姚姚酸菜魚 (港威商場)

營業中

休息中

📍姚姚酸菜魚尖沙咀廣東道3-27號海港城港威商場2樓2307號舖開左咁耐終於都有機會去到食呢間酸菜魚啦🩷次次經過都見到好多人等位果然真係有好多人鍾意食酸菜魚！🥳姚姚酸菜魚（2人份） $288必叫一大盤酸菜魚🐟魚肉嫩滑而且大大嚿！咬落去啖啖肉🤤麻辣香鍋 $284心郁郁見到有香鍋就好想嗌，但又怕好辣好彩辣度有得自選！佢都有幾多配料選擇架我就揀左以下配料💜魷魚鬚、牛百葉、巴掌肥牛、鮮茶樹菇及魔芋結非常惹味！

今日天氣終於凍啦，啱哂食啲麻麻辣辣嘅野暖下身😆今日小編去咗食酸菜魚，地理位置方便，仲要係有得打卡嘅地方，成間餐廳都Tiffany blue新潮嘅裝修，食野之餘仲可以打卡，一舉兩得😘呢度係酸菜魚麻、辣、酸都有得加減，今次嗌左所有野都係小辣仲加左寬薯粉條🤭魚嘅份量係偏多，食落去魚質好鮮嫩細滑，而酸菜嘅份量亦都好適中，食落去好爽口🤤黃金脆炸小酥肉嚟到已經香噴噴，食落去炸得好脆好香口，佢唔會話好多炸粉，薄薄脆脆帶上少少辣味，小食必推

每次黎都忍唔住食酸菜魚, 今次終於試左新野, 而且都一樣咁好味!!! 唔試唔知哩度個麻辣香鍋同埋片皮鴨都係咁高質! 有得揀先至係老闆。麻辣香鍋($279) 好中意佢比我揀少油同少辣, 另外你中意多麻少麻又得, 實可以岩自己口味。上枱大大盤香氣十足, 賣相非常之咁吸引~ 配料揀左豬扒, 嫩牛肉, 豬手, 蓮藕片, 炸豆皮共五款, 每款都唔留手大大件! 豬扒同牛肉都厚身唔柴皮, 豬手腍得黎Q彈, 蓮藕片都係我好中意食既因為好爽口! 豆皮索到入哂味, 哩鍋野必定要配白飯呀,  超惹味輕鬆撈兩碗!北京烤鴨（半隻）($188)好似有新野?! 之前唔覺有烤鴨食, 見到即叫半隻試下, 質素唔輸蝕過出面既酒家/烤鴨店!  醬料齊備, 片皮鴨半隻份量好足, 唔會好似有D地方咁比得勁少皮~~ 鴨皮薄脆一咬落去有咔嚓一聲鴨油溢出, 非常之香! 另外剩餘既鴨架店家仲會拎去炒, 咸咸香香, 如果送酒慢慢啃係一流。食完咁多油膩野飲哩杯茉莉香橙 ($38)解膩一流, 酸酸地微甜好清新。

內地人氣元祖酸菜魚終於游到黎香港啦。得兩個人食，簡左人氣招牌嘅酸菜魚。本身驚唔夠飽，諗住加菜，好彩冇加到。味道同係內地食嘅差唔多，辣味好易入口而且唔會一味夠麻。花椒份量岩岩好，而桂花魚都好滑。酸菜洗得好乾淨，冇沙，酸味岩岩好。酸酸辣辣，配埋飯食就岩岩好等緊上菜期間都可以係到打下卡，影下靚相。一身Tiffany Blue,點唔可以打下卡呢最後都食唔曬，打包拎左返屋企食。兩個人食嘅話記得唔好加咁多送，陣問做大嘥鬼啊。

姚姚酸菜魚係尖沙咀同銅鑼灣都有分店，好鍾意佢個Tiffany Blue主色，襯埋魚仔公仔，令到食酸菜魚成件事感覺young左同好潮！😆🥢🌶🐟姚姚酸菜魚拼宮保田雞黎到無理由唔食酸菜魚既‼️🤩揀左中辣，不過其實都唔係好辣架咋，辣度大家可以放心d叫。用既係有認證嘅魚，保證源頭日日新鮮。咁食落去都真係感覺到個魚新鮮既！魚味濃，又入味。仲有用水東芥菜做嘅水東新酸菜。成個鍋下面一路熱住，一邊食一路滴汗，勁過焗桑拿😆貪心試多樣所以雙併左個宮保田雞。宮保田雞帶少少甜味，um，有啲港式小菜嘅感覺，下次專心食酸菜魚。🥢🌶麻辣香鍋 (麻辣鍋底)要揀至少5種，我地揀左牛百葉,重慶酥肉,脆皮肥腸,四季豆,寬薯粉條一上台見到超級豐富大盤！下面會有火一路熱住。個咀越食越麻，麻辣控啱晒！通常賣辣嘢食嘅餐廳，好多時都冇跟茶/水，所以特別要讚下，呢度有免費蜜桃烏龍茶供應，個茶本身都好飲

呢間海港城酸菜魚成日都要等位，因為餐廳唔算好大，朋友一早就book定位所以準時入座，不過見到門口都冇人等位🤭藤椒無骨鳳爪$68呢個個汁唔係咁鐘意，好似豉油汁咁，麻麻地！椒麻皮蛋$68，呢個好食，做到溏心👍👍推薦涼拌萵筍絲$58，爽脆口感好👍清清地！幹煸四季豆$88，同朋友都覺得呢個好好食，不過就咁食肉碎就有d咸。姚姚酸菜魚拼邂風塘大蝦$308呢個幾特別，酸菜魚味道比較酸，大蝦唔算好多大約8隻。姚姚水煮魚$326（小辣），水煮魚睇落好似好辣不過放心小辣唔會太辣，但比較上黎覺得酸菜魚好食d🤣🤣紅糖糯米玆粑$68，呢個超好食🤤熱辣辣軟淋淋，好食到叫左兩碟。

某日喺海港城見到「姚姚酸菜魚」有個神仙組合（佢自己講㗎，唔係我作㗎😅）其實就係酸菜魚拼北京烤鴨。北京烤鴨 - 普通，鴨本身唔夠香，同埋幾肥，皮有啲脆有唔脆，不過以上呢啲都可以接受，最大問題係個醬，完全顛覆咗我食北京填鴨嗰個醬，佢哋偏鹹，完全唔啱我口味。姚姚酸菜魚 - 夠酸夠麻，不錯。黃金脆炸小酥肉 - 我今次第二次嚟食姚姚酸菜魚，兩次都有叫呢個小食，我幾鍾意食。彩虹烏龍冰粉 - 呢個淨係望就已經知道好多材料，不過夾唔夾就見仁見智。我覺得越食越亂，好複雜😅勁多唔同味道，但係就一堆嘢放入口😂。

位於尖沙咀的川菜餐廳。首次接觸酸菜魚就是在深圳，當時已吃過這間，由於門面為Tiffany Blue主色，格局一點也不像川菜餐廳，印象頗深。以前剛在香港開設分店時已吃過一次，得知現時酸菜魚辣度全面升級，嗜辣的我便決定再去二訪了。⋆_____ᴛᴏᴛᴀʟ ᴏʀᴅᴇʀ______⋆▫ 姚姚酸菜魚 (2人份) $288▫ 自選麻辣香鍋 $283▫ 爆打青瓜檸檬茶 $38 ___⋆ ⋆ ___ ✿ 姚姚酸菜魚 (2人份) 酸菜魚用陶瓷盤上菜，盤底有個小燭台，確保魚肉能保持溫度；湯底加入大量酸菜及藤椒粒，酸中帶辣，濃醇鹹酸；魚片方面，魚肉嫩滑無骨，鮮嫩不腥，一口湯配一口飯，酸辣可口，十分惹味！.✿  麻辣香鍋 我每次吃酸菜魚的習慣都必定要加配一個香鍋，集齊鹹、辣、麻、香、酸於一餐，大滿足呢! 這間的香鍋可以自選配料，我選了牛舌、雞翼、嫩牛肉、魷魚鬚及寬粉。麻辣香鍋大大一盤，鮮香麻辣，辣而不燥；雞翼及牛舌更是吸收香鍋的精綷，爽嫩彈牙，香口惹味。.✿ 爆打青瓜檸檬茶青瓜檸檬茶口感清脆甘凉，搭配香氣濃郁的香水檸檬茶，清新解辣。

🌶姚姚酸菜魚🐟姚姚酸菜魚係一道好特別嘅菜式。魚肉好鮮嫩，入口即化，加埋酸菜嘅酸味，味道好搭。魚肉嘅質地好滑嫩，酸菜嘅脆口又帶返啲味，食落好爽口。湯汁酸酸地，令整道菜更加開胃。🍅番茄魚🐟番茄魚係一道鮮美嘅菜式。魚肉嫩滑，番茄嘅酸甜味同魚肉嘅鮮香相互融合得好好。番茄醬汁可以充分滲透入魚肉，增加咗味道嘅層次感。魚肉質地腍滑，番茄嘅果肉爽脆，食落好有嚼勁。🦆北京烤鴨（半隻）北京烤鴨係一道經典嘅菜式，味道真係冇得輸。鴨皮烤得香脆，入口即化，好多層次嘅口感。鴨肉鮮嫩多汁，肉質韌度啱啱好，帶有淡淡嘅炭燒香味。配上脆脆嘅蔬菜同醬料，食落更加美味。孜然椒鹽鴨架孜然椒鹽鴨架係一道香辣嘅菜式。鴨架肉質嫩滑，滲透咗椒鹽同孜然嘅香辣味道。肉質彈牙，帶有微辣同微鹹嘅風味，令人上癮。鴨架外脆內嫩，配上孜然同椒鹽嘅調味，味道更加豐富。藤椒無骨鳳爪🐥藤椒無骨鳳爪係一道辣味十足嘅菜式。鳳爪肉質鮮嫩，入口即化，配上藤椒嘅辣味，味道真係鮮香。鳳爪嘅質地腍滑，辣椒粒帶嚼勁，味道辣辣地，好適合辣味愛好者。

朋友介紹嚟呢間酸菜魚我哋三人叫咗一個雙拼一面酸菜魚一邊蕃茄魚 份量充足 魚肉 厚切 窩底 用蠟燭 加熱 保持酸菜魚嘅溫度 但不會過熱所以整體環境舒適唔會有 火鍋店的感覺 蕃茄魚本身唔辣所以唔食辣嘅朋友也可以 試試 飯後還叫了炸鮮奶有驚喜 外脆內軟 值得推介

是日同個好鍾意食酸辣嘅朋友食飯🤭Be好識做咁訂咗位同佢食酸菜魚🐟我哋喺海港城行完街直接就喺商場開餐啦🥢地利位置無得彈👍🏻環境佈置都好有時代感👍🏻用QRcode柯打咗佢嘅心水菜式之後…店員話🍅姚姚蕃茄魚🍅蕃嚟喇！朋友話下次要試埋至得喎🤭🤭. ✨姚姚酸菜魚 $288當然要叫呢款招牌菜式🙌🏻不過Be唔係食得好辣🙊所以朋友免為其難叫咗小辣🌶️二人份量嚟到個盤大到有少少嚇親🤩🤩盤底仲好細心咁以火溫熱住！唔怕食食吓凍咗！湯底香料十足👍🏻一次過品嚐哂『酸、辣、麻』於舌尖係幾過癮！另外鮮味魚片非常柔軟嫩滑😋. ✨麻辣香鍋 $259麻辣鍋底自選配搭唔同價錢嘅食材(最少選五款)🤝🏻嗜辣嘅朋友話要食埋麻辣系列至夠喉😝香鍋配菜叫咗✨嫩牛肉、✨雞翼、✨土豆、✨四季豆、✨寬薯粉條！！又麻又辣非常惹味呢！！.✨加一服務費

姚姚酸菜魚的 招牌酸菜魚 選用肉質鮮嫩且少刺的新鮮鱸魚，湯底經過長時間熬制，濃郁鮮美，無論是配合鱸魚片或是香脆的酸菜皆非常適合。適量的麻香與辣勁，滿足對辣的渴求，又不會蓋過其他風味，豐富且平衡。YAOYAO’s signature Chinese sauerkraut fish is a rich and balanced dish, featuring fresh seabass slices and pickled veggies in a rich and flavorful broth, which got the appropriate amount of numb and spice.

之前同朋友一起黎食過，今次再帶屋企人黎試試，酸菜魚表現依舊出色，呢排仲推出咗唔同既套餐，可以搭配埋北京烤鴨、番茄酸菜魚等唔同菜式，多咗唔少選擇，絕對值得一試！！  姚姚酸菜魚拼北京烤鴨（$338）🐟🦆酸菜魚方面，餐廳提供咗更加多選擇度，包括可以自選麻度、酸度、辣度等，更貼合個人口味。魚肉肉質依舊非常嫩滑，入口即化，酸菜都醃得非常入味，令到成個湯底都更加有味道！ 🤤烤鴨熱辣辣上臺，鴨皮烤到金黃酥脆，油香四溢。搭配埋餅皮、醬料、配料，一口食晒簡直係perfect match！ 🤩 寬薯粉條&金針菇（$38/each）🍠粉條同埋金菇都可以加落係酸菜魚度，粉條口感Q彈，金菇吸收埋魚湯之後層次都上升咗唔少，推薦食魚一定要加！ 😝 四川回鍋肉（$88）🐷回鍋肉份量好足夠，香得黎都非常惹味，五花肉既肉質唔錯，啱晒配飯食！🤪 

今日又約朋友食酸菜魚，到了尖沙咀姚姚酸菜魚，點了麻辣香鍋、酸菜魚、上湯菜芯、烏龍冰粉、麻醬雞絲粉皮、爆打青瓜檸檬茶及新鮮水果烏龍茶。自助下單很方便，座位也舒適。前菜醃蘿蔔薄片為好味，麻醬雞絲粉皮醬香濃，有青瓜絲口感更佳，整體好味。麻辣香鍋我們點了脆皮肥腸，整鍋好多料，有蓮藕片、花菜、土豆、炸豆皮等等，香辣惹味，我們更自選少油少辣，拌飯很好吃！酸菜魚的新酸菜特別香脆好味，魚片啖啖肉而且嫩滑，很不錯。上湯菜芯十分好味，菜芯淋甜，上湯香濃，還加上皮蛋粒，整體更豐富！紅豆烏龍冰粉多重口感，唔太甜，有紅豆、提子乾、nuts、食完感覺滿足！兩杯特飲透心涼，爆打青瓜檸檬茶新出必試！

今年酸菜魚喺香港簡直係一股熱浪，今次嚟到尖沙咀嘅瑤瑤酸菜魚，可以話係近期內食過最好食的🤩而家仲有酸菜魚片皮鴨套餐非常抵食。😋😋姚姚酸菜魚酸菜魚辣度全面升級，辣度可以自己調整。魚肉非常嫩滑，入口即化。酸菜醃製得恰到好處，帶有酸酸嘅味道同微微嘅辣味，令味道更加豐富。配上鮮亮嘅蔬菜，口感爽脆，帶嚟一種鮮美嘅口味平衡。🐟🐟🐟宮保田雞田雞肉鮮嫩多汁，加埋宮保醬汁，帶嚟一種麻辣嘅風味。宮保醬汁有微微嘅甜辣味道，同埋花生同辣椒一齊炒，令味道更加香口。食落去既麻麻辣辣又帶有微微嘅甜味🍚🍚北京烤鴨鴨皮烤得金黃酥脆，入口即化。鴨肉肥瘦適中，肉質鮮嫩多汁。鴨皮同埋鴨肉一齊食，口感層次分明。配上薄薄嘅餅皮同醬料，一口咬落去，鴨肉嘅香氣同醬料嘅酸甜味道完美結合。🐔孜然椒鹽鴨架。鴨架經過烘烤後變得酥脆，鴨肉嘅味道都保持得非常鮮美。孜然同椒鹽調味，帶嚟一種香辣嘅滋味😋😋鉢缽什錦有好多種不同嘅食材，有蔬菜、有肉類。每樣食材都有獨特嘅口感同味道，配上豐富嘅醬汁，味道層次豐富。蔬菜爽脆，肉類鮮嫩，海鮮鮮甜，令整個菜式非常豐富多樣。🥘🥘而且姚姚蕃茄魚蕃嚟喇，下次都想一試🤩