機會佢。下午近五時，再一次下午茶時段。進場時不見上次的經理，但有門口卡位，兩人坐下，沒人管，沒人趕。叫食物，$32下午茶，芝士辣肉腸焗飯加奶茶，等咗合理時間，食物優點: 熱辣辣鐵盤上，芝士味普通但算有，辣肉腸幾辣：奶茶: 雖然唔算好滑，但尚有茶味。等待期間，看到上次無禮員工仍在店裏面招呼客人，沒接觸，不管了。有改善要講返，以價錢加質素而言，呢個下午茶是幾抵的。

一直有惠顧這餐廳，尤其返夜晚工時，會食個下午茶（卅幾蚊有個焗飯，都算係咁），一個人的時候，會常被安排入座埋便熱到飛起不開冷氣的「大圓檯」，但一個人，冇法啦！點知呢一日，唔係一人，都係受咁既待遇，從此決定，唔駛再去！下午四時，約了朋友下午茶，他早到了十分鐘，希望坐得寬裕點（因我常背大背包），而當時同場有超過四檯四人檯是坐二人的，便跟侍者說想等四人檯，侍者知道後沒在意，朋友便在外面等位，當時沒有其他客人到。（裏面大圓檯有位，又另有一張六人檯沒有人但寫了「留坐」，這能理解）我到達後，朋友說有兩桌四人檯正埋單，便打算入座！怎料一名類似較高級的員工大大聲聲話，你地兩個人唔坐得四人檯，要留俾四個人！在那時有另一三人小組到來，那員工便把檯給了後來者，另一張不管怎樣也不讓我們坐。話因為要留俾四位的客人。我們表示不滿，她大大聲聲說「有大圓桌你們自己不坐罷了！」，但是，朋友十分鐘前已表示願為四人檯等，否則早坐進去了！在我們決定不光顧後，她還在後面說「多謝多謝，以後不要再來了！」最後去了附近另一日本餐廳，服務好又笑容滿面，五點鐘再經過這餐廳，三、四張四人檯冇人坐，唔知佢留唻做乜。同埋要留檯，可以請人客先坐同

星期日晚上九點多，我與老公第一次到此餐廳幫襯，簡直大開眼界！餐廳不算多人，卡位放著Reserved的牌，面對這卡位，卻有兩位擠迫戶排排坐，已心覺不妙！ 我們被安排坐在普通椅子，與另一枱背靠背，距離不到兩吋！（由此至終卡位係reserve畀空氣坐 ）衛生情況，大排檔也要甘拜下風！湯匙上有一塊橙色乾硬的洋蔥 ，刀叉也滿佈汚跡，最乾淨莫過於飲品匙，剛洗完，濕淋淋的！ 地上有一塊塊pizza碎，枱面黏黏的！其實他們很注重衞生，九點幾，食客還在進食時，已在清潔其他枱，此時卻傳來聲音：「乜你抺左仲污糟過未抹架，快d換過d水喇！」招呼也一流！除了舒適的位置要留給空氣坐之外，我倆叫食物時要求要兩杯水，上菜時再要求多一次，侍應們真團結，他們都回應一句「轉頭畀你」。食到尾聲時，再截停身邊扮忙的經理，對她說「頭先我問過妳的同事，想攞杯水，點知...」經理火速轉身，瞬間放下一杯水，即走！ （其實我係想要兩杯水，同埋同佢反映意見lor~」食物亦屬一級！湯係一級橙紅色番茄水，Pizza係東瀛超大粒（用放大鏡睇）燒雞薄餅，最似樣都係個鐵板牛脷粒飯。結果樣樣都食剩！面對如此一級餐廳，怎能不與大家分享！

很多餐廳愛改名做 La xxxx / Le xxxxx，聽起來好像較高檔，但事實卻不然。La Dolce 的名字還算不錯，但招牌寫上中文名稱「娜多意大利」，立即 downgrade 回到中國內地感覺。不過名字並不重要，食物出色就夠了 忌廉湯很稀身，不夠 creamy，配料也只有粟米粒。+$4 的牛角酥，可能吃過 urban bakery 的關係，所以覺得只是普通。不夠牛油香，但尚算新鮮鬆化，用來伴湯吃也不錯。小食拼盤，分別為意大利蕃茄芝士沙律、香草蒜蓉包、墨西哥狂牛肉醬焗粟米片。沙律的份量很少，比較零碎。蒜蓉包不香不脆，而且也太迷你。最好吃反而是焗粟米片，但應該是現成的吧。東瀛燒雞薄飯，配料有燒雞、菠蘿、木魚花、蔥花、巴馬臣芝士，挺豐富的。餅底像餅乾一樣，雖很脆口，但實在太薄了。可能成本太貴，也不見得有 Mozzarella cheese 在內。鮮茄芝士焗大吉豚肉飯，即叫即焗，質素還算不錯。吉列豬扒炸得香口乾身，醬汁也很容易下飯。阿姐的服務有禮，常常笑不攏咀的 。以上為平日晚上的二人套餐 $138（另加一），偶爾來一次還好。

天朗氣清逛逛街，悠閒假日遇上裝修頗具歐陸風情的餐廳，雖然今日冇下午茶餐，但見到店內有一大幅玻璃窗，陽光直射店內造就了渡假氣氛，令我同老公很想入去 hea 一 hea~ 到咗下午四點鐘左右，都有幾個客人在門外等候帶位。未知係咪好彩，等咗5~10分鐘就入到去。店舖唔算大，卡位尚算舒服~ 老闆笑容滿面，好樂於同客人social。首先黎餐湯跟麵包是日點嘅其中一個係午餐，餐湯唔跟餐包，加個包$4，牛角酥上枱還是暖的，很鬆軟忌廉湯除咗粟米外冇其他配料，味道一般。意大利菜湯辣咗啲，味道都係一般。落單時侍應會問肉眼扒要幾多成熟。但係菜黎到時，肉眼扒比我哋想像中簿咗好多，睇唔出會同幾多成熟扯上關係......汁料唔夠入味，意粉還有少少水的味道。面果浸濃濃地嘅芝士唔錯；但同樣地白汁比較淡，意粉有少少水的味道，冇乜吞拿魚嘅味道；西蘭花係白烚的，焗起成碟意粉先放上面，有格格不入嘅感覺。餐飲麻麻，尤其熱奶茶，飲落似某牌子的即沖奶茶，我再加糖時就變咗甜咗少少。另外一杯凍檸水，我忘記了影相，冰幾多下，糖水唔會太甜，都 OK 整體而言，環境真的唔錯~ 食物賣相又幾精緻，價錢又相對合理，但係如果食物品質上再加多啲油就好