姊妹美食

營業中

休息中

在太安樓一個轉角位，一邊賣炸的食物，另一邊賣一碗碗的碗仔翅，魚肉湯的食物。以前是兩兄弟做生意，現在都慢慢轉手到妻子，味道有點不如前。.生菜魚肉($20)分數: (8/10)足料生菜及魚肉。魚肉彈牙，有點結實，不會咬到有碎骨。最後落的辣菜舖，麻油，胡椒粉，為這生菜魚肉生色不少，很好吃。.炸鵪鶉蛋 ($10/11粒)分數: (7.5/10)把小小粒的鵪鶉落大炸煱，炸至表面脆脆的。咬下去內部熱得很但好吃，表面會灑點椒鹽調味。

太安樓裡還有其他店賣碗仔翅，但我的第一名一定是姊妹美食，雖然已經吃了很多次，但還是覺得超好吃的。對於經常吃的我，發現了阿姨加的麻油，胡椒粉，醋的份量都比較多，如果是叔叔加的話會少很多，一定要說多胡椒粉，醋，因為多一點會更好吃！

🍯 蜜糖炸燒賣 HK$27/3串姊妹美食出名食炸嘢，我特別鍾意食炸燒賣，即叫即炸好脆，加上椒鹽粉同埋蜜糖，好幸福嘅味道 💕 雖然比起普通嘅燒賣貴，但每次都忍唔住買.🥣 生菜魚肉碗仔翅 (大) HK$24魚肉都算多成三分一碗，再加上佢嘅酸菜脯，食起黎就更加開胃。呢個就相對抵食，食完加個燒賣或者魚蛋又可以當一餐。

太安樓呢個名我細細個就聽過啦！趁住今日係最後一日既港鐵半價優惠，就專誠去太安樓見下世面啦啦一去到個陣其實有少少失望，因為好多舖頭都冇開（可能紅日既關係），行行下見到有魚肉翅咁就試下啦！間野就叫姊妹美食，舖頭的而且確係由兩位靚靚姊妹花揸fit，真係非常貼切既舖名呀！好！講番個魚肉翅先，魚肉翅最緊要係咩呀？冇錯就係d魚肉！佢地d魚肉冇混鯪魚入去，岩哂唔好鯪魚既我呀D翅味亦都十足十食緊魚翅咁，絕對值得一試再試

隨著時代既變遷，各款世界各乎既美食通行，傳統掃街既小食越來越買少見少了。即使o係旺角街頭亦難以食到正宗有魚肉味既「生菜魚肉湯」、「碗仔翅」，真心唔希望呢啲香港既傳統街頭美食消失。幸好西灣河太安樓既地下仲可以食得到正宗有魚肉味既「生菜魚肉湯」，配埋有老闆自家調製既香辣菜甫(必加)，真係大快人心，好多年都無食過咁有回憶既「生菜魚肉湯」，佢既魚肉不但爽口彈牙、而且魚肉味濃，好多地方都唔會再食得到，唔會食到一舊舊麵粉咁，真心有誠意。另外，佢既「碗仔翅」亦係必試既小食，呢款平民魚翅真係愈賣愈貴，但要食到足料既亦買少見少，有時候在外吃到偷工減料既碗仔翅，實在令人氣餒。呢度可以食得到香氣濃郁既鮮冬菇、爽脆口感既木耳、加上湯底味濃，湯汁晶瑩剔透仲好食過真既魚翅，所以我都唔鼓勵大家食真既魚翅喇，食「碗仔翅」既口感其實都係一樣唧。如果大家有時間/有朋友黎自海外到港，真心推介呢度既美食，包你食到上晒癮，間中都要番黎义义電架。

行入太安樓必定看見的小食店，位於中間當眼位置，一眼望去眼花潦亂，因為好多炸物小食，除魷魚鬚，炸肶丶大炸大腸同煎釀三寶外，竟然有炸蝦、炸蟹鉗同炸魚手指，實在有夠多樣化，最後我係比個薯餅吸咗過去，因為太單調，又叫咗9件煎釀三寶嚟食，有豆腐、青椒，魚旦、尖椒同炸雲吞，叫咗佢會幫你返炸返D食物，到手熱辣辣，落醬就自肋形式，都好多款揀，但無茄汁，由於太心急，忘記咗影D食物，都唔算大件。但返炸除咗熱外，其實好多都炸過龍同淋咗，而且好油下，應該無下次

我以前係東區街坊，工作上學都係附近，太安樓就是我放工後醫肚宵夜好地方。姊妹美食以前由一名亞姐經營，今日見到是男人工作，是亞姐放假嗎？ 我成日去買炸薯餅、炸薯條、炸牛丸、煙肉包腸仔、炸大腸等等，係店鋪前等一陣，成身就染上油煙味。問題是。。大家從來都唔會介意，我地仲好鍾意食添！泰式皮蛋$16由從前$10已加至$16，味道依舊，厚厚墨魚膠包住皮蛋落油炸，炸起後我偏不愛添泰式辣醬，就是喜歡灑滿椒鹽，既熱氣，又好味！店內愈夜愈往，歷久不衰，它不是特別美味，但我們就是喜歡它的不變。

自小時候我已沉迷各式街頭小吃，由甜的砵仔糕，到咸的燒賣魚蛋，全都是我杯茶，但媽媽對我杯茶的態度則全然相反。每次與媽媽經過太安樓，她都希望以九秒九步出大廈，迫不得已要途經各個小食檔時，她又有源源不絕的理由對它們大肆批評。對對對，它們不大衛生，它們用萬萬萬年油，它們沒營養，這些我都清楚明白，但我就是愛啊！是日沒有媽媽在旁，在小食檔要了三串炸物：牛丸、雞塊及墨丸，看在熱騰騰的蒸氣從牛油紙袋內昇起，細意品嚐這用萬年油製作又沒有營養，卻滿有滋味的情懷。

唔知近年係咪真係物價上升得太高份量越黎越少，以前＄5好大份，宜家＄8/＄9少左1/3咁七味粉真係超級好食，自己點樣調教都唔係呢隻味薯條超級香脆，又唔會話食到成手油次次行到過黎係必嗌！！！講真d薯條自己去買包＄20唔使，份量同宜家係度買6份有多如果唔係為左d七味粉我喃價格再咁上去，真係食唔起啦

放工後，突然想吃炸物，去了太安樓搵食。光顧了多年的「姊妹美食」，似乎轉了老闆。熟悉的阿姐不見了，「萬年油鑊」也不見了，換上了兩個電炸爐，食物也井然有序地放在阿膠力製的櫃內，感覺較為衛生。沒有光顧了一段日子，食物價格，明顯上漲了！煎釀多寶$16/7件，要了炸雲吞皮兩件、炸菜肉餃一件、蟹柳一件、茄子釀魚肉一件、紅腸釀魚肉一件，以及炸豆腐一件。最好吃的，乃酥脆香口的炸雲吞皮和菜香味濃的炸菜肉餃；蟹柳和豆腐一般般；釀魚肉入口似膠質，毫無魚味，且難以咀嚼。

姊妹美食@太安樓去太安樓掃街感受香港街頭文化美食，魚蛋，燒賣，車仔麵，腸仔，雞脾，咩都有。姊妹美食又好多唔同既野食，你想要炸又得，恰又得，最緊要你有錢。炸燒賣(5.5/10)$9又係即叫即炸，炸到外脆內軟，加埋椒鹽，好正。企係到篤特別有風味。

是甘的，以前同個friend成日都好中意食呢間野。最中意佢嘅炸野食，例如魷魚啦@um春單等等啦。以前個皮炸得好脆，再加上d7味粉可以話係我最中意嘅小食。以前打完機一定行過去食。跟住翻完英國放假翻泥食簡直失望到一個點。皮一d都5脆，味道就自然唔得，7味粉又落得吾夠平均，已經吾係吾好食，係好難食。之後試新野炸皮蛋，味道差，皮又吾好食。最慘係食完要即刻搵廁所，搞到我而家係吾會再食。離譜至餘，係無脾氣都有d嬲。吾5中意打劣評，但呢篇真係要打。水準下降到係想叫大家吾好去食👎👎

係附近住,,最好就係係附近買下野食~~就係哩間,,買左串魚旦黎食..平時都係經過,,覺得好香好多人等緊,,第一次行埋去買...串魚旦D醬汁幾好食呀..讚應該係自製GE,,又平又抵,,值得一試架..仲有煎釀3寶都OK呀下次會再去食!!!!因為夠近夠平又好咪..口痕想食野一流