妙法齋

營業中

休息中

荃灣妙法齋- Dinner 1. 炸蜜瓜鮮奶：炸粉靚，炸粉薄脆，由頭食到落尾冇停過，皆因食到尾都冇出油，姐姐介紹點砂糖食🤝🤝👏真係唔錯，一般我都好少食炸嘢，都keep住食，內裏蜜瓜奶熱辣辣，新鮮炸，重點係要多人訂而且要預訂，因為廚師要一早做準備蜜瓜奶，今次兩個一般冇得食🤝🤝🫶🏻因為隔離嗰台有訂蜜瓜奶，所以做多咗可以做多一份👍🏻👍🏻2. 啫啫雞煲：加辣版，惹味👏👏西芹，素肉,菇，素排骨，類似沙嗲嗰種辣，如果再辣啲更加好🙌🙌我朋友話多啲辣會清淡啲🫰🏻🫰🏻🫰🏻😹😹送2碗海帶綠豆沙糖水，少甜作結尾！Yummi 🤠🤠🤠total HK$198

1）$86 家鄉砵仔鵝：芋頭，素鵝，惹味，擺盤相當靚一件一件放好，好似真係原件鵝咁、唔會散修修🤤🤤👍芋頭墊底索晒啲汁，如果再濃啲會更好，送飯唔錯🎃2） $86 妙法蒸魚：魚像真度好高，有芫荽薑𢇁，有紅棗，同埋碎冬菇放喺側邊，90%似蒸魚。份量大（2-3人）#荃灣妙法齋#送綠豆沙糖水

新年支持妙法齋（荃灣店）🤣🤣🤣B餐$548蟹肉雞絲生翅：正常出品，多料！還可以🫶🏻咕嚕素雞球🤝🤝好食，酸酸甜甜，素球做法林林地，不是太多醬汁🙌🪷南乳羅漢上素：雲耳大大嚿，材料尚算新鮮乾燒伊麵：之前有師兄介紹過，乾燒伊麵都算幾有鑊氣，值得推介✌️✌️✌️🏖🏖🏖可以encore👀😍追加$158翡翠富貴福袋：第一新年意頭好好👍😆😆內有豆，內有咖喱齋，冬菇👍🫶🏻🪷口感豐富，有西蘭花金菇伴底，濕濕地。尚算開胃。五人份量$842 total 《精美甜品》.. 咋喳😍😍

今天去了 -妙法齋- 買了酸齋外賣，基於我和家人也喜歡就一起分享🥡🌱齋老味之中，只喜吃酸齋^_^ 它每一塊都大大的，咬下去有點豆味，口內再爆有其醬汁。調味上是相對重口味的，味道酸酸微甜甜。

新年媽咪話想食下齋，我地都同意，於是search下，發現有間舊式齋舖係附近。雖然comment好壞參半，有少少危，但諗住叫少少，唔好食就閃。6點半到，估唔到都滿晒，訂左枱都要坐門口。但因為人多，所以都放下戒心。胡椒豬肚湯唔錯既，好暖胃又香濃。豬肚好爽口，咸菜腐皮等等好足料。西檸鴨有啲失望，炸腐皮點西檸汁，又會咁既羅漢齋煲好味既，係油左啲，係出式既舊式齊菜粟米粥估佢唔到用什豆煮粥，唔知加左咩，但味道唔錯。

依個南乳汁係我暫時香港九龍新界識得最好最美味的💆‍♂️💆‍♂️💆‍♂️🥰🥰🥰之前食過5-6間店舖啲南乳汁都係太淡唔入味，掛唔到南乳汁…🤦‍♂️🤦‍♂️而且，好多老齋浦同埋茶餐廳都已經冇南乳粗依個餸選擇或者唔係咁夠味，可能本身少人叫….!荃灣妙法齋嘅南乳香味南乳汁濃度適中不鹹，上到汁，南乳烤鴨、素鴨同芋頭，再加南乳汁濃度一流，口感十足，素鴨有焗烤過、火候十足😎😎🙏🙏🙏難得遇到好嘅南乳汁，大家素友值得一試☺️☺️☺️可遇不可求，感恩今天遇到😜😜😜

呢間齋店喺荃灣好多年，今日都係第一次來，點選咗竹笙素鱸魚羹、焗禾蟲、一品煲、臘腸雞煲仔飯😋😋😋味道吾錯，所有野都熱辣辣，最值得一讚就係員工的服務態度，非常有禮貌👍👍👍一定會再黎，下次試吓d炸物先，期待

之前食過呢度嘅老婆餅覺得唔錯，就算擺雪櫃到第二日至烘返熱嚟食，依然皮酥餡軟，於是今日再買，點知今日食到嘅完全係另一樣嘢，皮同餡都好硬，仲隱約有陣餿味，疑似長時間室溫儲存後再翻焗嚟賣。

今日同男朋友食齋，呢間不得不承認係我食過最好味嘅齊食店。一入嚟已經見到好多街坊黎食，環境都好光猛。一坐低就叫左個甜酸齋併沙嗲螺，多到瀉😌沙嗲螺係我第一次食，好好味，有咬口，螺肉肥美且肉厚，好好味。個甜酸齋既醬汁又唔會好甜，剛剛好！之後叫左個扒腐球伊麵，又係好掂，清新感覺！而且份量好多。個價錢係比出面平啲，但性價比高！😙最後仲送埋好清甜既糖水，連糖水都做到好出色！😎下次打算帶埋屋企人黎食！

今日係有啲唔開心嘅嘢發生左。所以食齋。評論返啲齋菜先。1. 素飽片扒西蘭花: 素飽片爽口。食唔到菇味，好有口感。西蘭花唔會太淋。2. 咕嚕肉：正常。菠蘿係罐頭菠蘿。做得都幾似真嘅咕嚕肉。3.羅漢齋炒麵: 味道唔錯，係會油膩啲。4. 豬潤粥：粥夠綿，豬潤比較細散。好耐之前食，係大舊啲㗎。清清地！5.螺肉拼鴨腎: 螺肉好爽口，食緊蒟蒻咁！幾好趙。唔錯唔錯。鴨腎好夠味。6. 焗豬扒飯: 呢個差啲。同我之前係膳德福食既無得比。飯淡。豬扒唔似豬扒。雖然佢真係唔係豬扒。一pat pat 甘。溶左既泥。6樣嘢，4百幾蚊。都正常。P.S 好掛住膳德福啲齋菜！😭

初一中午嚟到荃灣諗起兒時已光顧的素食店，時間雖在早上11點，但店已高朋滿座，好不容易有2人坐位，雖然要搭枱但未影響要品嚐素食的興致。一行 2人點了一碟羅漢齋炆伊麵、咕嚕肉羅漢齋炆伊麵，汁拾到鮮味，麵質爽滑咕嚕肉~甜酸開胃，唔講以為真係用肉做每枱有碟小食炆花生，咸香入味，好好食

-平時返工食lunch多數都係趕頭趕命，一個鐘頭左右，要行出去、要等位、坐低叫嘢、再返office，總之就係趕頭趕命。 難得放假當然要輕輕鬆鬆啦。呢間老字號齋舖，係我由細食到大嘅。 因為有屋企人食長齋， 所以同佢一齊食飯嘅時候，就會揀有齋元素嘅餐廳。當然亦會有常去嘅呢間餐廳啦。好多人食齋第一時間會食齋鹵味， 其實我想講，如果望下menu，真係有好多特別 + 驚喜嘅選擇。唔一定次次都淨係食齋鹵味架。 齋乳豬 ： 外表望落好似一隻真嘅乳豬。生炒牛肉飯： 炒飯炒得好乾身，正！！鮑片扒時蔬： 食落有家嘅味道。芋頭魚： 平凡嘅芋頭魚，食落有驚喜，外脆內軟。齋雞扒時蔬：食落有家嘅味道。__________地址：荃灣背河街79號地舖

妹妹買回來，一如標題，螺肉應由蒟蒻造成，似螺肉，口感佳，多醬汁，頗美味！但對我來說味道偏淡，如點甜醬更美味，不過價錢偏貴，要$40一盒！其他齋鹵味也不便宜，眾款之中以齋鴨腎最入味，其他各款都是偏淡，因此建議只試螺肉和鴨腎！

今日初一我同我家人一齊黎呢間齋舖食齋，樓下爆滿要上樓上唔緊要，問題係我地4個人仲要我地搭檯，仲唔止搭一家人而係兩家人⋯食物唔好食，味道又超濃，勁多味精，食完要係咁飲水⋯叫一碟大既齋鹵味放既唔係傳統材料，相反對面叫一碟細既鹵味係傳統材料⋯點解細的係大既唔係⋯乜唔係應該一樣架咩？！炒烏冬都叫唔差，有鑊氣既，仲有無平時既餐牌可以叫，只係得一版可以揀⋯迫你食套餐⋯果d套餐又唔岩食，真係有幾垃圾就有幾垃圾，以後唔黎無下次

每次樓上個條阿叔，叫極都冇反應，唔知係咪近門口嗰台一定係熟客定係老闆親友，條阿叔好似淨係招呼嗰台客，每次去都只可以麻煩阿叔幫我地落單架咋，沖茶都係我叫咗九十幾次之後，為咗怕喝死，都係死死氣自己去沖好過，上菜用掉嘅，行親過嚟都黑口黑面，每次都食到一肚火，唔係我阿媽要去呢間嘢到食，真係俾錢我都唔會去